華苑潮州閣

5月13號星期二打去訂位翌日六點晚膳；接聽電話嘅服務員問聽晚係幾多號...都未講完佢話等等就換咗另一個服務員我就重複一次訂位。今次個服務員話“聽晚係唔係13號？” 我真係黑人問號然後我反問佢其實“聽晚”有幾難明白呢而且聽日係14號唔該你幫我訂14號六點。留咗人數留咗電話訂好位收線。14號當晚入座同朋友先傾一輪計未落單，侍應先生冇幾耐行埋嚟問你哋食乜嘢我哋話轉頭會嗌。然後佢話你哋而家好嗌喇喎因為七點半要還枱。反問佢訂枱時冇講有限時、拎枱時亦冇講有限時！侍應先生堅持七點半要還枱咁我哋唯有選擇離開。明白做生意想做兩輪...但係你講清楚我哋做消費者起碼有選擇！…查看更多

位置於Isquare斜對面，非常易搵方便。環境裝修超級靚，好中國風特色，而且餐廳圍繞住窗口嚟擺枱，感覺舒服開揚炸蝦棗蟹棗兩款都非常脆皮，蝦同蟹味道算濃，炸色睇到炸油唔係萬年油豬頭粽好得意，豬頭肉用滷水滷過再切碎做，口感偏硬實，外貌好似豬血糕一樣，肉質好似豬肉乾，餸酒係一流滷水三拼：鵝腸、鵝肝、鵝片鵝肝爽滑入味，冇內臟腥味。鵝片都入味，肉質唔柴。鵝腸爽脆石榴雞全綠色，好健康，中間一排西蘭花做裝飾。石榴雞外皮只用蛋白做，皮好薄，但係餡料雞肉粒過熟，唔感偏硬潮州獅蚶汁料好正好惹味，獅蚶量多新鮮，都算唔腥，不過食唔慣嘅朋友應該接受唔到😅南乳骨炸得靚，南乳味ok，肉質好軟潮式蠔洛呢度嘅蠔洛正宗唔係完全炸到脆晒，而係半煎炸，帶點台灣蠔洛果種軟糯，非常鍾意佢呢種做法，唔會成口油同粉潮式牛丸春菜煲牛丸爽彈有肉味，兼Juicy，春菜炆到淋晒，加埋湯底濃郁，好好味反沙芋有8件，糖皮脆，芋頭粉糖醋麵兩面皇，半煎炸完都唔太油，蛋味係幾好，加埋醋食好爽清心丸綠豆爽甜度可以再高啲，感覺太清淡，…查看更多

平時都有幫襯開呢間餐廳嘅午餐，大概$90 一個餐，有時一個星期去兩次。今次下晝1:30去到，全場都係吉枱。我拎住一大袋嘢同大褸，四眼男店員表示要同另一個客人搭枱。我平時次次都唔介意搭枱，因為始終人哋做生意，都想坐多啲客人，做多啲生意。但係因為今次拎住好多嘢，佢個位真係好迫，只係得一張凳，冇其他地方擺嘢。所以就冇食，今時今日咁嘅服務態度真係唔想再去幫襯。 如果真係好多人咁都冇辦，但係全場都係吉枱冇人坐，點解都唔可以將心比己體諒吓客人。佢哋係樓上鋪，主力都係做熟客生意，其實都唔應該咁樣趕客。仲要喺而家呢個時勢，午市套餐只係肯收現金，唔知咩原因呢。我以後lunch 要食潮洲野就會去隔離嗰棟樓嘅潮洲嘢算啦…查看更多

一家十口做節，訂了包房，環境舒適寧靜，家庭聚會可以暢所欲言， 唔怕嘈到其他客人。我們點了滷水拼盤，香煎蠔烙，蝦棗，椒鹽九肚魚，普寧豆腐，走地雞全隻，適逢端午節，部長推介潮州粽，叫左兩隻，全部都好好食！好似叫得太多熱氣嘢，最後送清心丸糖水，我地再叫兩份芋泥，好似甜左啲。整體食得好開心，服務一流，兩大長老和小孩都好滿意，下次再嚟，想試下生醃蝦。…查看更多

我哋星期六三個人去食晏，叫咗四碟嘢，食物尚可以，因為1145am 到人唔多，櫃檯附近職員傾計也很自由，我哋聽到有潮州話粗口評論職員安排大細枱問題，沒理會。食完埋單四百幾，因有一碟鵝肝炒飯屬午餐（$88），職員埋單話唔可以用信用卡，其實話俾我聽幾多錢嘅時候，連單也冇俾我睇，直接講出價錢，我要問可唔可以睇吓張單佢先俾我睇，如果4碟嘢其中之一係午餐，而呢個係唔俾用信用卡嘅原因或條件（即使你食得幾多錢），俾現金唔係有問題，但我覺得要預先同客人講。潮洲食館酒樓多的是，呢間幫襯幾次，今次體驗特別，沒有下次了。…查看更多