華耀冰室 (已結業)

今朝叫咗個早餐等咗成15分鐘，我睇住送錯隔離枱，點知個客夾咗隻蛋食，後尾伙計發現錯咗，張嗰碟早餐直接俾我，我同佢講你個客夾過，佢話同我換過碟點知唔洗10秒即到仲分成兩碟，係原本嗰碟個三樣嘢冇郁過只不過係換咗兩隻蛋就俾我食即時嬲到爆炸，啲衞生意識其差，以後都冇下次.…查看更多

其實工廠區茶記飯堂，我就無期待食質素嘅；但係工廠區最多係咩？係藍領同寫字樓人啊嘛。即係點？即係要快手快腳趕完lunch time、另外最好夠大份囉。好意思lunch time 4,5個伙記做都冧檔嘅，呢枱又話落漏單、個枱又話比錯嘢食；叫個魚香茄子飯等咗15分鐘都未有，我咪問下囉（當下絕無粗口+脾氣）。唔問「由字可」，一問「把幾火」，居然走埋嚟問我「你有無落單㗎」「你同邊個落㗎張單」。火都嚟，我指住枱面張47蚊嘅單「我自己落㗎？」嚟到個飯有5舊正常size嘅茄子，我個人覺得（代表唔到普世價值）應該要多啲先夠送飯。唔好期望有相睇，食完嬲到即走不可一，不可再，完。…查看更多

香港其實真係好多工廈餐廳都好有心做！平時都真係唔識去，多數都係朋友帶路。今晚我又非常好彩，仲要趕在6點無堂食前一晚食到。餐廳係工廈入面，走到最盡頭（第一次可能真係會行過龍）事緣朋友火炭附近住，佢幫襯開呢間華耀冰室，食物同價錢抵外，就係餐廳充滿人情味～員工事頭都好有善。本來其實打算食碟頭飯，竟然見到有一人前火鍋🍲仲要個價錢抵到喊…最平$59已經食到🥺🥺 配菜仲有生菜、金菇、冬菇、炸魚皮、南瓜、豆腐，再配米線/米粉/出前一丁。真係益街坊價！我同朋友各叫左自己喜歡既湯底，麻辣同沙嗲～朋友就簡左滑雞，我就簡左豚肉～當然最後share食😛 另外今日lucky地，送左一客醬爆牛丸我地食～呢個牛丸真係超好味。「特級豚肉」又係推薦，食落好滑，我地以為食緊魚，真係好想知啲豬肉係點整～ 雞件都幾多下。總之呢餐真係超滿足之餘，埋單時都真係總諗緊：真係咁平？離開時，店員都會講「下次再來，bye bye」。 終於明白點解我朋友話成日來幫襯呢間冰室。😋…查看更多

火炭好多工廠大廈，無意中發現有間冰室，格局似舊式茶記，電視仲播緊跑馬，配埋一份馬經就perfect🤣舊式茶記嘅特色係有鑊氣同平靚正68蚊已經有一個一人前火鍋/雞煲首先雞煲好夠辣，而且好夠黑椒同洋蔥，紫洋蔥仲好好咬口，雞亦都滑，呢個價錢算好值回票價沙嗲火鍋夠驚喜，係好似食緊沙嗲牛肉麵嘅湯底咁，好香！仲食到有粒粒花生🥜唔洗點鼓油都夠味道另外仲跟埋出前一丁同配菜，好夠飽老闆仲私人送左兩粒汕頭空運牛丸比我地試，超彈牙…查看更多

火炭工廠區多就係人都知，通常都係附近返工就會穿來穿去搵野食，咁岩就係樓下搵到呢間，就快食一個晚飯。特級豚肉鍋有別於一般的豚肉，肉感爽口彈牙，很有驚喜，未食只係望都已經流晒口水！特盛牛肉鍋一大碟牛肉，碌一碌就食得！好有牛肉味，juicy牛~以上任何一個鍋都可搭配六色拼盤：南瓜 + 唐生菜 + 冬菇 + 炸魚皮 + 豆腐 + 金菇再配米線/米粉/出前一丁 (3選1)湯底今次我就試左沙爹同麻辣，沙爹係「阿叉」味甜甜地個種，好濃，有別於平時出面食個種味道~麻辣亦都辣得過癮，如果怕好辣，就記住碌到咁上下就拎起晒D辣椒和椒粒啦！因為真係會越碌越辣！！！好入味！樓下仲會派發傳單，只要憑券就可以免費換領飲品一杯啦～…查看更多