影片
以上資料只供參考, 請與餐廳確認詳情
成日行街熱到個人都想蒸發，個腦第一時間諗起珍奶🥵不過，行到條街尾口乾舌燥之際，俾我撞到間老字號涼茶舖——**華神館涼茶**。無乜華麗裝修，但見到門口幾個街坊等緊涼茶，已經覺得有啲嘢。老闆話佢做咗**涼茶38年**，啲飲品全部都係自己煲、**無添加、無加工**，真材實料。佢話：「唔求賺大錢，但最緊要落得口嘅嘢，自己都會飲。」一句講晒👨🏻🍳我嗰日外賣咗三樣：🥄 **凍龜苓膏（$35）**：夠凍！滑溜唔苦，係微甘嗰種，啱晒我呢啲平時唔太敢食苦嘢嘅人。**仲發現：逢星期四、五，龜苓膏只賣$18！**超抵到震！🧴 **火蔴仁飲（細樽 $23）**：意外地易入口，無想像中咁涼得辛苦，味道香潤，飲完成個人清醒返晒～🥚 **茶葉蛋（$5）**：冇乜好解釋，純粹滷得好食，蛋香滲晒入去，行街途中小小滿足。其實我都唔係成日飲涼茶，但有時試下傳統口味，反而感覺實在。一杯涼茶、一碗龜苓膏，係熱到癲癲地嘅午後，一種唔急唔躁嘅休息方式。🧊 下次經過筲箕灣，唔好只諗住去掃街，可以考慮轉個彎，飲杯真材實料、用心煲出嚟嘅涼茶，對身體都好啲～
繼續閱讀
小妹近日有點熱氣去咗位於西灣河呢間中式涼茶店飲用，呢間有不同自製的花草茶，糖水及龜苓膏，種類不少👀店面環境適中，不少坐位😆五花茶五花茶絕對係家傳戶曉既涼茶，功效多多，清熱解毒、去濕、促進消化，適合春夏飲用，細細杯不錯😊野葛菜水店員即时匀出野葛菜水，温度和暖。呢杯咸中带甜，少少回甘味，飲落喉部好舒服，幾解喝，有别於其他款式凉茶😀野葛菜含豐富營養素，有抗菌、抗炎、減少自由基及緩解疲勞功效 😋綠豆沙綠豆沙份量合宜，煲至微微起沙，清甜解熱綠豆沙糖水😙綠豆滑嫩口感，再加上海帶，口感層次非常豐富，甜度適中，絕對清甜解渴、芳香醒脾，真材實料😎桃膠三寶桃膠有養顏美容，滋陰潤氣的作用；燉得好黏稠，好香甜，滿滿膠原😍食完可以提高飽腹感，以及清熱止渴、潤腸通便及緩解壓力😌整體價錢不貴，地點算便利，距離西灣河站5分鐘距離👍🏻
繼續閱讀
☺️ok 現實係涼茶鋪比糖水鋪更吸引🙈 唔可以唔認老🙈 我第一次幫襯嘅係龜苓膏，咁岩係星期五，有優惠$20都唔使，平時都要$35㗎，咁就叫碗試下佢唔係話好重嘅龜板味、藥材味，加埋佢嘅糖漿，都幾好味易入口㗎第二次就同朋友咁啱經過，叫左一杯白花蛇舌草一杯紅棗茶， 前者甜甜地，後者酸酸地，兩杯都好味老闆娘都幾風趣，亦都記得比較生面口嘅我😂
繼續閱讀