華星冰室 (克街) (克街)

營業中

休息中

今日食左個速食午餐，去左華星冰室度食，點左個非常簡單噶常餐，叉燒通粉加個西多士，再加多個火腿炒蛋，炒蛋一如既往甘好食，好滑炒得好靚，搭配埋滴火腿，好味！叉燒通粉滴叉燒偏瘦，我就好中意食哩種叉燒，加多個西多士，夠曬飽肚！

華星一直喺香港嘅明星冰室，除咗真係多明星光顧之外，亦係遊客嚟香港數一數二嘅必去餐廳。口碑之好，相信大部份人都心郁郁想試下，當然我亦唔例外。一拎起餐牌，就被老外早餐呢個名吸引到，我都諗咗一諗，先醒起原來係講緊老外最愛食嘅All Day Breakfast😂有薯餅、粟米、炒滑蛋、焗茄汁豆、煙肉同多士，份量好多，滑蛋炒得又香又滑，多士好厚，亦烤得好香脆。至於飲品當然係揀佢最出名嘅奶茶 (凍飲加兩蚊)，果然名不虛傳，香濃細滑😋之前聽朋友講過佢嘅典故，留下深刻印象。話說點解佢要叫校長多士呢？原來唔係因為譚校長鍾意食，係因為佢嘅價錢好似譚校長一樣，年年廿五🤗真係估佢唔到！厚厚嘅多士配上香濃嘅黑松露同芝士，估唔到兩者唔單止冇互搶風頭，反而融洽配合，而且上枱嘅時候仲熱辣辣，咬一口，芝士能夠做到拉絲嘅效果，香氣充斥住成個口腔，令人覺得好滿足♥️

好可惜唔係太聞到黑松露嘅香味，我想強調，唔一定好貴嘅松露先有松露味嫁。去過其他非連鎖式經營嘅冰室，人地啲黑松露炒蛋都可以好香好入味。華星出品嘅，明顯只係靠明星效應，食物本身感覺只係牛油炒蛋，少膩，當然有咁多蛋係滿足嘅但以一份蛋治黎講$54就嫌略貴性價比低，所以黑松露好值得換其他牌子

有好多人都係一早要靠杯奶茶醒一醒神！嚟度既奶茶茶味好夠！good！今次食老外早餐，坐我隔離既老外都係食佢！有煙肉、炒蛋、粟米、茄汁豆、多士、薯餅，48蚊算係咁啦！

講真呢間野呢呀，係好多鬼港式茶餐廳。個餐牌，唔係複雜，全部都係港式食品。但係我想講佢，要將最簡單嘅嘢轉化到最高級，例如：佢用嘅雞蛋係好有蛋味，嗰個叉燒意粉，叉燒肥瘦適中，意粉亦都彈牙，嗰啲事又好鬼有性格。講真我去開，克街好多時候都幫襯佢。嗰個奶茶係黑白奶，飲落係正宗粗幼茶+4號茶+西冷茶的配方。香滑適中。好可惜今次去飲，師傅可能唔知道個茶都穿咗，因為私密奶茶絲襪好易穿，我都冇投訴，冇所謂啦下次留意番！

慕名来到明星店，地理位置不好找，但门面装修比较有辨识度。餐单只有2面，以主要以面为主，我点的是意面常食套餐，配以热咖啡和煎蛋。意面入口比较硬，但咀嚼后易化。煎蛋很棒，火腿也不错。

灣仔lunch 之選，當然是華星冰室。雖然每逢午市時段都有可能等位，但華星翻枱速度很高，排隊也不會排太久。最多人叫的是常餐，常餐同早餐吃的東西是一模一樣的，只是價錢的分別。通常叫常餐，待應都會問你三個問題。1) 炒蛋定煎蛋2) 通粉定意粉3) 飲咩華星炒蛋很滑很香，而且配多士，多士有不少牛油，令多士更香口。叉燒通粉不過不失，通粉不會煮得太淋。去到冰室當然要order 凍奶茶。 華星奶茶奶味及茶味重，老師傅沖得很好喝，必叫。

📍華星冰室（灣仔）華星受到很多明星的青睞，店內的牆上滿滿都是明星光臨的照片，有時候可能會遇到明星，但係我食左幾次沒有遇過🙈每次食我都是點常餐 餐飲必定就是奶茶，它的奶茶很滑，茶味濃。不過真的很多人排隊，所以店員哥哥都好趕落單😂最喜愛的奶茶🥰🥰🥰

今日來到灣仔附近，終於可以食到我最愛嘅華星冰室，我叫了一份外賣，常餐包括了很多食物，客人可以選擇炒蛋或者煎蛋，叉燒/牛肉/火腿湯意粉，最後還附送飲品！我點了一份火腿湯意粉，原來本身炒蛋已經跟火腿，所以變左有兩份火腿，早知叫叉燒湯意粉。外賣盒原來會分埋湯，太細心，唔會令到意粉索曬湯水而發漲...

上餐好快，叫左炒蛋多士同冻奶茶！炒蛋够滑，多士够香，奶茶甜左d！正，推荐！服务都几好，非常推荐，值得经常去的好地方。食个早餐，睇下IG，听下音乐，美好一天的开始。

兩三年時間沒有吃過華星，還記得當初Menu 都只是停留在只有常餐的階段，現在的華星已經變得更多元化，連埋單紙也變得現代化，不會像以前只靠侍應寫個總金額便完事。這次晚上九點半才進餐，華星仍然全店滿座，果然是屬於香港人的華星！由於熟路的關係很快就點菜了，加上餐廳還播放住90/00年代的hit歌，心情變得非常好。【番茄雙拼燴意粉(叉燒/雞扒) $65】友人也是選擇了雙拼，看到叉燒加雞扒這個組合的份量也是頗多的！【番茄雙拼燴意粉(叉燒/雞蛋) $65】以前是雞蛋餅的樣子，現在就是雞蛋而已，也許是根據不同師傅而定吧，這樣就做不到番茄炒蛋的感覺。

常餐，其實係all day breakfast一種，有時中午不知食什麼好，飯又太飽，常餐有麵包又有炒蛋，正好補番早餐時間太趕，補番數。華星基本上都是常餐為主啦，常餐只有幾個combination1 炒蛋定煎蛋2 叉燒定牛肉意粉3飲咩!咁我就叫左最大路的，炒蛋，叉燒意粉。奶茶炒蛋又真係幾滑既，多士真係好香，雖然人多，但沒有求其整個麵包出黎就算，有比心機既。炒蛋配多士，真是無敵。另外，意粉就比較硬了。意粉太冧當然唔好，但我覺得有D太硬，浸耐D湯都係一樣。都算OK，不太貴。

最後一天中午我和2位同學用導航找到了華星冰室，顧客很多，食物很好吃，還有很多明星海報，加格合適。菜單很全，校長多士的糊味十分特別，阿華田也很好喝，服務也好，十分滿意。

呢日去開灣仔經過間華星冰室見幾闊落就走咗入去食我仲望梗其他客人食咩 個伙記就走咗埋黎介紹 🤣🌀蔥油雞髀紅腸飯 ➕ 茶走 ☕️ $6️⃣5️⃣隻雞髀🍗好大隻 炸到個雞皮啱啱好 脆卜卜 雞髀上面灑上滿滿嘅蔥油 蔥油香味「撲鼻而來」聞到都想食（減肥又要留返下次）撈埋啲飯食一流 茶走嘅茶膽又香又濃 加咗煉奶甜度啱啱好 （仲餵梗人奶唔敢飲咁多🤭）🌀咖喱雞扒飯 ➕ 熱好立克 $6️⃣5️⃣咖喱少少辣 塊雞扒炸過塊皮又係脆卜卜 切好曬一舊舊好方便入口 最正嘅係佢嘅薯仔 煮得夠lum 兩碟飯都好大碟 呢個價錢仲包杯飲品勁抵食 😋✅食物質素✅餐廳環境✅服務態度✅上菜速度

因為琴晚同老公去左灣仔食晚飯隨便揀左華星冰室坐低 華星冰室無好高檔嘅裝潢 主要走平民茶餐廳路線，牆上貼滿明星海報 播住廣東歌，好鍾意呢種冰室情懷 冰室入面都係圓枱同卡位 可能我地早，我地2個人都可以坐卡位 一坐低侍應就介紹新出嘅晚餐系列 一份晚餐包一杯飲品😊($65) 我叫左碟勁邪惡嘅飯🙈🙈🙈 . 🥘咖喱牛肉飯🥘係我一向都中意食嘅飯😜咖哩香而不辣 牛肉都好嫩滑😋薯仔都好入味~ 好味係好味~但係都唔及另一個飯咁驚喜🤩🤩🤩. 🍗蔥油雞脾紅腸飯🍗係待應們力推嘅！果然好推介！ 重點黎喇!!!!超大隻!係超大隻嘅炸脾呀！ 超過半隻碟咁大! 唔單止塊皮好脆而入邊仲係好juicy😋😋😋 配埋充滿蒜香嘅蔥油😚😚😚 OMG! 成件事真係好邪惡☠ 食完真係超飽😜野飲都飲唔落=P 真心好推介去華星必食🍗蔥油雞脾紅腸飯🍗