華御結

營業中

休息中

華禦結做緊優惠， 每日都有一款飯糰特價賣十蚊， 平時買一個飯團都可能最少要十五六蚊， 今次減價幾抵， 每人限買兩個， 咁唔使驚一早畀人買曬， 今日係芥末章魚飯團， 之前都有食過， 華禦結嘅飯糰啲米飯係好食嘅， 但我覺得飯團裏面嘅餡好似越嚟越細嚿

店舖喺地鐵站裏面非常方便，買咗可以當早或午餐食，如果日間太忙，留到夜晚食仍然可以。雖然佢嘅份量唔多，但肚餓嘅時候係最方便及健康 DD 嘅食物，除咗有幾款基本口味之外，華御結每個月都有兩三個特別新款式推出。今期與同事試咗三個新口味 ⋯⋯餡料放在中間，要咬多一兩啖先食到一絲絲嘅牛舌，肉絲被蒜味香辣醬包裹著，味道有點濃，所以要一邊咬飯配合進食。呢個款式冇紫菜包裹，𥚃面係三文魚肉及海苔碎再配上 20%糙米，感覺非常健康 👍🏼👍🏼糙米有咬口可以好明顯咁食得到。有驚喜！ 好好味😋每一啖飯團都食到櫻花蝦喺裏面，淡淡嘅日本醬油味道，食完冇口乾感覺，因為好味所以幾啖就KO 哂 😊

次次番工前都要食一舊自己絕對係明太子and糖心蛋嘅粉絲明太子料多而且濕潤度啱啱好 其他飯團就略厭太乾 搞到連個飯都特別難入口而糖心蛋則做熟度啱啱好 其實工廠做到咁真係好難得 覺得係良心企業 只少次次食質素都唔係好參次

比起將軍澳站的華御結，這間到傍晚時份依然有較多款色，雖然飯糰料較少，但飯質感不錯，包裝衛生，店員服務非常親切，價錢方面部份款式較合理，很適合買後都附近單車公園野餐

早餐有時唔想食咁油膩就會選擇飯團，見坑口開左間華御結就去食下。之前都有食過下華御結，印象中係好多餡同好味嘅。今次就買左秋鮭三文魚🍣🍙，好似得一百六十幾卡路里🤓🤓🤓。塊膠設計幾好，加上塊紫菜唔林，唔會痴住個膠袋，一撕就順利開到，唔似平時成日食個啲咁，啲紫菜碎哂。好順利整左個飯團形狀🤓🤓🤓。飯質比爭鮮好食好多，不過餡料就有啲失望，比較少，上次我食第二款係比呢款多好多餡😭😭😭。 同埋呢個三文魚餡太咸啦。。。不過香港無奈無咩賣飯團出色嘅店，下次只好揀第二款。

接肥髀去將軍澳做面，去到坑口地鐵站，地鐵站內有點店舖，肥髀見到呢間飯糰店🍙又話想食（發育階段無計）粉紅色招牌搶眼，店面不大，層架放咗即食飯糰，每款飯糰牌上都有寫清楚卡路里，攞個籃揀好比錢，兩個女店員有禮，我話即食唔使袋，佢比我之後我在櫃檯攞埋紙巾，出店後在站內打開飯糰，芥末章魚（$16）包裝容易打開，紫菜脆卜卜，珍珠米飯鬆軟，入面章魚碎多，幾彈牙嫩口，加上青菜碎爽脆，醬汁微鹹，芥末味唔強，如果攻鼻少少會更正！流心濃香蛋黃（$16）肥髀食店員斯文有禮當點心食是不錯嘅選擇

下晝有啲餓又唔想食快餐既下午茶，行過華御結買個飯團醫肚。主要賣飯團為主，仲有d小菜同大福，不過價錢都唔平。燒鰻魚飯團$16--細細地一個，飽飽地但又想食啲野既時候最啱，寫明用日本米同卡路里，啱哂啲要減肥既女仔。味道都唔錯，鰻魚分量都ok唔會話得小小，要食幾啖先見到。

有很多不同味的食品，期中我最喜歡吞拿魚飯團，它那好吃的吞拿魚醬配上超多的香滑的飯是很delicious 的，有時我也不能形容那種美味，鰻魚飯團也吸引了我，我也會經常買很多回家吃即使一天內吃不完我也會分開幾天吃👍🏻👍🏻👍🏻。而且那裡也有出售大福，起初我以為是茶粿，所以買了一個回家吃，怎料是大福我被騙了但大福真的很好吃😋，所以我認為這次被騙也是值得的，而那些大福也有不同的味道，雖然我沒有問清楚是有那幾款味道，但每款也很好吃很值得一試。

坑口地鐵站間華御結都開左一段時間 呢排咁悶熱 食飯團做早餐就最啱喇有好多款飯團選擇 最正嘅係話埋比你聽食一個有幾多卡路里我驚食一個唔夠飽 最後買咗一個燒豚肉飯團 156kcal 加一個三文魚飯團142kcal兩個味道都唔錯 100%日本米係好味啲不過食兩個飯團都係好快肚餓 捱唔到去午餐