華嫂冰室 (杜智臺)

營業中

休息中

約左朋友食lunch, 由灣仔地鐵站行過黎，一路俾個太陽直射住，真係熱到出晒汗🥵 呢度出面有維修棚架擋住，唔行近睇真係見佢鋪頭唔到囉😅坐左係近門口處，當時未夠1點，所以仲未駛等位，跟手1點鐘開始就人流湧現，拎飛等位都大概要10min左右。出面熱到焗爐咁，鋪頭入面冷氣開到唔駛錢咁😅真係人肉冰火兩重天🥶🥵🥶🥵(個friend行出行入食煙都幾大落差😅)呢度冇套餐就緊架啦，但估唔到有飯食喎～仲係叉蛋飯之類，不過行完果段路，胃口都熱到冇晒😅所以我叫左包食。我要左熱檸茶同奶油多D餡醬夠重手，如果塊多士烘得再乾脆d會仲perfect朋友每次必點豬扒菠蘿包，佢話好正喎～另外男朋友就叫左芫茜牛肉米粉，一如既往，好正佢好like我都食左少少，真心足料，湯底好正呢度如果搭地鐵黎真係行得多兩頭唔到岸，會展站定灣仔站行都差唔多，咁我就會鐘意去尖沙咀果間多d地點易揾又勁近地鐵站口，仲要位置都比較疏落

回帶返到大約五年前, 觀塘華嫂開業, 當時門口已經拉哂龍, 日夜都有客排隊, 食客大部份似90後同00後, 以為什麼驚天動地美食, 睇睇份 menu 都係得小貓3~4隻選擇唔多, 感覺奇怪點解咁多人幫襯.今次終於有機會試吓佢有幾巴閉.望望份 Menu 仍然係無咩選擇, 就點個暗然銷魂飯吧.𠵱! 係 Menu 圖中見到暗然銷魂飯有蔥蓉喎, 當然多蔥啦!Menu 講明係厚切叉燒, 上枱嘅都係厚切, 實物與圖無出入.但係...... 叉燒有根喎, 最大問題係厚切, 變成厚根, 咬開有點難度喎! 令到口感不佳.叉燒味道淡咗少少, 我愛重味, 所以感覺唔夠甜, 再加上無燶邊, 叉燒又無點占上叉燒汁, 家燕姐會話..... out!太陽蛋嘅蛋黃汁流入白飯上, 係簡單之極嘅美食, 再加上味道帶甜嘅豉油汁, 好唔好味你睇家燕姐流哂眼淚個樣已知!最後主角係蔥蓉, 一個字, 正! 蔥粒青綠新鮮味道適中唔會過咸, 入口爽脆又有蔥油香, 簡直將舊叉燒比下去, 可以掉去餵野豬.俾滿分全因為蔥蓉咋！

我最鐘意食叉燒，要食半肥瘦，貪佢唔鞋又夠冧，黎到華嫂冰室就食到，面層有少少蜜汁加上有少少焦香，如果喜歡食太陽蛋，仲可以蛋汁撈飯，豉油唔太咸但足夠令成碗飯有味唔會只食白飯。

午餐冇嘢好揀！超難食😣一次就夠以為都唔去，諗住快食個午餐跟住返工，啲同事叫我去試吓….因為啲食物嚟得快，點知一食兩啖成碗放低飲完杯野即刻買單俾錢走！之後去第二度買嘢返公司食，簡直浪費我啲錢😭

最近就去咗食叉燒煎蛋飯，就覺得一般冇話特別出眾但係都還好。 叉燒方面就覺得有少少肥咗啲，肉質就不過不失☺️飯方面就覺得有一種油炒嘅時候過高溫嘅味道，呢個位有少少扣分🥲不過服務態度方面就覺得好抵讚,啲夥計好有禮貌, 雖然當時都幾多人，但係佢冇話特別好急。上餐嘅時候都會叫食客小心啲🤍都幾貼心！有一種覺得自己唔係食緊茶記嘅感覺😂基本上啲嘢食不過不失，服務態度方面就好好嘅。雖然本身見好多人排，但係安排都好好，用膠板將啲枱分隔，令到食客可以盡快入座！

透過戶戶送落自取訂單，order左雞翼肉眼筋煎蛋冬陰公米線，雞翼大隻滷得非常入味，冬陰公湯底亦很出色味道濃郁，整體食味水準唔錯，但取餐過程不順利，明明講左數次正確既取餐編號，服務人員反過來話我講錯編號，態度仲要十分惡劣質疑我，無論食物水準多好但如此服務態度實在令人大打折扣

必食既鮮油奶多-華嫂冰室Fb:下一站豬欄; IG@Pig7station小仙子同小🐷每次黎到華嫂冰室，必定會食既就係鮮油奶多🤤厚厚既多士夾住厚厚既牛油👍🏻真係Good morning😜仲點左沙嗲牛肉包，牛肉大大塊，生菜蕃茄都好足料㗎，麵包焗到脆脆地👍🏻好滿足呢度既奶茶都好出名架，茶味香濃又唔會苦，仲試左冰鎮奶茶，唔會比冰水影響到淡左味😌不過味道甜左D😗Lunch黎會好多人架，想食就早D拎飛啦😜

如題，我今日帶左華嫂返屋企吃由於大部分時間我已變嗌外賣所以最近真係好懶少左出去覓食.我今次就oder 左1. 煎鯪魚塊2. 經典菠蘿包 (有夾蛋+蕃茄+牛油）3. 餐蛋丁麵 + 蕃茄湯底.日日除左公司就返屋企point to point 既人生真係好腌悶偶然食下尼類邪惡餐個人係疫情下先感到平衡一d.首先講下個經典菠蘿bell 先因為包真係要熬辣辣食先開心所以第一時間ko 佢先！佢d 蛋煎到半熟再加正常厚度既蕃茄而牛油已經溶解左係菠蘿包內好rich 既口感同好好食.而個煎鯪魚塊份量都正路加上兩邊都有煎香比較有咬口同埋足料鯪魚肉唔錯～.最後就個餐蛋丁麵 茄底茄底酸甜酸甜好岩而家尼d 天氣開胃加上餐肉有一定厚度而隻煎蛋相當出色好味～～～～.要做到茶記然後保持一定水準都係有困難整體我係欣賞既

假日中午，工作關係叫外賣，距離係灣仔送到金鐘，等約35-40分鐘。-厚切叉燒煎蛋飯 $51有蛋、叉燒、一條菜心，份量正常。蛋大隻，煎得幾好，夠流心，蛋白多，蛋下有蔥，飯已淋豉油，豉唔濃，帶少少鹹味，可送飯，菜心冇食，叉燒乾，凍，少少硬，冇肉汁，唔好食。-凍奶茶 +$11奶茶屬餐廳招牌之一，滑，順口，香，奶同茶味平衡，好飲。-友人A揀秘製撈米線（豬扒、紅腸、餐肉、青瓜、芫荽），友人指好油、重口味、偏鹹、富芫荽香。友人B 揀豬扒雞翼蕃茄湯出前一丁，分湯上，賣相差，豬扒已切件，味道一般，雞翼入味，好食。-文章冇計運費價錢。整體而言，冇套餐，午餐難食，奶茶好飲。

今次到華嫂冰室吃午餐， 試下灣仔分店先😊。 記得有次食過觀塘分店🤔覺得味道普通， 食過一次之後亦都冇再去過。 估唔到今次很有驚喜🤩，厚切叉燒煎蛋飯$48、豬扒拼煎蛋飯$48、鮮油奶多$16、茶走$8、凍奶茶$9。 🔺豬扒拼煎蛋飯 ～  豬扒肉汁多有咬口😙， 蛋漿和豉油汁的味道融為一體，好容易就食曬成碟飯，太邪惡了。 🔺厚切叉燒煎蛋飯 ～ 厚切肥叉燒， 熱辣辣軟腍口感豐富， 太陽蛋煎得好靚🍳， 蛋汁滲入飯裏😍，食落特別香滑。 🔺鮮油奶多 ～ 新鮮烘焗， 一啖咬落去，牛油成寸厚🤩， 好好味，推介一定要試下👍🏻👍🏻！ 🔺茶走 ～ 茶走襯鮮油奶多，一絕👌🏻！ 🔺凍奶茶 ～ 凍奶茶味道亦不錯😉。 好喜歡這裏的鮮油奶多😋， 而家已經再想食了。

🥚仿鮑魚片+太陽蛋米線 $36睇到餐牌都諗咗陣好唔好轉湯底但基於第一次食就試試清湯啦！睇落好清但湯底飲落好鮮甜米線幼身唔會煮到淋哂鮑魚片食落少少鞋同韌 還原度十分高最吸睛相信都係隻太陽蛋 煎到金黃色🍳紅腸+煎熟蛋米粉 $36紅腸同熟蛋都係正常水準最值得讚係湯底真係非常夠熱我哋食到最尾都仲係熱嘅🥰🐽厚切叉燒炒蛋出前一丁 $51呢度有叉燒煎蛋飯 亦可以加錢轉麵由於朋友比較鍾意食炒蛋侍應都好好人幫我哋轉🥰叉燒果然係招牌之一比平時食到嘅多焦邊 帶少少脆又唔會苦而且份量唔少 仲要舊舊厚切 肉嫩juicy

今日lunch 實在太耐無食過華嫂有d 掛住佢既奶油多於是就嗌deliveroo黎個方便lunch.我就嗌左1. 豬扒公仔麵2. 奶油多3. 凍奶茶少冰走甜心中暗暗希望個奶油多黎到唔好太林.好快 2x 分鐘等到個外賣喇！！暫時見到都ok包裝亦唔會好似出面d 外賣咁好少會倒瀉籮蟹good.第一時間打開個奶油多放一放d 蒸氣先一啖咬落去照舊餡同包既比例好好好愛.然後奶茶當然保持一般來說眉水準茶味香 奶味滑.再吃個豬扒公仔麵先.相信大家有食過都知佢既豬扒不得了扒夠厚啖啖肉但唔會太柴佢既菠蘿豬扒包都好食但今日比較想食奶油多放過菠蘿包一次.公仔麵亦會同湯分開放正啊湯裡面亦有一兩條菜比你.整體保持水準會再order.total 76 +運費26

有一日lunch想食華嫂，已經特登早落單，11:53喺OpenRice app成功落單，app 顯示12:30可以取。我12:23 到灣仔華嫂，當時app 顯示可取餐，但收銀大姐話未得 ok 我等。等緊期間眼見 12點頭落單嘅人都取外賣走，但仍未到我 直到12:35 問收銀大姐。佢竟然同我講 ”見唔見我好忙、好多單！未有”我就問咁點解OpenRice app話可以拎？收銀大姐話 “咁你想點，係未有，係咪要我入去煮!!!”嘩 我唔知你漏單定多單 總之係遲左 你做唔到app單就唔好接仲要呢個態度 我俾錢係食野 唔係受氣 唔該呢位收銀大姐 改下 啲客個個人嚟受你氣咩最後我12:43先可以拎到外賣。（11:53已成功落單）好嬲 成件事我錯咁

從來冇食過菠蘿油既多 同行友人好驚訝就帶我一試😅我地早係午市繁忙時間前就去拎位 好彩仲未係人龍時 食到一半人龍就出時啦😂為左試多啲款 分別叫左2個鮮奶油多 招牌菠蘿包同兩碗米線 當然係3個人share的 雖則我係大胃王 但費時食太多嚇親朋友😂😂鮮奶油多 外面烤得脆脆 配上入面塊涼涼牛油 一啖食落去 好滿足 回味無窮啊!!!😆😆😍對於我尼個新嘗試既人黎講 係極度覺得邪惡又好有滿足感啊!! 超級矛盾🤣米線既料都十足 招牌菠蘿包相比之下就比較失色 下次再食鮮奶油多 我就唔想share laaaa🤣🤣🤣😙😙😙

想食華嫂冰室，而家唔使啦元朗嘅因為佢都開咗好多間分店喺市區，其中一間就係灣仔，平時晏晝都幾多人，好彩今日落雨，所以就唔使等位<招牌菠蘿包$21>招牌菠蘿包中間夾咗煎蛋同埋蕃茄個菠蘿包係脆皮菠蘿包，哄完熱辣辣又鬆又脆，真係冇得彈加埋隻爆汁嘅太陽蛋，我菠蘿包嘅層次的提升咗<秘製雞翼蕃茄湯米$45>秘製雞翼超級入味，啲瑞士汁浸晒入雞肉度，三隻個份量就啱啱好蕃茄濃湯真係用返茄煲出嚟，食完成個晏晝都唔使飲水< 秘製蘿蔔牛筋腩飯$50>朋友叫咗個蘿蔔牛筋腩飯，佢話好好食<凍檸檬益力多$11>見到一個幾得意嘅檸檬益力多，就叫咗你試吓，原來益力多同埋檸檬嘅味係非常之夾遲啲喺屋企可以自己自製