華嫂冰室 (杜智臺)

營業中

休息中

LUNCH TIME去食，都幾多人下，離遠已經望到個門口排耿隊，人數都唔少下，證明間野真係有D水準。咁同行連埋我5個都等左大約15分鐘到，時間耐就係耐D，但冇計既，為左食好野。入到去坐底，開始睇餐牌，都幾多好野食，於是叫左幾樣，到食物黎，個份量望落都幾大碟。味道更加係一流，價錢都正常。

出名嘅華嫂冰室開左黎灣仔，咁就梗係要抽空黎試下啦～上次夜晚黎試唔到馳名嘅菠蘿包，只係食左莞茜皮蛋牛肉米線同蕃茄秘製雞翼米線。兩款都係用料十足，莞茜皮蛋湯底夠下火，適合長期OT熬夜嘅打工仔，值得一試。今次特登一早帶埋呀媽來試下個刁鑽菠蘿包，雖然材料簡單，味道豐富。菠蘿包烘得脆，蛋夠熱，蕃茄爽，牛油軟滑;入口口感層次複雜，非筆墨能形容~此包集軟硬冷熱脆感於一身。再配上一杯茶走，絕對稱得上香港地道美食。香港人，識嘆就係咁！咁先稱得上係Good Morning

終於嚟食到華嫂啦✌🏻✌🏻lunch time依然要等好耐，3個人都要等半個鐘🤗 入到去先點個番茄豬扒米，豬扒幾大舊，夠淋身🤤番茄湯偏甜，都幾杰身，咸左d，但mix米線幾好食！同事點左喇沙米，有d淡，小小辣😊 最好食係2款包😃 咸牛肉芝士包夠香脆，牛肉咸香，同事覺得好正。另一個係豬仔包，非常邪惡，牛油同包比例係一比一，做到啖啖牛油效果！🙆🏻‍♂️ 奶茶還好，茶味唔出，叫左小甜都好甜🤦🏻‍♀️

今日同朋友仔專登黎試下近期hit 爆既華嫂～6:30pm 左右去到，竟然冇人排隊喎！唔使睇餐牌啦！Order 最人氣既食物啦！- 豬扒雞翼蕃茄湯通：蕃茄湯好濃味...頭幾啖都ok，但越食越覺得鹹 雞翼就鹹到食唔落。反而豬扒有驚喜，鬆軟入味- 鮮奶油多：普普通通- 招牌芝士鹹牛肉蛋豬仔包：呢個最好食！麵包脆，鹹牛肉分量適中，唔會過多而令到個包過鹹。隻蛋係精髓，流心蛋黃令到個包更香更有層次。- 凍檸茶：一般水準- 熱話梅柑桔：話梅味好香，但太甜未必再去lu~

是日跟sis去了Cwb購物, 中午時分有點肚餓, 來到人氣店華嫂冰室. 週末下午十二時半到達, 等候了差不多半小時才可入座, 人氣真旺. 店內地方較觀塘的大, 仍然走著有點文青café格局, 不太似茶餐廳. 筆者點選了招牌芝士咸牛肉蛋朱仔包(HK$22), sis 則要招牌蛋沙律多士(HK$22). 招牌芝士咸牛肉蛋朱仔包, 朱仔包烘過, 入口有丁點脆口, 但不夠觀塘店的香脆. 內裏芝士味道濃, 蛋香也有, 今次咸牛的鹹香非常突出, 感覺豐富, 較觀塘店的美味. 招牌蛋沙律多士, 有四小件, 哈哈, sis搶先為快, 相中剩下三件. 試一口, 方包有烘過但不會過燶, 不錯. 碎蛋夠冰凍, 口感有咬口, 蛋香也有, 另有蕃茄和生菜中和, 只是蛋黃醬汁方面略為甜了一點, 但整體也不俗. 店內的侍應很有禮貌, 只是門面的那位侍應略為凶惡

行山前，吃貨們先去灣仔的華嫂食個豐富午餐！去到時已經快3點鐘，但店內依然爆滿！結果都要等10分鐘先有位！我地一行4人試左唔少野食！有灣仔店限定的「鮮油砂糖豬仔包」！好好食！！平時的豬仔包冇咁軟熟的！每咬一口都有鮮牛油加砂糖，豬仔包熱力令咬入口時鮮牛油慢慢係口中溶化……真係好滋味！至於正餐我就點左同樣係限量供應的「檳城喇沙湯米線」喇沙湯底，不算太辣，好惹味！豬扒好好味！煮得稔身之餘又keep到肉質！最後當然要來返杯港式茶記最出名的奶茶啦！奶茶香濃幼滑！完全唔「鞋」口~

冰室一直都港式茶餐廳的簡稱。喇沙湯底，不太辣，夠惹味，但肥牛質素一般。味道很清，十分健康。奶茶，本人較喜歡用瓦杯飲，感覺會較為香濃。抵玩指數1/3) 值得一試華嫂冰室由元朗起家，近年因為冰室熱潮，不停於各旺區開設分店。雖然本人住在元朗，但一直跟華嫂沒緣。幸好，女朋友工作附近，開了一間分店，所以就去試一試。當天，大約晚上6點半左右，雖然店內己經坐滿了，但等了幾分鐘很快便有位置。講真，服務水平，包括待應的態度，笑容等等都強差人意，有待改善。 價錢相對其他不出名的冰室來說是貴了一點，但在灣仔這個地區來說是合理的。味道，我試的喇沙是好吃的，湯底的味道很好，小辣惹味，相比土司工房的嗽沙，這裡的湯底沒有那麼多的椰香，坤記的喇沙層次感會更強（應該用了很多料加入湯頭當中），很想下一次有機會的時候可以再試一次。另外，遺憾的是其他跟包有關的小食都賣光了，不能試到華嫂出名的豬仔包等等，可惜呀!

假日無聊，睡醒找個地方吃的，友人不介意吃茶記是也。友人說要清一清熱氣，要了芫茜皮蛋豬膶米線。以小人來計，這道湯是要來下火的，還是趁鯇魚肉更佳，配豬膶米線有點不倫不類，而且芫茜少皮蛋少，加有生菜亦無補於事，有點不是那麼一回事，未夠開懷。小人才沒那麼傻，吃茶記冰室實行有咁濃得咁濃，一於要個茄湯方夠盡情！豬扒雞翼乃蕃茄的不二朋友，蕃茄中的啖啖肉，何其滋味！蕃茄湯底勁掂，濃濃的似是用蕃茄擠壓出來似的，確實是茄中之茄，美味得異乎常理，酸得來順喉，可謂蕃茄湯中之霸！友人試後，都覺得蕃茄湯超正，小人勝利鳥~~😁

一直都知華嫂好出名,啲野食好好味。但因為地點唔近我,所以無論係元朗定觀塘個間,都只係各去左一次咁大把。得知最近華嫂係灣仔開分店,係返工附近,就緊係把握午飯時間去食啦。(係短時間內已經去左3次) 一如所料,去到門口,好多人排隊,新開人氣餐廳分店,又近辦公室地帶,要排隊在所難免。等左大概半個鐘先有得入去。第1次 豬扒雞翼蕃茄湯通粉 $53第1次去,緊係食佢招牌之一既豬扒雞翼蕃茄湯通粉啦,水準依舊,湯底濃郁。有2件雞翼1塊豬扒,真係又抵食又好味!!食完之後仲飲哂啲湯底添,因為實在太開胃啦!!第2次去試左寫明'限量供應既檳城喇沙湯米線 $50 (唔記得左影相)喇沙湯底都唔錯,不過如果可以再濃多少少就好啦。今次揀左跟肥牛,感覺普普通遍,都係豬扒/雞翼好啲。第2次去試左寫明'限量供應既檳城喇沙湯米線 $50 (唔記得左影相)第3次 黑松露忌廉湯通粉 $38呢個都係話限量供應既黑松露忌廉湯通粉。賣相唔錯,香味都有,但食落一般。雖然價錢係幾平,但應該唔會再試啦。都係食返蕃茄湯底好啲!

話說阿貓係元朗人，華嫂聽就聽得多，但食呢就真係第一次。元朗本店永遠都係排晒長龍，唔係早起身唔到就係條隊太長放棄左難得華嫂灣仔新店係公司附近，早兩日就決定落去食個late lunch，睇下係咪真係咁好食！稍稍2點過後，門口依然有啲人等位，因為阿貓一個人，所以等左5分鐘左右就有位。叫左個蕃茄湯豬扒通粉 + 凍奶茶。 份量都ok, 女仔食會飽。 蕃茄湯甜甜酸酸，有用茄糕但味道係唔錯既。豬扒好大塊，而且'林'得好唔真實我個人黎講鍾意肉質實返少少，有啲咬口。 整體係好食既！下次會試埋其他招牌菜

前陣子看到報導得知華嫂將在灣仔開分店! 近水樓台, 倒真是很去潮聖一下!不過要在Lunch hour時要吃到, 實在有難度~ 因為真是太多人了!然而, 正好有朋友要來灣仔工作, 可以早一點去等位! 飛雲來啦!雖然朋友已經在12點半拎飛, 但我們入座的時間都要1:15pm! 足足等了40分鐘! 沒辦法啦~看人頭湧湧就知我一點也沒有誇張!豬扒雞翼蕃茄湯通粉蕃茄湯好濃稠! 雖然沒有吃到蕃茄肉, 但也有蕃茄籽和少許皮~酸酸甜甜的蕃茄味道好柔和, 也不死咸, 吃完了一整碗也不會覺得特別口渴~豬扒厚薄適中, 也醃得入味, 夠晒腍又有點咬口!瑞士雞翼一看就知是新鮮整起的靚雞翼, 色澤亮麗, 不是隔夜了再翻熱那死死的顏色!雞翼皮又滑又Q彈~ 而且又是完全入味~ 肉很腍不是硬實實的, 一咬開就骨肉分離! 正!!美中不足只是通粉腍了一點~  另外朋友加了$3轉出前一丁, 他也說太腍了, 質感根本完全分不到是普通公仔麵還是一丁! 那不是白加錢了嗎? 黑松露忌廉湯通粉看到報導已經很想來試這個!! (配芝士腸和煎蛋)蛋上的一堆黑色的東東就是黑松露了! 也蠻多的呀!還未散開已經聞到好香的黑松露香! 不過吃落又沒有

以前住天水圍時，去過原舖食茄通。今日去灣仔食，見到有個史前屏山舖無嘅黑松露忌廉通粉，就決定一試。估唔到黑松露實物同相片大小幾乎一樣，唔似得好多無良餐廳同快餐店敢：相大大，實物細細；味道算濃郁，唔會稀到唔知自己飲緊忌廉湯；而且2隻炒蛋都算滑。但早餐以一個人黎講，實在太多，好彩無叫野飲。建議揾埋朋友or同事 2個人叫一碗野，再叫野飲，怕唔夠飽可以問問可唔可以+10蚊加炸雞or豬扒。注：對面位男士叫咗野飲後，野飲同通粉都剩底一半。

之前一直都想試「華嫂冰室」，但元朗總店遠到唔知點去，雖然觀塘都有，但聽聞堂食要等好耐，所以琴日特等去灣仔新店食。星期六去，等左差唔多45分鐘先有位，都算快既，岩岩好3點3下午茶時間😂😂。坐低後一次過點晒所有食物，有通粉有米線有包，本來好奇想試試冰花奶茶，點知賣晒，咁就轉叫奶茶（$18，如果跟麵點有半價）。入口都好順滑，茶味夠濃，唔會太甜，都夠凍，做得相當唔錯。雞翼豬扒番茄湯通粉（$53），一放上來已經聞到好香番茄味，果然好濃郁，有番茄香甜但又唔會酸，濃稠度都剛剛好，配米線分外夾🤤🤤，而且唔係罐頭番茄🍅果隻味，食得出係新鮮蕃茄煲既，個湯底有用心😂豬扒係出乎意料咁腍，醃得都好夠味，一碗仲有3-4大塊咁多，非常有驚喜。而雞翼亦滷得好入味，不用花力咬就已骨肉分離，一樣出色。呢碗果然係最人氣的。再來就係招牌芝士鹹牛肉蛋豬仔包（$22），豬仔包輕輕烘過，面頭有少少脆，帶點甜，配裡面鹹的餡料好正。鹹牛肉、芝士、煎蛋都係普通之物，但加埋一齊就配合得好好，鹹香、蛋香共冶一爐，同樣好食。當然唔少得招牌菠蘿包，麵包面香脆微甜，夾番茄同煎蛋係幾得意，又鹹又甜又帶點清新，但未至於好出色。檳城喇沙豬扒米粉- 喇沙

今日約咗朋友兩點一齊食華嫂，好彩過咗lunch hour，等咗都唔洗5分鍾我簡咗檸檬益力多，但冇特別，感覺只係似益力多加咗冰，反而朋友杯凍柑桔檸檬就好飲d，起碼唔係間間茶記都有得飲先嚟咗個菠蘿豬扒包，好足料，有兩塊豬扒，又夠淋，好好味砂糖牛油豬仔包係我吔食咗菠蘿豬扒包就嚟咗，食得出豬仔包個外層好香脆，但有少少美中不足就係塊牛油溶哂咁濟最後就係肥牛喇沙米，肥牛好多，應該超過10塊，仲有6塊切咗一半d豆卜，都幾抵食~我吔兩個女仔食咗兩個包加一碗粉已經好夠飽，下次想試吓佢個茄底，因為見到人吔食好正咁

早幾年喺維園年宵飲過華嫂嘅枝裝奶茶，味道冇特別令人wow，以我嘅口味嚟講 仲覺得有啲偏甜。最近華嫂喺灣仔開咗分店，實行要試埋個招牌菠蘿包！放假懶懶行，下晝3點幾去到攞飛排隊，因為有晒心理準備要等位，等咗約5張枱就到我，所以係比預期快嘅。招牌菠蘿包嘅包同蛋都偏乾，鮮油味一般，亦冇外脆內軟嘅口感。反而喇沙米線比想像中嘅好味，豬扒都幾軟熟。整體嚟講，不過不失啦。