華威酒家 (已結業)

這個位址有英雄飯堂稱號, 因鄰近大酒店是也,由最初的東亞酒樓, 到今日的華威, 已是數十年光景,華威最近三年水準穩定, 大厨功不可末,終於又係時間畢業了, 九月三十, 光榮結業,是晚,六人繕,鮑汁雞: 雞嫩, 連雞心肝, 有雞味, 义憢: 水準以上粟米班塊: 唔知乜味, 去完厠所就冇咗, 想必被兩个小鬼食哂,豬油綱海鮮卷: 都唔知乜味, 唔健康冇食, 大家都話好食,粉絲什菜煲: 粉絲好, 冇溶,煎藕餅:  今次真係煎, 特別好食, 最憎恨現今大多數厨的名煎實炸暴行, 希望你地落地獄試一試那炸刑,蒸東星: 水準, 有魚味, 少油,油ok,  豉油ok, 是日餐酒 2000 Chateau Pape Clement, 不過不失, 一個沒有高潮的結局, 展望十月的飯局, 就如企業号艦長日誌所言, 向未知進發,

lunch同事話幾平咪去試下!食物賣相唔錯,由其腸粉款夠多.粉果皮我最鐘意食!硬硬地癡牙相當唔錯.但人手方面似乎唔係太夠,舉左手一陣好似未有人黎最重要酒樓竟然有wifi!!!!!方便我一路食一路打zoo keeper!!!埋單果一part最好!!!經理竟然親自俾番錢我地!態度一流!最重要佢地完全無諗過收tips!!真係想寫封表揚信下次會再去!!!

近來有點忙 不由自主地放慢了手腳寫食評 最近同親友去茶樓歎茶 一行六人時間二點鬆 茶客頗多 等了15分鐘有位上一樓 地方闊大 冷氣又足 唯侍應不多 也會自動走來添水食左大概14款點心 加上一碗燒肉麵好食點心~叉燒飽 大件又多料馬蹄糕 甜而不膩鳳爪排骨飯 細盅但多料味美燒肉麵 燒肉皮脆肉嫩唔好食~鮮蝦腐皮卷 食下成口油咸水角 脹卜卜 可惜無餡其他點心味道大至合格

華威嘅任飲任食火鍋都幾抵食, 而且之前食過材料都幾新鮮, 聽到佢話可以食2個半鐘, 啱晒, 可以HEA夠鐘先返學...揀咗個清到無可再清嘅清湯底...首先要做嘅... 混醬!!!然後就狂飲汽水...第一ROUND : 鮮腐竹, 南瓜件, 雞脾菇, 蓮藕片, 肥牛肉--鮮腐竹好好味... 南瓜都好甜... 雞脾菇OK啦...蓮藕片極之唔新鮮, 最後要退回半碟比部長... 肥牛肉好散, 唔得(再ENCORE時又得番)...第二ROUND : 墨魚滑, 蕃茄薯仔, 貢丸, 牛(月展)--墨魚滑好滑呀... 蕃茄薯仔好正, 即時變蕃茄薯仔湯底... 貢丸同 牛(月展)都OK啦... 菠菜都算新鮮...第三ROUND : 四寶丸, 豆卜, 鮮腐竹, 肥牛肉, 羊片--已經好飽, 食唔落D四寶丸... 豆卜OK... 因為太飽, 即刻覺得D 鮮腐竹咁第一ROUND咁好味... 肥牛肉比第一ROUND大塊好多新鮮好多... 羊片唔得, 一夾就散晒...全場得10枱客, 多數係街坊...食物一般貨色, 但一定食得飽, 實為大胃王抗通脹之選!!!

今天因有事情要辦, 所以跟飯伴可以一起午餐。因為lunch hour得1小時但係又想坐底傾下計,所以去左飲茶。叉燒腸: 叉燒足料, 但有點老, 並不是太好吃。流沙包: 中間個奶皇都有少少流心既, 而且都熱騰騰上檯, ok!瑤柱菜苗餃: 不過不失。燒賣: 我跟飯伴對燒賣有同一個要求 - 有菇味! 好可惜呢個都係冇...不過個燒賣都係即叫即蒸, 夠哂熱騰騰。荷葉飯 - 呢個真係好可怕! 佢雖然係"超點" ($3x), 但係一打開見到都唔想食入面好似一d配料都冇, 只係得粟米同青豆...試食幾口...d飯勁乾...最後, 我只係食左幾啖就食唔落喇...最後叫左個甜糕點: 紅豆桂花糕....(唔記得影相...)佢其實有3層...(桂花 -- 紅豆 -- 桂花)個桂花糕好香好好食! 紅豆果層就夠足料, 不過硬身左少少。

今日一行三人想到彩雲軒飲茶，可是人太多，唯有轉戰華威。一到便有位，事出必有因。我們要了六樣點心和瑞士牛河。點心一般，牛河有色冇味。酒樓門口寫11：30- 2pm有七五折，埋單發覺大部份點心沒有折，最後$220找數。下次都係去彩雲軒

剛剛與同事食晏,一坐低就見到餐牌有個新產品,於是點了來試試..."鮮茄魚湯斑塊泡米線"出來個賣相與餐牌既一樣斑塊係用新鮮既,並唔係急凍魚柳..至於湯底,我本身好怕飲魚湯,因為驚佢有腥味,但呢個魚湯沒有腥味,味道都幾鮮甜...好味!呢個泡米線足夠兩個人食,我和同事都食得好飽,值得再食!

最近公司搬到鲗魚涌嘉里中心，因第日系星期六，唔駛上班之故，所以約了在太古坊工作的前同事去附近的華威酒家食宴聚舊，去到時約1點鐘，點知去到間酒樓，門口企满了人，我朋友話，死啦，唔知要等幾耐呢？我説：不用擔心，我約你飲茶，一早就定了位，點知去到問那位公關説：唔該、我定了4位，那位公關面無表情咁對我地講，未有住，等叫NO啦，我便對佢説，我一早已定了檯啊，點知佢非常無禮貌咁對我地講，小姐、呢度D客全部都系定了位的，等吓啦，當時我心諗，今時今日仲有這種倒米的員工，我當時看一看佢的職員證，真嚇了一跳，系公關主任來啊，心諗，企門口的員工都咁差、咁惡劣，一陣D伙記都唔知差到去邊了，大約等了約6至8分锺左右，安排上2樓，發覺個場都幾光猛，地方算干淨，D員工都算有基本禮貌，但工作就比較急速，可能唔夠人手掛，見到佢哋咁忙碌，都無什要求了，坐落飲了杯熱茶，剛才所受的氣都全消了，點看D點心，小食，點心水準不過不失，價錢唔算貴，比嘉里個間及太古坊個幾間，算平那隻，4人埋單＄236，每人唔使＄60，扺食，唯一D點心出得慢了點，因食晏D時間唔多，得個幾鐘，如果間酒樓能改善D公關對客人嘅服務態度，同埋D點心出快D就好啦

今晚波友安妮的寫字樓攪了一個花尾躉聯歡飯局，花尾躉即是深海大龍躉，有錢也不常常能吃到，野生的花尾躉躉一斤要賣300至400元，這種魚是越大條肉質越滑溜的，一般都有數十斤重到百多斤重，因怕賣不光整尾大魚，普通酒家一般不會入貨的，大家立即呼明喚友一齊聚餐共享龍躉，藉此今晚能夠見到很多久未相聚的舊同事，令人感覺美食的凝聚力實在是沒法檔，食色性也這古語真的沒錯。淺談葡萄今晚的宴席包了三枝法國 2005年的 Vin de Pays L'ADUE 紅酒，比一般餐酒(Vin de Table)高級及考究， L'ADUE顯示產地來自鄰近西班牙的中南法產酒區出品，但酒樽招紙上沒有寫上葡萄品種，相信是混合幾種葡萄釀造，但這地區最常見的葡萄有Merlot 和 Syrah，由於年份已有超過五年，所以苦澀的丹寧味經天然陣年後變得柔和，入囗酒味較乾也頗醇厚，回甘也帶點果香味，雖不是列級酒莊AOC評級酒，作為一枝伴餐用酒，已算得上是一枝飲得過的VDP級紅酒。 不過今晚的食物大多是海鮮類，專家教落還是配一枝白酒比較適合吧！ 不知是酒樓或是朋友的選擇呢？ 發覺侍應也專業地在開席前十多分鐘預先開瓶醒酒，這樣酒味才

早前於回歸假期日曾到這酒家飲茶，發覺食品的質素也不差，況且有些點心還沒有試過，趁這裏的點心仍有半價優惠，今天一家人就決定再來嘆茶。這天我們抵達酒樓時，已是中午十二時過外，未知是否受到半價的影響，門外等候的顧客明顯地比上次更多，站得滿滿的，幸好這酒家的座位也不少，所以輪候時間也不太久。至於食物方面，這次我們就點了七款點心，另加兩款甜品。北菰鮮雞粥 ($23.8) -- 這碗生滚雞粥放上桌時還是熱騰騰的，阿姐為我撒上一大把胡椒粉，當我用匙攪伴時，還傳來陣陣雞粥的香味。嚐吃一口之下，發覺粥底雖然不算綿密，但也很清甜，沒有因為加進了雞件而令粥底變得油膩。北菰和鮮雞的份量也頗多，但絕對沒有把米香掩蓋，雞肉質地嫩滑，北菰煮得夠腍，配合少量薑絲同吃，令人有一種清新的口感。其實粥品乃屬清淡和熱量低的食物，是補充元氣及吃宵夜的最佳選擇，如果在冬天煮一鍋熱粥，定能溫暖一家人的胃和心呢！丁香魚肉粒飯 ($33) -- 丁香魚亦即是細小、白色的鹹魚仔，洗淨、瀝乾，炸至香脆，再拌上炒飯、炒麵或粥來吃，風味甚佳。丁香魚是含鈣量豐富的食物，每 100 公克含鈣量就高達 400 毫克以上，況且當季的丁香魚，肉質

呢日係最後一堂，亦係謝師宴，梗係要食得好ｄ啦。初頭係諗住去東寶既，但係個邊環境麻麻，又驚miss坐得迫，所以都係去酒樓。我地的律師同學係呢間酒樓的熟客，所以ｄ伙記都招呼周到，俾ｄ好野益我地。我地叫左個龍蝦餐，先來前菜，有雞絲粉皮（我的最愛，我最鍾意佢ｄ涼拌汁加左wasabi），有牛展（都ｏｋ），有雞腳(miss唔食），有燒豬（都ｏｋ）。跟住到主菜，有龍蝦伊麵（個個都食到舔舔脷，尤其是miss)，有片皮鴨（下面墊左baguette，啱晒miss)，有海鮮卷（但冇海鮮），有瑤柱甫，有蒸魚，有燒雞，有炒螺片，有魚翅（想環保ｄ都唔得，個餐包既），有炒飯，仲有生果盤。其實應該仲有幾味菜架，但係菜式太多，恕難盡錄啦，大家食完一味都話oh no，仲有呀？雖然呢間野比較吊腳，又係大酒店附近，去廁所又行得遠，但ｄ野的確好味，呢餐又有人包底，又食又拎，所以大家都好盡興。

早兩天去鰂魚涌工作，經過這酒樓見門外有海報宣傳此酒家逢星期六、日午市 11:30 am 至 2:00 pm， 所有點心一律半價，看來非常抵食。記憶所及，此酒樓新開張時曾和老公幫襯過，食品質素實屬一般，不過見有半價，我這貪便宜的小女子也就不悉冒險，趁今天公眾假期兼家庭日，提議一家人去嘆嘆茶，談談天。我們抵達酒樓時，約正中十二時，地下知客領我們往右手邊的地面層走而不用行樓梯上二樓，更開心的是竟然有卡位坐，而且還有獨立電視收看，的確不錯。坐下環顧四周，酒樓通道頗為寬闊，桌椅擺放整齊雅潔，連天花上的水晶吊燈式樣也古典優雅。至於食物方面，我們就點了八款點心加兩款甜品。鮑魚牛肉粥 ($23.8) -- 這鮑魚牛肉粥其實只是生滚牛肉粥，因為鮑魚份量很少，一般酒樓做鮑魚粥都會選罐頭鮑魚，而且這裏的鮑魚切得頗為細小，根本吃不到甚麼味道來。不過牛肉份量就稱得上慷慨，況且牛肉只是剛剛半熟，味道鮮美，完全沒有梳打粉味，入口很軟。而粥底方面，雖不至於綿軟順滑，但米粒完全溶到水裏頭，只看到些許絮狀的米花花，吃來頗有米香，加上碗粥上桌時熱騰騰，真的很不錯。鱆魚雞粒飯 ($33) -- 這飯也算是水準之作，瓦煲内

雖然本星期日才是父親節正日, 但由於正日實在太多人, 要訂位也有困難, 所以今年決定提早慶祝. 上星期日晚上約7時, 我們來了這間酒樓吃飯慶祝, 我們被帶到一個卡位坐下. 這間酒樓看來有點街坊格局, 最特別的就是每一個卡位都有一部小型電視, 要看電視的話, 不用像平時在一般酒樓一樣, 遠距離"頭昂昂"的看, 舒服得多! 而且卡位十分寬敞, 四個人坐得很舒服. 在點茶的時候, 除了平常會喝到的香片, 水仙等等之外, 居然可以點菊花, 實在令人意外! 從未試過在中式酒樓飲"菊花茶", 聽到後當然立即點來試試! 其實菊花茶不是我們平常喝的菊花茶, 而是利用乾菊花當茶葉來泡茶, 味道清香, 帶著菊花的香氣, 令人心曠神怡, 絕對值得一試! 我們點了幾個小菜, 本想點個冬瓜盅, 但居然已經售罄, 所以只好作罷:上湯焗龍蝦 - 純粹因為價錢平而點. $88一隻, 兩位可以點一隻. 用的是南非龍蝦. 上枱時我們還追問是否弄錯! 因為兩隻龍蝦的份量大概只有約一斤份量! 說回龍蝦本身, 肉並不多, 但鮮味充足, 肉質結實, 老爸肯定地說一定是用新鮮龍蝦, 否則食味口感大不相同! 不過可惜調味過量, 味道

每個卡位都有個獨立電視，酒家黎講好少咁dum本，但係因為mother day，D卡位full哂，令我黎個電視迷無電視睇添，唔緊要，最緊要好食。龍蝦上湯伊麵:侍應問我地要唔要6斤重龍蝦，怕食唔哂所以要咗隻細龍蝦。龍蝦好新鮮爽口，伊麵都索咗D龍蝦汁，真係好Yummy!鴨腳札: 無食到豉油雞:用豉油同埋蔥焗過嘅豉油雞好滑! 無血又好有雞味。裡面仲有雞嘅內藏好似雞腎、雞腸同雞肝，都係一樣索哂D豉油汁瑤柱蛋白炒飯]:蛋白炒飯好有瑤柱嘅味道，飯粒又抄得粒粒乾身唔黏住芋蓉盒:好正! 芋蓉好香滑，芋味十足; 又炸得好鬆脆可口蜜汁雞翼: 哩個蜜汁好杰，好似淨係直接用咗D蜜糖黎沾D雞翼食咁! 勁黏! ，無講笑! 食完急急入廁所補返D唇膏先，但係D雞翼就真係唔錯。金銀蛋浸莧菜:金銀蛋浸莧菜落足材料，D莧菜又唔油，又夠嫩 O.K.哩度下午茶平到唔講得笑，試過係哩度食個下午茶，7個人100蚊埋單!

Just achieved a milestone in the project, we celebrate at Wide Way Restaurant located near to office. 8 persons go there for all-you-can-eat/drink hotpot.Unilke other all-you-can-eat/drink hotpot,, foods is good, fresh and at right portion. Soft drink, Chinese herb tea and beer are provided unlimited. Beer is chilled.The dinning hall is comfortably decorated. There is not full tonight and the services is nice.I pay the bill and , surprisingly, one is free-of-charge for every 5 in group. So,