51
11
2
港鐵尖沙咀/尖東站 A1/ L5 出口, 港鐵柯士甸站 F 出口 繼續閱讀
營業時間
星期日至四及公眾假期: 10:30-22:00; 星期五至六及公眾假期前夕: 10:30-22:30
付款方式
現金
招牌菜
大福 小丸子 北海道牛乳軟雪糕 糯米糰
食評 (65)
等級4 2016-11-10
315 瀏覽
抹茶雪糕永遠係不老既潮流~ 如果鍾意食抹茶既人一定識去海港城既菓匠茶屋~ 佢地既雪糕係由3.6牛奶所制,有濃郁既牛奶味,加上抹茶既甘香,兩者加埋岩岩好,唔會互相搶走大家既味~ 質感細滑軟綿,簡直可以話完美結合。仲有,值得一讚係雪糕堅係貨真價實,唔係空心!小丸子質感軟糯好有咬口! 無粉感!個杯勁脆,好重牛油同牛奶味~ 食完成個雪糕再食埋小丸子同個杯真係勁飽~ 繼續閱讀
(以上食評乃用戶個人意見 , 並不代表OpenRice之觀點。)
等級3 2016-08-27
312 瀏覽
食完晚餐行一陣又餓,朋友提意去依間舖食甜品!我點左個抹茶沙冰 同 粟米芝士火腿燒餅黎食!喺依到食甜品唔出奇,不過未試過食燒餅,覺得好奇就點左黎試下! 燒餅外脆內軟,芝士軟林林、粟米甜甜地 (好似飲緊忌廉湯),mix埋一齊好夾!抹茶沙冰甘甘地,好冰涼! 記憶中冇咩奶味,以抹茶味為主! 繼續閱讀
(以上食評乃用戶個人意見 , 並不代表OpenRice之觀點。)
等級4 2016-02-25
608 瀏覽
甜品食多咗又驚肥,但系無詭喇,自己真系忍受唔到咁樣節食,甜品系我摯愛嚟嘎!抹茶冰沙味道依然咁正,永遠都唔會令我失望嘅,綠綠的雪糕睇落都唔捨得食喇,開玩笑啫,邊會話唔捨得食啊,咬啖落去,味道甜甜的,口感滑滑的,抹茶味道香香的,好鐘意抹茶啊,食咗甘多次依然都系抹茶最愛嘅,等的時間比較耐,而且企系度等比較累人,但系為了美食是要付出代價的。牛乳味道的也是出乎意料的好吃,是我細妹點的,我吃了幾口,感覺味道是同抹茶不一樣的口感,牛乳味道很濃,而且俾抹茶的更加之滑口,霜淇淋真系一種前人偉大嘅發明,價錢算麻麻喇。 繼續閱讀
(以上食評乃用戶個人意見 , 並不代表OpenRice之觀點。)
等級3 2016-01-23
376 瀏覽
係海港城裡面,細細間店面,不過鐘意抹茶嘅朋友去到或者會瘋狂一下吧,滿滿的都是抹茶製品吖,我對抹茶只係一般,單純來試試係唔係好似出邊傳嘅咁好,要做純抹茶味嘅雪糕,淡綠嘅一隻雪糕,淡淡嘅茶味傳來,都几好聞,雪糕好滑,抹茶味有D苦,雪糕本身有D甜,加埋味道都几好,比之前食嘅一家chacha味道更好。朋友點咗啱出來嘅栗子抹茶雪糕(唔記得叫乜,栗子蓉味道好香好沙好好味,加埋雪糕好大一隻。抹茶沙冰不錯,上面雪糕下面冰沙,混著喝好爽,抹茶味更濃郁。不過唔知點解,食完覺得有點反胃,可能我一下子食得太多了,下次不能咁貪食了。 繼續閱讀
(以上食評乃用戶個人意見 , 並不代表OpenRice之觀點。)
等級3 2016-01-09
469 瀏覽
今日去海港城買圣誕禮物比阿媽,一直無揀到想嘅,行到商場三樓,有D口渴同埋肚餓喇,咁就淋住買杯嘢飲,但見到菓匠茶屋有幾多人排隊買,有睇雜志介紹過話呢度嘅雪糕唔錯,排左大概十分鐘左右就到了,呢間環境都算OK,坐得幾舒服。我见前面好多人点抹茶味雪糕,应该味道唔错吧,我都跟风点左个,外表睇落好吸引,一啖落去,抹茶味好濃郁啊,系我食過最好食嘅雪糕之一喇,雪糕好滑,抹茶味又醇厚,又唔會太甜,脆筒都做得好唔錯,香香脆脆,好好味啊。彩虹雪糕,圣诞特别推出嘅新品,我无點,但顔值好高,中意嘅朋友仔可以试下。泡芙有几種口味,我揀左士多啤梨,分量都算大,草莓忌廉搭配得好好,有完整嘅兩粒士多啤梨,不過食完一個覺得有D膩,兩個人一齊SHARE就剛剛好喇。 繼續閱讀
(以上食評乃用戶個人意見 , 並不代表OpenRice之觀點。)