莎樂美餐廳 (已結業)

話說琴晚七夕情人節，老公就話出去吃餐二人世界飯！因為帶阿B去街既話，根本不能据下扒，所以就趁機會去下莎樂美！老公叫左份什扒，賣相幾吸引架，大大份咁，仲幾有氣勢咁，但老公食完好失望，得豬扒係食得落，其餘雞扒有雪味，腸仔係無味，牛肉粒只係一餅肉咁！失敗！我就叫左份西冷，上枱又係幾靚，食落口無咩牛味，好失望呀！賣單成三百幾蚊。。。若果好味都ok,但最慘係半夜勁肚痛，訓訓下醒左，唔敢話俾老公知，今朝肚痾到七彩，老公都係Ok,我地以後唔會再幫襯佢啦！…查看更多

原先打算生日食飯, 就簡間食扒既黎慶祝, 本身之前食過係冇問題, 但琴日令我完全改觀加冇下次用餐時間係晚飯七點鐘左右, 本身唔洗等位即入以為唔錯, 入到去亦冇爆滿, 然後我地簡餐, 簡左2個大蝦+豬仔脾餐(係平時都有得簡既餐, 115蚊), 而我就簡佢特別餐175蚊,內客有: 頭盤 火龍果八爪魚沙律,                  周打蜆湯,                  大蝦+牛仔柳, 重點甜品: 彩虹新地本身本人食呢間扒房唔算好多次, 但都叫有5次以上首先落完單問飲咩湯個時, 明明我地要2紅湯, 然後我見個餐寫住周打蜆湯, 我就冇簡, 諗住Fix左冇得轉, 個侍應又問埋我, 都唔緊要, 佢話轉都得, 咁我覺得好好啦, 我話唔洗啦, 跟餐係周打蜆湯就跟返得啦, 然後黎到既係1紅1白, 然後我個周打蜆湯係溝左部份羅宋湯既....., 黎錯湯就好少事, 問題係個侍應一聽完我地飲咩湯, 懶醒咁覆都唔覆多次就走左去, 結果就黎錯湯呢樣本人覺得未夠好, 但還可以接受然後到個餐黎到, 大蝦+豬仔脾既餐, 所謂大蝦係沙巴個種大頭蝦(即拆完殼係冇肉食個隻), 豬仔脾還好到我簡既特別餐, 大蝦+牛仔柳, 我個餐大蝦就得1隻, 佢地個餐就有2隻, 然後我塊牛柳係完全冇牛味, 只覺得係超市買個種冇後製過既牛柳就咁煎個隻....已經覺得好失望食完正餐叫個甜品黎, 首先提返, 平時都可以叫到既餐牌當中, 寫甜品並無寫係咩黎, 食過就知係一個朱古力雪糕球, 而我簡既特別餐就特別列明叫"彩虹新地", 可能其他人一早知所謂雪糕新地係咩回事, 而本人係有期望過, 亦係認知當中, "彩虹新地", 最低限度都應該係M記新地+彩虹色咁結果黎到既係3個平常既朱古力雪糕球上面加D彩虹糖粒, 我即時問侍應, 回應係話一樣, 呢個就叫彩虹新地, 而且係以一個死老豆既表情黎答我, 我都已經按住自己團火唔爆佢, 然後再去問第2個侍應拎個餐牌睇, 再查證下, 明明特別餐就特別寫話係"彩虹新地", 而其他餐係冇寫明 ,咁既然係冇分別又何解要咁樣列明返黎誤導客人呢?, 結果第2個侍應同時係死老豆咁死死氣答我:"係呀, 係咁架"結果最後埋一蚊Tips都冇俾, 重點仲要加一, 咁樣既服務態度仲要收我加一, 重申:本人已經極度客氣, 亦冇發爛炸, 但換來既竟然係收左我加一都仲要係咁既服務......在此聲明及溫馨提意, 如各人有細心睇過本人評論, 請不要光顧此分店, 要食就去食沙咀道個間, Maybe個間會好少少, 講完…查看更多

早有聞名傳統既西式扒房莎樂美, 特意黎試一試, 一共點左廚師推介燒春雞同什扒餐😎 羅宋湯味道頗辣, 建議用於點餐包. 什扒餐接住上枱, 但灑汁時一D都唔覺得熱同冇沙沙聲, 似放左一陣先上枱. 總共有6層何其多😮😮 雞翼、火腿腸仔、雞扒、豬扒、牛扒、薯條配肉汁, 感覺肉汁冇咩味而且唔熱, 配蒜蓉汁應該更好. 最嫩滑係雞翼, 非常易入口, 最入味係牛扒, 唔點汁都香噴噴口感好, 可惜係最細塊~ 豬扒同雞扒差唔多好大塊比較難切開, 似煎得有d過龍! 另外一個餐燒春雞味道亦唔錯, 配白肉腸一條好淋好好食. 燒春雞肉質新鮮嫩滑, 仲有黑醋沙律, 配搭一流!!…查看更多

晚上九點到莎樂美晚膳，扒餐九十幾蚊起至百五蚊一個左右，對比其他老店扒房會貴丁點，叫了黑椒牛柳餐及蒜蓉羊架鐵板餐，餐湯是忌廉湯配餐包，湯是熱騰騰的，味道不錯，餐包微暖，普普通通沒有什麼特別，兩份扒餐滿期待的，醬汁倒落鐵板上濺起熱熱的蒸氣，黑椒及蒜味隨之飄散，牛柳賣相不錯，有兩大件，但肉質一般，落得太多鬆肉粉既感覺，口感太淋沒有肉味，較失色，羊架餐有三件羊架配薯菜，羊架太肥太肥了，可以吃到的肉不多，光吃肉是不能令你飽肚的，肉質質素一般，果真有點失望。雖然價錢不太貴，但相對以往質素都感到有點落差，希望能有改善。…查看更多

識食一定叫什扒餐＋意粉但只俾左一張餐紙檯上個塊卓布穿哂窿係味要咁省？羅宋湯有少少辣 幾好味但餐包好硬什扒餐有火腿、腸仔、雞扒、豬扒、蝦、薯條竟然冇牛扒鐵板1d都唔熱 食物都係凍既雞排超難食 肉質好乾好硬腸仔煮得太熟 變得好粗意粉偏硬半個雪榚球都可以有咁多冰…查看更多

小弟兒時（差太多30年前）母親周不時帶我去莎樂美舊店吃扒和飲雜果冰。我很懷念，也經常説給我兒女聽父親兒時的快樂時光。今天我10歲女兒生日，我帶她和兒子去到新店，他們也很興奮。我們叫了一份牛柳，一份T骨和牛脷意粉。最敗筆是份丅骨，我根本見唔到支丅骨，而且無牛肉味，啲根多到跟本食唔到。我跟員工反映，但他們態度冷淡，跟本不理我們的意見，到最終當我説要把丅骨打包，然後番舊舖反映，他才說話換過一份給我，但我兩位小朋友己吃完，我也不想再等。我也沒有貪任何小便宜，我也付全數。然後我把打包的丅骨帶回他舊舖，向他們經理／老板反映。本身想反映食物質素，最後的結果是冷言冷語，最離譜是他們解釋因請人困難，所以控制唔到質素。請問各位食客，這個是解釋嗎？莎樂美跟本沒有注重食物質素，更不尊重食客。所以我們對莎樂美已幻滅。附圖是今晚的所謂丅骨扒…查看更多

食過沙咀道嗰間 正正常常 見泥間就腳就入左去 一入先知中大伏 自己唔係啲高要求浪費食物既人 但係今次真係忍唔住一啖都無放入口就賣單走人 叫左個精選晚餐 無T骨排話上肉眼 叫七成熟放上枱塊扒可以係黑色既 跟住叫個待應黎 佢拎碟野入廚房 一分鐘後拎返份無變過既出返黎連切過嗰條刀痕都仲係度 啲黑色既燶多到切都唔哂 忍唔住叫賣單同個待應講你地啲扒煎得好差 佢竟然話煎牛排會咁樣好正常 下次叫佢自己食埋去。錢照俾佢。但真係無下次 打出黎係希望泥啲質素咁差既鋪頭唔好再有人去中伏 兩個人拎三百幾蚊去附近已經可以食得好好。唔駛食完背脊骨落 …查看更多

間野都好多人幫襯下 今次去食點知伏到應一應同fd都係中學生可能啲店員見到後生女就蝦我地啦周圍檯啲扒餐送到黎都係好熱淋汁會冒煙唯獨我地唔係 啲野食唔新鮮 特別係蝦食食下仲發覺舊帶子既邊係膠咁韌最嬲都係店員o既態度上到OpenRice先知惡評如潮絕對唔會再幫襯anyway大家唔好再中伏喇!!…查看更多

當晚在千色附近揾食，記得有間老字號【莎樂美餐廳】，抱住一試心態，點知就中伏！是夜點咗雜扒同晚餐牛柳意粉：先講雜扒─腸腥﹝可能未熟﹞，薄牛扒同豬扒明顯雪到無味，祇有雞扒可以！伴菜有喲焦，真係我估唔知係咪大厨休息？晚餐牛柳意粉啲意粉未熟透，五件牛柳中有一件係霉嘅！記得當晚無滿座，點解食物未煮好就上檯？呢個問題我唔會花時間去了解的！順帶一提，佢唔收信用卡─ 一係佢當自己係茶記，咁嘅質素，算啦！…查看更多

今日同男朋友食晏想鋸扒諗住近近地就黎左呢間莎樂美度食但一入門口就已經有好多烏蠅多到啲待應係咁拎電蚊拍拍湯同麵包都還可以接受意粉比鐵板先上但都係凍哂鐵板餐算抵食 有兩塊雞扒加粒帶子食食下個陣feel到腳踝位痕痕地以為只係烏蠅無理到但食完吹緊水既時候突然feel到隻手有啲野諗住撥走個陣點知原來係隻勁大隻既曱甴!!!!之後梗係勁驚係度嗌同想fing走佢 佢就跌左落張櫈度之後就勁快咁爬返落地下啲待應見到就即刻踩死左 之後好似咩事都無咁 道歉安慰都無句 到埋單個陣 見我心情仲係好激動係度喊緊咁先講句唔好意思 真心覺得 咁大隻曱甴走出黎你點都應該第一時間安慰左受影響既客先啦 而家隻曱甴仲要爬到上手喎!!點解可以好似咩事都無發生過 踩死左就算!?以後都會再黎呢間餐廳!!!!!BLACK LIST FOREVER!!!!!!!!…查看更多

放LUNCH, 呢間荃灣出晒名的老餐廳, 總要會一會。以前我明明係去英皇娛樂對面果間, 今次朋友帶我到疑似分店初嚐。比想像中少人, 少了一份懷舊味道。午餐MENU 選擇實在不足, 一款牛的PRODUCT 都冇, 唯有叫來一客雜扒, 價錢唔貴。最吸引的是大蝦, 尚算夠份量, 但肉質就將貨就價吧。雞扒、豬扒.. 可以。但雜扒依舊無牛肉食。整體來說, 以五六十蚊O既價錢食一個鋸扒午餐, 都無乜好投訴。但扒房無牛扒LUNCH 實在失望。唯有下次先大餐牌吧…查看更多

行完山約了另外2位藏友及行山友一起去食晚2飯，來到時朋友已入坐了，因為走了半天路肚餓了，要了扒餐，份量十足又有甜品，抵食。******************************入坐，每人的位必有餐紙一張。莎樂美有2間分店，我們去了城巿中心那間。先來餐湯和餐包，我要了紅湯，這裏的紅湯很香濃的，餐飽入口和暖軟口，不錯。我要了份豬扒蝦鐵板餐，看看豬扒很大，蝦也很大隻。蒜蓉汁配上豬扒不錯，蝦就不是新鮮的材料，入口肉質還可以，不會是梅口的。餐飲要了凍檸茶，茶味較濃，不會很甜的。最後跟餐還有雪糕，味道沒的選擇，是店安排，因為我怕肚瀉，給朋友吃了。…查看更多

威風不再的老字號👊想必很多住荃灣既人，都知道都食過莎樂美。出名大大份，聽叔叔講，當年大件夾抵食又算味道唔錯，所以長期大排長龍👏今時今日，眼前呢份下午餐雜扒講話你知，它依然大份，而且價錢相宜，可惜，水準不穩定，每食3次中2次都難食，都係肉排乾爭爭，只有1次幸運地食到圖中這份—令人有點食指大動的，今次豬排正！夠嫩滑，雞排就好普通😞薯條配菜等勸大家就唔好食，我食左咁多年都係難食，除非食量好大加意粉，否則一個雜扒餐夠食😌無可否認 價錢配這份量係相當划算的。好多人都同我講，雜排唔好食，其實我都知雜扒係唔好食(多數都係下欄野）不過突然好想食唔同種類既肉就唯有叫雜扒食啦😭😭雜扒有一個優點就係多種類和多數都大份，會食得好飽😂…查看更多

這夜又是與藏友相約吃晚飯，來了這裏吃飯，然後又閒談的過了一個晚上。***************************朋友早到幫忙取位，這是新開的店，因為老店太多人等，來到個看看這裏的餐廳紙。我選了一個紅湯，這裏的紅湯都很香濃的。因為腸胃有點不適，所以選了焗白汁魚柳飯。，魚柳也很大塊，飯也很多，但我只能吃下半碟飯，魚也能吃完。味道也是一般般，因為都是那白汁的味道為主。要了一杯凍檸茶小冰，然後自己走冰，茶苿有點濃，味道也ok。這個餐必定包甜品，這夜是朱古力味雪糕，我腸胃不好沒吃了，給朋友吃了。…查看更多

荃灣食扒個名最響就係莎樂美，所以門口都企滿哂人，大熱天時企係到等真係幾辛苦，等左半個鐘左右終於入到去，大部分都係卡位，夠舒服！叫左兩個扒餐麵包同其他据扒餐廳一樣啦！羅宋湯，亦都無特別周打魚湯，差唔多間間餐廳都係粟米忌廉湯，呢到算有d特別嫁啦！雖然周打魚湯其實只係升級版既忌廉湯，但點都好飲d什扒餐($118)見都幾多人叫，一黎夠大份二黎價錢便過d牛扒餐，但肥仔唔太滿意，話唔夠熱，d汁又唔夠，d雞同豬又好似未熟哂，同埋什扒餐d扒質素一定無正常扒餐咁好，所以好麻麻到我個西冷牛扒啦($148)！塊扒好厚而且有大舊肥膏！一啖肥膏一啖肉正呀！而且都幾冧，我呢個就好食啦！不過薯條份量就少左d5成熟，啱啱好～甜品係朱古力雪糕，溶溶地，而且好多冰粒，麻麻:(仲包左兩杯餐飲，凍檸茶檸水咖啡奶茶就唔使加錢，埋單連加一$293，食物質素計整體的話都可以啦！不過d刀叉痴痴笠笠，要注意番…查看更多