莆田 (荃灣廣場)

營業中

休息中

莆田主打獨具特色的福建菜，餐廳簡約現代的設計，結合了清雅竹林佈置，打造出悠閒自然的氣氛。餐牌涵蓋了多種鮮香的海鮮和主菜，清爽細緻的口感，使人流連忘返。蟶子節菜品($219自選兩款)蒜蓉蒸蟶子蟶子鮮嫩彈牙，蒜蓉汁的芬芳撲鼻而來，鹹鮮味濃，入口彈牙帶嚼勁，味道細膩，惹味吸引。蟶子炒金黃蛋蟶子的鮮味，與雞蛋的醇厚結合，形成柔順可口的滋味。蟶肉鮮甜多汁，雞蛋恰到好處的熟度，蛋香誘人，是簡單美味的家常菜。莆田荔枝肉 98特點是荔枝果肉，與軟腍豬肉搭配，酸甜可口，荔枝的清甜和鮮嫩的肉質呼應，開胃滋味，回味悠長。砂鍋黃花魚湯 138湯底清澈透亮，呷一口熱湯，鮮甜濃郁，黃花魚肉鮮甜滑溜，口感豐腴，加入綿厚芋頭蓉及蜂巢頭豆腐，營養均衡，香氣宜人。鮮貝燴絲瓜 88貝肉鮮香，襯托了絲瓜的清脆口感，入口淡雅清新，純樸爽甜。桂花陳皮燉雪梨 48梨肉軟糯滋潤，沁出桂花香氣，陳皮的醇郁味道與之融洽，清甜適中，滋補養顏的糖水。

謙謙難得放學後冇課外活動， 我就帶佢來莆田食佢喜歡的蟶子， 呢到的八選二活動幾有特色，我就選左以下兩款蟶子食法。✡️ 椒鹽哆蟶子 ～ 蟶子和茶樹菇炸到金黃酥脆係上層輕輕撒上椒鹽鹹鮮味十足。✡️ 農家蟶滑湯 ～ 農家做法，保留蟶子的鮮甜味，個湯又甜又滑。✡️ 黃金荷葉包 ～ 香甜的洋蔥肉絲加落去酥脆的荷葉包內夾住食， 口感超豐富值得推介。✡️ 芥蘭豆皮 ～ 又爽口又甜的芥蘭， 配上掛汁的豆皮又幾夾喎。✡️ 福建紅菇海鮮鹵麵 ～ 一碗麵竟然包含左13樣食材， 湯底濃郁材料豐富我見好多張枱都有叫來食。✡️ 閩南花生湯 ～ 呢款係新出甜品， 花生夠香，甜而不膩，平時怕甜的我都忍唔住食多左幾口。

/又係屋企人最鍾意食嘅莆田呀！蒜蓉蒸蟶子 $129蒜蓉味道滲入蟶子，而蟶子的鮮味被充份吸收，口感超級鮮美，又啖啖肉，超正👍🏻！我仲用餘下嘅醬汁沾上米粉食，一滴都冇浪費😝。閩南姜母鴨（例）$128係台灣、福建廈門及泉州的一道傳統鴨肉料理，加入左高酒和料酒燜煮。姜母嘅辛香同鴨肉的鮮香融合一起，煮到干香四溢，超級送飯😋。鮑魚辣椒小炒肉（例） $158青辣椒同紅椒入鍋乾煸，加入豬肉片同拌炒，煸出椒香後，再搭迷你鮑片大火翻炒，起鍋再嗆花雕酒，增添香辣滋味。興化炒米粉（例）$118用海鮮同多種配料一齊炒嘅幼細米粉，次次都點架。莆田扁肉湯 $32湯底酸酸地超級無敵開胃，扁肉皮到餡通通係純手工。 超級推薦😍。辣媽辣椒醬 $35撈麵撈米粉都勁好食 推薦大陸都買支返去。#莆田 @hkputien 荃灣大壩街4-30號荃灣廣場L4樓416號舖

一向都幾鍾意食莆田嘅蟶子，等到啱季節專登嚟食~🔘蒜蓉蒸海蟶🔘薑蔥炒海蟶共八種食法，叫兩款會抵食啲，蟶子脹卜卜夠晒肥美，食到鮮甜味，蒜蓉蒸係傳統口味，我同朋友都更鍾意薑蔥炒，原隻蟶子比起開邊蟶子更加爆汁，非常好食~🔘興化炒米粉點咗兩個一人餐，炒米粉係招牌菜，乾身足料，仲有三款涼拌小菜豬蹄凍、滷水豆腐同埋筍乾，加埋飲品或者燉湯，相當抵食嘅午市套餐~🔘莆田荔枝肉配白飯外脆內軟，肉質鮮嫩唔鞋，酸甜汁嘅調味啱啱好，個燉湯有驚喜好好飲，呢日係竹笙排骨湯，好夠味~🔘桂花陳皮燉雪梨食到有桂花香，加入雪耳同陳皮絲，相當滋潤嘅糖水~🔘酥炸冰心榴槤外皮酥脆，中間嘅冰凍榴槤口感軟綿綿，半溶狀態，每次必點嘅甜品~🔘辣嗎辣椒醬鍾意用呢款辣椒醬配炒米粉，味道酸酸辣辣易入口，食落唔油膩，又有啲泰式風味，印象中唔貴，即刻入手一樽~

我最近再次造訪了一家主打福建菜中菜廳，名為「莆田」，餐廳除了提供多款福建菜之外，還有多款滋味菜式，現在餐廳正推出嚴選時令蟶子菜式！我們一行二人惠顧了以下菜式：蒜蓉蒸蟶子 $219/2蟶子肉質鮮嫩,入口即化,與蒜蓉的鮮甜滋味形成絕佳搭配。整體口感細膩爽脆,令人欲罷不能。椒鹽多頭蟶子 $219/2蟶子肉質鮮嫩飽滿,一口咬下即化在口中。椒鹽的調味完美襯托出蟶子本身的鮮甜,整體口感層次豐富,入口即化。砂鍋黃花魚湯（例） $138這道砂鍋黃花魚湯湯頭濃郁醇厚，魚肉鮮嫩多汁。湯底及豆腐充分吸收了各種香料的精華,口感細緻醇厚,回甘十足。福建紅菇海鮮卤麵（例） $138這道福建紅菇海鮮卤麵色澤誘人,麵條Q彈有咬勁。醬汁香醇濃郁,與鮮美的海鮮香氣完美結合。紅菇提供了獨特的香菇風味,增添了層次感。石鍋滑豆腐 $98這道石鍋滑豆腐軟嫩鮮滑,豆腐本身的清香被烹調的恰到好處。配料的醬汁恰到好處,不鹹不淡,恰好襯托出豆腐的原味。

星期六約了很久沒見面的朋友聊天聚會，去了荃灣首先,我最愛食興化炒米粉！好香吖！米粉幼身口感Q 軟彈牙，配料仲有好多海鮮，有蝦有蜆有海蟶，同香料紫菜一齊炒，好正呢！一個人就食一份都唔過份～之後,我地試咗黃金荷葉包，包皮炸到金黃色，即叫即炸，打開金黃包皮放入咸甜口味嘅肉絲，肉絲軟滑可口，大人細路老人都啱食。另外仲叫左酥炒芋芯，呢個又係必食之選，超級好味！睇落好簡單，但好好食。芋頭優質，口感好粉，外皮好脆，甜甜地，真係一口接一口咁食落肚！【主打海蟶兩味】叫左鐵板鹽焗蟶，好肥美吖！超熱鐵板，用鹽焗原來可以咁好食，原汁原味，海蟶鮮味嘴角溢出，肥碩碩嘅蟶肉，好滋味!紅菇蟶湯好濃郁呀，紅菇同蟶肉熬煮，湯底香濃醇厚，新鮮嘅海蟶令湯頭好鮮甜，同紅菇嘅味道好夾，真係食到心滿意足!呢到環境又好舒服又闊落，同閨蜜一齊傾偈好舒服呢！

蟶子季又嚟喇～最鍾意食蟶子😍揀咗鐵板鹽焗蟶子及蒜蓉蒸蟶子兩款。鹽焗帶出蟶子嘅鮮甜，再經過鐵板燒烤，令佢更加香口。蒜蓉蒸蟶子，蒸熟嘅蟶子配上香氣四溢嘅蒜蓉，真係食唔停！。前菜小食揀了滷水豆腐。滷汁滲透入豆腐嘅口感，夠哂入味。黃金荷葉包係炸咗嘅饅頭包包，然後夾住惹味嘅肉絲食。蔬菜類可以試下鮮貝燴絲瓜，鮮嫩嘅絲瓜配上鮮美嘅貝類，清清地又健康。最後，我地仲有叫海蠣煎，煎至金黃酥脆。如果你係蟶子愛好者，快啲盡快享受蟶子季啦！

呢日同細妹係附近行街，咁岩講起細個屋企人整過一種唔係炸既蠔餅，細妹就講起一種用甜豉油既粽。之後點知兩樣都係呢到食到！之前都無留意呢間原來係食福建同閔南菜😂我哋叫左經典菜包飯、福建特色海蠣煎、滷水豆腐 芋泥香酥鴨同埋花生湯。點知超驚喜！ 海蠣煎就係我哋傾計時提起既唔係炸既蠔餅，而個菜飯就好似細個食過點甜豉油既果隻粽！ 食到果刻我哋都超驚訝同時又好開心，終於食到細個既味道。另外個滷水豆腐都好好食，一咬啲滷水汁就噴晒出嚟同埋又唔會難咬，好香豆味，下次食會想再叫！而個芋泥香酥鴨就反而比較平凡，個人覺得芋泥同鴨味道唔太夾，同埋啲鴨有少少柴。最後個花生湯都係小時的味道，之後忍唔住再外賣叫多左碗返屋企無咁飽再食🤣🤣

莆田主打新派福建菜, 荃灣廣場分店， 以淺木色為主調， 配上翠綠的竹樹點綴， 清麗雅緻 , 環境舒適闊落。餐廳為了慶祝蟶子節, 以蟶子製作出一系列特色菜式 , 仲有著數優惠 , 值得一試。蟶子節菜品 $219/ 任選2款🔸️蒜蓉蒸海蟶🔸️椒鹽哆頭蟶時令的海蟶, 肉質飽滿，特別鮮甜，加上惹味蒜蓉粒，啖啖的蟶子鮮香，令人意猶未盡。新鮮炸起的蟶子， 炸至金黃香脆， 加上椒鹽提香，香口滋味，沒有油膩感 , 伴酒一流。馬來風光 $ 88 翠綠的通菜， 爽脆帶啖啖微辣及蝦米粒的鮮香，充滿鑊氣， 越吃越過癮。蒲田荔枝肉 $98豬肉粒外脆內軟， 入口軟腍鬆化, 配上荔枝醬汁， 酸酸甜甜, 加上粒粒荔枝肉, 十分醒胃。砂鍋黃花魚湯 $ 138 奶白色黃花魚湯， 打開砂鍋蓋時, 香氣十足，入口好鮮甜 ， 黃花魚魚肉, 鮮味滑溜， 湯中的蜂巢豆腐， 完全吸塑了湯底的鮮味， 啖啖是幸福的滋味。桂花陳皮燉雪梨48原隻燉雪梨， 入口鬆化， 每一口都是桂花和陳皮香氣，甜度剛好，清甜滋潤。

爸爸好鍾意食中菜同海鮮，4-6月海蟶最肥美大隻鮮甜的當造季，梗係黎莆田@hkputien 食啦。荃灣分店落地玻璃窗設計，優雅寫意的用餐氛圍，座位寬敞舒服，而且服務都超級好。 ‼️兩道海蟶菜式就有special offer, 只要$219‼️ 🐠 蒜蓉蒸蟶子 單叫$129 ❗️推薦必食❗️蟶子殻唔大，但蟶子肉飽滿又大隻又啖啖肉；落油炒香蒜蓉，再另將豉油同油淋上，真係好味到不得了！食完我仲將啲汁淋上米粉食，絕對係精華所在😝。 🐠黃金荷葉包 $38 ❗️推薦必食❗️刈包烤至金黃，咬落外皮酥脆，內裡柔軟，面頭的芝麻令味道更香口，再搭配像京醬肉絲的內餡一起品嚐，三者鮮香融合在一起，不得了!!! 🐠 石鍋滑豆腐 $98 ❗️推薦必食❗️原個鐵鍋上枱，一上台滋滋聲熱辣辣，豆腐超入味而且口感嫰滑，仲有蝦仁同底層嘅蛋皮作配搭，撈飯真係無得彈。🐠椒鹽豬手$96/兩大隻除左椒鹽比例恰到好處外，炸豬扒的肉質都做到鬆軟多汁，做到外脆內嫩。🐠興化炒米粉 $118黎親必叫嘅炒米粉，由多樣海鮮作配菜，米粉好幼好有咬口，我就將蒜蓉蒸蟶子嘅汁撈落去食，味道更升華，推薦大家都學我咁食👍🏻👍🏻。🐠薄荷枇杷凍 $48食落清凉甘甜，枇杷甜得黎又

哈哈 每年呢個時候都會期待着莆田再出蟶霸菜式 終於又俾我等到啦❣️今日我哋一行兩個人去到荃灣莆田 會一會我心心念念嘅哆頭蟶依家蟶霸Menu 任揀兩款菜式都係$219 所以我哋就直接揀咗蒜蓉蒸海蟶同埋鐵板鹽焗蟶🥰蒸嘅蟶子質地非常滑嫩 加埋蒜蓉、蔥、醬油 簡簡單單嘅煮法更能突顯鮮味💪🏻而鐵板焗嘅整法 一樣可以保留到蟶子嘅肉汁 肉質就會相對紮實少少 但有爆汁嘅效果👍🏻👍🏻之後嘅幾味菜式 都係我哋平時去莆田會食嘅 分別係媽祖平安麵、石鍋滑豆腐、黃金荷葉包☺️平安麵嘅海鮮比得好足料 啖啖都係鮮味 食落好舒服 石鍋滑豆腐✅上到嚟仲滾吓滾吓 醬汁帶少少辛辣 黃金荷葉包 金黃色嘅外型已經好吸引🎉搭配埋洋蔥肉絲 呢個組合好味！最後當然唔少得 我哋最鍾意叫嘅桂花陳皮燉雪梨🍐滋潤滋補 完美嘅甜品😇😇

時隔一年 又到左係食海蟶的時節 上年試左莆田的海蟶菜式值得唔錯 所以今年決定繼續支持時令餐牌-莆田哆頭蟶節$219 2道海蟶菜式 今年冇加價🤣餐廳提供左8種不同的海蟶整法以切合食客的口味鐵板鹽焗蟶Encore之選‼️連續7年的莆田銷售冠軍上菜時仍然熱辣辣 充滿鹽香味 蟶子入口鮮味十足 肉質鮮嫩 保持到上年的一貫水準蔥姜炒海蟶上年未有見到這道菜式 今年見到就點左 亦可以選辣炒風味 喜歡食姜蔥的朋友應該會覺得炒得頗入味 帶點濕潤口感 大白菜燉軟豆腐除咗海洋類 都想食返清潤菜式同埋飲返碗湯諗唔到除左菜湯以外都有落蟶子 更帶出有海鮮的鮮甜味 有驚喜❗️閩南姜母鴨這個就相對濃味 鴨肉細嫩 建議與菜湯交替品嘗 或者考慮送飯一流🤣甜品：桂花陳皮燉雪梨薄荷枇杷凍雪梨帶點桂花香味 入口清甜 暖胃滋潤枇杷凍清爽彈牙 帶點酸甜 消濟的好選擇😏

前排去咗莆田食晚飯啊😋點咗$228 兩款海蠣菜式😛又滿足又飽肚啊！可以嚮七款海蠣菜式入面揀兩款，啱曬唔同口味嘅大大😋。七款海蠣菜式的類都相當多元化，有較為濕潤的湯羹類，亦都有較為乾身香口的小炒類。筆者就揀選了乾濕菜式各一。。📌九層塔香燜海蠣 (Braised Oyster with Basil)💬鮮嫩海蠣和九層塔，淋上特製醬汁燜製。海蠣炸得酥脆可口，再配上新鮮九層塔同特製醬汁，又香又惹味，味道豐富又層次。。這款菜式是筆者的最愛，每次來用餐都會點。一上桌時，菜式滋滋作響，散發出十分誘人的香氣。。📌黑松露海蠣燒豆麵 (Black Truffle Oyster Noodle)💬濃郁鮮香的山海雙珍，燜至豆麵爽滑入味。先聞一聞湯的氣味，黑松露的味道撲鼻而來。再呷一口湯，海蠣的鮮香在口腔內翻滾。豆麵幾有嚼勁，煙煙韌韌，而且份量充足。盛載燒豆麵的窩子是特製的，窩子下方可擺放小蠟燭，令菜式能保持溫熱。海蠣大約有十二粒，粒粒飽滿鮮香。。📌石鍋滑豆腐(Stone Pot Homemade Bean Curd)💬醬香微辣 - 石鍋現煎，外焦裡嫩，拌著米飯吃更香。醬汁加了少許豆瓣醬，菜式有一丁點辣度，不會令人

這間知名連鎖食府其中一間分店位於荃灣廣場，鄰近荃灣西站，主打地道福建菜，堅持選用最新鮮食材。最近推出的「莆田哆頭蟶節」以八種吃法呈現福建哆頭蟶的脆口鮮甜。蒜蓉蒸海蟶 & 椒鹽哆頭蟶 - $219/兩道天然黑泥養殖的蟶子個頭大，蟶殼完整且金黃透亮，本身就極爽脆滑嫩。一款鋪滿了濃濃的蒜蓉，再淋上熱油，突顯其海鮮味；另一款則即叫即炸茶樹菇和蟶子，金黃酥脆而不油膩，椒鹽鹹鮮味十足。芋泥香酥鴨 - $98金黃酥脆的炸衣毫不油膩，咬開有綿密軟糯的芋泥帶香甜，又有香嫩多汁而不柴的鴨胸肉，層次豐富。莆田荔枝肉 - $98福建傳統名菜，有別於常見的咕嚕肉。外脆內軟，啖啖肉鬆軟多汁，有著濃郁的糖醋酸甜，又有荔枝的清香。黃金荷葉包 - $38/片極酥脆的鮮荷葉包，撒滿了芝麻粒，絲絲油亮的肉條鹹香惹味，又有清甜的洋蔥平衡膩感。桂花陳皮燉雪梨 - $48一整個冰糖燉雪梨肥美飽滿，爽脆清甜極多汁，糖水有著滿滿的桂花香極滋潤。薄荷枇杷凍 - $48果凍以純枇杷汁熬成，薄荷葉帶點清涼，生津潤肺。

今日要同大家分享我去咗莆田嘅食評。其中有幾款菜式特別出色，包括脆皮蒜香雞、芋香鴨、蟶炒金黃蛋同椒鹽哆頭蟶。首先，脆皮蒜香雞係呢間餐廳嘅招牌菜之一。雞肉炆得好嫩滑，皮脆口感極佳。佢嘅特色就係加入咗豐富嘅蒜香味，真係令人回味無窮。每一口咬落去，都能夠感受到雞肉嘅鮮嫩同蒜香嘅香氣。其次，芋香鴨係另一個令人驚艷嘅菜式。鴨肉經過特別處理，肉質鮮嫩多汁，外皮烤得金黃酥脆。鴨肉同芋頭嘅結合，帶出獨特嘅香味同口感。除咗以上兩款菜式，我仲推介蟶炒金黃蛋同椒鹽哆頭蟶。蟶炒金黃蛋係一道簡單卻美味嘅菜式，蟶肉鮮嫩，金黃炒蛋鬆軟滑嫩，完美嘅結合。蟶肉嘅鮮味同炒蛋嘅香濃口感，令味蕾得到極大嘅滿足。而椒鹽哆頭蟶則是一道非常開胃嘅小吃，哆頭蟶經過炸至金黃酥脆，配合椒鹽調味，帶出蟶肉嘅鮮美，入口酥脆多汁，絕對係一道下酒好選擇。總括而言，脆皮蒜香雞、芋香鴨、蟶炒金黃蛋同椒鹽哆頭蟶係我嘅推介菜式，呢間餐廳絕對係一個不容錯過嘅選擇！