莆田 (荃灣廣場)

營業中

休息中

新加坡中菜杯茶一向不是心頭好，例如_ _拉麵小籠包、_ _王朝等，感覺環境比食物優勝，屬於高不成低不就類別，令人少有翻啅衝動。莆田是新加坡福建菜，知道有蟶子菜式，好奇心驅使下去試試。食物：興化米粉、甜酸炸蠔（季節菜）、小吃四式（九轉豬腸、豬蹄凍、蝦苗紫菜、菠菜）同洋燒排。小吃四式先到，九轉豬腸有豬香，厚身豬腸入味而且質感軟糯有咬勁，菠菜同紫菜蝦苗清香，豬蹄凍加上辣汁令更惹味，同時中和豬湯啫喱的膩感，小吃四式不錯大大增加對莆田的信心。興化米粉米粉又幼又輕，好似台灣既小炒米粉，配料同米粉比例正常，隱隱唔太濃既鑊氣，好味。洋燒排炆得入味，骨肉輕易分離，醬汁是偏甜系，佐飯相信不俗。最失望是炸蠔，蠔身細而未感鮮味，成碟疑似食炸粉比例高達60%！不過食到尾炸粉仍然無全淋，而醬汁亦恰到好處。環境：簡潔裝潢，乾淨企理，枱與枱之間不算狹窄。服務：店員殷勤，而且自動加茶，難得食完收碟後仍自動加茶，店員亦會詢問是否需要甜品，過程没有逼迫感，服務令人滿意。價錢：兩個人3百幾，正常價錢，正常份量，幾好味道，幾好服務，有下次。

今日踩完單車, 到晚上6點幾, 心急周圍搵地方俾晚餐bb食, 所見成個荃灣廣場人潮湧湧, 每間餐廳都爆晒人, 老公見到呢間莆田寫米芝蓮, 見周圍等候時間一樣多人, 就喺呢間等待一下, 等待其間好貼心派薑茶等候30分鐘後, 終於入座, 全間餐廳唔知係未得1張bb chair, 竟然未能提供bb chair, 眼見在場好多家庭都要抱住小朋友食, 我同老公都別無他選, 唯有照揹住bb食, 侍應話限時食個半鐘, 我哋諗住叫咗個推介麵拿拿臨餵飽bb先算, 但係.. 落order後竟然30分鐘都嚟唔到一個麵, 其間摧過幾次, 因等待得太耐, bb 越嚟越肚餓開始發脾氣, 最後我哋真係等唔到呢個咁米芝蓮嘅麵真係可惜, 但我自己都唔能夠想像到點樣限食個半鐘, 但半個鐘都嚟唔到食物, 呢間餐廳真係差過我食放題剔完野食唔到!!

上次係鑽石山間分店食嘅主因係呢間荃灣莆田。朋友找的選擇，本身我聽個名，同大部分朋友一樣，以為係日本菜，仲要係那些任吃任砌的日本料理。不過，如果你google一下就知，莆田係福建其中一個地方，而呢間餐廳係一間係新加坡好出名嘅餐廳，食嘅就係地道嘅福建菜。我問朋友呢間嘢有幾出名，係新加坡做過幾年野嘅人話，就像香港嘅利苑。第一次吃的𥮉田，的確給我很大驚喜。是晚吃的都是這裡的人氣菜，仲要而家做緊新加坡theme嘅新菜式，今次係度一一講下。一黎就飲杯紅毛榴櫣汁，以新鮮的榴櫣果肉製成，入口口感勁滑，我還以為去了那些出名的甜品店，好喜歡其濃郁的榴櫣味。首先一定要講呢個冰浸苦瓜，記得吃過好食的有聚友冰鎮涼瓜，對比起這裡，各有千秋，而且你怕之外，還有一碟蜜糖俾你試，無論你吃得苦與否，係咪人中人，大概自己就可以知。第二碟食就係呢個新加坡新theme蟹，黑胡椒蟹，雖然不是像新加坡用的斯里蘭卡蟹，但係個個味係完全一樣，我想起新加坡的那些黑胡椒蟹，非常好味，呢個配合饅頭，那些黑椒汁又同那個饅頭卻出奇地夾。另外辣椒螃蟹也是惹味之選，蕃茄醬和辣椒加埋所做的醬汁好濃郁，我拆左一隻蟹夾，肉質非常鮮嫩，辣椒味沾上蟹肉當中勁

看莆田以福建菜為主, 我日常生活成日食到福建菜, 今次一於試下有咩唔同!二人點了椒鹽豬手, 九轉小腸, XX豆腐鍋(忘記了名稱)椒鹽豬手豬手是炸的, 皮好厚好硬, 好難咬, 肥膩感重, 幾乎食唔到肉, 唔講真係唔知食緊豬手。九轉小腸上菜是有蠟燭在底部座熱, 但我發現蠟燭並沒有點著, 於是跟店員說, 那位店員說"一樣食得"。我就信此為裝飾品, 試下小腸係咪"一樣食得"先! 食一口, 小腸只是微微的暖, 而且不久後小腸的油脂凝固成白色。於是我就跟另一位店員說, 請點著蠟燭, 那位店員隨即找出火槍點著蠟燭。蠟燭熱力發揮, 熱熱的小腸好食好多!第一位店員, 因為懶惰, 令到食物不能以最佳的狀態給客人品嚐, 亦是扣分主因之一。XX豆腐鍋此味很送飯~很家常小菜感, 不錯! 很大的一鍋, 吃不完打包走了! 總結, 我對此打著福建菜為名的食店有點失望。原本打算好味會帶全家人一起來吃, 看來還是吃媽媽煮的福建菜好了...

過江龍的精彩。第一次食福建菜，竟然遇上冇得輸嘅炒米粉同過江美食黑椒炒蟹。話說呢就有個朋友叫我來食莆田，咁我聽完之後我就話好啊好啊好啊日本野我最啱嘅，點知去到望清楚咦原來係食中菜喎，巧遇驚你有時間同我哋傾吓計佢就話左比我哋聽原來佢哋係來自新加坡嘅福建菜。原來普遍很新加坡好架勢架係新加坡50大餐廳之一，佢哋嘅福建菜都好正宗，但係既然佢哋係新加坡知名餐廳當然就要為我哋帶嚟一啲新加坡嘅新色彩啦！經理就同我地介紹咗啱啱出咗唔知有冇一兩個星期嘅秋天新餐牌同強勢新加坡炒蟹啦！要講另外一個小細節啦！就係佢哋嘅茶位呢嘅茶係好好飲，唔似得好多中菜嗰啲茶得個色無香味，今次是嘅菊花茶，真係好清香，金黃色的，飲落感覺好舒服。先來個金秋三影小食拼，今秋衫影嘅特色，就係三樣嘢都係望落去係金黃色，有啲似落葉紅葉嘅感覺，三個小食有南瓜、甘薯、合桃，煮南瓜塊，口感清甜。炸甘薯，炸漿夠薄無咩油，裡邊嘅甘薯都係有種清甜的感覺。糖合桃，脆口有蜜糖的甜味。分量其實唔多所以三分鐘已清。另外就帶咗經理推介嘅黑胡椒炒蟹，仲記得五月去新加坡嘅時候好慘地當日嗰個市場呢邊嘅蟹好早已經賣晒啦，整個旅程我最後都食唔到如此知名嘅黑胡椒炒蟹同辣椒炒

金秋三影(HK＄48），即係有金瓜、甘薯、合桃，做飯前小食都唔錯！黑胡椒螃蟹（HK＄20/兩），香噴噴好惹味！醬汁加入印度既黑胡椒、馬來既小胡椒，有小小辣但可以接受！啖啖蟹肉好正啊原盅小金瓜海鮮湯（HK＄58），金瓜即係南瓜，內裡好足料，估唔到配料有蝦有蜆，而且仲可以刮南瓜肉食添！甘栗炆雞（HK＄78）,我超愛食栗子！栗子甘甜又大粒，炆得好入味，而雞肉肉質嫩滑！如果有叫飯仲可以撈汁食！冰浸苦瓜（HK＄48），做型漂亮！涼瓜切成薄片，冰涼爽脆，口感好似食緊蘋果咁！而沾上蜜糖可以減輕些少苦味，但我本身討厭食苦瓜，好怕苦，所以食一塊就夠了！興化米粉，米粉係幼身，口感軟綿綿，同樣有蝦有蜆好豐富！九轉小腸(HK＄78），由傳統九摺式穿套而成，但其實唔係有九層，只係一個比喻，但其實都好考師傅功夫，每條腸洗得乾乾淨淨後，一層一層穿套，要花好多心機同時間！另外，小腸有瓷器作保溫，賣相加分！不過要襯熱食，否則小腸會容易裂開！我本身好怕食內臟，但哩度既小腸真係可以一試，小腸口感彈牙，十分爽口又唔肥膩，易咬開，同街邊食到既有好大分別！甜品方面，簡左桂花陳皮燉雪梨（HK＄36），起初以為係冰鎮雪梨，但原來係熱

跟朋友去食飯，看到莆田，以為是吃日本菜； 原來莆田是一個地方，是吃新加坡福建菜的， 我真的弧陋寡聞.....餐廳除了有主餐牌外，亦會按時令推出限定餐牌，我們遇上的，就是秋天菜式的餐牌及非常新加坡餐牌。甫坐下，先喝杯泡菊花茶清清喉嚨!先來金秋3影，有南瓜、甘薯、合桃，蒸煮南瓜塊，是中國南瓜那種口感，清新微甜。酥炸甘薯，炸漿脆口夠甘香。糖炒合桃，炒得好甘香脆口，3款當中，我最喜歡這個。秋季最需要湯水，莆田南瓜就是秋天最時令的食材，原盅小金瓜海鮮湯。原個小金瓜盛載著以金瓜蓉、莆田蟶子、蜆、魷魚等烹煮而成，口感像羹，南瓜本身已清甜，加上海鮮的香濃鮮甜，更為美味。新加坡經典美食，一定要有辣椒蟹及黑胡椒蟹啦！我喜歡惹味些，所以點了黑胡椒蟹，原來越南蟹種都好大隻。並非單單用黑胡椒，而是加入了醬油、小辣椒與牛油，不會抗拒的那種辣，味濃肉鮮甜， 超正!磅蟹都會跟一碟曼頭，蒸的炸的都有，論吸味程度，當然是選擇蒸啦，這樣就能夠吸盡醬汁，一滴也不浪費。吃出辣的，來杯即製新鮮紅毛榴槤汁，類似蕃鬼佬荔枝，少許酸帶點原本的果甜，幾fresh 。馬來風光， 即三芭醬炒空心菜，新鮮翠綠的空心菜，爽脆又惹味， 三芭醬味道

火文苦瓜9分、椒Ⅹ豬手8分、興化米粉9分全HK無人炒得 GUM乾身GuM好食酒蒸聖子大大隻但不夠入味淡了一些兩個人四百二唔平但好食我們坐店外環境只是可以可以更好

第二次幫襯，第一次幫襯鑽石山店，講真感覺一般，但有張豆腐couple今日到期，唔想浪費，所以約咗個荃灣友諗住平平哋用咗佢，點知越叫越多人，叫埋喺紐西蘭識嘅北京朋友又再「能」埋佢個fd, 意想不到佢朋友竟然係褔建人，褔建人評褔建菜，有趣有趣。獅蛤，上次去鑽石山賣唒，menu內第一頁第一味餸，張相影得超吸引，成坐山咁高，但理想同現實總有分別，現實中已被愚公移山，每隻size如手指公手指甲size, 但新鮮，個汁好好味，生蒜辣味加辣椒辣味，根本撈咩都好味，後尾我變態到直接飲個汁 九轉小腸，無內臟臭味，賣相精緻 笋凍，$33，唔係褔建人應該唔會點呢個，在menu內毫不起眼，最可怕係佢入面並唔係腸，褔建朋友話係蟲，但上網查咗係疑似蟶子嘅海洋生物。褔建朋友話佢係最係福建特色嘢，會整到棋子狀，配一個酸甜汁。其實咩都好，我都未驚過反而覺得好有趣。佢jelly狀，一條條白色似貝類，爽口，底層有一灰色外貌似黑芝麻蓉嘅泥狀物質，但無味，配wasabi豉油，講真賣相唔太開胃，只可以用特別和有趣來形容它，談不上美味，褔建朋友說不是配酸甜汁更令她太失所望。 脆皮芋頭，$88，上次都想點但兩個人食唔到咁多。本身覺得

5.7.2015不經不覺, 來自新加坡的福建菜莆田, 已經落戶香港一年. 最近, 更在荃灣區開設分店. 在這個酷熱天氣警告的下午, 就到來這裡, 吃一頓平凡卻精彩的午餐.先來一杯曲氏健康果汁. 很有蔬菜味道的飲品, 甜酸度恰當, 很解渴.蝦苗拌紫菜是一道看似普通的菜式, 但它卻不普通. 細細碎碎的紫菜, 軟嫩非常, 與蝦苗同吃, 增添鮮味.這個像似小山丘的東西, 名為翡翠金花, 是由菠菜粒組成的. 菠菜粒是已經炒過, 所以格外青綠, 也多了一份香口.蒜片脆瓜苗中的瓜苗, 其實是青瓜苗, 真想不到, 青瓜苗比起平日吃到的青瓜, 更為清脆. 這裡是以蒜片和甘筍片來炒, 香口惹味哦.若要在這一餐, 揀一道最精美的菜, 我覺得非冰浸苦瓜莫屬了. 師傅把每一片苦瓜, 切得只有2mm的薄, 然後把它們排列成花形, 浸在冰粒中, 讓其更爽口. 吃的時候, 已感覺不到什麼的苦澀味. 可以點蜜糖的, 但就算不加任何調味, 也夠爽鮮.扁肉湯內那一顆顆白色的餃子, 盡都是豬肉餃. 由餃子皮至餃子餡料, 都是用豬肉而製成的, 是實實在在的豬肉餃子. 餃子滿有肉地, 卻不失彈牙感, 蠻特別的.酥炒芋頭看似油膩,

淨識收錢冇用心做好菜式既舖頭，一坐底侍應就即問叫咩飲品，如果水同五花茶就8蚊位，如果叫特飲就會免一個茶錢，我地4個人有3個對特飲好有興趣就叫來試試，杯鐵觀音1，2啖就飲完叫加水又等得耐，等到差不多尾聲先叫第2轉加水，五花茶個位都順便叫埋加水，但因為太耐關係當時枱面仲有隻杯就叫侍應倒定杯五花茶俾我地佢叫應了好就照做咩都冇講，到埋單時張單除了飲品3杯仲收了另外2位茶錢，俾錢後都覺得舖頭小家，又茶錢又介錢都收足但水都冇杯招呼，食物睇相就好特別但唻到就不對辦又冇味又油膩，唔會再去食另已通知住荃灣朋友不要去試

朋友說這間是新開的,很想嚐試。店名讓人感到很特別,進去之前還不知道這家是主打農家菜。餐廳的橫裝明顯是有花心思的!！細心留意，連侍應的衣著及餐具的陳設擺位、樣式都是十分仔細。不得不提及餐廳所選取的傢品陳設亦十分有心思,特別是「卡」位。腳的放置好像符合人工學似的！坐符很舒服！這家餐廳雖然很有心思但所選取的食材就讓人感到非常平民而價錢就非常不平民。一打開餐牌就明白了！更加想不明白何以做到新加坡的名店？！二話不說就點了二人餐及幾個冷盤。叫了這個苦瓜！感覺非常清新也十分佩服可以做到這樣透薄！其實很簡單但竟然想到用蜜糖來做搭配！有創意～也沒有想到他們可以「咁夾」，好評！忘了叫什麼，好像什麼水晶晶的冷盤，入口即溶！還付上一點點豆瓣似的東西！好評！這個做的好吃！豆腐本身應該就很有煙燻味再加上燜法！喜上加喜！所以好評！二人餐內的湯，簡即就是海水．．．．．好多SALT........普普最差的！就像大學頹飯既雪魚再點Ｄ紅醋.......我完全覺得呢個係侮辱食客......個人覺得太多"好結既汁"連附送既甜品.....都非常求其...........總言:可能我選的是套餐,套餐真的十分普普沒心思不能滿足味蕾

期待已久的福建菜，今天終於可嘗試了，站在莆田門外，我們只需等1個號碼。入座時，店員很有禮貌哋介紹飲品收費。三五知己相聚試試新菜色，真是人生一大快事，而環境比較嘈雜，而座位編排非常擠迫，店員動作和說話亦很趕急。店內提供味道不錯的菊花茶，每位茶錢$8。拿着的餐牌選點了冰鎮苦瓜、鐵板聖子、黃金荷葉包、九轉小腸及興化米粉等多種菜餚...

站在莆田門外，我們只需等1個號碼，卻等了不少於30分鐘。入座時，店員機械化的介紹飲品收費，最重要是提醒我們要個半小時還枱。這個空間前身是意粉屋，沿用之前的連鎖式經營，這裡的座位編排非常擠迫，店員動作和說話亦很趕急。餐牌用上可愛的Tiffany blue，可惜這兒環境有點暗，失卻原有的清新感。店內提供味道不錯的菊花茶，每位茶錢盛惠$8。手上拿着的餐牌上面寫着「幸褔的原味」，在連鎖餐廳之中，這句話雖然動聽，卻顯得有點奢侈。店方有一份特別是關於蟶的副餐牌，除了一般的蒜蓉清蒸和椒鹽小炒，還有酒煮、炒蛋和鹽焗等多種煮法。我們選了鐵板鹽焗蟶，上菜時打開熱騰騰的鐵板蓋，粗身的鹽粒中埋了兩排一共12隻蟶，每隻均有兩寸半大小。鹽花旁灑了一些原粒白胡椒，焗出來的味道juicy又鮮甜，但不宜焗太久，否則會乾水，建議還是拿起放在碟邊備用較好。脆皮蒜香雞半邊只收$128，可惜端來已經只餘少許溫熱。雞肉帶蒜香鹹味，但雞皮並沒有特別脆，雞胸啖啖肉，但雞味不是特別濃，整隻雞似乎沒有半點肥膏，感覺很dry，還是比較喜歡油潤一點。莆田當地生產的米粉，人手做，天然陽光曬，幼身軟綿是特色之一，口感清爽得很。眼前這個只有餘溫，

尋日(1-8-2015 Sat)同男友落荃灣o既最主要目的,就係o黎買佢最出名o既興化米粉同椒鹽豬手俾爸爸食.我o地去到時都只不過係2:00pm左右,興化米粉我買o左細o既,$78.00.而椒鹽豬手就買o左兩隻,同樣要$78.00.返到屋企打開睇睇先,有紫菜同花生,重有佢o既辣媽辣醬,細o既興化米粉真係唔多,而椒鹽豬手size同賣相都同之前兩次食o既一樣.到夜晚食飯開餐喇,舀一碗興化米粉俾爸爸(走海鮮,因佢有痛風),我同男友食白飯.爸爸係咁食,都冇出過聲,我同男友都夾啲o黎食,其實都同上次食差唔多啦.而椒鹽豬手呢?我俾一隻爸爸,爸爸問一件過,冇斬?我答係,我o地就算堂食都係咁,戴膠手套拎住o黎食.但佢都係要斬開三件o黎食.佢又係冇出聲,我同男友都食另一隻,今次唔脆o既?啊,係倒汗水整淋o左佢,我應該拎到返屋企後將佢打開.不過味道依然o既.而爸爸係完一碗興化米粉後就添飯,我將剩返o既興化米粉俾佢,話我o地食過o架喇,叫佢食埋佢,佢就舀多碗食.雖然爸爸一直冇俾過咩評語,但平時佢只食半碗飯o既佢,今次食兩碗興化米粉,就知o岩佢口味.上次食評: http://www.openrice.com/