莆田 (形點 I)

營業中

休息中

又來莆田啦！呢間平民福建菜米芝蓮餐廳簡直係我飯堂，上個月來食大閘蟹超級正！大大隻絕對係爆膏😍好滿足😌送飯一流👍🏻.來呢到必點海蠣煎，煎蛋入面大大粒蠔相當足料，食落啖啖蠔相當有誠意👍🏻 莆田荔枝肉酸酸甜甜好開胃🤤加入荔枝格外清甜🥰蟹黃燜豆腐超送飯！食到停不了！閩南五香卷第一次試，食落外酥內嫩，豆皮包住肉餡，餡入面仲脆馬蹄，好好味😋.最後食番碟最愛酥炸冰心榴連，外熱內凍，外脆內軟，層次豐富，濃厚榴槤味，滋味無窮🥰.大讚呢間好kids friendly,一坐低我個女就有波波，氹到我個女好開心😁兒童餐具都好可愛☺️店員對小朋友也很好👍🏻

莆田每隔一段時期就會推出不同菜式，今次係海蠣節，帶埋屋企人一齊食🦪九層塔香燜海蠣 $128海蠣口感鮮嫩，腥味小，鮮味濃，鮮嫩海蠣配埋九層塔，淋上特製醬汁燜煮，香濃鮮味，點埋秘製酸辣醬汁更惹味🍲金湯佛跳牆 $228南日鮑｜海參｜瑤柱｜松茸｜竹笙｜花膠湯頭濃稠滑溜，鮮甜濃郁，食材軟腍入味，鮑魚軟滑帶幾分嚼勁，無論食材口感定味道都係水準之作🌱金湯時蔬 $88鹹蛋黄炒香，皮蛋入湯，豆苗口感柔嫩，吸收晒湯汁既咸鮮味，湯濃菜鮮，係一道令人驚豔既菜餚🦆閩南姜母鴨 $128以古法砂鍋燉製，鴨肉鮮嫩入味，薑味香濃，肥而不膩，細嚼下仲滲出少許酒香，夠晒滋補養生🌊蝦苗頭水紫菜 $58 炸過既紫菜，香脆咸鮮，非常惹味

今天和朋友一起來這間店，朋友說很好食果然名不虛傳，菜一上枱就立刻清空了，還來不及拍照呢！朋友首先推薦雞和蠔餅價錢OK  蠔餅同燜蠔好食    最後吃得超級飽，下次也一定會和朋友一齊來吃！

每次嚟莆田食都覺得每碟餸菜好有特色，煮法係出邊比較少見嘅。入座後一邊嘆菊花茶，一邊睇吓餐牌先～👉🏽酥炒芋芯 $98每次黎到都會叫呢碟🤪，甜甜地，脆脆地，忍唔住一嚿又一嚿咁食。👉🏽金湯時蔬 $88充滿蛋黃香味，又唔會太咸。👉🏽熟醉大閘蟹 $138嚟到大閘蟹嘅季節，當然要叫大閘蟹食啦。凍食既醉大閘蟹我好少食，今次都係第一次，大閘蟹甜味多，蟹肉係軟綿綿嘅，唔似得熱食嘅蟹咁煙靭彈牙。👉🏽油煎大閘蟹 $138自己都係鍾意熱辣辣既大閘蟹多D🥰，油煎更加香，食既膏實在D😆。食完大閘蟹之後，餐廳會準備返薑茶暖下身🥰

清蒸大閘蟹🦀蟹公嘅蟹膏又綿又香，清蒸食原汁原味～蟹黃炒米粉🥢賣相同莆田平時嘅興化炒米粉差唔多，都係有蝦仁、豬肉、冬菇等配料，十分足料惹味，唔同嘅地方當然就係多咗啲蟹黃，會見到米粉之中夾雜住一粒粒橙色嘅蟹黃🟠福建特色紅糟鰻🐟燒鰻魚蒸鰻魚都食得多，炸鰻魚就比較特別，外皮炸到脆卜卜，鰻魚肉保持到濕潤彈性👍閩南五香卷🥢新出嘅五香卷係用豆皮包住肉餡同埋馬蹄再拎去炸，好香口燕皮扁肉湯🥣砂鍋黃花魚湯有原條黃花魚同埋好多舊豆腐，夠足料！值得一提嘅係餐牌會標示清楚部份例牌有幾多件、中份有幾多件、鰻魚有幾重等等，預食物份量都容易啲～

秋風起，最應節就當然係食大閘蟹啦，一定要黎莆田食佢地既大閘蟹，幾款都好吸引。清蒸大閘蟹清蒸最能夠試到隻大閘蟹新唔新鮮，呢隻大閘蟹既膏都幾鮑滿，而且蟹肉都紮實。熟醉大閘蟹呢款凍食既醉大閘蟹真係一試難忘，酒香味濃不特止仲要帶有少少甘甜味，配合埋蟹膏既鮮甜味真係十分之夾。福建特色紅糟鰻用特製既紅糟包住炸好既鰻魚，外層酥脆，肉質爽且充滿油香，味道唔會好咸，值得一試。閩南特色海蠣煎有d似台灣既蚵仔煎，但係佢地既蠔都唔算細粒，蛋身比較乾而脆。閩南姜母鴨鴨肉嫩滑，醬汁煮到入哂味，薑味濃得黎帶少少辣感，食完個人暖哂。

第一次食係因為見到門口冇人排隊 所以就入去試下 一試就愛上左🥰勁鐘意食莆田既蟶子、獅蚶同枇杷凍，每次想食呢類餸既時候 一定係去莆田💕D staff 好friendly 環境好乾淨 枱同枱之間好闊落 用餐環境舒適😘推薦大家黎食飯🥳

🦀 不能錯過的金秋大閘蟹季· 莆田九月圓臍，十月尖；來到金秋蟹季，又是嚐鮮的時候了。這次到莆田吃大閘蟹菜式。🦀 金秋大閘蟹1人餐A套餐 $398✨ 精美雙拼- 紫菜拼滷豆腐✧ 紫菜入口微微清涼爽脆，味道微酸，加入蝦皮更鮮美可口。✧ 滷豆腐經滷製，吸收滷汁香氣。🦀 清蒸大閘蟹-2隻選用來自江蘇大閘蟹，擁有黃毛金爪，以清蒸方法烹調吃原汁原味，啖啖綿密白膏入口豐腴綿密，令人回味無窮。🍜 風味主食-興化炒米粉莆田米粉被譽為「白如雪，細如絲」，炒米粉加入了蝦仁、蜆、干貝 、蟶子乾、瘦肉絲、香菇絲、白菜仔、娃娃菜和花生，米粉吸取濃湯精華，味道鮮美。🥜 紅棗花生湯紅棗花生湯味道香甜濃郁，入口清香滑順，感覺暖和滋補。🦢 芋泥香酥鴨 $98香酥鴨外層炸得金黃酥脆，內裡是綿密軟糯的芋泥夾著咸香鴨絲，層次豐富美味。🦀 蟹黃燜豆腐 $118上層鋪滿蟹黃，下層是蒸蛋及豆腐，加入了肉碎及滷豆腐，口感豐富獨特。🌟 凡收藏+打卡點評社交媒體，則贈送枇杷凍/建蓮雪耳🍐 枇杷凍枇杷凍入口啖啖冰涼，原個枇杷入饌口感清香，感覺特別滋潤。🥣 建蓮雪耳湯雪耳、紅棗、蓮子湯起膠質，味道清甜滋潤。

最近大閘蟹季，我同朋友周圍去品嘗唔同餐廳嘅大閘蟹🤤🤤最近又試到一間好出色嘅餐廳，就係莆田啦～✌佢哋嘅大閘蟹有3種煮法，清蒸、油煎、熟醉～～ 我哋就揀咗清蒸同熟醉…… 清蒸嘅大閘蟹係蟹公，係我至愛嘅白色膏啊～🤤🤤 爆曬膏又香甜，點少少醋會更突出蟹嘅濃郁香味…熟醉大閘蟹一向係我最愛嘅食法，大閘蟹嘅濃香同花雕酒嘅酒香配搭可謂天衣無縫🤤🤤 醉蟹來講，用蟹乸係好嘅選擇😎😎莆田其他菜式都好有水準咖，我哋點咗個蟹粉炒米粉都好出色，米粉炒到好乾身，淋得來又彈牙～👍👍👍豉汁蒸鰻魚同黃金荷葉包都唔錯咖，個包好有驚喜，我哋都好滿意～😍😍😍

發現價錢比現場點菜實惠，所以第一次用 Openrice訂購外賣。不過對於中菜而言，外賣 還是頗為影響食物質素。儘管餐廳透過包裝盡 力彌補，但倒汗水還是影響菜式的口味。然而 兩個人二百餘元，兩碟特色小菜，一份主食， 在星期六晚上，算是價格相宜的一餐。對於食 物質素要求較高的朋友，還是建議付更貴的價 錢堂食。

已經好多次嚟呢間莆田食，地點好，每次興化炒米粉好好食！！蠔餅好食，脆口～黃花魚湯必叫，清甜，魚肉好食等位安排優秀，服務員態度好！兒童有兒童餐具，同埋有免費兒童餐食～

去Yoho 食飯，見到呢間大閘蟹有油煎、熟醉煮法幾特別 ❣️即叫即蒸$138/隻～依家最啱時間食蟹公，好鮮甜，白膏夠香又黏口，拆蟹工具齊備，食完隨即奉上薑茶暖下胃，相當貼心🥰❣️熟醉大閘蟹$138/隻~凍食，以花雕酒醉配方浸泡，酒香滲透入蟹，每一啖蟹黃蟹膏入口回味甘甜，好鮮味😋 ❣️黃金荷葉包$76～肉絲同洋蔥炒得香嫩多汁，荷葉包外層炸得香脆，必食推介😋👍 ❣️鮑魚辣椒小炒肉$158～鮑魚、五花肉配青椒辣爆到香口惹味，醒胃小菜😍 ❣️興化炒米粉$118～米粉炒得乾身，以鮮蝦、蟶子、蜆等新鮮食材，加埋瘦肉、冬菇、蝦米、瑤柱、豆卜、花生、紫菜，花生等多種配料，口感豐富😁 ❣️餐廳響形點一期2樓，除咗地道風味福建菜，入面環境寬敞舒適，一坐低店員隨即奉上熱野生菊花茶及前菜，服務有禮，家庭聚會好地方。

整體味道不錯，吉品鮑魚軟糯，黏刀，大隻，唔太鹹興化炒米粉，有不同的海鮮，推介鹽焗大黃魚，滕椒的香氣係魚肉內慢慢滲透出來，食完魚肉後會帶有少少的麻痹感覺仲有大白菜燉軟豆腐，味道鮮甜！

今晚到莆田（形點），試下之前未食過的紅槽鰻魚，真有驚喜，鰻魚燒得香脆，味道很有層次，加埋大白菜油豆腐煲，豆腐很重的豆味，非常滑溜，這兩個菜，已經很滿足，再叫一個荷葉包，牛柳絲炒得很香，一個很滿足的晚餐

滋味真係好食呀！午飯好多人，但座位安排好舒適。食品選擇好，又吸引我嘅食慾啊！點菜後，很快就送到，熱騰騰。服務員招呼態度隨和禮貌，地方寬敞及清潔。進食時胃口好好啊！