影片
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
最近試了一家很適合打工仔的快餐店，最大賣點是上菜快到飛起，適合中午得一個小時休息的上班族！這次試了兩款主菜：1.葡國雞皇飯的醬汁濃鬱，雞肉嫩滑，但整體味道偏安全，不算特別出眾。2.山賊黑椒雞扒，還有配肉醬意粉、羅宋湯、胡麻雜菜沙拉、火腿奄列和丹麥奶油多士/牛油方包。 黑椒味夠突出，雞扒汁多但略為普通，不會有太大驚喜。配菜中，肉醬意粉和羅宋湯都是中規中矩，胡麻雜菜沙拉清新開胃，火腿奄列和牛油方包就略為平凡，沒有什麼特別之處。但大大碟，適合超級肚餓既打工仔食！上菜速度真的要給滿分！從點餐到上菜不用10分鐘，對於時間寶貴的人真的是一大加分。價格也很合理，一份套餐連主菜和這麼多配菜，性價比高，絕對是打工仔午餐的好選擇。
繼續閱讀
今日利東邨放工唔使講嘢，直接入商場搵嘢食，人就係咁得意，一種味道你記住嘅話，就會定時定候提住你去追蹤番個味道，而今日要去追蹤嘅味道，就係荷裡活冰室嘅咖哩汁。荷裡活冰室嘅咖哩汁，係少少偏甜，少少椰香，配合埋佢嘅炸豬扒簡直一流，但係個靈魂我覺得係佢個米飯，夠乾身，令你食到汁同飯分離嗰種感覺，茶餐廳碟頭飯嘅最高境界，莫過於此
繼續閱讀
荷里活有間大餐廳，一直聽聞好有人氣，今日終於有機會去試下。一入去，餐廳環境好唔錯，座位寬敞，燈光溫馨，好適合同親朋好友一齊嚟食飯傾計。睇餐牌嗰陣，見到有炒銀針粉，就忍唔住叫咗一碟。等咗唔耐，炒銀針粉就上枱喇。一眼望落去，銀針粉根根分明，唔會黏埋一嚿。炒得好夠火候，表面微微焦香，咬落去煙韌有口感。配料好豐富，有蝦米增添鮮味，洋蔥增加甜味同脆口，蔥段則帶嚟清香。味道調配得好平衡，醬汁唔會過鹹或者過濃，剛剛好掛喺銀針粉上面，每啖都好滋味。同我之前喺一間主打福建菜嘅餐廳食過嘅炒米粉相比，嗰邊嘅米粉比較乾身，味道偏清淡，而呢間餐廳嘅炒銀針粉就更重鑊氣，味道濃郁。不過，都有啲小瑕疵。價錢方面，呢碟炒銀針粉要$60，比起一般小店略貴。而且當時餐廳人多，服務員有啲應接不暇，加水同埋落單都有啲慢。其實我一直都好鍾意食炒粉麵類嘅食物，炒銀針粉又係其中我好鍾意嘅一款。細個時，阿媽有時會整炒銀針粉畀我食，嗰種溫暖嘅味道一直留喺我心入面。呢間荷里活餐廳嘅炒銀針粉，雖然有啲小問題，但都勾起咗我好多美好嘅回憶，希望下次嚟可以食得更開心啦。
繼續閱讀
大年初一去到利東，在商場找嘢食，見到這間餐廳，其實之前在其他地方都見過這餐廳的名字，今次就試吓啦！下午茶都算多選擇，叫咗餐肉蛋三文治+熱奶茶，另叫花生醬西多士+熱O蜜。食物夠熱，好。花生醬西多士夠厚，OK。適逢過年，西多士加咗新年快樂，應節，有D D 驚喜。整體來說，食物不過不失，茶記的味道。難怪眼見一家大細都係拜年後落嚟食個下午茶。坐位都有唔少卡位，地方都算乾淨，未採用QR code落單，係要人手落單，服務員都有禮貌。
繼續閱讀
我屋企人成日都會去食呢間㗎喎,佢個地點都幾近地鐵站幾方便！環境乾淨, 地方闊落！佢做開街坊生意，伙記嘅服務態度很好！晚飯時候坐滿。 出菜都算快，唔使點等就有得食！啲嘢食熱辣辣大大碟, 好好味, 兩個人晚飯食都食唔曬！一個晚餐有主菜老火湯同埋熱飲！今次嗌咗兩個晚餐set, 嗌一個肉一個菜兩個人食！🐑菠蘿咕嚕肉$72個咕嚕肉都整得幾好味！🐑鮮魚湯海味粉絲雜菜煲$85佢都算落足料㗎！
繼續閱讀