荷里活冰室 (利東商場)

營業中

休息中

呢一度餸係我嚟呢間餐廳食嘅第二次。我會揀佢係因為佢又平又靚又正塊吉列魚柳好大舊。我覺得呢個餐整體嘅性價比好高，除咗有好大塊吉列魚柳之外，佢仲會配埋幾好味嘅沙律同埋一杯嘢飲。咁樣都係40幾蚊，所以我覺得好抵。講吓佢塊吉列魚柳嘅質素，雖然味道方面未話好好食，但係咁樣嘅價錢有咁大塊嘅魚柳同埋食落嘅口感亦都好有質感，我會覺得好唔錯，再加埋佢自己配嘅醬料，令到成塊吉列魚柳整體嘅口感提升咗👍🏻👍🏻👍🏻講吓佢嘅配菜方面佢嘅沙律我都覺得係好好食，而且呢一餐係會足夠令到一個人感覺到飽肚😇😇😇

我最近在利東邨荷里活餐廳用餐，對這家餐廳的體驗感到非常失望。首先，他們無論是否有客人，都強迫顧客搭枱，這種做法讓人感到極度不舒服。作為一個單獨用餐的顧客，我希望能夠享受一點私密和寧靜的環境，但這種強迫搭枱的做法完全忽視了顧客的需求和舒適度。其次，餐廳的職員態度欠缺禮貌。他們缺乏對顧客的尊重和友好的態度。當我有疑問或提出需求時，他們的回應往往冷淡而不耐煩。這種態度讓我感到被忽視和不受重視。而且，食物的質素只能算是普通。可能這是全邨裡唯一的茶餐廳，他們似乎缺乏競爭的壓力，因此沒有動力提供優質的食物和服務。

服務超差，現時居然還有服務員對客講粗口，唔知以為仲係入咗幾十年前茶餐廳。事情是看到窗口有位置，進去還沒坐下，就有服務員說清潔，我說唔好意思，走出來，之後服務員居然說，有車係度擋著，你睇唔X度，我傻眼，我見有人食緊我先才進去。依家居然仲有咁既餐廳員工用粗口鬧客，我以為入咗幾十年前啲茶餐廳

如果無現金，千祈千祈唔好食呢間餐廳。八達通付款係裝飾品，付款前已經要求用八達通比錢，職員自己做錯野揀現金付款，我係無現金都要強迫要用現金比錢，顧客要用八達通比錢係唔得。既然八達通係唔用得，點解唔一早係門口/收銀處寫明只有現金付款。其中一個選擇餐廳既考慮因素係付款方式，機件故障都情有可原，但人為錯誤要顧客接受，根本不能容忍，建議該餐廳加強員工培訓，以維持餐廳基本既服務質素，連基本服務都未能提供，點可以繼續營運

晨早流流返工又要搵地方食早餐，瞓下醒下咁就入咗呢啲茶餐廳到食。基本上同其他茶餐廳最大分別係個環境，感覺佢啲餐具同用佢都比較靚，難得茶餐廳都有乾淨企理嘅感覺。懷舊沙爹牛肉湯公仔麵 $38餐配搭滑蛋同丹麥奶油多士，平時好少見茶餐廳會搭奶油多士，多數都係牛油，雖然好似烤耐咗少少，不過都係脆嘅，而且冇苦味，配搭甜甜嘅奶油都幾好食。正常炒滑蛋冇咩特別。沙爹牛肉算重味，對我嚟講收貨啦，公仔麵煮得唔錯，唔會煮太耐同煮到散曬，保留彈性。叫左杯凍檸茶要凍飲加三蚊，整體黎講食物質素唔錯，價錢就比一般茶餐廳貴少少，尚可接受。

商場開左間茶餐廳太方便啦~但通常都係黎食小菜，因為唔貴，就算每人揀一個小菜，人均都係$70左右，仲有飯、湯，每次都食到飽飽，最常叫既係煲仔類，因為一定係熱到辣咀

啱啱嗌咗個椒鹽豬扒炒一丁，食到最後發覺有舊豬扒咬落去咁林嘅，仲以為係肥豬肉，點知睇清楚啲原來係全生，無錯係全生呀，有圖有真相。都唔知一陣間會唔會肚痾添呀！不過全生點都好過有隻曱甴嘅。