荷里活冰室 (愛東商場)

營業中

休息中

荷里活用ge麵包好厚好軟熟多數茶餐廳唔會用咁厚嘅麵包，普通嘅奶醬包油醬包三文治都即刻加好多分，好多時候普通嘢做多少少行多一步已經好唔同。奶茶係好飲嘅奶茶，其他嘢就冇特別！

本區街坊介紹商場二樓茶餐廳~荷里活冰室食了個午餐. 三人合共食了$150. 價錢算正常合理. 雖然下午茶時段是兩點鐘開始.因為趕時間,老人家又肚餓,所以選了一份午餐, 全日雙拼麵餐及一客素菜飯.是日午餐：葡汁雜菌脆魚柳飯（$52）包一杯飲品或餐湯.我選了餐湯（蟲草花節瓜湯~雖然真材實料,但是有少少味精😅）. 咖哩雜菜煎蛋飯 （$58）~ 份量都算多. 有幾款雜菜加金針菇,雲耳,雜菇等...應該是我去過其他餐廳見到咖哩雜菜的食材種類比較多的一間👍🏻 今餐飯正好是葡汁與咖哩的對比,葡汁的椰香味不夠.所以咖哩是比較好食.而且,唔算太辣,拌飯一流😋餐牌都有素食選擇”有營素食“,素食人士在茶餐廳都可以有更多選擇.全日雙拼麵餐 （$40）~ 想要沙爹牛肉&煎雙蛋湯意粉~普普通通

呢間餐廳真係西利，當自己係搭枱文化仲勁過牛奶公司餐廳，我2：30下午茶明明入面有幾張空枱，但係一入到餐廳圖中中間帶口罩樓面呀姐，當自己老闆咁，叫人一定要搭枱，我話有幾張空枱而家下午茶時段都少人，佢都要我堅持搭枱，然後我馬上令轉頭走，痴線餐廳我真係第一次見

我哋嚟到筲箕灣《荷里活冰室》享受港式茶餐廳嘅美食，呢度主打嘅港式菜式都一流。首先，就係呢個籠仔土魷蒸肉餅飯🍚。土魷同肉餅蒸得啱啱好，肉餅嫩滑多汁，土魷嘅鮮味滲入肉餅入面，再配埋白飯，味道非常出色！每一口都充滿咗濃郁嘅香味，真係好滿足！跟住，我哋仲叫咗魚湯碧綠蝦球魚片泡飯🍲。魚湯清甜鮮美，蝦球同魚片都好新鮮，配埋蔬菜，味道非常豐富。泡飯吸收咗魚湯，每一口都係精華，真係絕啊！最後，我哋仲點咗兩野飲，熱檸茶🍋同熱奶茶🥛。檸茶酸甜開胃，奶茶香濃順滑，搭配完美今日嘅午餐！呢都嘅每一道菜都好道地，充滿港式風情，讚！👍

想靜靜地食餐飯都唔得茶餐廳大家都知道係嘈，但係都唔會嘈到好似街市咁基本上唔係食客嘈係喺度做嗰啲阿姐大大聲聲咁講嘢叫order由枱面叫到入廚房,行埋嚟就收餐牌，當大家透明咁！

事源 order 左湯飯午餐，黎左個跟餐咖啡先再等左 30 分鐘都未有湯飯。同佢地講取消個午餐，佢建議取消我個湯飯 野飲收我正價 21 蚊 佢話冇計因為我飲左個咖啡

見間冰室新開左一排都未食過，放假一於同屋企人去食個brunch先～😌.餐牌都係冰室常見嘅食物～有碟頭飯、湯粉麵等等～見到個自選雙拼粉麵都好似幾抵食，於是就同屋企人一人一碗😁.我揀左沙嗲牛肉煎蛋米粉($40)，沙嗲有花生味，牛肉都唔算太嫰～屋企人就揀五香肉丁煎蛋米粉($40)～味道同份量都正常，食完都夠飽肚👏🏻.飲品一杯黑咖啡，用咖啡機即磨沖嘅都夠香濃☕️～另一杯凍奶茶，港式風味唔錯👏🏻

我一向都好鐘意食雞飯，無論燒味定茶記😚 未試過呢間餐廳嘅晚飯，趁住呢晚單拖食飯試吓佢！套餐有兩款，蔥油雞同口水雞。◆ 蔥油雞套餐佢嘅蔥油係炸蒜加蔥油，食落好香口又唔係太咸，幾好味😋 例牌嘅一份雞大約1/4隻雞，胸背脾等部位都有一啲，肉質唔會鞋口都算係咁！另外跟餐油菜份量好多！

之前舖位係翠華，不過依間都係同一集團的，換湯不換藥🤣🤣。新開張試下早餐，叫咗魚柳餐同雪菜肉絲米。魚柳好大塊！！！！滑蛋ok ，係丹麥多士，有練奶。雪菜米都大碗，有蛋同包無影到。奶茶都ok。希望可以keep 住質素。。