荷蘭冰室 (美林商場)

經典港式早餐組合好考茶餐廳基本功，喺大圍美林邨荷蘭冰室嘅凍齋啡加茄蛋治，睇見都流口水🤤！首先講講個凍齋啡☕️，用懷舊嘅金屬杯盛載，夠晒Old School😎！冰塊🧊份量十足，齋啡入口夠凍、夠滑、夠香濃。至於個茄蛋治🥪，烘得金黃色嘅多士🍞，夾住嫩滑炒蛋🍳同埋新鮮蕃茄🍅，簡簡單單就咁好味😋！蕃茄嘅酸甜味同炒蛋夠曬香💯！…查看更多

試完幾次同屋企人落去食早餐都幾好價錢算貼地味道環境服務衛生都ok 試過幾次熱奶茶咖啡檸茶都出色有時一朝就係想嘆番杯熱咖啡熱奶茶,水吧師傅有料有心機,連隻杯都有預熱認真出色…查看更多

本身對茶記都冇乜要求, 態度一般就間間咁上下, 唔難食就得, 點知呢間極品竟然連蒸肉餅呢d 咁穩陣嘅野都可以好難食, 啲肉無肉味, 睇落白色嘅! 如果唔點豉油真係零味道, 肉質仲柴過樹皮, 連一齊去食嘅裝修師父都食唔落去。男人老狗我要求唔高,平時都係食下大家樂, 講真唔難食就ok, 但呢間嘢連最基本都做唔到! 一間茶餐廳如果連最基本嘅快餐都做唔好, 就唔好阻住舖位, 搞到街坊冇啖好食,真係好差勁 。我已經俾足機會佢,再去食都一樣難食。…查看更多

【沙田區】【荷蘭冰室】去沙田美林邨嗰邊做義工，我住沙田但其實都好少去嗰頭，所以都趁呢個機會諗住探索吓嗰邊啲嘢食。去到先知原來都真係冇咩好食，都係啲大集團嘅餐廳為主，所以就揀咗呢間都明知佢有分店但感覺冇咁大集團嘅茶記嚟食。入得茶記好容易就叫咗常餐，我叫咗個 $54 嘅，主食「沙嗲牛肉麵」味道普普通通，啲牛肉都係比較嬌小玲瓏嘅。隻「嫩滑炒蛋」都係正常炒蛋一隻，冇特別。反而「日式奶油多士」真係幾求其吓，冇乜烘過咁，缺乏誠意。而杯「香滑奶茶」就做到正常茶記水準，係好飲嘅。埋單 $54，叫做喺做義工嘅過程裡面正正常常咁解決一餐啦。然而，個義工活動其實係兩日嘅，我第二日都係去呢間茶記，唔使煩，今次就叫個「焗白汁海鮮意粉」嚟食吓啦。點知嘢飲都上埋先話冇，嬲得滯轉 $105 嘅皇牌鐵板「美式大雜扒」，有牛扒、豬扒、雞扒同法蘭克福腸再跟薯菜，係薯角，整體味道都可以嘅。餐湯我要咗中湯，同件多士一樣都係一般啦。連嘢飲「熱杏仁霜」埋單 $105，冇下次。。。（地址：沙田大圍美林商場1樓97號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am沙田區 #沙田 #大圍 #荷蘭冰室 #常餐 #沙嗲牛肉麵 #嫩滑炒蛋 #日式奶油多士 #香滑奶茶 #皇牌鐵板 #美式大雜扒 #牛扒 #豬扒 #雞扒 #法蘭克福腸 #薯菜 #餐湯 #多士 #熱杏仁霜 #1am1292 #1ambackup…查看更多

行過以前翠x餐廳舖位，原來已改名荷蘭冰室，試下食個下午茶星洲炒米，落單唔使五分鐘，伙記攞碟㗎哩粉撈米出嚟，睇見都唔想食，勉強食咗幾啖試下，連咖喱粉味都冇。惟有走人去另處，永不會再幫襯此店。…查看更多