荳子 (MOSTown新港城中心(4期))

營業中

休息中

之前都食過幾間 Beans，覺得食物都算高質，但今次再嚟馬鞍山呢間 Beans 食，就好失望。..開心果烤羊架（七成熟）—羊架有3支，表面有開心果碎，但食起上嚟沒有任何開心果味羊架我哋要7成熟，但一上碟已過熟，肉質有點硬；而且無調味的，味道好淡，有點失望.配菜有秋葵，車厘茄同薯仔、薯蓉反而配菜都幾好食，烤過幾香薯蓉好滑、好入味..三杯雞燴沾麵 —呢個係新菜式，但都非常一般而已共有4件炸雞，但我預期中的三杯雞唔係炸雞來的⋯而且雞皮炸到好硬、雞肉好實炸雞亦無三杯雞的味道只係沾麵有三杯雞醬汁味道，但唔夠汁，麵條太乾身..羽衣甘藍沙律 —跟餐加了呢碟沙律黑醋汁好味，酸甜適中有生菜、青蘋果片、洋蔥絲，全部都好清甜但羽衣甘藍偏硬同苦，要配埋蘋果、洋蔥一齊食先得..特濃朱古力軟心蛋糕 —跟餐加了呢款甜品比我想像中大件！幾抵食而且朱古力味好香濃..跟餐附送的檸蜜好好飲蜜糖好香，無論凍飲定熱飲都一樣好飲

今日帶阿女過嚟Beans食嘢 呢個開心果pizza都幾特別不過呢個係甜味 餅底都唔錯脆脆地 不過啲開心果碎粒就少咗啲 但係加咗$8 有焦糖芝士，成個味道都即刻升咗級（最愛就係焦糖芝士）。呢個蘑菇湯都ok香濃幼滑我哋仲食咗個黑松露蘑菇意大利飯 呢個呢如果個黑松露香啲就更加好啦飲品清新可口整體嚟講都唔錯阿女呀食得好開心 原來好多分店㗎都會再幫襯嘅而且環境清新舒適無論是家庭聚餐或是朋友小聚呢度都可以帶來愉快的用餐體驗

🫛🪵【 Beans 】 🌳🪴⋄ —————⧫♟⧫————— ⋄Beans 推出咗5-7月生日禮遇，壽星惠顧就會送蛋糕（唔知係咪其實個個月都有🤔），總之乖乖亮出身份證入座🪪🤭先來正餐——「手撕豬仔骨漢堡」大大一個，上桌係熱嘅，好食喎🥰 手撕豬份量爆棚🥓 尤其鍾意焦糖洋蔥🧅配蕃茄🍅甜甜的調味😋 轉熟蛋純粹係因為朝早已經食咗2隻太陽蛋🍳🍳 其實吞完咁大個burger已經飽咗🤰然後揀埋免費送嘅生日蛋糕🍰 原來並不限於「奧樂蜜C」聯乘嗰兩款蛋糕，係menu上所有款式都可以揀😮 但我都係揀咗「卷・奧樂蜜C蜜糖檸檬」，上桌比佢「厚切」嘅程度驚豔咗，估唔到咁厚身‼️有誠意❣️而且係好味的，名符其實的「蜜糖檸檬」🍯🍋👍🏻另外送咗一支「奥樂蜜C」碳酸飲品，但就冇menu 中所講嘅限量版生日卡😢why⁉️ 唯一係呢個位令我有少少失望❤️‍🩹環顧四周，都幾多雙子座來享用生日優惠，佢呢個campaign似乎幾成功😺後來諗真d，呢個優惠係可以無限次使用🤯 只要我6月內去幫襯，每餐都會有免費蛋糕🍰🤯 （當然店家係故意的🧮🤣）⋄ ┄ ┄ ┄ ┄ ❖ ┄ ┄ ┄ ┄ ⋄▫️◽️Lunch Menu◽️▫️🐷手撕豬仔骨漢堡🍔 （$96）

24-4-2025 老友約12點馬鞍山食午餐，一問之下佢未食過Beans嘅餐廳咁就要試吓啦！呢個時間唔使排隊非常好馬鞍山呢間Beans地方唔大，仍保持一貫簡約休閑作風。👍🏼🥐🥯🧀🥪🍝🍳🍖🍗🧆🍤🥗🍔🥙🍕🍰🧁入座前提供潔手噴霧，仲有幾款香味選擇職員提供餐牌嘅時候，會問是否會員？下載apps有優惠掃QR Code落單，我哋選擇了 黃金蟹肉意大利粉🍝有驚喜微微的咸蛋黃味（鄰近都聽到人order呢款）手撕豬仔骨漢堡🍔肉撕有肉汁+醬汁跟餐包飲品會員apps有優惠劵，我地揀咗 開心果芝士蛋糕🍰唔係好甜又好多開心果粒粒同朋友坐低傾吓傾吓，冇趕我地交枱呢餐好滿意

Beans早餐 望落係咪好豐富呢！今次叫咗炒蛋炸魚柳 炒蛋份量好適中而且好滑 另外魚柳煎得啱啱好 嚟到仲好脆 點埋他他醬嚟食 Perfect😍另外仲可以俾你自己選擇果醬同牛油嚟搽麵包 我就兩樣都揀咗店舖嘅員工態度都好好 下次上嚟試吓lunch或者dinner👍🏻

Beans多區有分店，幾年前吃過將軍澳的，不過一直沒在馬鞍山吃過，因為未搬遷在馬鞍山中心總是排隊，現在在新港城中心傍晚即刻有位。我們四個人用餐，點了西班牙海鮮，辣肉腸pizza，蟹肉牛油果他他，還有兩份薯條，因剛好有人生日，所以還送了一個和天仁茗茶聯名的鐵觀音泡芙。其中，蟹肉牛油果他他有驚喜，搭配酸種麵包非常清爽好吃，而黑松露醬薯條也很濃郁，送的泡芙很重的鐵觀音味，都很有記憶點。至於西班牙海鮮飯及Pizza就正常表現，不過不失。整體環境舒服，店員幾nice，會在回訪

平日下午放假行過馬鞍山新港城 ，難得《Beans》竟然冇人排隊。即刻入去試下先！All day breakfast 份量多 。屋企人一個人食唔曬要我幫手。😂要讚一讚嘅係個窩夫，上碟嗰陣熱辣辣咬落去軟熟又重蛋香，沾上忌廉食好夾。牛舌切粒蕃茄肉汁燴沾麵🍝牛舌表皮煎得香脆，有八至十件，份量都夠。麵身帶點煙韌，伴有蘑菇粒洋蔥碎，帶點惹味。另外加30蚊叫咗個焦糖番薯條 , 外皮焦脆內裏好重番薯味，真材實料。份量係兩個人食唔曬要打包走！飲品揀咗檸檬蜂蜜， 清新易入口

餐嘅沙律好大份 雖然羽衣甘藍不嬲都唔好食好硬 但係好新鮮羊架而家冇咁好味，而且細菌好多，側邊嘅盆菜都比較少 朋友嘅豬手份量驚人好多！我食我嗰個完全唔飽，但係朋友嗰個多到可以分俾我 我嗰個238佢就318 唔通真係因為價錢？😇見到而家出咗中式糖水即刻嗌！選擇超級多，我就嗌咗豆腐花紅豆沙，同朋友嘅薑汁撞奶一齊share，我嗰個都幾好味，不過唔夠熱，而且其實份量好少個碗睇落就好大薑汁撞奶就有少少失敗，唔係太凝固，但係味道合理吧環境好好，服務質素都一流 不過整體性價比好似爭啲因為質素不算好

放工後，得返一個人的時候，雖然話好想返屋企自已煮，獨樂樂。但人類總會犯同樣的錯誤，而這一個錯誤就是懶惰了。懶惰的我，當然不想煮飯，也不想食完飯洗碗筷。於是，決定踏上去馬鞍山的巴士，在新港城找個好地方，一個人開心吃。而我眼見《Beans》不用排隊啊，就決定吃一個正宗西餐啦。晚市，有豐富的套餐啊，而是日跟餐的是一個美味香濃的牛肝菌湯。因為是牛肝菌，所以香味絕對是濃濃的。入口 creamy，夾雜著濃厚的菇味，而牛肝菌的味道比起平常的蘑菇湯更加之濃味。正! 主食是一個烤五花腩卷。以蔬菜同紅菜頭，肥肥的豬腩肉餐出現這些，頓時令人覺得，這一個餐多添了幾分的健康。五花腩卷，西式食法，感覺就是在吃一件超肥美的豬扒一樣。口感比豬扒更佳的原因就是肥美的五花腩，差不多就是入口即溶。吃到滿嘴油，又有鮮蔬菜幫忙吸收。感覺真不錯。餐後，亦有一杯濃濃的咖啡為伴。夠濃夠上的意大利 style 美式咖啡。飲後絕對會令你身心舒暢。也為這一餐劃上了一個滿意的句號。環境，食物同服務的令人滿意了。難怪每次經過此品牌餐廳的每一間分店，都是座無虛席，人排長龍的。

蟹肉他他仍是我最愛！而家新配個個酸種面包比之前個餅好食！面包脆脆的，有少少牛油味，仲要係熱熱地，蟹肉他他不過不失，唔太餓之首選 。加$30個羽衣甘沙拉都好好食，份量夠！不過咖啡未如理想，完全無咖啡味，有點失望 。不過預左😆 價錢對得住，都抵食，坐得舒服

今日同男朋友去坐cafe休息下，嚟到呢間beans😋坐低QR code落單，平日午餐冇乜人唔洗等位，坐得幾舒服🫶🏻落左單5-10分鐘就有野食✨叫左紅酒燉牛面頰意大利飯（$84）個飯酸酸地幾開胃，飯燉到好入味，中間嘅菇菇有增加口感，牛面好淋，一介開就爛，幾好食😼黑松露軟殼蟹意大利粉（$89）得兩個細細舊嘅軟殼蟹😢但炸得香跪幾好食，黑松露醬都包住每一條意粉，超香✨略嫌有點太膩，但男朋友食得好滿足😋黑松露蛋黃醬薯條（跟餐+$30）薯條一上嚟已經淋曬😢但黑松露醬係好香的👍🏻平日午餐呢個價錢送飲品嚟講好抵食🫶🏻下次會encore😼但可能未必再叫薯條，會試下甜品😍

叫左個冬陰意粉一開始黎嗰陣冇冬陰味叫左個waiter黎純粹好奇想知發生咩事點知個waiter好主動咁話幫我地換一碟仲要親自試埋味 好老實咁講話真係冇味 可能係廚師落少左冬陰從來未試過咁好嘅服務態度之後黎左嗰碟好好食冬陰味好足 👍

平日嘅下午來到Beans，唔使等位即入。入座前，店員會叫你揀一隻帶有香氣的消毒搓手噴霧，俾你噴完先入座。似乎係與be candle 的聯乘活動，但係顧客趕住入咗根本唔會花時間了解產品，店員也不會多作推介，再者在後疫情時期噴消毒搓手似乎已經不再盛行，這樣真的有助品牌宣傳嗎?! 😂入座後，顧客要用手機落單。首先到嘅係飲品，然後主菜，兩樣都係15分鐘之內到了。☕️熱榛子Latte $34飲品先到，嘆住等主菜。飲品撒上杏仁片，感覺特別。榛子味唔會太甜，搶過latte 的味道，所以整體來說不錯👍🏻🍝軟殼蟹意粉 $89黑松露味道濃郁，意粉和醬汁嘅比例都好多，一個人食綽綽有餘。不過，軟殼蟹就唔夠大隻和唔夠熱。意粉中還有不同類型的菇類，都炒得幾香。呢度好多食客都係自己一個人幫襯，勝在唔會有人催你還枱。食物方面正常，價格在區內算中上，以後每當想嘆個好少少嘅西餐會再幫襯。

星期四平日早上帶寵物去食早餐， 因馬鞍山新港城， 只有Beans招待寵物🐕（坐門口坐位）。其實唔太鍾意去Beans, 要食客帶寵物🐶的，只可坐門口卡位， 冇遮冇隔， 行人個個望住， 感覺奇怪。2人叫了2個早餐1） 西冷牛排 ， 抄蛋， 鬆餅， 茄豆 $69凍啡+$3牛排＜梳打粉醃得好勁＞腍pat pat又多筋韌， 像大x樂， 大x活早餐牛排。。。好難食。2） 炸魚煎熟蛋鬆餅 $58熱咖啡炸魚好硬又乾鬆餅好一般炒菇又唔香。。。。總評。早餐都可以整得咁難食， 仲要收咁貴。去食 大x活 快餐差不多。 3分服務。 6分

今日同朋友嚟到馬鞍山，見到beans新開，之前都食過其他分店幾好，平日有下午茶，我哋一入門口，男侍應就非常熱情的招呼，服務態度非常之好，嗌咗兩個tea set，再加一個蛋糕，焦糖雞翼嘅薯條香脆可口，雞翼配上焦糖，幾好食，另外抹茶雪糕多士都好味，只係個蛋糕本人覺得偏甜了少少，應該試一次就OK，不過外型打卡是不錯的。整體嚟講，呢間餐廳男侍應的服務態度不錯，另外食物都質素幾好，女侍應服務態度就正常，下次還會再食。