荳子 (德福廣場1期)

營業中

休息中

穩陣發揮好食西餐，甜品有驚喜😋！・・・・・・・・・・・・・・・・・・・・🍝 蟹膏甲羅燒黃金蟹肉意大利粉 HK$148・味道：意粉以鹹蛋黃醬包住，鹹香十足仲食到鹹蛋黃粒粒，幾香口嘅。比較之下個蟹膏甲羅燒就唔夠濃同香。蟹肉正常發揮。・口感：整體正常冇伏。🍟 黑松露蛋黃醬薯條 跟餐＋HK$30・味道：少有黑松露味唔夠嘅黑松露醬😂，蛋黃醬都唔似，似沙律醬mix蛋黃醬咁～應該間間餐廳嘅黑松露醬都係同一來貨，唔會自己整醬啦，唔明點解個醬好似沙律醬咁喎～薯條啱啱炸起好熱，熱到擺咗陣先入口都好辣口XD。・口感：薯條夠熱但唔夠脆～🐖 德國燒豬手(碎上) HK$242・味道：豬手膠質滿滿，漿口嘅油脂感好正！不過食耐咗覺得有啲鹹。・口感：皮脆，肉略嫌柴咗啲～☕️ 泡沫鮮奶伯爵茶 HK$32・味道：正常發揮～個人鍾意佢泡沫偏少，飲落多啲啡XD・口感：順口唔澀～🍞 焦糖脆餅流心吐司 HK$82 👍🏻・味道：作為對甜味甜度好挑剔嘅肚波，個焦糖醬係甜而不膩，而且真係有陣焦香但唔係苦澀。微暖嘅焦糖醬配凍冰冰嘅雲尼拿雪糕，冰火交融一定正！・口感：吐司香脆。內里軟熟，yum yum～・・・・・・・・・・・・・・・・・・・・

九龍灣人氣cafe 意粉不過不失呢日放工約咗朋友九龍灣聚一聚，就揀咗呢間cafe chill一chill☺️。我哋叫咗紅酒燉牛面頰意大利飯同黑松露軟殼蟹意大利飯，意粉方面，麵質正常發揮😌，軟硬適中，口感煙韌，醬汁都夠濃郁，但牛面頰就略嫌煮到有啲乾，肉質有少少鞋🤏。至於意大利飯就有啲驚喜，軟殼蟹算脆，黑松露配意大利飯無得輸🤩，飯唔會軟爛，又唔會太硬，係唔錯嘅選擇👍！

收工之後同🐻仔去咗荳子Cafe到食晚餐，都要排隊等咗一陣先有位，不過店員態度都好好😌。係入餐廳嘅時候，都要搓佢哋自己嘅酒精搓手液，有5款香味比食客選擇。-🍴黑松露軟殼蟹意大利粉🍝($132)基本上每次嚟都會叫依個意粉，用咗唔少菌類同洋蔥絲🧅去做個底，加埋黑松露醬，真係好香🤤！意粉口感啱啱好，軟硬適中！軟殼蟹🦀雖然都偏細隻，不過有兩隻，炸得好香口！-🍴千島醬蟹棒蟹籽帆立貝薄餅🍕($118)薄餅睇得出係啱啱焗起，啲芝士🧀仲好拉絲，食落千島醬都少少甜甜哋，薄餅面頭都有唔少配料，係視覺加味覺雙重享受😋！-🍴黑松露蛋黃醬薯條🍟(+$30)黑松露味好香🤩！薯條數量都幾多，係偏向粗身嘅薯條，外皮同頭尾會炸到脆卜卜，不過中間仲有啲肉可以食吓！-🍴檸檬蜂蜜(凍)(跟餐)🍋

朋友通知我這間甜品店不錯，假期經過看到不用排隊，於是我和老公進去打算吃甜品作下午茶。當天我們點了一個栗子撻和一個紫薯撻。另外我還點了一杯芭樂百香果炭燒烏龍茶加蘆薈。飲品不錯，我點了少甜，因為我不喜歡太甜的口味，味道不錯。至於甜品，栗子撻是我的最愛，做得也不錯。對於紫薯撻，我覺得沒有太大驚喜，而老公則說不差。食物其實沒問題，只是員工態度不是很好，我進去時像趕客一樣，（乜呀？ 我唔明你講乜) 真的很沒禮貌，這一方面絕對需要改善。

平常也有光顧同系其他地區的分店，今日第一次光顧德福店。環境是香港少有這個價位餐廳既舒適及寬鬆，窗外的陽光令人忘記這是一個商廈區的午餐。今日點了午餐menu上的手撕豬肉漢堡及熱薑茶。手撕豬肉漢堡味道很好，漢堡很多地方食都是肉扒，這種手撕肉的口感很好，加上麵包烤得很香，唯一不足是豬肉稍為不夠熱。薑茶不太甜，很好。餐廳還有其他台式飲品可以選。希望餐廳可以添加遙距拎飛的功能，因為午餐時間外面排隊太多人，對於食1點的朋友等候有點耐。

▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼悠閒輕食咖啡室品牌「荳子BEANS」💕提供各類優質輕食、咖啡及創意甜品☺️招牌菜式選擇多，款款賣相精緻，相當適合打卡📸絕對是色香味俱全的必食推介～🔸蟹膏甲羅燒黃金蟹肉意大利粉🔸黑松露軟殼蟹意大利粉▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲推薦指數：❤️❤️❤️❤️🤍📍荳子 (德福廣場1期) (九龍灣)🏠九龍灣偉業街33號德福廣場1期平台P39A號舖...

每次經過beans，間間都要排隊等位，不知有咩吸引🤔，而今日早上剛好見到德福分店無須😃等位可直入座，咁就試下，叫了2份早餐，1份係炸魚套餐同煎薄牛扒套餐，個鬆餅非常驚喜好味，而牛扒雖然薄，但煎得啱啱好，至於塊魚柳的炸粉稍微厚咗同硬，味道同餐廳環境舒適，重點係杯coffee☕️ 有一次的refill 就更好👍🏻👍🏻，我會再次去試另外啲菜式！

員工很友善，我帶著bb車，會好細心睇下邊個座位適合。唔會覺得麻煩。彩虹咖啡都好特別，呢間的咖啡系列幾好。而且呢間位於單邊位，坐近窗邊睇下室外幾舒服，都適合一個人去。

每次過去食野、都會覺得四周環境好靚、加上食物質素不錯、食境又食野、芝麻雪糕很重芝麻味、淡淡芝麻香、加上雲呢拿香滑、配搭相當出色！軟殼蟹意粉、香脆軟綿、雙重口感🦀搞

啲凳超污糟，好多張凳好污糟。有好多張凳有啲血跡好似有人漏M喺張凳度。淨係今日過嚟食已經見到有四張凳係咁樣樣。未落單都已經覺得唔開胃，但係冇辦法朋友揀呢度見面。嘢食希望好味啦。

-車厘茄馬蘇里拉芝士薄餅🍕（$102）個pizza都不錯，芝士都幾香🤩一定要趁熱食，仲拉到絲😋口感鬆軟，係素食之選😍-卷・山政小山園（$30）中間cream都幾濃抹茶味，卷蛋都算鬆軟～配埋香甜紅豆🫘，不錯👌-車打芝士薯條🍟（+$30）每次都係必點之一，份量不算好多，香濃芝士味，幾好食😋-Name🏠：荳子 (德福廣場1期) Beans (Telford Plaza 1)Location📌:九龍灣偉業街33號德福廣場1期平台P39A號舖價錢💰: ，車厘茄馬蘇里拉芝士薄餅（$102），卷・山政小山園（$30），車打芝士薯條（+$30）

新年食中菜，通常大排長龍，考慮到這點，就選擇西餐，荳子曾到訪數次，今天有空可以寫上食評。 今天四人家庭聚會，不用排隊等位，12點到達，即時可以入坐，order了4個主菜，第一道是Egg Benedicts加配羽衣甘藍沙津，雞蛋略為過熟，只有少少流心的效果，而加配的沙津，配上意大利醋，新鮮好味，分量也不算少，以30蚊的價錢，也算不錯。 第二道🐷🐽原隻德國豬手加配芝士薯條🍟，如果怕麻煩，可以選擇碎上，就不用自己切開，豬皮香脆，肉質部份偏乾，份量適合四人分享，樣樣試少少，少食多滋味。 第三道🍴蟹膏甲羅燒蟹肉意粉，蟹膏味濃，意粉硬度煮得啱啱好。而最後一味千島醬蟹棒帶子pizza🍕，一人一件芝士拉絲pizza，今次可能醬汁過多，餅底好似較濕，如果喜歡用手食pizza，要小心醬汁流滿手。 飲品跟主菜，價錢平少少，叫左烏龍茶、熱凍各一杯mocha coffee，以及熱hazelnut coffee。如果你喜歡微甜，帶點苦味，這款飲品就適合你。 整體食物質素不錯，雖然有限90分鐘入坐，不過由於今天不算多人，所以也沒有受影響，可以盡情傾談，職員態度有禮，惟某些布座位椅子有污漬，改善吓就更好。

Lunch時間，見到門口條龍已經滿晒2行，唯有食其他餐廳。因為已經收爐，所以6:15就可以去到，終於唔使排隊啦，仲有好多吉枱添，可以坐4人位，鬆動好多👍🏻因為lunch食飽咗蕃茄仔，仲飲咗樽咖啡，所以都未好餓，叫咗一個pizza，一份nachos同一件tiramisu。墨西哥辣肉醬薄餅+車打芝士薯條：有好大份又香又煙煙韌韌嘅芝士喺pizza面，pizza邊都焗得好香脆👍🏻薯條同跟嘅芝士醬都清淡，所以問咗店員攞鹽、胡椒同埋茄汁🫢肉醬粟米片：食過Limited since1996嘅nachos後，呢客比較淡同比較硬，不過好在淡淡哋，無咁易水腫😆醬有啖啖肉嘅牛油果，唔只得一舊蓉咁👍🏻tiramisu:雖然用玻璃杯裝，但都覺得好吸引，放入口更加覺得好好味，cream好幼滑，蛋糕少濕好易入口，味道香濃👍🏻👍🏻熱檸蜜：一上枱已經好香，味道甜中帶酸，好飲👍🏻👍🏻👍🏻泡沫鮮奶綠茶：淡淡哋嘅抹茶味，有鮮奶香，甜甜哋咁，幾好飲👍🏻👍🏻食到一半已經全場爆滿，侍應都唔係好得閒，叫咗買單都無人埋嚟⋯⋯不過整體嚟講好有禮貌好幫到手

我終於尋找到九龍東早餐的最佳地方😂，一星期必定有一天出外食早餐，一邊整理公司的文件，一邊享受美味的早餐。之前會去APM，又或者去啟德，不過自從發現了這間bean 有早餐，自此就好少再去其他地方，平時自己一個去，今次再帶埋老公去，所以可以試多一款食物。我們叫了🥑炒蛋牛油果醬酸種多士，另外是薄切西冷牛扒，配炒蛋和鬆餅，另外配上flat White和鮮奶咖啡。🥑炒蛋牛油果醬酸種多士- 作為牛油果🥑控，我差不多每次來都是食這一個，牛油果份量多，配上香滑炒蛋，再加上美味又帶點脆的酸種多士，真係好好味🤤！最重要是下價錢只需要$48，真心抵食！😍🥩薄切西冷牛扒，配炒蛋和鬆餅- 牛扒份量也算多，老公說味道也不錯，配上熱熱的鬆餅，真係好好味。這間餐廳早上、中午和晚上我都有去過享受美食，不過早餐性價比真係好高，環境很好，座位又坐得舒適，食物有質素，另外雖然咖啡需要加錢，不過整體性價比仍然很高。一個人去，又或者同朋友去都非常之好。❤️

本身係Beans嘅fans，環境乾淨舒服，一個人食都唔尷尬，食過all day breakfast，軟殼蟹意粉都覺得好好食，但今日試新菜式有種中伏嘅感覺。 Lunch set 嗌咗五花腩醬油沾麵($84)，本身以為會係一般沾麵嘅上菜方式，點知係炒埋一碟，好似炒烏冬咁，入面有啲菇同埋切碎咗嘅豆，加上面有兩舊五花肉。 問題嚟啦，成碟麵非常之鹹，鹹到食唔落，好似倒瀉豉油咁。加上嗰兩嚿五花肉煎到好硬，冇哂肉汁…上面落咗啲辣粉同本身五花肉嗰陣叉燒味好唔夾，成餐飯食得好唔開心，一直喺度灌檸檬茶先解到渴。冬瓜檸檬鴨屎香青茶就正常，勝在幾大杯下。總括嚟講唔建議大家嗌呢個新菜式