688
12
17
港鐵觀塘站 D4 出口, 步行約1分鐘; 觀塘地鐵站D4出口,步行只需兩分鐘
繼續閱讀
電話號碼
23456389
90995441
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關獎賞計劃
優惠
9折
私房粵菜$100現金券 **無限兌換**
$90
$100
食家推介
相關文章
新年就嚟到,去邊度食團年飯最好?大家可能都會傳統少少揀中菜餐廳,今次介紹返一間勁正嘅隱蔽中菜私房菜俾大家😋«榮哥廚房私房菜»喺觀塘商廈入面,觀塘港鐵站D出口行幾分鐘就去到~ 地點都算方便。餐廳裝修為傳統中菜廳風格,枱與枱之間都有屏風隔開,亦有VIP房提供,聚會嘅時候唔使同隔籬枱你眼望我眼,感覺幾好👍🏻佢哋嘅行常套餐有4款,大概價錢一位$449起,如果睇過真係唔啱食,都可以度身訂造自己想要嘅菜單,佢哋有散叫Menu,最低消費$380一位。我哋今次4個人訂咗〖嚐味〗四人套餐。套餐內燉湯同埋主菜都有幾個選擇俾大家揀,唔怕唔啱食。坐低後可以揀飲咩茶,佢哋嘅茶芥唔係配炒花生,而係枝豆🫛。———.+:。(〃ω〃)゚.+:。 キャァ♪〖嚐味〗 四人$1818❀頭盤:✰本地水耕沙律菜伴芝麻醬✰榮哥自家甜酸齋、涼拌黑白木耳✰茶燻流心蛋伴黑魚子醬配厚切茄子〰️頭盤擺盤非常精緻💜最鍾意個流心蛋,好香茶燻味道👍🏻 沙律菜亦都非常新鮮鮮甜。❀燉湯:✰原盅燉姬松茸淮山甘荀黑毛豚肉湯✰原盅藥膳龍躉骨鮮淮山湯〰️燉湯非常足料👍🏻我比較鍾意飲龍躉骨😍好香濃嘅藥膳同埋魚湯味,而且出邊未必飲到,呢度亦都係秋冬限定😆想試嘅話春季前嚟試下喇~ ❀主菜:✰黑松露醬炒花尾躉斑球 配鮮露筍〰️大愛😍又厚又嫩滑嘅斑球,啖啖肉,黑松露味道唔算好濃烈,唔會遮蓋咗魚鮮味👍🏻👍🏻✰蝦球水芙蓉〰️蝦球鮮味彈牙,水芙蓉蒸蛋白非常嫩滑,加上甘筍汁,清新美味。✰醬燒爽厚豚頰肉配柳丁汁青木瓜絲〰️超厚切但係口感非常好,軟嫩但有嚼勁,醬燒味道有少少似蜜汁叉燒,呢個係必選推介👍🏻👍🏻👍🏻✰韓泡汁煮牛面肉配雙色蘿蔔〰️牛面肉一般都係喺西餐廳出現,第一次試中式煮法,口感有啲似牛腩,但係比較淋,亦都非常入味。✰金銀蒜香有機時令鮮蔬〰️時令鮮蔬可以揀金銀蒜香/魚湯/米王,餐廳安排當日靚菜俾你,今次我哋係食白菜仔。✰大紅大紫炒飯配日本櫻花蝦〰️炒飯粒粒分明,盡顯廚師功架👍🏻 用紅菜頭炒飯令到飯粒變成天然嘅紅色,新年好意頭啊😆😆 灑滿櫻花蝦撈埋炒飯好好食。❀時令甜品:✰薑茶湯圓💵連埋加一服務費,人均$500。
繼續閱讀
其實好幾個月都冇真正去品嚐私房菜, 有啲朋友仔知道我生日, 所以book咗間私房菜大家聚一聚食個晚餐兼且為我慶生!呢間私房菜嚟觀塘地鐵站大約三分鐘路程, 哈哈... 成日週圍捐窿捐罅嘅我當然唔會難搵啦!依一日正日生日嘅我好得閒, Booking係晚上六點, 幾個朋友未收工, 所以第一個攞位嘅係我, 應該係時間尚早所以進入第一個客人亦都係我。一坐低餐廳店員已經預先安排好座位仲做埋餐牌畀我哋睇, 果然真係招呼就到!六點鬆啲我個朋友whatsapp我, 叫我可以叫廚房上菜佢哋就到, 我同店員講朋友就到可以準備上菜, 店員回覆話即整即制準備好曬材料架啦! 等你朋友到齊先至上菜啦, 我心諗呢間私房菜應該好高效率唔使預先整定, 真係要畀幾個叻佢。講返今晚有咩食, 有六餸一飯一甜品 配上精美小食果然琳瑯滿目, 朋友到齊啦, 可以上菜!店員第一時間攞啲小食畀我哋食住先等上主菜, 一見到小菜就已經即時瞳孔放大, 講真真係好別緻, 有甜酸齋、 芝麻醬車厘茄蔬菜沙律, 仲有流心蛋黑魚子醬茄子, 配枝豆同埋雲耳, 每一樣都係一小碟, 睇得出個廚師係好有心機去做菜!今晚真係好有口福喇。食完曬啲小食終於上主菜嘅時刻到啦! 先嚟過慢煮海黃花魚豆醬配黑魚子, 舊黃花魚細細嚿望落去好似曬乾鹹魚食落口感都唔錯, 之後嚟咗兩個湯, 一個係龍躉配淮山另一個係意大利肝菌豚肉雞腳甘筍湯, 因為我唔食雞腳我揀咗個龍躉配淮山湯, 飲落好先甜好有火喉好好味!然後再嚟一個醬燒厚豚頰肉配柳丁汁青瓜絲, 啲豚肉切到一舊舊好似西多士咁燒出嚟又真係幾好味, 但係唔記得咗試過青瓜絲開頭仲以為係海蜇, 因為啲食物太過別緻只掛住影相唔記得食, 那個燒肋骨賣相也不錯好香口 及惹味, 至於哪個招牌菜王燻雞皮脆嫩滑好入味, 個魚香有機時菜應該係芥菜啲菜應該浸 浸咗好長時間嘅魚湯所以入曬味好特別, 個大紅大紫櫻花蝦炒飯食落好有口感好滿足, 今次呢個飯局嘅口感同味道果然值回票價值得推薦。
繼續閱讀
有時同班朋友飲飲食食之餘都想傾下心事。網上話榮哥私房菜唔錯,今次就同幾個朋友黎食嘢傾心事啦。餐廳好細心會安排專屬Menu地址好方便,係地鐵站附近茶燻蛋:外堅韌內軟 茶香味好濃茄子醬:好濃郁厚實,加埋茄子配搭很好酸辣嘅墨魚仔和另一個有芝麻醬水耕菜沙律和蕃茄仔好甜兩款湯:好清,好有肉味,有少少酒味,豚肉好淋,入口即融。特別睇吓鱷魚肉湯有止咳化痰功效。蝦球芙蓉:甜甜的杞子配襯滑捋捋甘筍汁的蛋白! 但食唔出甘筍味,問職員先知道原來係用咗甘筍汁。斑塊:好香黑松露味~斑塊一啲都唔嚡,無骨啖啖肉茶燻雞:食到茶燻香味,味道濃郁。雞件滑溜。(大推)黑豚肉:洛神花醬好香 特別!十個讚 米粉炒得好乾身,配上斑馬火腿好特別連甜品都好特別重薑味。總括而言,今餐係飲飽食醉。
繼續閱讀
榮哥私房菜一直以來都好有名氣,今日終於約到腳一齊食。頭盤先嚟個好精緻嘅拼盤💡本地水耕沙律菜伴芝麻醬本地水耕沙律菜非常新鮮,啲菜食落去好爽脆,芝麻醬的味道香濃,超正。💡榮哥自家甜酸齋啲齋料好入味,酸酸甜甜,唔會太甜或太酸,啱啱好,好開胃。💡茶燻流心蛋伴黑魚子醬配厚切茄子隻蛋好入味,好香茶燻嘅味道。流心蛋黃好香滑,搭配黑魚子醬同厚切茄子,口感豐富。💡涼伴黑白木耳呢碟涼拌黑白木耳真係好爽脆,味道又清涼,陣陣麻油香味,好清爽。然後到燉湯💡原盅燉哈密瓜螺頭黑毛豚肉湯哈密瓜燉到好軟腍,入口即溶,好香甜,螺頭好鮮嫩,加埋黑毛豚肉,成個湯好清甜好滋潤。💡原盅燉姬松茸淮山甘筍燉黑毛豚肉湯姬松茸味道好香,而且甘筍好香甜,黑毛豚肉燉到好腍,成個湯好清甜。跟住就係主菜💡黑松露醬炒花尾躉班球配鮮露筍花尾躉班球魚肉好鮮嫩結實,鮮味十足。鮮露筍新鮮爽脆無渣,味道鮮甜。黑松露醬提升了整體風味,非常美味。💡蝦球水芙蓉蒸蛋口感綿密幼滑,蝦球鮮嫩多汁彈牙,兩者配合口感極佳。💡蜜椒比利時杜洛克 St.Louis橄欖豬肋骨肉質鮮嫩多汁,外皮十分香口,蜜椒醬嘅味道好開胃,非常好味。💡韓泡汁煮牛面肉配雙色蘿蔔(微辣)牛面肉同雙色蘿蔔炆得好腍,韓泡汁的微辣與牛肉完美融合,增添唔少風味,非常美味。💡魚湯有機時令鮮蔬菠菜苗十分鮮嫩,完全沒有草青味,魚湯令時菜更加鮮甜好味。💡農坊獨頭糖心黑蒜炒飯一上枱已經香氣四溢,飯粒粒粒分明,金黃油亮,配料豐富,賣相極佳。配合糖心黑蒜的獨特風味,美味更加推高一個層次。到甜品喇💡時令甜品今日嘅甜品係薑汁黑芝麻湯丸,湯丸口感軟糯,黑芝麻香甜濃郁,薑汁十分暖胃。呢餐真係十分滿足😊
繼續閱讀
今日去左係觀塘既榮哥廚房私房菜食飯佢係主打新派粵菜,所以就一於去試下!⭐️本地水耕沙律菜伴芝麻醬:佢既沙律菜好新鮮,而且芝麻醬味道都幾濃⭐️榮哥自家甜酸齋:甜酸齋酸甜可口,食完一舊好想再食⭐️茶燻流心蛋伴黑魚子醬配厚切茄子:呢個真係推介,一上檯見到個樣已經好吸晴,佢個茶燻蛋香氣十足,個流心好正,而且個黑魚子醬配埋個茄子一齊食,真係好完美!⭐️涼伴黑白木耳:木耳爽脆清涼,味道調配得不錯⭐️原盅燉哈密瓜螺頭黑毛豚肉湯:個湯好清甜,哈密瓜同埋螺頭都幾鮮甜⭐️原盅燉姬松茸淮山甘筍燉黑毛豚肉湯:個湯好濃郁,姬松茸香氣十足⭐️黑松露醬炒花尾躉班球配鮮露筍:花尾躉班球肉質鮮嫩,黑松露醬香氣濃郁,搭配鮮露筍清爽可口⭐️蝦球水芙蓉:另一推介,佢個蝦球非常彈牙爽口,個蛋非常滑,真係好好食⭐️蜜椒比利時杜洛克 St.Louis橄欖豬肋骨:豬肋骨肉質軟嫩,蜜椒醬香甜可口⭐️韓泡汁煮牛面肉配雙色蘿蔔:牛面肉軟淋入味,雙色蘿蔔清甜爽口⭐️魚湯有機菠菜苗:蔬菜新鮮清甜,魚湯味道鮮美,唔食菜既媽媽表示都食左唔少🫢🫢🫢⭐️農坊獨頭糖心黑蒜炒飯:炒飯粒粒分明,黑蒜香氣十足。⭐️薑汁糖水湯圓:甜品精緻美味,令人回味無窮。
繼續閱讀
您可能會有興趣的...