茶蓋 (已結業)

前排見呢間手搖店開左聽講主打黑糖珍珠同水果奶蓋每個月都返大陸飲一次喜茶既我於是買左杯黑加侖子奶蓋試試芝士奶蓋好濃好香 黑加侖子感覺好清新🍇店主仲話d水果全部都新鮮運到奶蓋會連埋水果一齊打感覺好真材實料😆5似馬馬虎虎🤔下次要試下佢個布雷波波茶先😍

如果你鐘意返內地飲X茶既芝士奶蓋系列的話，而家唔使特登返去喇！因為香港而家有一間芝士奶蓋同樣出色好味既舖頭已經登陸係荔枝角！！超讚既惡魔可可加芝士奶蓋！啖啖芝士味混和濃濃既朱古力味！記得加粒粒珍珠！口感會更加好！超好飲！多重享受！值得一試！

最近公司附近新開左一間專門飲奶蓋系列既台式茶飲專賣店，今次試左濃味芝士奶蓋荔枝茶。濃味奶蓋名不虛傳，芝士味好濃，小小咸，質地杰杰地，奶蓋部份佔三份一杯。你啲茶味道比較淡，清新，叫咗少甜，味道剛剛好。

同事仔戚起條筋想飲嘢~我立即推介佢去買【茶蓋】，雖然地點較遠，但賣相吸引嘛！一於行遠少少試下啦～《小熊可可珍珠鮮牛乳》奶味濃郁，朱古力的甜度剛剛好，珍珠煙un 有黑糖味，杯蓋係趣緻的小熊頭，為沉悶的工作，帶來一絲童真、歡樂。

今日終於試左同事介紹話好好飲既#Gha Gai茶蓋。我叫左榴槤芝士奶蓋， 少冰，少甜，因為唔鐘意飲糖醬好甜既野飲,出面好多珍珠奶茶都係偏甜，里一杯榴槤芝士奶蓋果然無令我失望。因為原來係用抺茶做底， 淡淡地好清既抹茶，容易入口， 我好手快快將奶蓋攪渾左黎飲， 原來可以唔駛攪渾黎飲架，不過都唔緊要啦， 攪渾左都一樣咁好飲， 好香榴槤既奶蓋，一邊食飯一邊飲， 好滿足，飲完又食完覺得好飽肚，成口都榴槤香味。搵日再試下其他味道!!!

今日lunch時間同埋同事一齊再去幫襯奶蓋。我地都係鐘意食榴槤既人，所以今日約埋一齊試個到既榴槤芝士奶蓋，試下咩味道！今日去到等左十分鐘到，因為外面落緊大雨，店員都好好提供個手抽紙盒比我地放好三杯野飲，仲問我地遠唔遠？駛唔駛借傘比我地？好細心既女仔。相機先影， 里杯榴槤飲落d芝士奶蓋一樣好好味，勁香榴槤味，聞落又唔係好嗅，但飲落成口都榴槤味，仲有d肉絲肉粒咁， 感覺唔錯， 岩我口味，今次里杯都令我好滿意。

係公司附近開左間新野，又係至愛珍珠奶茶，諗住試一試，估唔到茶味幾出，意料之外的好飲，服務態度還好，會經常來😁今次幫襯左黑糖珍珠烤奶茶，可以叫少甜已經夠，另幫同事叫左奶蓋綠茶，真的很足料，同事話好夠奶香味，是次幫襯我們都好滿意！

公司樓下又開多間新茶蓋，里間唔似D集團式經營手法，可以走入店內已經有好香既果香味， 最後決定試左士多啤梨奶蓋， 好好味， 最鐘意係D芝士奶蓋，因為我同同事都係第一次飲芝士奶蓋， 最初只用飲管飲底既果汁， 又攪唔混d芝士奶蓋，我地就問店員點飲， 哈哈...我地好似大鄉 好好笑！店員好nice 細心 話比我地知有幾個唔同飲法， 好特別我地都飲得好開心， 各位朋友仔飲既時候 都問下可以點飲啦！值得推薦！期待下次 要試下榴槤奶蓋先！

其實荔枝角嘅飲品店唔多，見公司附近開左新嘅台式飲品店就去試下啦。去到見到好多人排隊諗住都實冇死啦，咁就叫左杯珍珠奶茶。都等左一段時間，見仲未有就去bar位睇睇，明明啲珍珠已經裝好哂，排緊第二杯俾人沖，個到嘅staff一次又一次無視左佢！已經叫到過哂我個number，我杯野都仲等緊佢沖！咁我唯有問一問個staff我杯野有未啦，咁佢沖完一輪又放左係到唔郁，周圍搵野。我諗佢本身可能仲有野要加落去，但佢搵唔到之後就求其裝左啲冰落去，整滿左就算。都算！諗住搞左一大輪終於有得飲，點知一飲落去啲珍珠係酸嘅！由個心到酸出嚟，仲要淋到爛咁滯！而個奶茶亦都冇茶味，冇奶味，唔知飲緊咩咁。我知呢間野唔係主打珍奶，但都唔好出杯咁嘅野俾客吖！

$28，珍珠比较淋，但奶蓋好味，叫左少甜少冰都夠甜了，初試业要等一陣，cashier都要幫手整嘢飲，但態度良好！雖然店舖不大但其實都有幾多人（唔少学生）幫襯，都值得一試吖！

最近荔枝角都接連開左唔少茶飲店，呢間都靜悄悄開響工廈區～見佢奶蓋好似係主打，所以我同同事分別叫左兩款奶蓋茶。奶蓋頂級四季春$30四季春茶底好清好醇，天氣咁熱飲真係好解渴，不過因為四季春本身味道唔係濃郁，係清新路線，無糖嘅情況下奶蓋變得好重要。佢個奶蓋係響個壺倒出來，可想而知幾watery ... 入口奶蓋奶味係好濃好奶，不過芝士味就唔係好覺，味道相對淡，唔係話奶蓋唔好飲，不過響成杯嘢都無味嘅情況下，個原味奶蓋就弱左d.奶蓋玫瑰烏龍茶$30玫瑰烏龍茶茶底同四季春相比味道突出好多，所以奶蓋無味都可以平衡番，值得一讚係入口瞬間玫瑰味同烏龍味同時衝擊味蕾，以前飲開玫瑰茶都要浸到天黑先出味，響烏龍咁重味嘅存在下玫瑰仲出到黎確實唔錯，不過解渴度當然係四季春好d.其實職員有叫我轉弄味芝士奶蓋但我唔鍾意咁heavy , 所以堅持原味，不過佢真係真係得奶味，而且好水，唔使點攪都會變奶茶（無味版），建議大家叫濃味。整體黎講佢地係用心做茶底，但奶蓋需要“傑”多少少咸味不足，可能佢特登留響濃味版，如果有人試過可以話聲我聽等我下次識叫😆 btw 職員整飲品都需要一段時間，大家要預一預呀。