茶舍 (淘大商場2期)

營業中

休息中

Ordered the Seafood Soup with Rice in Shrimp Sauce the other night. The rice was fine, nothing spectacular. The seafood was meeting the standard. The shrimp, squid rings (not sure if they were calamari), the scallop, and the fan scallop were acceptable. The soup broth was ok and adding a bit of salt to it was much preferred.

呢排九龍灣多咗好多新餐廳，今晚收工就過咗淘大揾食！黑椒汁美國安格斯（$88）五成熟嘅安格斯牛扒以圓木板上菜，伴菜有沙律菜同薯條，醬汁揀咗黑椒汁，味香濃稠。牛扒肉質鮮嫩，薯條非常香脆！菠蘿鮮茄三層芝士焗豬扒飯（$56）即叫即製保證熱辣辣，豬扒煎到金黃又夠嫩，配上甜口菠蘿同新鮮蕃茄嘅酸味，整體味道口感非常豐富，唔怪得知枱枱都會叫焗飯！甜品就揀選了原味芝士蛋糕（$21）、意大利栗子法式布朗（$26）細細件蛋糕作為飯後甜品非常適合，前者入口柔軟順滑，而Mont Blanc 表面的栗泥栗子味香濃，加上內餡的鮮奶油不會過甜，如果整體口感更濕潤就好了！

呢間茶餐廳喺淘大已經開咗幾個月🍚，晚餐時間仍然排晒隊，人氣爆燈👍🏻🔥。舖頭店面都幾大，裝修到文青Cafe咁，但係價錢相當平民，而且野食都幾多元化，有鋸扒又有蛋包飯又有Pizza可以選擇👍🏻我哋點咗個南瓜野菌烤雞意大利飯、濃蝦湯海鮮飯、蒜香雞中翼🐥首先意大利飯煮到好creamy，南瓜味好香，雞肉嘅份量都唔少，整得都幾正宗，推薦大家試下。跟住濃蝦湯海鮮飯，我見呢一道飯好多枱都有點，於是乎我又試吓。佢係用左好香好濃既蝦湯底去煮，餸有青口、帶子、蜆、魷魚、蝦，勁足料😍真係好好食蒜香雞翼，一碟有四隻，外皮煎到脆卜卜，食到少少蒜蓉味，都幾出色。飲品方面，見到餐牌有龍鳳可樂，呢個真係要好地道嘅茶餐廳先會有，所以我哋即點，龍鳳可樂即係可樂底+咸醃檸檬+檸檬片，酸酸甜甜咁😋最後兩個主菜+一個小食+兩杯野飲埋單$176，真係超抵食🚩從此喺淘大又多一間食堂😋😋😋

最近剛剛搬到淘大附近的我，知道這附近新開了一陣子的茶舍，網上評語不錯，今天便和男朋友叫外賣來試試😋 好多選擇照燒汁鰻魚滑蛋包飯鰻魚夠厚肉，配上滑蛋，成熟度剛剛好，滑溜又充滿蛋香😎 最喜歡的是木魚碎，同鰻魚是最佳好友🤝 喜歡鰻魚的我，下次必定會再點！脆炸軟殼蟹芥末醬吐司原來這樣的配搭也很惹味，即叫即做，所以炸軟殼蟹非常酥脆，新鮮熱辣！配上芥末醬的獨特香氣，加上新鮮的蕃茄、甜甜的沙律醬，再配上厚身焗多士，諗起都好回味🤭🤭 值得一讚的是，雖然是外賣，但都幾有儀式咁，起碼啲三文治配料唔會亂七八糟😊👍🏼香煎豚斧頭扒煎蛋飯斧頭扒夠厚肉，肉汁鮮嫩，肉味濃郁🥹加上煎蛋，成件事好黯然銷魂飯🤣🤣好正，當返咗成日工，有呢一餐外賣，覺得成件事好滿足👍🏼🤡

來個hi tea除了何文田外九龍灣也開了分店下午茶真的超抵食更可自選hi + tea自由配撘迷你意粉/豬扒加薯條/三文治/西多士等$42連飲品花生醬西多士$34牛油蜂蜜配西多士永遠也是最佳配撘鹹牛肉滑蛋牛角酥包$40牛角包很鬆軟餡料充足非常美味還可選擇飲品茶餐鮮茄午餐肉通粉配炒蛋火腿丹麥酥包$38這個價錢配這個價錢真的超值除了下午茶晚餐種類也頗多選擇以自助形式點餐和拿餐具店內空間算闊落吸引了不少街坊光顧

在德福廣場處理事務後，來到淘大這邊搵食，今次選在「茶舍」食晚餐。店面都算大，不會坐得太過狹逼。餐牌菜式選擇多而分類清晰，大家都容易選到想要吃的。照燒汁鰻魚滑蛋包飯，賣相不錯，滑蛋將飯完全覆蓋。照燒汁鰻魚不夠肥美，醬汁香濃而不鹹，味道OK。蛋的份量與蛋汁都足夠撈飯吃～～滑蛋雖不至於好嫩滑，但也不會炒得過熟。濃蝦湯海鮮飯，有魷魚圈、帆立貝、青口、蜆、蝦等海鮮，用料豐富，湯底夠味，但不至於鮮甜濃郁。以70元左右的價錢，對應這種程度的食物質素，都屬可接受的範圍啊！

成日經過都見到呢間餐廳排哂隊，今日同朋友係淘大睇完戲，就決定落去試下先。我地6點半去到岩岩好唔洗等位，仲要咁岩有卡位，坐低左15分鐘門口就已經排晒隊啦。。。其實佢晚餐好多選擇，有鐵板餐，焗飯，炒意粉，pizza，小食。。仲有龍蝦🦞價錢仲有平民，幾十蚊食個晚餐又坐得舒服。。餐廳用QR code落單好方便又清晰。。星級雜扒本身已經包括左龍蝦湯同沙律。龍蝦湯味道濃，夠熱好飲。個鐵板一上枱果下真係好誇張！嗞嗞聲，勁大條炸魚柳，勁大件牛扒！我仲以為係好普通好似茶餐廳果啲雜扒餐，有豬牛雞腸仔果啲😆點知係咁巨型咁大份，真係估唔到。。。睇吓條魚柳大條到好條支叉咁長，食落仲好特別，外面層粉漿係有香料味，好食！牛扒又係勁大件，煎到剛剛好，切落去應該7成熟左右，淋滑咇汁有牛味！塊煎雞扒，一樣醃得好好食，唔會好柴。配菜仲有火腿，一大件翠肉瓜，車厘茄，太陽蛋同勁多薯條🍟其實我覺得呢個份量係絕對夠2個女仔一齊食🤣🤣三層芝士焗鮮茄牛脷飯牛脷飯上枱已經聞到好香，牛脷入面有好多件，厚切夠淋又入味！佢個番茄汁唔會太酸，飯又唔會過淋，拌勻好好食！好多芝士係面，夠拉絲，芝士控嘅我讚讚！熱杏霜呢杯真係要俾100分！通常杏霜係好

今日放假又出去搵嘢食，去到一間新開嘅茶餐廳，有幾個人排隊，但都很快安排到位置入去。 我哋就叫咗兩個晚餐set ，生煎美國豚肉斧頭扒， 有沙律、餐湯，今日嘅餐湯係龍蝦湯，味道好濃、好有龍蝦味、好鮮甜，幾好飲。斧頭扒好大份、好淋好，加埋啲蒜蓉汁，就恰到好處，味道好夾。再加好脆的薯條，真係唔錯。蒲燒鰻魚炒珍珠飯 ，鰻魚好大粒，炒得好香，再加浦燒汁非常惹味，配搭珍珠米，好好食。加少少雜菇一齊炒，真係一個不錯嘅選擇。吃完豬扒，飲一杯檸檬茶，可以更加完美 。我朋友叫了一杯咖啡， 咖啡都唔錯。

假日繼續出外覓食今次嚟到淘大商場新開的茶舍 （Hi Tea)嚟到唔使排隊 一坐低就即刻叫咗兩個sets上菜時間都好快，等左1x分鐘就有美國安格斯牛扒 + 沙律個牛扒叫咗五成熟但係上菜時感覺好似得3成熟不過唔緊要 食落嘅時候都幾香牛味而大部分都係比較鬆化黑椒汁正常發揮芝士海鮮Pizza 芝士味非常濃厚而且喺pizza面上面都好多海鮮不過有一邊燒燶咗但係唔影響整個pizza嘅味道凍檸茶室一般茶餐廳嘅發揮杏霜熱辣辣整體體驗都唔錯

呢餐飯真係食到成肚氣，同屋企人各自嗌咗份安格斯牛扒($148)，雖然本身都唔expect呢到嘅牛扒質數有幾好，但係冇諗過會差到噉。個扒睇落大份同埋都幾厚，肉質食落去都嫩口唔鞋，但最大問題係一啲牛肉味都冇😥😥合埋眼食嘅真係唔知食緊咩肉😅，成餐飯得個黑椒汁比較正常，求其去間普通冰室都好過喺到食。仲有就係個扒嚟咗好耐先上沙律，最後先上餐湯，餐湯入面仲要飲到有一細塊包裝膠膜😅😅😅以後唔會再幫襯呢間舖👎🏻👎🏻

最近去咗一間cafe，以為係普通茶記原來都好高質，應該會變成常去餐廳Lu🤭 濃蝦湯海鮮飯，呢道菜真係好好味！飯煮得啱啱好，浸耐左都唔覺太軟變左粥仔咁。加埋濃郁嘅蝦湯，海鮮味好濃海鮮種類都好多，一嚐就上癮，真係好正，絕對值得一試。女朋友點左，脆炸軟殼蟹芥未醬牛奶吐司都好特別，以為係港女野。蟹肉好鮮美有膏，新鮮炸得好酥脆，加埋芥末醬同甜甜地既牛奶吐司，味道更加豐富，好啱做早餐或者下午茶，好輕鬆愉快嘅感覺呀！最後係煙三文魚沙律，好清爽，煙燻三文魚味道好好唔會死咸，蔬菜好新鮮，加埋醬汁，份量足，味道好平衡岩曬要食菜既朋友們。甜品黎個柚子芝士蛋糕，好清新，柚子味好足，芝士軟滑唔會太甜，對唔好甜既男仔都俾Like總括嚟講，呢間cafe嘅食物質素都好平均，全部都好特別好值得一試㗎！最令我興奮嘅係佢哋嘅鐵板燒！勁多人叫，送菜果時真係好香，好吸引啊！擺盤好漂亮，聞到味道就口水直流。下次再嚟呢度一定要試吓佢哋嘅鐵板燒啊！

今天相約好友往淘大商場shopping,好耐冇嚟過淘大,,商場變了好多,多咗好多食肆店舖.行到肚餓見前面有間店舖"茶舍"見地方舒適一於試試.點餐方式採用現在流行手機點餐,非常方便👍食品有好多選擇,有扒餐、pizza、焗飯類、龍蝦堡等等多元選擇,我哋就點了和風醋鴨胸玉米沙律$42,煙三文魚火箭菜pizza🍕+熱奶茶$65,黑椒汁安格斯牛扒配薯條+熱檸水$72,再加多件朱古力芝士蛋糕🍰$21(真大吃😂😂😂)鴨胸沙律鴨胸吃起來肉嫩多汁,口感味美😋😋,煙三文魚火箭菜pizza用料豐富,即叫即整,一口咬落去滿口三文魚油脂夾著芝士嘅濃香,再加有粟米粒、蘑菇、洋蔥等等嘅配料,入口美味可口👍😋黑椒汁安格斯牛扒都要一讚👍,牛扒口感豐富，肉質厚實,肉味較一般牛隻部分濃郁,牛味濃香,這樣的價錢吃到咁美味的牛扒真的超值👍喜歡吃牛扒的朋友來到一定要點!最後再品嚐飯後甜品朱古力芝士蛋糕🍰sweet sweet😋😋肚皮舒服晒😂😂😂"吃完結算都係$200,真係抵食!👍👍👍茶舍"食品多元化,價廉物美👍真的值得推薦畀大家!

今日唔想煮早餐，就打算買外賣返屋企食，之前見到茶舍門面幾雅緻，有別於一般茶餐廳。店內環境寬敞，坐位舒適。早上八點左右，食客都不少。早餐款式很多，有茶餐廳的經典早餐、美式早餐、三文治餐、營養健康早餐等……最後我每樣都叫咗d, 鮮野菌沙嗲牛肉湯公仔麵配炒滑蛋火腿丹麥酥包、千島醬吉列脆魚柳配漢堡扒腸仔丹麥酥包、芝士火腿三文治、層層疊三文治，餐飲揀左綜合水果茶（加$24）和凍檸茶。🌟🌟魚柳炸得剛好，唔會太亁，魚肉質嫩滑。🌟🌟厚切三文治包，非常鬆軟。🌟🌟公仔麵和湯分開放，麵可保持彈牙，炒蛋嫩滑。🌟🌟層層疊三文治用料豐富，加上特製醬汁，好味道😋估唔到早餐都有得飲綜合水果紅茶😍味道清新可口，甜道適中。檸檬茶都ok，茶味濃郁。

餐廳裝修時尚舒適，價廉物美，就算附近食肆林立，這裡都經常排長龍。餐牌種類多不勝數，扒餐、滑蛋包飯、Pizza、漢堡、咖喱、焗類、濃蝦湯等，包羅萬有，而且所有套餐均贈送熱飲，相當抵食。煙三文魚火箭菜Pizza：批底好薄脆，即叫即整，熱辣辣，三文魚脂香四溢，仲有白蘑菇、粟米、洋蔥，配上傳統蕃茄醬，惹味又好食。薄燒鰻魚炒珍珠飯：用日本米炒飯，飯粒飽滿有粘性、口感有嚼勁，而且每粒飯都沾滿鰻魚汁，配料有菇、粟米、洋蔥，飯面撒上大量木魚絲，色香味俱全。意大利栗子法式布朗尼：這款布朗尼比較像蛋糕的質感，原粒栗子加栗子蓉、內裡充滿栗子雲呢拿慕絲，甜度適中，令我哋好滿足。總括黎講，餐廳位置便利，食物多元化又美味，職員服務好，性價比高。

味道其實ok，但過咗一開始蜜月期就要乜都冇，抵食好食既全部話唔做，只可以叫貴價嘢食。芝士薯條夠膽話一日只賣十份😅門口唔會話你知，入到坐低先知咩都冇。服務態度基本上都係差，全部服務員都係parttime，阿姐基本上咩都唔知，次次黎都會上錯菜。如果後生就再慘d，完全冇任何尊重，同客人完全係對立駁嘴，問多兩句就唔耐煩😅明明自己個餐牌設計得亂七八糟繞黎繞去。都幾可惜明明難得有間廚房食物係有水準但就比管理玩爛晒。