茶舍 (淘大商場2期)

營業中

休息中

星期一放假，今早去食個早餐，自己下單，因為自己下單不能唔要面包，我立刻同個待應講一聲，居然大大聲無禮貌地回應我，叫我不要自己落單，好像我欠了她的！真係態度好差好差！浪費了早上的心情。

今晚到朋友家一聚，簡簡單單到樓下點外賣，但這間餐廳的外賣比我想像中高質很多，新鮮滾熱辣👍🏼店內的環境寬敞，裝修👍🏼下次必定會來試試堂食，更加舒服。魚籽三文魚蛋炒飯上網見到這三文魚蛋炒飯的材料豐富，金黃色飯粒粒粒分明，配上三文魚、甘筍粒、冬菇粒粒等等，每一啖飯都口感豐富💞蒜蓉汁香草雞扒滑蛋包飯雞扒夠大件，配上蒜蓉汁香草，很開胃呢！還有絕配蛋包飯，蛋很滑😆😆對於我這個蛋控來說，很滿足🫶🏻濃蝦湯海鮮飯這海鮮湯飯需要時間製作，但絕對值得等待🤣有大蝦、魷魚、青口、蜆肉等等，令到這海鮮飯的鮮味濃郁👍🏼湯頭都很惹味，用來拌飯好好味🫶🏻大家吃過，都認為這家茶舍可以再Encore 😎😎

放假前夕媽媽唔想煮飯就叫埋佢落樓下食！茶舍不嬲都好多人排隊咁啱今次去到唔洗等位直入❤️第一次食晚市menu嘅嘢種類好多下尤其是西餐中式炒飯同日式菜都有但係我同媽媽都係無肉不歡叫左兩個扒餐穀飼安格斯牛跟蒜蓉汁意粉一上台已經好吸引目光炸炸聲隔離檯對母子啱啱入黎就即刻跟我地order扒餐😂啱啱好5成熟食落外脆內軟而且食得出唔係落左鬆肉粉係真材實料  好有牛味配菜嘅生熟程度都啱啱好唔會好似普遍餐廳嘅配菜咁只係裝飾唔食牛嘅媽媽就叫左個生煎美國豚斧頭扒黑椒汁跟飯呢塊斧頭扒真係我係連鎖餐廳裡面食過最好食嘅！肉質好軟嫩唔單止好易切開放入口咬都係有肉汁爆曬出黎嘅口感食多幾啖都覺得好好食！！如果食晚市一定要試下兩個餐跟餐都會有沙律同湯不過唔想飲紅白湯嘅我地就無要到個湯沙律係正常嘅胡麻醬沙律另外仲額外叫多左杯熱檸茶味道正常 茶味好濃好正

去淘大搵食，見到呢度好多人，所以入去試下，環境ok,食物選擇都算多,最終揀左一個鰻魚炒飯,同埋什扒套餐整體有70分，食物好滿意，但服務唔掂，班阿姐好趕客，態度差語氣差

今日到淘大商場分店食早餐。揀左間評語不錯的「茶舍」，不知道什麼集團或背景，只知道有三間分店。走年輕路線的冰室，裝潢簡約舒適。 菜單多元化有西餐又有中餐，雖然早、午、晚餐只有各一頁，但是勝在圖文並茂，方便客人。價格也合理，難怪早上也坐滿客人。早餐習慣有碗熱辣辣湯粉，有四款選擇。小編揀左【野菌沙嗲牛肉通粉 $38】有別坊間茶餐廳的沙嗲牛麵有濃濃的沙嗲醬，「茶舍」的沙嗲牛肉通粉湯頭沒有香濃的沙嗲味，換上健康的野菌，湯頭味道清淡。不太沙嗲的湯粉，只有牛肉才能感受到沙嗲味。麵餐都會有份【炒蛋火腿丹麥酥包】小編善歡甜甜又脆口的麥酥包，比沙嗲牛肉通粉出色。「茶舍」味道、環境介乎茶餐廳及西餐廳之間，早餐價錢同美心、大家樂等快餐廳差不多，有得揀當然揀「茶舍」

今日早上真係一肚氣，淘大茶舍都係街坊喜歡新店，由開舖食物時間較耐，到上菜時間有改善，食品款式多，老闆又體貼客人，在淘大街坊欣賞地方。可惜，員工質素下降，今早早餐無人等位，門口又無招待，自己入坐，每枱客都人數與我相同，不用搭座，不知是否我年輕，受到待遇不一，女待應長髮看似好人，但唔問唔出聲又唔聽我講幾多位，就叫人搭座，我多次叫對方想問，但對方扮看不到，又完全唔回應，仲用力飛張點餐板就走左，連想搭枱的人都怕左，走左去。無想過素食店一離開，換來一間服務素質咁差的店舖。街坊都話唔好受氣，去其他店，今次好失望。

茶舍 😋抵食平民餐廳🍴價錢相宜今晚唔知食乜好～來左茶舍@hitea_hk見堂食人龍不絕～改為買外賣🥡佢地餐牌款式選擇好多～見有扒類、意粉、pizza 、更有甜品🍮全部即叫即製～ 😋我外賣大概等左十零分鐘攞得👍🏻店員服務好好～👍🏻即使全場爆滿都仲係面帶笑容叫左3款食物外賣自取😋。香濃茄汁鮮蝦蜆扁意粉🍝 $68。蒲燒鰻魚炒珍珠飯 $68。魚子三文魚蛋炒飯 $60跟餐包熱飲 ～ 凍飲+$3 食物味道唔錯😋份量足👍🏻見店內座位闊落～裝修好光猛～感覺好舒適下次再來encore 📍九龍灣牛頭角道77號淘大商場2期地下G242-245號舖

朋友屋企之前買埋外賣上去, 見到這間店舖可以先落單然後陣間再返嚟拎覺得幾好,所以就揀咗這一間餐廳落大雨企喺度等就比較辛苦，一早訂定就爽歪歪餐廳都幾多人食我自己就揀咗個黑椒汁美國安斯和風沙律+熱華田牛肉都幾大塊， 切開朋友們大家食幾塊，都幾開心 配埋沙律仲有一兜蒜蓉汁分咗盒， 感覺都幾驚喜嘅，因為唔會入到塊肉太淋又或者係太鹹去到最尾好唔需要點太多汁沙律係比想像中大兜，而且最好係唔係平時嗰啲薯仔沙律，食菜新鮮健康減少罪惡感朋友A就要咗個濃蝦湯海鮮飯凍檸茶走甜 濃蝦湯味道濃沃，裏面仲有帶子、青口、蜆、魷魚同埋大蝦， 湯嘅份量都足夠，唔會食到尾淨返啲飯朋友B揀咗 鮮茄香煎豬扒滑蛋包飯又係估唔到咁大塊，成個碗咁大朋友話豬扒冇乜雪味， 滑蛋夠滑拌飯一流蛋包飯外型都十分美觀唯一要留意係外賣每個餐要加兩蚊盒錢， 但係分盒情況感到相當滿意餐廳雪櫃仲有啲特飲同埋蛋糕，下次下午茶可以再嚟試下

之前係大埔朋友屋企叫過嘅外賣，我仲念念不忘原因好簡單，高汁好小香港有依d 咁特別嘅茶記碟頭飯有小小日式西式嘅味道最近淘大商場2 期新開張，lunch 都要過一過黎買外賣番公司餐廳超易搵，係macdonald 後面勁多人，所以外賣早小小打定電話去到就唔洗等有得攞蒲燒鰻魚炒珍珠飯$68你唔會係其他茶記見到鰻魚夠多，個飯索哂d 精華魚籽三文魚蛋炒飯$60又係一個你係香港茶記唔會見到嘅飯三文魚都基本，但有埋魚子，jc係不得了必叫咖喱雞焗飯$58睇落簡單，不過我會一叫再叫得一個原味足料，同個咖喱真係有小小辣度大家叫個試下，好唔好食話我知三個飯各有千秋

同同事喺淘大睇完戲，諗住醫吓肚仔，記起呢間裝修得幾靚，開左冇幾耐，一直想試HI TEA就係戲院行出黎轉角位置，非常之易搵，入面坐滿晒人，要等一陣，睇吓Menu先晚餐都幾抵，而且都幾多選擇；座位都算舒適闊落，職員見你一坐低會拎兩杯水過黎，唔錯，QR CORD落單夠晒方便👍🏻香煎豚斧頭扒煎蛋飯 （$65）肉質juicy，份量都多💕黑椒汁美國安格斯配薯條 （$88）五成熟超正，薯條炸到好香脆💕見Menu竟然有芝士蛋糕，再叫黎試吓😋 cheesecake香濃唔錯🥰

今日去左九龍灣嘅 茶舍 食返個lunch。之前有食過分店嘅晚餐，性價比都唔錯餐廳用qrcode落單，枱上都有menu，店員都可以幫手落單。今日一個人lunch叫左個 脆炸軟殼蟹芥末醬 配薯條，飲品揀左樽裝飲品- 冷萃咖啡仲叫左個甜品- 柚子芝士蛋糕脆炸軟殼蟹芥末醬吐司吐司厚度適中，新鮮烘起，十分香脆。軟殼蟹炸得幾好，炸粉唔會太多，香脆，咬開軟殼蟹肉軟滑，食落唔覺油膩感。配上芥末醬清新得黎又惹味，係幾好嘅配搭。中間夾左蕃茄，沙律菜，食落爽脆。薯條份量適中，新鮮炸起，薯條飽滿，外脆內軟，唔錯。飲品揀左樽裝飲品- 冷萃咖啡，係偏酸種嘅咖啡，幾濃，味道正常。甜品- 柚子芝士蛋糕，細細件份量啱啱好，清香柚子味，仲有d柚子皮，整體味道唔算好甜，幾好食。

雖然喺九龍灣返左差唔多兩年嘅工，但係好少去淘大嗰邊食飯。最近諗住行吓淘大發現咗一間新開嘅新式茶餐廳「茶舍」。諗住買埋比屋企人食，所以就叫咗外賣。龍蝦湯海鮮泡飯：龍蝦湯唔算太濃，但係就好香海鮮味。而且有好多款海鮮，包括蜆、青口、帶子、魷魚、蝦等等。呢個價錢都幾吸引，非常不錯。滑蛋蒜蓉汁雞扒飯：雞扒就比較細舊左啲，但係滑蛋就好多，而且真係好滑唔會過熟。蒜蓉汁較多都可以送晒啲飯。都幾好食。和風鴨胸沙律：諗住外賣多肉少菜要叫返個沙律，點知quality都幾好。菜都好新鮮，而且份量都算好多，鴨胸都唔算少，而且個汁都好refreshing 。冷泡玫瑰普洱茶：玫瑰味幾重下，不過普洱嗰陣味就淡啲。但係去油膩同埋解渴不錯。凍檸樂：非常Classic唔會錯嘅凍檸樂。

喺淘大MCL戲院對面有間高質茶餐廳cafe🍃😋 喺晚餐時間門口已經堆滿左人，不過好彩等咗5分鐘左右就有位👍🏻👍🏻入到裏面，舖頭係以小清新淺綠色為主調，同普通茶餐廳完全唔同，有少少似Cafe🍃🍃裝修好靚。店裏面係用QR code落單，餐廳食物種類多元化，有日式既蛋包飯、西式嘅意粉、鋸扒，焗飯都有，選擇多到我同朋友諗咗好耐先決定到😋😋最後決定試一試日式特製蒲燒鰻魚丼飯、軟殼蟹白酒海鮮天使麵、煙三文魚沙律。煙三文魚唔會死咸，生菜粟米份量都好多👍🏻軟殼蟹白酒海鮮天使麵，炸軟殼蟹好香口，有一陣鹹香味，海鮮有魷魚、蜆肉👍🏻真材實料日式特製蒲燒鰻魚丼飯，燒鰻魚好厚肉，燒汁味道啱啱好，推薦大家試吓👍🏻👍🏻👍🏻🍃最後，餐廳有甜品可以點，但係我同朋友已經食到好飽，最後都係冇點到🤣🤣

🌼HI TEA 🌼輕食下午茶Sets又到三點三， 之前食過另外一間分店嘅晚餐今日見到原來附近都有，試下先🌼👉🏻咸牛肉滑蛋牛角酥賣相好靚仔🩷多料咸香🩷拎到屋企輕輕 翻熱已超香噴噴～👉🏻迷你花生醬西多士 ＋脆炸薯條邪惡的😈係厚多士啊😈配埋糖漿😈正😈👉🏻迷你卡邦尼意粉配吉列魚柳依個set 嘅份量好好，唔會好飽🩷有食到大大件小食🩷👉🏻自家製 雪菜肉絲湯米粉丹麥包+火腿炒蛋早餐set, 但超大份抵食🩷🩷🩷

我11:30先入去都比我落埋早餐，真係好好啊。點咗個鮮菇牛肉麵同埋炒蛋加多士，整體都非常出色，真係好好食。個麵軟硬度岩岩好，牛肉都好鮮味，仲有好多鮮菇，真係加分。炒蛋亦都唔錯，仲有個多士仲係曖暖地，食落好開心。 每次飲到好味的港式奶茶都會令我好開心，佢地既港式奶茶色澤金黃，奶茶味道濃郁，但又不會太甜，喝起來非常順口。 呢間餐廳嘅價錢非常親民，餐廳的環境也非常舒適，如果你想食好味道又唔洗花太多錢，呢度絕對係一個好選擇。