茶聚 (已結業)

係置樂夜晚亂打亂撞入咗去，位置唔太就腳，但都嚟過好幾次，不過次次都係食早餐，反而晚餐就未食過。餐廳環境一流，完全適合俾啲喜歡打卡嘅朋友值得推介。餐牌啲餸菜名好都幾難睇得明，要睇英文先明，好彩店員推介咗幾款餸菜都好有驚喜，最好味係個豬鞍，肉身唔乾，皮香脆，我覺得好味道。牛扒就正正常常，唔乾身，而薯條就有好多個醬汁配搭，適合喜歡唔同味道嘅人。好值得推介俾三五知己嚟食都幾好，環境好，餸菜又唔差，飲品又多選擇。

#pb食在屯門屯門台式熱炒🇹🇼為排版而出🤪 呢間位於屯門置樂嘅咖啡店呢排成日搞搞新意 之前變身台式熱炒店😋 不過最近見佢又轉左Menu 變左台法Fusion菜 幾特別😍 店內外都充滿田園風 大約有6-7張枱👍🏻.最新Menu請去Openrice 呢個餐冇左架啦 大家參考下好啦🤪 當時去有幾款台式套餐 由一人餐到四人餐都有 價錢$128-$668不等😋🔹二人前E餐（$388）🔸精選前菜 - 醃牛蒡🍱🔸不死三杯雞🐣雞肉口感幾滑 味道唔算好濃😋 我覺得可以再辣少少🤪🔸蒜泥蚵仔🦪有6粒蚵仔 而且咁大粒蚵仔真係好過分😍 配蒜泥食味道好香、好濃😋🔸鳳梨蝦球🍤份量都幾多👍🏻 鳳梨幾juicy 好食😋 蝦球味道偏淡🤪🔸阿嬤滷肉飯🍚幾香👍🏻 不過滷肉份量唔算多🤪🔸台色炒米粉🍜呢個炒米粉份量都好多 而且炒得幾乾身😋 不過略嫌鹹左少少😐🔹伯爵珍珠奶茶🧋夠大杯😍 伯爵茶底夠香👍🏻 珍珠煙韌適中😋🔹洋人咖啡☕呢款咖啡係特飲🤪 唔好問咖啡師係咩 佢唔會話你聽🤣 上枱先知係Creme Brulee Coffee 味道幾香😍 咖啡味夠濃👍🏻.整體✨ 食物質素不過不失 唔算好驚喜🤪 不過勝在幾抵食 呢款二人餐3個人都夠

平日下午茶時間嚟，店內有兩三枱客，設有室外餐桌，雖然餐廳唔算大，但布置好有心機，都坐得舒適。menu 唔算多選擇，普通單價比較貴，一個套餐（飯+小食）過百蚊，冇下午茶餐。最後單點滷肉飯、蛋餅、珍珠奶茶。蛋餅有芝士、肉鬆，香口，一份四件，算大份。醬汁較濃，有少少燶，都幾好食，有台灣風味，但食到第二件就覺得好咸，男朋友就接受到。滷肉飯，大約$40 - $50，以為好細碗，事實係都幾大碗。味道恰好👍🏻 醬汁唔會太稀，滷肉有五花腩，撈飯好食！飯比起外面台式餐廳嚟講係濕少少，我覺得撈飯岩岩好！珍珠奶茶冇影到，大約$30 - $40 目測600ml 左右，幾好飲！隔離枱食炒米粉，大約$70 左右，份量正常，好似都唔錯，但台灣菜嚟講，定價略高。

聚福樓改了做茶聚後，首次光顧剛開店，人不多，不用等位環境跟之前沒太大變化食品點選了：三杯雞，炒米粉及蚵仔酥飲品點選了：伯爵珍珠奶茶及烏龍珍珠奶茶三杯雞～雞是嫩的，但吃不出是台灣味道，沒有酒香，麻油香，除了偏甜了一點就像台灣炒米粉～很正常，味道不錯，加上辣醬會更惹味蚵仔酥以為是蚵仔煎的蚵仔，出來後驚見是蚵大哥😅味道也是可以，就是炸蠔啦兩款奶茶口味都不錯，遺憾我個人不太喜歡硬的珍珠🫠這次消費約$370，性價比我覺得有進步空間，加油💛

呢一間台灣餐廳好好味🤤自己推介滷肉飯同埋鳳梨蝦球滷肉飯真係十足十台灣一樣！鳳梨蝦球上面有一啲沙律醬再加五顏六色嘅脆脆 好特別！而且仲有珍珠奶茶珍珠奶茶嘅茶底有鐵觀音同埋伯爵茶兩個茶底都好好飲！仲新出左一個寒天冬瓜茶！除咗珍珠奶茶仲有咖啡☕️呢兩樣嘢一齊打孖上！想飲下珍珠奶茶又得飲下咖啡又得！佢仲有一啲小食都好好味！之前食過地瓜球同埋鹽酥雞都好好食😋-成個感覺好似去咗台灣旅行🧳舖頭環境舒服嘢食又好味！

之前係 joyfood 前身，疫情期間經過見到佢裝修，原來佢哋轉型✅ 本身係一個fans，梗係落嚟試菜！ 價錢親民，最緊要仲有 之前好出名嘅咖啡☕️！ 本身我就係一定要咖啡嘅人，一起身桂花咖啡真係好爽 😄嗌咗個三至四人餐，埋單$300 有找。疫情下真係好平。 最緊要一定要食個炒米粉，台式炒米粉最緊要係乾爽，唔知去咗台灣嘅路邊攤 滷肉飯都係必食嘅，佢個滷肉飯有冬菇真係高級滷肉飯 啲飯嫌少少略濕，但係就似台灣飯。 台灣飯我又覺得可以細碗D，佢就好大碗！ 可能我本身食開泰國米 （有少少厭尖左！） 其他仲有蛋餅，菠蘿蝦球、豬手都不錯！

茶聚就係喺置樂花園附近！推介下呢幾款野4個人去食!超飽🤩🤩平均消費100左右阿嬤滷肉飯 👍🏻👍🏻不死三杯雞 👍🏻👍🏻必點三杯(中卷)👍🏻👍🏻👍🏻鳳梨蝦球 👍🏻👍🏻👍🏻古早味菜圃蛋👍🏻👍🏻蒼蠅頭👍🏻五味醬炸豆腐👍🏻👍🏻👍🏻飲品有咖啡/珍珠奶茶👍🏻👍🏻👍🏻👍🏻小朋友最鍾意食就係鳳梨蝦球可以講吓炸豆腐既五味醬好有台灣feel好味