茶聊

營業中

休息中

今晚我和朋友去旺角行街，行完後去了這間西餐廳吃晚餐。N3 海王櫻花珍寶巨蝦配龍蝦忌廉汁意粉🍝（$188）：巨蝦真的超大隻！炸得脆口，大大啖蝦肉好正又好鮮味，不錯。然後個龍蝦汁都好香濃，同巨蝦本身好夾，非常好食。同埋意粉的份量都不少，夠飽肚。A4 勁爆芝士牛肉漢堡配凱薩沙律🥗 ($148) :  芝士真的很香濃, 非常好食, 圖中也可見到很多芝士流心, 超好吃. 而牛肉漢堡都夠大, 口感好好, 份量都夠, 超正. 裡面放了番茄都好fresh, 所以完全不會溜, 好好食.而粗薯條脆口又好食, 不錯.超級水果茶 ($45) :好鮮甜, 非常多雜果, 甜度也可自由選擇, 我選了微甜, 覺得剛剛好, 不會太甜.D30. Tearapy Ice Bear Coffee $44:熊仔造型的冰真的超可愛! 打卡一流, 咖啡仲好好飲.S4. 趣脆果仁朱古力牛油酥配雪糕 ($98) : 超好食, 朱古力牛油酥非常香, 好好味, 而且好大份, 可以同朋友share食.

今日難得放假，朝早做完野就出咗去嘆個下午茶啦☺️去咗呢間好多人都聽過嘅茶聊打躉，一路睇書，一路嘆茶都冇話唔爽呢😝😝叫左個Tea set自家制巴斯克芝士蛋糕同杯熱既清香四季春，total$68，正常價錢。蛋糕自家制同出邊嘅有啲唔同，濃濃嘅芝士味，不過甜度可以減少啲比較好，有四季春中和返就差不多😋，主要環境好舒服😌，一個人寫野hea下都不失為一個好地方。🏠環境：8/10🌟味道：8/10💰性價比：8/10🙇🏻服務：9/10茶．聊 Tearapy 📍旺角砵蘭街189號1樓#hkfood#hkfoodie#852food#foodahoilc007#cafe#yummy#相機食先#茶聊 #旺角美食 #旺角cafe

今日同同事慶祝生日，又去食咗轉茶療/聊（Te therapy），發覺佢換咗新Menu日本蘭王蛋自家制漢堡飯配牛肝菌汁🍚雖然上碟的時候，但蘭王蛋就已經爆咗汁，但味道始終都好食。之前食開意大利飯，牛肝菌汁原本怕佢會好濃味，但出嚟味道都算適中。最欣賞係佢個漢堡真係內外熟透之，有種外脆內軟的口感。惹味XO醬黑毛豬手工意粉🍝黑毛豬的口感，有啲似豬頸肉薄片～ 再加香蔥，洋蔥，三色尖椒等等吵完之後，都幾好食。意粉嘅口感就會有少少咬口，我自己就覺得係al dente，但我同事就會覺得有啲硬（大叔的口感，果然唔同啲）。但整體調味好惹味～大叔飲咗Long, black 我就飲咗水果茶。水果茶可以減少冰，而且裏面有水果可以食到。例如西瓜大切粒，蘋果薄片，菠蘿，士多啤梨。補充不少纖維。之後叫咗一件朱古力蛋糕俾佢慶祝生日。朱古力唔錯，有得揀60% 可可，唔會甜得太過分

見到好靚好啱打卡嘅CAFÉ同埋嘢食望落都好吸引! 首先入到餐廳就已經見到好靚嘅打卡位空間感都好大，坐得都幾舒服 嘢食同飲品menu有好多款揀 香煎北海道帶子配南瓜忌廉意大利飯 因為有南瓜所以意大利飯變咗黃色咁好靚食落好香濃嘅南瓜味，但又唔會搶晒風頭完全唔會覺得好膩帶子大大粒，好嫩好滑好鮮 自家制醬香豬助骨 每日限量供應，好彩我食果陣仲有好大份! 仲有扭扭薯角同埋沙律上碟熱焫焫切開果陣不停咁冒緊煙(雖然唔太影到)烤到恰到好處，外面果陣小小脆口而裡面肉質依然嫩滑加埋醬汁好惹味因為我好中意食豬助骨，但有時啲醬會太甜太濃味蓋過晒但依間好正! 可以做到提升整個豬助骨嘅好味程度 髒髒黑糖珍珠鮮奶 睇相已經覺得好可愛實物都一樣好靚超打卡able珍珠本身都有甜味，而且份量好足飲晒成杯都仲有好多~ 菲芷芝士奶蓋 奶蓋超好食!芝士味好濃 茶底相對甘香，加埋甜甜地嘅芝士奶蓋飲好平衡 鮮芒果布甸 舖滿芒果嘅布甸! 淨係賣相已經好靚好吸引布甸係好香嘅雲呢拿同埋牛奶味，每啖都見到雲呢拿籽 巴斯克芝士蛋糕 好靚嘅擺盤芝士蛋糕上面有小小果仁外層結實中間軟心好好食就算自己一個食實都唔會覺得膩

環境食物聊天拍照打卡都不錯今次第一次來晚飯已有驚喜，先是環境優雅，電話亭和郵筒擺設是朋友和網紅打卡勝地，食客不多，環境不錯。我們7人點了豬手，牛柳，波波意粉，鳥籠漢堡薯條，鱸魚和西班牙炒飯，還有各種特色飲品和甜品。以我對食物二分法來說，每款食品都好吃和漂亮，食物都在市面餐廳平均質素之上，唯除了鳥籠漢堡，賣相打卡一流，漢堡卻可以更好味。味道驚喜位在牛柳，又諗又滑，全晚第二高分。而第一是法式燉蛋，滑而小甜，千萬別提升水準，保持就可。食咁多野人均只需168，性價比高。好抵食。回頭是岸，此餐廳應有高回頭率。

茶聊嘅飲品同甜品都係一樣好出名，今次都係為咗佢嘅招牌梳乎厘衝着嚟🥞茶聊招牌黑白梳乎厘 $108出名真係有原因，絕對要讚！口感如棉花糖般細膩、充滿蛋香，厚身且具空氣感，配上濃郁嘅黑芝麻忌廉，但味道不會太甜，只覺得非常幸福😍😍😍🍫Mocha🍗烤雞🍝蜆肉意粉

🐖德國脆豬手配薯角，芥末蜜糖醬（$168）豬手係即叫即整，每日限量8份；第一下上枱已經見到色水好吸引，外皮十分香脆，咬落去卜卜聲，如果豬手再入味d就更加完美；配上芥末蜜糖醬會遮左豬手嘅味道；薯角外脆內軟；整體份量十足，建議兩人share會較好🧋超級水果茶（$45）水果十分足料，有菠蘿、西瓜，哈蜜瓜等等，最重要係佢唔會好甜👍🏻PS:星期六、日及公眾假期或者晚市（5:30pm-9pm)光顧；餐廳設有最低消費每位$100

茶聊好啱約朋友傾偈打卡，環境同食物賣相都靚，座位又舒服勁爆芝士牛肉漢堡配凱撒沙律及薯條($128) - 上碟個鳥籠打卡一流，漢堡爆晒芝士，好邪惡，加埋牛肉勁香，薯條好脆，好味自家製醬香豬肋骨($138) - 肉質軟腍，豬香味濃，滿滿嘅醬汁，好惹味，特別想讚個薯角，外皮酥脆，內裡口感綿密兩個主食賣相同味道都好好髒髒黑珍珠鮮奶($44) - 不得了，打卡一流，鮮奶香醇，口感厚實，珍珠粒粒煲到一樣，咬口十足，好好飲芝芝莓莓(沙冰)($44) - 草莓味香濃，甜度剛剛好，配埋咸香嘅奶蓋，口感同味道同樣豐富巴斯克蛋糕($48) - 味道濃郁，口感順滑，士多啤梨好新鮮75%黑朱古力蛋糕($48) - 朱古力味好香濃，口感厚實，愈食愈想食主食、小食同飲品嘅選擇都多同吸引，好有興趣下次嚟試其他飲品

約左舊同事聚餐以前都食過唔錯就再食下本來想飲熊仔咖啡但夜晚8點半已經賣晒啦如果想飲可能要早啲去最後我哋簡左髒髒黑糖珍珠鮮奶好飲，唔會太甜小食叫左搖搖雞翼同蒜茸牛油薯條雞翼覺得一般，份量唔多，多人唔夠分薯條份量多，而且有淡淡蒜茸牛油香味，唔錯香煎北海道帶子配南瓜忌廉意大利飯好食黑松露野菌忌廉手工意大利粉味道啱啱好，但份量唔算多肉眼牛扒伴薯蔬不錯，但中間有少少肥牛肉味冇牛肋骨咁重，所以比較推薦牛肋骨牛肋骨好推介，牛肉味重👍🏼大家都覺得不夠，想再食，必食總括其實味道都好食唔會話開咗咁耐就冇咁好食但係夜晚食物種類相對少咗想食餡餅，但係只有中午先有

星期六午餐時間，同朋友食個午餐，見個餐牌飲品有款幾特色嘅，開心果椰椰。好少有開心果做的飲品，即刻叫咗來試吓。不過佢冇得揀糖度，冰度，只有凍飲。返來杯飲品賣相幾好，係個杯邊有開心果醬痴住啲開心果碎在杯邊位置。有兩層野，浮面嗰層係開心果奶蓋，下面嗰層係椰子水。整體成杯個味似微糖嘅甜度，應該係椰子水原有嘅甜度，佢應該冇額外加糖，因為味道都淡口味為住。勁少量的冰似係頂住個開心果奶蓋係面層，即係微糖少冰感覺，所以都幾啱口味，幾欣賞呎個特色飲品。西班牙海鮮飯，海鮮量合格，2隻大蝦，2隻大青口，1隻細細鮑魚，配咗好多車厘茄，個飯底都有番茄同少量蛋炒過，個味道唔錯。雞翼唔記得個菜名了，個雞翼係烤炸嘅，但冇油，個皮超脆，皮下雞翼肉好juicy。煙三文魚多士，個多士都好脆，個多士夾住少少菜，個感幾好，都唔錯。跟主食加$48加咗件甜品，芝士蛋糕，芝士味幾足，口感細膩，唔會太甜。總評，全部食品飲品都好食，呢間我食過幾次都會再返轉頭。不過只係用餐時間限90分鐘，會有少少減分，通常呢類型餐廳都會係同朋友叫啲飲品，坐吓傾偈想坐耐少少。

嘩！ 好正好值得推介呀😃😃😃朋友介紹呢間位於旺角砵蘭街189號1樓既茶聊西餐廳😃😃 話呢度裝修新穎，食物款式和質素唔錯，服務又好😀仲有人氣熊仔咖啡係必點😍😍😍我地兩個人叫咗兩個主菜、兩杯飲品和一客甜品。慢煮西班牙八爪魚配蕃茄蒜蓉扁意粉- 好正呀！西班牙八爪魚🐙大大條，煮得入味又唔太軔，可以媲美高級餐廳😜😜茶聊招牌漢堡（安格斯牛肉、太陽蛋、煙肉、芝士、洋蔥、蕃茄）配凱撒沙律薯條- 正！ 無論打咭和味道都一流🥰😋😋趣脆果仁朱古力牛油千層酥配雪糕- 呢個唔叫唔得🤣🤣 真係好好味😎😎茶聊熊仔摩卡咖啡- 呢個咖啡就係我所講同朋友介紹我一定要試既熊仔咖啡😙😙😙 髒髒黑糖珍珠鮮奶- 正😜😜餐廳仲有好多好有特色既食物和飲品，我會再黎食呀🥰🥰🥰茶聊 (旺角)旺角砵蘭街189號1樓

兩姐妹想找個地方聚聚！一邊談心、一邊醫吓肚仔茶聊不二之選！午餐點咗：忌廉湯味道濃咗少少！蘑菇湯好香菇菌味👍挪威煙三文魚凱撒沙律煙三文魚同沙律菜好新鮮！沙律醋調攪適中，好夾👍英式全日早餐牛角酥好脆👍紫薯鮮奶濃濃紫薯香味，甜度適中，好睇又好飲！😋超級水果茶水果新鮮份量足食物有水準！男職工好有禮貌👍👍

同朋友仔搵到呢間上樓Café, 環境好舒適，枱與枱之間充足距離，唔會焗促！同埋朋友話一定要讚賞環境及廁所嘅衛生，令我地好享受用餐呢！我地點左兩杯飲品、兩份主食同兩份甜品呢：熱四季春芝士奶蓋熱黑糖珍珠鮮奶前者結合芝士奶蓋和茶葉，滿滿茶香舒適和濃厚芝士滿足感（杯熱飲飲到尾時，啲芝士依然浮面，唔會融化，可以飲到兩種口感☺️）；後者則以台灣經典黑糖珍珠鮮奶為基礎，口感豐富。招牌黑松露野菌牛肉漢堡配凱撒沙拉：牛肉同黑松露結合帶來濃郁肉汁和香氣，搭配暖暖外脆內軟漢堡包皮，口感一流，仲有脆爽凱撒沙拉。海王櫻花珍寶巨蝦配忌廉汁意大利粉：感覺滿滿豪華嘅海鮮料理，櫻花蝦佈滿喺巨蝦身上，巨蝦外殼亦炸得好爽脆，肉汁亦能夠鎖喺蝦身，蝦嘅鮮甜與忌廉汁濃郁相得益彰。甜品方面，巴斯克芝士蛋糕同75度比利時朱古力蛋糕都是絕佳選擇，奶油口感和雲呢拿味，外層酥脆內部綿密。75度比利時朱古力蛋糕則擁有濃郁的巧克力風味和絲滑口感。☺️☺️為疲累一天劃上完滿句號呀！

食物質素好ok , 可惜餐牌上的飲品全都不配西餐美食、 用上膠杯的手搖飲品完全配不上精美西餐、 大打折扣、 直至出去埋單才發現冰櫃內有支裝1664啤酒☹️要讚的是除咗食物質素，其次係 雖然全餐廳是採取自助形式、 QR code自助落單及自助斟水、 卻沒有收+1服務費 非常合理👍

喺旺角行完街之後想搵間Cafe chill 下，之前一路都有聽過茶聊評價好好，所以就黎試試。餐廳設計好有特色，有吧枱可以望到街景，亦都有個紅色嘅電話亭可以打卡。茶聊招牌漢堡漢堡使用嘅安格斯牛肉，煎到外層焦香，入面保持medium rare，keep住D肉汁，再配埋香煎煙肉，配搭得非常好。薯條炸到好香脆，不過唔會驚太滯，因為配埋新鮮嘅凱撒沙律。海王櫻花珍寶巨蝦配龍蝦忌廉扁意粉意粉一登場好有驚喜嘅效果，有手掌咁長嘅好大蝦鋪喺沾滿龍蝦汁嘅意粉上邊。大蝦嘅外層俾櫻花蝦包裹住，食起嚟口感好有層次，除咗有櫻花蝦嘅脆之外，仲有大蝦嘅彈口。意粉所配嘅醬汁充滿龍蝦鮮味，喺烹調嘅過程再加上少許忌廉，令入口更加香滑。髒髒黑糖珍珠鮮奶嘢飲本身已經超級吸晴，鮮奶散發着淡淡奶香味，而珍珠粒就偏甜，好經典嘅配搭，做到好好嘅balance。開心果椰椰估唔到開心果除咗雪糕之外，仲可以整成咁好味嘅嘢飲，味道我認為可以將開心過關注組㖭啊！從來冇諗過椰青水同開心果會咁夾，開心果蓋超級濃郁，淡淡果香去清甜嘅椰青水，而且仲配有粒粒嘅開心果粒，飲落去好有口感。最後仲嗌咗兩個甜品嚟試。首先第一款嘅係自家製巴克斯芝士蛋糕蛋糕芝士味突出