茶米 (德福廣場) (已結業)

呢晚約咗友人喺德福戲院睇戲 由於時間緊迫 就嚟咗戲院入面嘅餐廳食個晚飯 跟住就入場睇戲🤣 餐廳環境都幾寬敞幾光猛 如果同朋友傾吓計都幾適合😮我哋叫咗兩個茶米滋味套餐 有前菜 麵同飲品😗蒜片台式腸 涼拌川茸兩個小食各有特色 蒜片台式腸啱晒重口味嘅朋友😺 涼拌川茸就酸酸辣辣 雲耳口感都幾爽 幾開胃麻辣蹄花拌麵可能係視覺效果嘅影響 裝麵嘅碗好大個 所以望落麵嘅份量真係唔多🥲 豬手都幾肥美 麻辣味道就唔係好重 味道正常台式紅麴肉拌太麵呢個紅麴肉望落好大嚿肥膏 真係都唔係好敢食太多😫 但係如果淨係食瘦肉嘅部份 味道就真係爭咁啲 所以如果怕食肥肉嘅朋友就唔好揀呢個啦🤥冬瓜茶 白桃烏龍兩個比較個人喜歡飲白桃烏龍多啲 烏龍味道幾好 因為冬瓜茶比較甜 個人就唔係特別喜歡😐食完真係唔係好飽 如果大食嘅朋友就要注意啦🤐 同埋係我入呢間舖頭之前冇睇清楚 門口已經寫明係食Kiki麵 屋企都煮到嘅模樣🙃

話說同朋友去釣魚之前心血來潮想食啲台式口味然後行過德福見到茶米台式拌麵 岩feel一行兩人每人分別叫咗個套餐一個係麻辣蹄花拌麵套餐（$88）一個係古早紅麴肉拌麵套餐（$88）今餐兩個都送小食同嘢飲分別叫咗蒜片台式香腸，同埋麻辣雲耳嘢飲包餐會送冬瓜茶或者白桃烏龍我哋叫做兩杯無糖嘅白桃烏龍茶味出色 亦帶有少少既香桃味係不錯嘅選擇跟餐亦有四款小食嘅選擇（+$18）我哋叫咗田園時蔬不過其實半年亦有包左兩三棵小棠菜而時蔬亦係小棠菜所以冇乜特別係一個清新啲冇咁重口味嘅午餐選擇👍🏻

之前在金鐘吃過 無論菜單至飲品與這裡的完全不同 今天見到的只是香港的台灣麵 談不上好吃 應該不會再來了 服務也一般 不是沒有禮貌 但通通把客人當透明。 所以，weekend 的中午也不full.

放假當然要見姐妹啦！九龍灣德福平台MCL戲院入面有間茶米，有得食kiki 麵同飲kiki 茶，地點方便又坐得舒服。今次揀左茶米週末滋味套餐（$88）有四款麵食揀，再配一款小食同一杯冬瓜茶或者茉莉綠茶（白桃烏龍無貨）。麻辣蹄花拌麵（辣）份量都唔細，有三大件蹄花，滿滿膠原蛋白，麻辣嘅程度算mild易入口，麵底係幼麵，記得要趁熱撈！台式紅麴肉拌太麵，通常見酥炸台式紅麴肉，呢度嘅係炆嘅粒粒五花肉，入口即融，口感更適合配拌麵，麵底係較粗身，更煙韌嘅太麵。鹽酥雞（跟餐小食）茉莉綠茶（跟餐飲品）個人好鐘意呢款茶，叫左走甜，茶味好香濃好出，仲會回甘！

第一次去，餐廳地址比較難搵，但去過就知道原來唔難搵！野食平均都可以！本身特登想試佢既奶蓋野飲，點知沒有供應，有少少失望！野食黎既速度都算快！如果係附近都會再試，但要特登再出去就未必了

嚟到德福又唔想等位就去咗呢間喺戲院隔離嘅餐廳睇餐牌就知呢度選擇唔多而且價錢偏貴不過勝在清靜同整潔，唔想逼人都可以一試我哋喺假日嘅午餐時段嚟到都有一半空位🤔佢有個套餐套牌，有可免費配一種小食同飲品免費飲品有白桃烏龍茶/冬瓜茶小食我哋揀咗蒜片台灣腸主食我哋揀咗日式叉燒拉麵配白桃烏龍茶其實成個面嘅味道都唔錯，不過佢嘅麵底就唔係日式拉麵，類似中式嘅陽春面🍜叉燒都唔夠冧同入味，糖心蛋就普通蒜味台灣腸就正常發揮，不過不失🤷‍♀️另一份我哋冇揀套餐單，叫咗蔥油雞扒拌麵但要主食都可以免費配一杯飲品呢個麵質都幾好，而且醬汁嘅味道唔會太鹹雞扒都揸得幾鬆脆同埋份量都幾多其實成餐飯最大嘅缺點就係佢價錢偏貴同埋麵比較少如果你係食量比較大就夠飽不過味道係唔錯嘅～

2021.12.08 Wednesday lunch呢一個午飯，可以話搵唔到食咩就再試多次⋯⋯唔好意思，呢一類食物真係唔係我倆搵食範圍內，無咩嘢啱食之餘，加上價錢不算便宜！ 呢一天，再望下餐牌，ok！都叫做揀到。不過，都應該唔會再嚟，再嚟都係為咗杯茶。揀一個餐，再加一個單叫，但好好，主菜都會有一杯飲品，雖然得兩款- 白桃烏龍茶 or 冬瓜茶，但免費喎！加上仲唔細杯添，我哋要一人一種味，萬一是但一款唔好味，唔會一次過衰晒🤪餐係要九層塔香辣花甲湯麵配鹽酥雞，單叫係露筍煙肉忌廉汁焗雞皇麵。湯麵先到，味道正常都ok，少少辣，鹽酥雞都夠香但唔熱。 而個焗麵，都幾得意，從來冇食過咁樣焗麵😅 因為通常都係意粉，味道都係正常ok。 最正係兩杯熱茶，又大杯又熱，又用外賣杯，飲唔切可以拎走飲👍🏼 烏龍茶好味啲，冬瓜茶就似飲糖水，比較甜。

平時去開呢間餐廳食野，覺得環境舒適，樓底高，相對寧靜；侍應有禮貌，會同客人打招呼，服務又夠貼心。餐廳最近出左新Menu, 多左好多選擇，有海鮮/肉類/蔬菜嘅湯麵。今次食左海鮮湯麵及蕃茄湯底嘅蔬菜湯麵，湯底好好味，無味精，材料新鮮。小食新加左炸雞扒，香脆可口，又食左蒜片香腸，懷念台灣嘅味道。當然仲有我最鍾意飲嘅熱白桃烏龍茶啦！滿滿的三角茶包，好香好濃郁！大滿足！新menu仲有好多未食過嘅麵，下次一定要再試下！

✨明星麵條擔擔麵嘅麵條幾有咬口同埋都算幾彈牙，仲要有埋肉燥同花生粒，好惹味🤤🤤。份量都好足，食左一碗已經好飽肚😋。其實KiKi拌麵有得買番屋企自己煮架，不過好明顯我係唔會係屋企煮🤣。 🍽KiKi擔擔麵：HK $98好味指數👅：🌸🌸🌸🌸✨消暑特飲而家天氣咁熱，飲番杯奶蓋茶真係透心涼，仲要咁大杯添🤤🤤。佢個奶蓋好濃郁，飲極都飲唔曬👍🏻。同埋紅莓酸酸甜甜咁，相比起芝士奶蓋會無咁漏，口感會清新啲😋。大家得閒經過可以去試下🥰。🍽隨心配系列：紅莓奶蓋+kiki烤茶: HK $34好味指數👅：🌸🌸🌸

#九龍灣 #德福 #茶米 嗰日又過黎九龍灣做野，上次飲完beans嘅野飲，天仁茗茶又無咗😭今次就試下茶米，見個名咁特別，以為係新開嘅，以原來佢係戲院隔離嘅kiki拌麵😅行過黎之前經openrice叫，黎到都要等一陣，我見入面啲食客都有跟餐叫珍奶😍我叫咗杯#脆朱奶蓋kiki皇后黑茶 ，個奶蓋一般般，係以前嗰種甜奶蓋，都creamy嘅，但係飲慣咗芝士奶蓋，硬係覺得奶蓋係咸嘅😂 面頭仲有好多kitkat碎，好味☺ 茶都順口，無澀味，唔錯😋但係我黎到先見到有#紫薯mousse 😓下次再試😭味道: 7/10味精: 0/10價錢: 6/10環境: 6/10服務: 6/10

今日就比較趕，驚睇電影遲到，周圍餐廳都爆滿，所以就入咗得福MCL隔離間茶·米度試一試😞茶米全日套餐係$78有配餐湯+前菜，要飲品的話就要加錢另配，水都要加錢⋯⋯常餐則要$118，無前菜、飲品、餐湯，所以都算谷你食套餐😂首先嗰個溫泉蛋肉燥麵啲醬味道好重好鹹，簡直係逼你加飲品⋯而且份量好少，可以話係一個成年人都食唔飽全日套餐就尚可接受，個餐湯應該都係即食湯嗰種，正餐份量都夠，整體都可以甜品就叫咗個威風蛋糕配黑糖珍珠$78，個蛋糕體唔綿，本身就有黑糖珍珠喺上面，下面仲要加糖漿同埋忌廉，就搞到好滯好甜😣

6點幾，人不多，只有數枱客。套餐款式只有3款。兩個人每人各點了一個套餐。前菜鹽酥雞，主食選了九層菜花甲湯麵，少辣；朋友點了雞絲粉皮。餐飲有得轉其他而唔洗額外加錢。湯底清甜，不過一啲都唔辣，我懷疑根本係無加辣🙈鹽酥雞好脆口，只係有1-2粒只係炸粉無雞肉。另外點了黑糖烤茶鮮奶少甜，個人認為少甜都偏甜，應該係因為餐廳選用黑糖珍珠已經係甜，所以可能微糖或走糖比較合適吧，同埋無乜茶味，可能飲慣港式奶茶，對茶味要求高左🤣整體來說，中規中矩，但係$100唔係好抵食

就係見佢有得坐先喺度買野飲，比左錢，個肥仔收銀先叫我去外賣果邊拎野飲。我話；「下，我堂食架喎。」佢話限人數要食野先比堂食。大佬我比錢時你唔講？？？？？？？？？？？？？？？？？？？？？？？？？？？？？？博人比左錢先講但明明入面好多人都係淨飲嘢都可以坐低，仲有起碼一半空枱都唔比人坐，服務態度差到一個點。變通下都唔識，飲杯野15分鐘都走啦阻你好耐咩？永不再幫襯Kiki茶。Ps好少珍珠 叫少冰都勁多冰

記得在金鐘太古商場內有間「茶.米」午餐每售 $168，唔知是否太貴生意唔好所以已經結業。最近在九龍灣德福商場開左「茶.米」，每日經過但是都不太吸引我入去。今日遲左出去食午餐，不少茶餐廳已經出現人龍，只有一個鐘食飯……真係不太願意等位浪費時間，最後終於決定去「茶.米」牆上放有色彩斑爛的壁畫，十分吸引。客人不多，所以用餐環境舒適。午餐有五款都是$78 , 午餐包括主菜、前菜、湯及飲品。 客人亦可多加HK$18，轉配KiKi茶特飲。KIKI是台灣品牌，主打台灣天然茶飲有多款茶底選擇。招牌KiKi烤茶是經烘炒的烏龍茶葉並在製茶中加入水果味茶葉，如白桃烏龍、貴妃荔枝紅茶等。最近盡量少食碳水化合物，所以揀左【酸奶油咖啡菇千層塔】。前菜蜜糖清酒車厘茄，車厘茄細心去了皮吸收了蜜糖的甜味但又給清酒中和後，味道剛剛好而且又多汁，非常不錯的開胃前菜。餐湯Menu 寫松露野菌湯，但今日換了其他湯，唔知係南瓜還是甘筍，另外可能加左些薑所以有些辣味，味道都夾，不錯。主菜酸奶油咖啡菇千層塔, 千層塔原來係將幾種蔬菜叠起來，有黃翠肉瓜、青翠玉瓜、茄子、豆腐，最後是咖啡菇。這個素菜主要靠酸奶加上味道，這個酸奶夠crea

開舖咁耐都未試過 又見十二點無乜人 就入去試吓 望吓餐牌 散叫同叫餐 唔差遠 就叫個全日餐試試個餐包前菜 湯 跟主菜 飲品係冬瓜茶/白桃烏龍 可以加錢叫其他飲品我叫法式紅酒燉牛肉焗意麵上菜時個賣相都可以 我本人從未食過kiki麵 叉入麵時 都比較乾 有點硬咗 好難先撈得埋 食落口面質都唔錯 但汁相對較少 可以多少少 啲牛肉 好食嘅 又軟又入味 配菜紅蘿蔔甜甜的 薯仔有焗過嘅焦香茶我叫了熱嘅白桃烏龍 所以係茶包 大大杯 敗筆在個南瓜湯 望落去好似好蓉 但飲落明顯加咗好多水 無乜味 為咗慳成本啩整體來講 佢都係麻麻 唔係難食嘅 可能個湯濃番啲 成件事就感覺值啲囉