影片
買杯綿芝紅火龍! Staff 1： 洗唔洗少甜少冰！我：唔洗之後俾錢，我俾左$45（呢杯$44）Staff 1呆左咁望住個收銀，之後問我頭先係咪俾$60我： 唔係，俾左＄45！收完錢，我見到張單寫住「綿芝紅火龍，少甜少冰」我即刻同佢講： 我要個杯係正常架喎，唔洗少甜少冰Staff 1: ok到我攞左杯野飲，飲左一啖，係少甜少冰！我同佢講: 我個杯係正常架喎，唔洗少甜少冰Staff 2 就拎番我個杯野飲，好似加番糖落去既動作！俾番我個陣Staff 2話我: 你要甜既話，下次叫正常啦，唔好叫少甜少冰我：下？我講左兩次我要正常Staff 2：但你落單係少甜少冰喎！我: 係staff 1 落錯單，落完我已經即刻再同佢講多次我要正常! 之後Staff 2 就話: 得得得得！（意思係叫我收聲）而落錯單個個staff 1 ，全程無幫我講過一句說話，亦無承認自己做錯，只係企埋一邊！而我亦無再講任何野，拎翻杯野飲就走左！但係杯野飲，同無加糖（即係原先個杯少甜少冰無分別）Wow！近幾年遇過最差既服務態度！
繼續閱讀
呢杯開心果奶茶大概真係不得，以前都有諗過佢哋奶蓋，佢地既奶蓋好出名好好飲，所以今次嗌咗開心果奶茶奶蓋，原來琴日先知道九龍灣係有得坐喺度慢慢飲❤️，杯嘢嚟咗喺上面滿佈開心果，個奶蓋仍然都係咁香濃，個奶茶係好香開心果好好飲
繼續閱讀
作為一個鍾意飲手搖飲品嘅人，最近試咗茶痴CHICHA嘅兩款特別口味飲品，確實有驚喜亦有改進空間。 雲石鮮奶茶（芝麻口味）呢款鮮奶茶第一啖入口，濃郁嘅芝麻香氣即刻充滿口腔，帶有陣陣果仁嘅甘香，絕對係鍾意芝麻嘅朋友不能錯過嘅選擇。芝麻醬同鮮奶完美融合，質感順滑，唔會過甜，亦冇芝麻粉嘅顆粒感，口感細膩。不過，芝麻味雖然香濃，但對於鍾意飲重茶味嘅人可能會覺得茶底稍為唔夠突出，少咗少少回甘。如果可以再調整茶葉比例，增強茶香，會更有層次感。 研磨開心果燕麥奶茶 + 開心果奶蓋開心果控一定要試！呢杯飲品用咗燕麥奶做基底，入口帶有淡淡嘅燕麥香，配合手研開心果醬，果仁香氣滲透每一口，唔會過甜亦唔會太膩。而最令人驚喜嘅係開心果奶蓋，綿密順滑，開心果味濃厚，帶少少鹹香，提升整體層次感。唯一可以改善嘅地方係，如果燕麥奶可以再濃郁少少，會令口感更豐富，亦可以更平衡開心果嘅油脂感。
繼續閱讀
我啲同事好鐘意飲茶痴，今期有新嘢～雲石鮮奶茶系列☁️☁️☁️🥤#台灣手炒芝麻蜜芋頭鮮奶烏龍茶用上純正100％低溫烘炒黑芝麻，磨成粉再加人蜜芋頭之中，製作認真，味道天然，配上精選金鳯烏龍，炭焙香氣十足另有台灣烤地瓜口味，每日新鮮煮製，一樣有手工蜜芋頭，配香烤紫色地瓜壓成泥，堣相吸引🥤#台灣蜜芋頭鮮奶茶一樣咁好飲，啖啖新鮮蜜芋頭，用上自家古法燜煮，好稔滑，不太甜較健康嘅配搭，留意仲係每日新鮮煮製限量發售！🚩CHICHA茶痴 @chichahongkong 📍各大分店
繼續閱讀
🔸台灣蜜芋頭鮮奶茶 $40🔸研磨開心果燕麥奶茶 $48🔹轉日本開心果奶蓋 +$6-我同老公分別係開心果控同芋頭控，見到茶痴新出嘅飲品中晒我哋嘅口味，緊係要專程去試一試啦！雲石鮮奶茶系列個季節限定，老公揀咗每日新鮮煮製手工台灣蜜芋頭，飲落唔係死甜，芋泥口感好綿密，杯身仲整咗夢幻雲石紋，又吸引又好味～我就揀咗開心果燕麥奶茶，加埋開心果奶蓋，面頭仲鋪滿真開心果碎𠻹！打開蓋連埋鹹香嘅開心果奶蓋一齊飲，係人生試過最濃開心果味嘅item啊，超級滿足！
繼續閱讀