茶樂 (已結業)

今日試左呢間店，睇落好整潔，服務員又好有禮貌，呢道最出名係手打珍珠，有好多款比你選，係呢道既特色之一，我最愛既緊係黑糖珍珠奶茶啦，飲落去非常清新可口，價錢又唔算太貴。

喺北角行街見到有人拎住好大杯珍珠奶茶飲，行咗幾步就見到呢間茶樂。呢度嘅價錢都算平，而且加大嘅話只係加少少錢 ，比較抵飲。 又有多款手作珍珠，好似紫薯/火龍果/櫻花等等。不過今次嚟得比較夜，只係淨返焦糖珍珠。最有驚喜嘅反而係杯oreo奶茶。 oreo餅碎味好濃，而且唔會冚咗茶味。 餅碎嘅牛油香中和咗奶茶嘅甜味，幾match。呢度嘅皇牌係琥珀珍珠奶茶。唔少長龍鋪頭只係有賣黑糖鮮奶，比較鍾意茶嘅我一直都冇走去試。呢杯奶茶冇我想像中咁甜。小小琥珀紋理都夠打卡啦～另外一杯午茶太太係焦糖珍珠紅茶加 奶蓋。奶蓋幾香芝士味而且都幾厚。茶揀咗微糖，但焦糖味依然好出，而且唔會太甜，幾好。可以用openrice落定order，咁就算繁忙時間都唔洗等～

假期都要渴茶！ 開頭不明白朋友意思，八掛之下她介紹《茶樂》手作珍珠奶茶！ 平日經過都見到都未為意，今日到北角英皇道分店看看！ 除了手作珍珠特別外，珍珠味道也大不同 — 有櫻花、焦糖、芋頭、火龍果、水密桃等等可謂創意十足！ 今次點了剛推出的琥珀抺茶拿鐵 HKD 32 完成後，顏色明顯地分為兩層所以須要先把抺茶、烏龍茶底混合～～～抺茶味很重剛好跟烏龍茶味道平衡，不會搶主角。 店內也有打卡位，有牆上草皮或架上的擺設都不錯！

茶樂位置非常好，距離炮台山地鐵站大約5分鐘，到左之後叫咗三杯嘢飲：宇治抹茶拿鐵配櫻花珍珠，黑糖薑母茶，黑糖珍奶。啲間台灣嘢飲最出名嘅就係佢每日都會新鮮製造珍珠，而每日都係唔同味，我哋去嗰日就係芒果珍珠，所以冇咗櫻花珍珠。宇治抹茶拿鐵配芒果珍珠其實幾好飲，抹茶濃度適中，唔會好苦，但係唔會無味。而芒果珍珠就唔會有明顯嘅芒果味，而有淡淡嘅芒果清香，咬落去嘅時候就會食得出。黑糖薑母茶真材實料，黑糖味道香濃甜厚，而飲得出落咗好多薑落去，因為喉嚨有少少辣辣地嘅感覺。成杯野都幾濃味，飲完之後真係覺得好補。最後就係店入面嘅招牌飲品：黑糖珍奶。啲杯野係三杯入邊係最好飲嘅。鮮奶配合忌廉混合一齊變成重奶味嘅飲品。而黑糖雖然叫咗半糖，但係黑糖嘅味道亦都唔會因此而消失，又或者過淡反而剛剛好，非常適中。鮮奶嘅奶脂同埋黑糖呢一個化學組合簡直係完美！而價錢方便來講價錢合理，唔會過高。而店員服務唔錯。下次有機會都試吓啦！

位置北角與炮台山站中間，落是但一邊都要行5分鐘先到不過都會支持小店！因為啲手作珍珠真係好食！叫左呢3杯飲品消消暑👇🏻🔶粒粒芋頭鮮奶配櫻花珍珠 $34可能太早關係未有芋頭珍珠，所以改要櫻花珍珠都好煙韌，有一陣淡淡櫻花味，珍珠過關👌🏻鮮奶就淡左啲，不過都飲到係鮮奶！最後係有一粒粒芋頭，不過份量係少，而且沒有芋頭蓉🔶水蜜桃沙冰 $26好有水蜜桃味，但甜左少少！可能夏天，啲冰溶得好快！🔶荔枝椰果烏龍 $22呢杯係我最鍾意嘅！因為烏龍味好出，唔會好甜而且有淡淡的荔枝味，加上椰果甜甜地好有咬感！以下提供一些餐牌參考如果係附近的朋友可能試下！

今天食完午飯來個午後奶茶，最近看了這間店新開了不久，但是從來沒有試過決定來這裏一試，這裏的名物是手打珍珠，在試這個名物之前，我決定試一試他最普通最正常的奶茶，才決定會不會比更多的價錢去試這個名物。所以我見了一杯仙草奶茶，因為我自己本身很喜歡吃仙草。由於個人不太喜歡過甜所以叫了小甜，果然店員把奶茶弄作小甜，不會太甜。仙草沒有珍珠的甜味，但是滑滑的，仙草還有草藥成分，比珍珠健康。我最是喜歡奶茶味道有一點茶味，及有台式奶茶的奶味，下次去試他的手作名物珍珠吧。朋友就叫了冬瓜茶，聽說味道也不錯。店裡可以用八達通和alipay，正。

行經七彩繽紛嘅茶樂，見到有紫芋嘅飲品，咁啱有啲口喝就諗住買嚟飲，點知呢間手作珍珠咁啱冇曬，得返普通同水蜜桃珍珠，買咗下面兩杯：櫻花樹下普通珍珠-係宇治抹茶拿鐵，味道甘香甜甜地，可惜係冇櫻花珍珠，如果唔係綠粉嘅配搭應該好靚，普通珍珠嘅口感都好煙韌黑白樂-朱古力香濃，未搖勻前分上黑下白，本身係白玉珍珠轉咗水蜜桃味，好香又夠Q彈，不過好似配櫻花樹下味道夾啲想試手作珍珠的話真係手快有手慢冇，下次再早啲買先

📍北角今日行過北角見到有間「手作珍珠專門店」 就想試試手作珍珠同平時唔係手作珍珠有咩分別 ！呢間台式飲品主打手作珍珠 有很多口味 有芒果、櫻花、桂花等等🙋‍♀️-🥤粒粒芋頭鮮奶茶 + 紫薯珍珠 飲落幾有牛奶味 之後再飲就食到有一粒粒既芋頭 真材實料 口感一流 而手作紫薯珍珠就好煙韌 下次要試下其他口味既紫薯珍珠先-🥤琥珀珍珠奶茶呢個可以選擇茶底 有紅茶、烏龍和綠茶 而我選了紅茶底 飲得出有黑糖味 珍珠都幾好咬口的 但頗為有點甜。

So many bubble tea places in Hong Kong and yes ... I aim to try them all! This time I decided to try out 茶樂 (English name: Holiday Tea). Boyfriend had tried it previously at their Prince Edward location and he felt it was ok. So, yes .. this place has several locations in Hong Kong so it must be doing ok, right?As I was in the Fortress Hill area to check out the latest Oil Street exhibitions, I came across a branch of Holiday Tea. There was no one in line, so time to give it a try.Menu is in Eng

2019年4月29日星期一呢一間珍珠奶茶店喺正英皇道，位置十分方便。今天我揸車接老婆放工順便買兩杯外賣返屋企唔少學生喺門口排隊等落單。特色嘢飲都唔少。紫薯產品係老婆最愛。唔使諗咁多買番杯紫薯手作珍珠奶茶比老婆。我就心思思想試下皇牌黑糖系列嘅琥珀珍珠奶茶老婆叫咗一杯手作珍珠奶茶，珍珠係紫薯手打珍珠。非常有特色第二度可能試唔到我自己就叫咗一杯黑糖珍珠奶茶。外觀吸引。職員好好人。我最怕飲啲太甜嘅嘢，問佢可唔可以走甜，佢一口答應話冇問題。所以如果想飲冇咁甜嘅黑糖珍珠奶茶呢度可能係一個好選擇正常價錢。紫薯手作珍珠值回票價

這幾日天氣開始變熱，在北角街頭行咗陣，就忍不住要買兩杯手搖飲料消消暑！飲慣了連鎖店的飲品，今次就選了一間台飲小店，試試新口味！——————————🔸櫻花樹下 $34第一次見的配搭：宇治抹茶拿鐵配手作櫻花珍珠，但今日只有手作芋頭珍珠，一於試試！抹茶味濃郁，整體不會太甜，但部分茶粉未溶曬，喝起來會有顆粒感；芋頭珍珠煙韌彈牙，帶微微的芋頭香，整體算不錯～🔹粒粒芋頭烏龍奶茶 $30芋頭味濃，而且食到粒粒芋頭，真材實料！但芋頭味太濃，蓋過烏龍茶味，茶味略嫌不夠出～朋友原本想試手作珍珠，但叫錯咗奶茶，唯有下次再幫襯過啦😂

行經英皇道既時候比呢間台式飲品店既門面吸引到 因為好colourful 入面有面假綠草牆 見到佢主打手作珍珠 於是決定一試當日有賣既手作珍珠都會寫係塊板到 味道都幾新穎👍🏻今次就買左推廣中既皇牌琥珀珍珠奶茶同琥珀抹茶拿鐵 琥珀既意思係講緊d黑糖紋 下次先試佢既手作珍珠 哈哈琥珀抹茶拿鐵叫左半甜微冰 抹茶味好濃 同黑糖味夾 要搖匀飲 唔會飲到抹茶粉留係口到 珍珠大大粒好qq 夠煙un👍🏻皇牌琥珀珍珠奶茶揀左紅茶底 下次想試埋烏龍茶底 黑糖味飲落唔會有陣焦味 味道岩岩好 奶茶底夠濃夠滑 再加埋有咬口珍珠👍🏻正各式各樣既台式飲品店而家愈開愈多 而呢間係會再幫襯既選擇 仲有其他野飲同手作珍珠等住我試！

炮台山台灣奶茶唔多選擇，最近先開多咗間天仁其中一間比較有水準的台奶近北角叫茶樂。新一代台奶，有手工珍珠，黑糖奶…試過幾款手工珍珠，桂花最好、櫻花最差手工珍珠做得QQ，值得加錢要埋茶底方面，綠茶最好、紅茶最差、烏龍茶聞味有啲怪我唔啱飲，兩次叫烏龍都飲唔曬所以穩陣第一次叫杯綠茶類試下先。

好熱啊，呢幾日終於開始熱到26度以上，行街時超需要買嘢飲幫自己降一降溫🥶早幾日飲完茶樂，覺得都唔錯，今日喺北角又被我捕捉到佢嘅身影，唔駛諗，即去！今次由於天氣嘅關係，所以揀嘅都係比較消暑嘅選擇。巨峰葡萄沙冰 $24 講到消暑，一定係揀沙冰類啦，巨峰提子味夠濃郁，甜度適中，最啱炎炎夏日時飲😆柑桔檸檬 (L) $24 加芒果珍珠 +$6 呢杯嗜酸人士必點～ 酸得超過癮🥶 芒果珍珠煮得軟硬啱啱好，水果味珍珠配果味飲品真係絕配，好refreshing💕唔駛加一，埋單2人約$50。如果你鍾意睇我嘅食評，不妨關注我，支持吓我，謝謝你☺️💕

今日試下新台式飲品店，係返工地方樓下有茶樂，餐牌上最吸引既字眼係手作珍珠。原來茶樂每日新鮮手作珍珠。另外選擇頗多。整體裝修感覺時尚，尤其係霓虹燈既Logo。幾經考慮叫左焦糖手作珍珠鮮奶茶。珍珠口感非常軟糯，焦糖味香濃。茶底啱啱好。味道偏甜，不過等冰融咗冇咁甜。餐廳另外一個吸引之處係有一幅綠油油既牆，營造一種樹林嘅感覺，係打卡嘅好位子。期待下次試下其他味道既珍珠，始終手作珍珠嘅台式飲品鋪喺香港比較少，值得支持。