茶木‧台式休閒餐廳 (青衣城1)

星期六去一間新開始供應早餐的店，茶木，早餐只有六日兩天。念着去食台灣牛肉麵，但係睇吓個餐牌，又幾多選擇，終於三個人，點了三份早餐。首先，坐落，就有個年青人放低幾杯水加埋餐牌，又有禮貌。睇左－轉，數碼點餐。分別點左豬扒面配雙蛋，沙茶牛肉面配隻糭，沙茶米粉配蛋和火腿。值得一贊，杯咖啡配塊曲奇，茶具都幾優雅。同其他茶记，杯子又殘又舊，完全兩種體會。我的豬扒又香又脆，絕對好過其他街坊茶餐廳；煎雙蛋，完整無缺，酒店質素。其他餐，家人都話絕對好味，完全清盤。絕對是茶木的上佳之選，青衣城早餐首選。雖有比其他茶記貴HKD 5-10 元, 但是俾番足服務，食材，環境。又無加一，以後一定再番來。…查看更多

## 食評：青衣的茶木今日放工後，我帶老婆去青衣的茶木食飯。佢話佢未試過茶木，於是我就帶佢試下佢哋嘅手作面。茶木的手作面一向彈牙煙韌，值得一試。### 食物評價我老婆揀咗**三寶牛肉湯手作麵**，我自己就揀咗**西式奶油煙肉手作麵**。手作麵真的好煙韌彈牙，奶油香味好重，燒牛肉湯出色，牛肉同金錢肚質素都不錯，份量亦好多。飲品方面，我哋叫咗**紅棗薑母茶**，意外地包咗一塊餅，精緻又好看。我選擇加$10轉特飲，選咗**凍芋泥香芋奶茶加芋圓**，味道亦幾好。不過，原本叫咗加$20嘅甜品**香堤奶油班戟**，但催咗兩次都未上，當我想叫佢cancel嘅時候，佢又話整緊，呢個有少少失望。### 總結整體嚟講，質素幾唔錯，雖然唔係話特別平，但係都會再來！下次帶老婆嚟試埋佢哋嘅蜜糖麵包，期待下次嘅美食體驗！…查看更多

我和朋友今天下午在這家餐廳用餐，真是失望透頂。員工的態度有待改善，服務的感覺讓人不舒服。其中有一位朋友的食物追了4-5次，還沒有送到，員工都只是草草了事，完全不符合預期。隨後我們便取消了一個餐，希望餐廳能夠改善服務態度和提高送餐速度，否則下次我和朋友絕對不會再來了。…查看更多

下晝四點鐘想飲杯嘢， 於是入去叫咗個佛手柑水果茶， 同埋其他一啲小食： 台式肉鬆起司香蔥蛋餅， 紅油抄手同埋紅豆芋圓仙草。佛手柑水果茶我覺得好好飲 如果你驚太甜就溝熱水啦 飲曬成壺 又可以 refill 冇詐型， 第二壺浸夠兼沖泡就真係唔需溝開水都好好飲。紅油 抄手小小驚喜 ，雖然辣啲，但皮薄餡靚， 食得過。 芋圓仙草 份量唔算多 不過正正常常可以收貨。水果茶會跟一塊餅乾， 唔知乜嘢 材料，但配果茶真係好好食，可惜太少只得一塊。呢個地方 好在不似連鎖咖啡店咁迫，咁多人 ....你坐喺度又唔會趕你走，加上唔夠飽又可以食牛肉麵其他等等，環境算係一流。…查看更多

很久沒去茶木放工去獨食結果 ⋯ 驚為天人點咗三杯雞套餐雞有胡椒味yes～ 我點三杯雞食到胡椒味totally unexpected對三杯雞有全新體驗隨餐跟飲品點咗凍頂烏龍茶係茶色嘅水呀～最睇唔開係仲加咗個甜品珍珠奶茶雪糕什麼窩夫3啖投降珍珠無味、雪糕勉強叫有啲啲味個窩夫裝飾品一樣成餐飯除咗一位高級嘅男職員外其他送餐嘅職員rapper咁唔知佢講乜再唔係就「依單嘢唔關我事」一樣送嘢嚟就係送嘢嚟、第二個動作免問真心替嗰位高級男職員慘辛苦晒…查看更多

平日來茶木食 lunch, 可能因為放暑假，一過左12：30 就要等位排隊入座😂好多小朋友來食，原來宜家做緊promote, 8蚊有珍珠奶茶! 難怪差吾多每枱都有一杯！講返食物先，見到餐牌又吾同左，以前有3小碟餐，宜家無左變左2小碟。。不過價錢有少少吾同⭐️紅蔥地瓜燉牛筋腩我覺得d地瓜真係勁難食。。。一d都吾熱吾淋。。。仲脆架。。。真心吾好選呢款。。中曬伏🥲牛腩正常，但吾夠淋。。牛筋就真係吾見有。。 成個餐咬得好辛苦🫠…查看更多

今年3月去完迪士尼又未食晚餐，就走去青衣城睇睇有無好嘢食。落到去下層本來想食拉麵，企門口無人理，於是向相反方向走左去呢間茶木。本身無太大期望。大約八點，人少少，比左沙發位我一位坐！跟住見到有香菜煎鱸魚手作麵，可以揀飲酸梅冰，都只係$77（已經連加一）！（香菜這裡即指芫茜）非常吸引，於是落單。先有酸梅冰解渴，唔錯！夠大杯，係凍酸梅湯加冰既味道然後等左一陣，就上埋碟芫茜煎鱸魚手作麵，絕對色香味具俱全！鱸魚皮脆肉juicy，有好多芫茜，與麵同啲豆非常混和配合，好滿足！睇埋相！呢個價錢超值得。比起我第二次食九龍灣嗰間茶木點同一個餐新鮮好食好多…可惜宜家已經從餐牌上消失！如果呢款芫茜手作麵可以納入全線恆常餐牌，相信一定可以吸引到我再幫襯！…查看更多

中午有套餐, 但平均價錢都是有點略貴。今次叫了古早牛頰肉配新竹米加了杯沙冰飲品。正常牛頰肉的肉質遍佈透明的筋絡，肉質富有彈性與膠質，燉煮後的口感比牛腱軟嫩許多，沒有粗硬的纖維，也不會感到肥膩。但茶木的古早牛頰肉明顯只是一般牛腱。透明的筋絡位很少, 膠質部分偏小，肉質偏鞋口。湯底正常發揮。可能食品名稱標榜是牛頰肉, 所以相對上對牛肉會有些期望。應該改回紅燒牛肉麵會比較貼切。小總結❤️❤️📌牛頰肉肉質偏鞋口📌CP值低…查看更多

今日一行16人去咗青衣城午餐竟然唔使等位，可以直入叫咗一個豬軟骨米粉肉碎冬菇撈麵加咗個台灣炸雞梗係要叫返幾杯台灣飲品啦－杯珍珠奶茶紅豆薏米水仲有柑橘蜜最後用一個士多啤梨雪糕多士作結大滿足…查看更多

今天一試茶木的台式邊爐，我選擇了蕃茄湯底配牛肉，以及粉絲作主食，上菜的蕃茄湯底味道很好，以新鮮熬製的蕃茄整成，不過只用蕃茄汁而整成。牛肉整到好似玫瑰花一樣，份量都好多，而且唔似出邊用啲豪宅嘅牛，食落去都好好味，入面有一粒牛丸，一粒醬爆丸，一些豆卜、娃娃菜、蕃茄，食材不算多，但配上主食就夠飽😋亦配上一杯免費飲品，整體嚟講這個鍋$78算抵食，但值得一提，萵筍菜試試用火滾下滾下，但火鍋快食，中間亦要要求侍應點解一次，有些麻煩😇…查看更多

我們於11/2（日）18:15到達餐廳，餐廳只有一個侍應在門口幫人埋單，之後愈來愈多人埋單，並沒有其他侍應幫忙招呼客人，令人覺得服務質素未如理想。5分鐘後，有一個侍應拿外賣出來，我們問是否可以入座，她說隨便座，令人更感覺沒有任何良好服務態度。另外，雖然可以「隨便」選位，但大部份桌面也沒有收拾。用QR code下單，單點比晚餐set抵。❶紅蔥醬燒豬軟骨麵（$84）：面份量挺多，肉也挺一大塊，有少許味精❷松露野菌奶油培根手作麵（$90）：松露味不突出，麵的份量不多❸香煎三文魚時蔬藜麥飯（$92）：有黑胡椒味，三文魚挺大一塊，有一些菇類❹追加仙草芋圓豆花（+$26）：偏細碗，有2粒芋圓，有豆花，涼粉。侍應完全沒有服務，遞菜的時候也沒有講一聲菜名，客人吃完收東西時也沒有說一聲，年初二收服務費15%，感覺不值…查看更多

企係买单𠴱處嘅靚仔非常抵贊！睇到佢周圍忙，店長來嘅？一入到去就已經俾人好親切友善嘅感覺 之後落咗單想調位佢有啲為難但最尾都係幫手換咗並好快手執枱。幫襯咗茶木超過七年 之前有遇到過極冇禮貌嘅侍應令到我好耐唔想入去再受氣。今日又俾翻好感！以後都會多啲幫襯…查看更多

📍茶木‧台式休閒餐廳 (青衣城1) (青衣)青衣青敬路31-33號青衣城1地下G07-G09號舖==============================青衣城間茶木都開左一段時間，今日同朋友gathering就約係呢到食野試吓好唔好食～==============================1️⃣紅燒半筋半腩牛肚麵🐮湯底好濃牛味，牛筋同牛腩都好軟淋2️⃣培根樹子炒椰菜花配白飯🥬椰菜花無草青味但保持到爽脆，雖然佢有落辣椒，但一d都唔辣ge～3️⃣香煎三文魚湯漬飯🐟呢個湯漬飯賣相非常精緻，湯汁係類似堅魚湯ge味道，配埋d紫菜米通同蝦米口感好豐富，海鮮味好濃郁😋…查看更多

本身排隊個陣見到個著黑衫類似管理層都串串供，排到我個陣佢問我幾位 我同佢講5位 之後佢輕挑兼嘲諷咁講“我得張4人枱姐 坐迫啲好無” 咁我見反正有個細路咪照要 （但正常如果係5個大人你要佢地迫啲係咩玩法？ 仲要你張枱唔係大）（純粹個人覺得佢態度有問題） 之後入度去坐低左 除左一開始比三杯水（係 見到5個人但係比3杯水）同送菜之外 完全見唔到侍應係樓面 上黎啲餐點全部都無餐具 想要叫侍應比餐具又一個都搵唔到 最後自己自助拎餐具 係手機叫左個豆花 已經督左即製即上 成餐飯食完都可以未上到 出個豆花有無咁耐？ 想叫侍應追又係一個人都無 唯有自己出去同收銀追 （無錯 全場淨係得個收銀 仲要咁啱有人埋單我先見到佢出黎） 返埋位個陣經過出餐位 原來啲侍應係晒裡面 一個同廚師吹水 一個將啲餐放上放落搵野做咁（總知就係唔想出去）一個係後面個櫃一直摷一直摷 唔知佢想摷到幾時 好啦 追完碗豆花即有 咁你出得咁快點解要人追先出？我一早係手機落單個陣督左即製即上 唔係應該整完就出？ 枱又永遠無人執 張枱已經夠細 我家姐一早食完 但係無人收野 之後啲餐一直上 個侍應係無意識要順便收埋野 淨係識出餐 我都唔明佢地點收+1 咁既服務態度唔怪得個個都北上…查看更多

近幾年茶木嘅嘢食種類選擇多咗而且覺得唔同舖頭嘅裝修都靚咗同印象中一開始嚟香港嘅感覺唔同最近屋企人見到金鑽鳳梨系列即刻就俾佢吸引咗入去試吓青衣城呢間茶木環境幾舒服乾淨嘢食質素都尚算合格金鑽鳳梨豬仔脾肉質幾嫩口但真係甜得滯除咗菠蘿味仲有蜜糖鍾意食甜嘢嘅應該會幾鍾意茶木因為普遍所有嘢都有陣甜味麻辣半筋半肉嘅牛肉係肥牛嚟同舊鴨血一樣唔麻辣同埋有少少甜三杯雞睇落份量多但其實冇乜肉配嘅羹麵同手工拌麵味道麻麻地最重要嘅係我又覺得佢少少甜跟餐仲有兩個甜品同飲品覺得個水果菜幾好飲冇另外加糖總括嚟講味道雖然唔係特別好但以一個大商場嘅晚餐嚟講份量夠飽又冇限時都算幾抵食…查看更多