更多
2023-04-14
515 瀏覽
今日晚飯時間無咩食欲,去茶木食甜品當晚餐先~小朋友就叫左個兒童餐俾佢食👍·草莓香草蜜糖磚塊賣相好吸晴😍下低有三塊蜜糖多士,上面配上士多啤梨味雪糕、忌廉,多士預先切開為一粒粒,多士外脆內軟,帶微微蜜糖香,再配埋士多啤梨雪糕一齊食,一冷一熱既口感勁正,雪糕入面都有士多啤梨果肉,好正😍啖啖香甜·曲奇巧克力蜜糖磚塊賣相都係相當吸睛🥰由多士、忌廉、朱古力曲奇雪糕組成,有啲曲奇餅碎點綴,食落曲奇味唔係好特出,多士焗得夠香脆,每粒點雪糕同忌廉食都係好正,冷熱香脆甜集於一身😋小朋友餐問侍應會有一張填色圖同埋一支多色蠟筆送👍小朋友等上菜時可以有啲小活動🥰
張貼