茶木‧台式休閒餐廳 (樂富廣場A區)

營業中

休息中

夜晚天氣熱屋企人唔想煮飯，所以去佐樓下商場搵嘢食，佢哋話想食台式肉燥飯，咁就揀佐茶木啦，叫佐兩個2人餐，食到好飽，有飲品有甜品忌廉汁三文魚手作麵 - 三文魚煎得好香嫩，手作麵有啲似烏冬，但口感更軟，忌廉汁個味道都唔錯，幾好食😋蠔仔泡飯 - 加佐鰹魚同櫻花蝦乾，即時令個泡飯湯底更香，蠔仔都幾多，味道幾好👍鹽酥雞扒配肉燥飯 - 雞扒炸得好酥脆，肉燥飯味道正正常常冬菇肉絲羹 - 叫套餐送嘅羹湯味道真係麻麻地芥末蝦球配台式米粉 - 蝦球有啲炸過火，不過芥末汁味道唔錯，米粉配牛肉湯，好食😋黑糖珍珠奶茶 - 普通嘅珍珠奶茶味道，但配嘅餅仔幾好食，另外加錢叫嘅，其他人飲檸檬茶青提pancake - 味道一般般，但食完飯叫起，等佐半個鐘，催佐3次先有得食，cream太多，太邪惡怕肥大家都唔敢食哂黑糖珍珠雪糕 - 味道正正常常，好普通嘅雪糕配黑糖珍珠仙草芋圓 - 食到太飽，轉佐外賣拎返屋企，第二日煮返熱食，味道唔太甜，意外地芋圓口感唔韌，仍然軟糯埋單時店長送佐4隻小青蛙俾阿仔玩，我未見過依種玩具，但幾得意，掂一下彈一下，阿仔玩佐好耐🤣

不知是否今日落豪雨關係，人流特別少。午飯時段嘅樂富商埸，往往人來人往，坐冇虛席，今日竟然任君選擇，每間食肆都係得兩三枱客…哈哈，平時人多嘅茶木，可自由選擇位置。地瓜米線台灣嘅米線特別幼細，有彈性，好味。地瓜綿綿軟糯，甜美。菠蘿咕嚕肉非常惹味，酸酸甜甜勁開胃。咕嚕肉炸到外脆內軟，夠入味。豆漿好有豆香。竟然有一塊曲奇伴杯，搞笑。

早排同同事食飯去茶木因為唔使等位佢哋先進已經全部用晒手機落單但係因為我大鄉里出城唔係好識用佢個app 叫咗個牛肉麵餐，加杯紅豆薏米水我應該用落單嘅時候confirm 少咗杯薏米水等咗好耐都未有嘢飲，所以請啲侍應幫我追吓之後佢哋就幫我落返，不過有啲惡

今日9/5中午12點半左右，同親友聚會去食lunch,成班侍應都係黑口黑面一啲禮貌都冇！我哋用Add用得慢同有老花跟本點餐慢，叫個侍應過嚟問她，我搵唔到個餐起那點，佢黑著面只是問佢一句答一句咁話我知😡點完餐走。餐一盆來到，就咁求其放下冇枱邊😠走，跟住我話有冇搞錯啊一啲禮貌都冇😡佢聽到返轉頭仲問我咩事😡真係吹脹！今時今日飲食業仲咁樣服務態度，唔怪得知香港飲食業玩完啦👈🏻成間鋪只得一個帶有鄉音侍應有啲禮貌👈🏻🤪，呢間鋪老闆如果知道唔知有咩反應🤔要炒晒呢班夥計🤣⋯⋯野食已經冇以前好食，難食！唔會再幫襯👈🏻！

冇諗過呢間茶木越做越差！職員態度如此惡劣！個客入到門口禮貌地問企係門口收銀處嗰女職員有冇位 ？ 佢竟然惡樣惡聲碌大對眼閙個客！ 搞乜嘢啊！ 上市公司搞到請左呢啲咁嘅職員招呼客戶， 唔怪之得香港食肆生意唔好喇！ 乜唔係有上課訓練咩！

之前都有提過，家人很喜歡茶木的牛肉麵，但黃埔分店的服務態度不佳，所以寧願幫襯遠一點的樂富分店。呢排家人prefer轉米粉，因發現有少少麩質不耐，食完麵後會肚漲，成個人提不起精神。但米粉也不錯的，滑身彈牙，雖然無麵一樣好食，但也算過了牛肉麵癮豬軟骨肉燥飯也是常叫的item，豬軟骨燉得軟爛入味，軟骨已呈啫哩質地。但配上肉燥未免有點太咸，建議肉燥另上，以免食到最後太膩太咸。今日想試芋香奶茶，但味道十分化學，茶面上浮了一大堆浮沫，極不推薦！只推黑糖及茉香奶茶！配上寒天很搭手工麵也是必須吃的，如果無麩質不耐。雞扒夠味又十分嫩滑。手工麵筋道有嚼勁，裹上麻醬更順口。是溫熱的拌麵。鹽酥雞也是很好吃的一道菜，大推！Btw想反映一下佢地既兒童餐，又丸又腸咁，太多加工食品，建議以雞翼雞扒代替，加d沙律菜、水果先夠營養。

一般係香港食嘅米粉都係較為味淡同埋粗身，而茶木嘅新竹米粉食落就覺得好好味！紅蔥醬豬軟骨新竹米粉由於新竹米粉本身較為幼身，吸咗濃濃嘅湯汁後，香噴噴的，咬落有少許彈牙，口感豐富。豬軟骨仲正，炆得好軟身，好入味，入口即化，真係好耐都未試過食到咁好味嘅豬軟骨。配埋杯黑糖冬瓜茶，正呀！👍🏻

初初一開嘅時候，門口成日都大排長龍，而家質素有少少每況愈下🥲🥲🥲叫個牛肉麵都要$80價錢偏貴，而且牛肉入口好韌，湯底亦較重味精，質素一般，份量一般🙈🙈🙈

每次來親呢度見到個餐牌都好想試😄，今次決定試一試呢個甜品， 賣相幾吸引，但只係得面頭有雪糕，其他都只係一般嘅多士磚， 食到中間只係喺度食緊麵包😌， 如果雪糕多一點會比較好， 試一次就夠。

放工嚟食晚飯，要scan QR code 落單，一睇比實物餐牌貴咗，原來Apps自動要你加配甜品或沙律，算啦，反正都想試吓個奶茶奶凍。點左古早紅燒牛肉拌麵配鴨血拼素鴨、台式奶茶奶凍、抹香奶茶加奶蓋少甜、追加小食糖心蛋。古早紅燒牛肉拌麵，拼麵有少許麻辣味，都幾好味，有半隻糖心蛋。成碗得兩嚿紅燒牛肉、一件紅蘿蔔、一件白蘿蔔，呢個餐要$110，得兩嚿牛肉，未免孤寒咗啲。而且唔係切片，雖然牛肉都淋，但成舊咬啲牛肉攝晒牙罅，影響口感。配的鴨血、素鴨味道幾好。抹香奶茶加奶蓋少甜，仍然好甜，飲完好口渴。追加小食糖心蛋，呢個最唔抵食，味道Ok但$26 (仲要加一)得一隻糖心蛋🥲台式奶茶奶凍，賣相好吸引，味道都幾好。整體而言，味道都算OK，但埋單連加一總共$161，都幾貴，份量對不起這個價錢，男士吃未必夠飽。下次再來的話不會選擇晚餐，午餐好似平啲。

每次去乐富多数都系食茶木 所以话系常客 但系今日比我个感觉系服务员质素极差。令我感觉很不舒服。去到张未开放比起他客人入面d台比我 ，我入去闻到一阵消毒水味 ，个清洁桶仲系隔离。我感觉我可以忍耐下用餐 但点用完我发觉出面有台。我就有礼貌甘问服务员可否换台 ，因为真系好大消毒水味。个肥服务员竟然话冇得换 ，系甘大消毒水味噶啦。话出面d台安排左比其他客。区的回答当时令我震惊、点可以有甘差质素噶服务员。 当我第二次要求时先无奈换比我。去到埋单的时候个肥服务员系度收银 ，找完钱都毛句多谢。 我想话好基本d服务质素都毛。第一次比铺头服务质素差评。

位於樂富的茶木cafe，是一家絕對值得一試的餐廳。在午市時段，我們強烈推薦他們的台灣牛肉拌麵，這道菜色讓人忍不住垂涎三尺。麵條是手工手打的，彈牙有咬口，而湯上的台灣牛肉則是嫩滑、香濃，讓人回味無窮。此外，餐廳還提供各式小食及特色飲品，其中珍珠奶茶更是必試之選。雖然餐點味道極佳，但份量稍嫌不夠，$100-150的價位也讓人有些不太划算的感覺。但是，對於想要品嚐正宗台灣風味的食客來說，這是一個不容錯過的好去處。總之，如果你正在樂富地區尋找一家美味的餐廳，茶木cafe是一家你不能錯過的選擇。他們的台灣牛肉拌麵、小食和特色飲品都值得一試，讓你的味蕾感受到來自台灣的美味風情。

今日落住紅雨，落雨濕濕，食晏都係附近搵食好了，免得弄到成身濕透。平時見呢間餐廳要排隊，今日就不用，好彩。用QR code落單，非常便利。紅蔥醬燒豬軟骨手作麵揀咗手作麵，麵身粗，有彈性，有韌性，軟硬度適中。豬軟骨非常腍滑，充滿骨膠原，不黏牙。不過份量比較少。黑糖薑母茶薑味過濃，有點辣度，不過落雨天時飲用可暖暖胃也不錯。

服務態度奇差！根本唔會再去！！今日11:30入去食，明明有卡位，兼有好多張枱，但係果啲侍應偏偏要我哋兩人同其他食客搭枱，但又見到好多一人坐一張卡位，唔明佢哋安排嘅準則。如果唔係個女想食， 我一定會走！！仲有坐低咗，手機點好晒餐，佢哋啲垃圾服務員又話比錯QR code 我，又要我重新再下單，我覺得如果你哋做錯嘢，就應該幫客人點餐落單，點解要客人去承擔你哋嘅失誤？！我個餐未食晒，就不停有侍應過嚟想收走我個餐，唔該呢間嘢再培訓一下啲員工啦！

茶木‧台式休閒餐廳是一家以台式料理為主打的餐廳，位於樂富廣場(A區)1樓。餐廳裝潢以清新自然的風格為主，裡面的擺設都非常有品味，讓人感到非常舒適和放鬆。這裡的菜色很豐富，有各種台式經典小吃，如鹹酥雞、炸彈蝦、滷肉飯、肉燥飯等，還有許多美味的小菜，如麻辣豆腐、涼拌海帶等等。特別推薦他們的招牌料理「滷肉蛋包飯」，香氣四溢，米飯蛋包的口感十分綿密，滷肉搭配醬汁更是絕配。另外還有台灣名產珍珠奶茶，口感濃郁，香甜可口。在這裡，除了美食，還有一個非常值得一提的地方，就是他們的服務態度非常好，店員總是笑臉迎人，讓客人感到非常親切和溫暖。另外，店家也非常貼心地準備了許多桌遊，讓客人在用餐之餘也能享受到休閒娛樂。總而言之，茶木‧台式休閒餐廳是一家非常適合和家人、朋友一起來用餐的好地方，無論是品嚐美食，還是享受輕鬆愉快的氛圍，都是非常值得推薦的。