影片
營業時間
今日營業
07:30 - 21:30
星期一至日
07:30 - 21:30
以上資料只供參考, 請與餐廳確認詳情
優惠
台灣嘢百食不厭，一掛住就一定會去茶木食嘢，呢間水準很好，質素有保證，座位又舒服，慢慢食慢慢嘆，呢度啲職員都好好人，尤其個經理，次次都好主動招呼我，好有台灣人情味感覺！我喺度最愛食鹽酥雞，鹽酥雞熱辣辣，香味又夠，最緊要又平又靚又正！冇得成日去台灣，一定嚟茶木當去咗台灣，飲番杯珍珠奶茶，成件事不得了！Cheers～坊間真係好少有餐廳咁有心，看得出每樣食品，都精心設計，能夠有一班咁有心的員工，真係喜出望外！
繼續閱讀
企係門口當你無到，完全唔招呼入面鬼影都無隻坐低勁耐先開單比你落單坐左勁耐都係無客出餐慢到喊啲侍應企埋一邊傾計想叫人落餐都要行出位搵佢地水又無杯要咩無咩氣就受曬執左佢啦。終於黎左碗鹽酥雞，啲炸粉仲多過雞肉成半個鐘先上到碗芋圓成間野鬼影都無，但一啲冷氣都無，一邊坐一邊流汗，完全係貼錢買難受店員一直唔戴口罩係咁咳，勁唔衞生侍應有成3、4個，個個都企係到傾計，由頭傾到落尾，咁樣仲好意思收10%服務費？情何以堪呀。
繼續閱讀
今日經過上水中心茶木，想買一隻外賣鹽水雞，俾咗八達通，估唔到收銀竟然叫我等30分鐘！！😪😪咁我話唔要，佢就話俾一隻生嘅你返去自己整啦😵💫😵💫！！ 嗄！ 如果要自己返去整，咁我點解要幫襯？ 我剛才去街市啦。🤨🤨諗極都唔明，只係買一隻外賣雞，要客人企喺餐廳門口等30分鐘！ 🤭🤭
繼續閱讀
聖誕假期回港探嫲嫲，佢竟然話約我食雪糕。原來係 #草莓🍓蜜糖磗。原來佢平日早餐日日尼嘅地方，仲混熟左班店員。平安夜嘅下午茶已經好多人排隊，排排下，仲有個後生仔（男員工）扎辮，同我亞嫲打招呼，仲話知道會帶孫女尼，又拎住鳳梨蘇比我試食，熱情嘅款待，嚇到我以為係相體吖。蜜糖磗真係無敵，兒時嘅味道。仲有肉鬆蛋捲、芋泥奶茶、仲有啱嫲嫲嘅熱水果茶，係台灣嘅感覺吖個高高瘦瘦女仔仲知道嫲嫲開餐要用私人較剪，1 坐低就預備熱水比佢洗定。有你地窩心嘅照顧，當刻都有d慚愧。1年都唔係太多日子係香港陪佢老人家，有你地，我好感恩。1個普通老人家都照顧咁好。臨走仲訂左鳳梨蘇返英國，仲同經理讚下d同事，佢都好嫌虛話唔好讚壞佢地吖因為呢區都比較多長者，所以都教定同事用心去了解佢地需要，我地份內事，唔好客氣感謝妳們的愛心照顧
繼續閱讀
食過好多間茶木，最差係呢間，所以今次之後係唔會再去呢閠，其他地方茶木都會去，因為只係呢間服務態度好有問題，黑口黑面又無禮貌（女仕），早晨面黑黑😒而家咁多人北上食嘢，就係香港好多舖頭D員工禮貌真係差到爆，係呢個區好多食肆都食過，呢間數一數二差……今時今日咁嘅服務態度❌❌❌❌❌❌❌❌❌❌——————-食物味道一般，唔可以話好食，但又唔屬於好雞食，早午晚餐都食過，食物唔夠熱，不過唔想晨早就有人鑊撈咁塊面對住你嘅話，我就寕願去第二度食，而家D人鍾意北上食嘢。就係因為人哋D服務好到你唔信😅——————-講反D食物，差唔多食完先記得影，因為食到一肚氣🤣，朋友食乜唔記得，4個朋友一齊食，一個食有糉嘅餐，份量屬於小，因為隻糉係迷你板🤣不過其中兩位朋友都話唔係咁好食⋯⋯我自己就食豬扒麵，豬扒肉質都可以😌，味道正常，不過要受氣嘅食肆就唔會再去🤣——————-
繼續閱讀