茶屋町居酒屋 (已易手)

今日雖然是假期但我仍要開工，所以一早就約同事搵定午餐好地方，慰勞一下自己。🥢煙三文魚帶子茶漬飯 $68自己動手先將泡米、紫菜倒入飯內，再把壺子裡的湯倒入，陣陣香味慢慢慘出直撲鼻尖，我喜歡旁邊的大豆芽菜，又營養又有咬口！煙三文魚茶漬飯 $58煙三文魚再加小小魚子點綴一下，一碗茶漬飯就讓我有一個豐富又滿足一餐。 伯爵茶及覆盤子乾果茶環境清幽舒服，戶內戶外任君選擇。餐牌升級日本啤酒 + $25 唔使返工我實叫。🤣茶漬飯比較清清地，易入喉又健康！…查看更多

原本睇左d廣告都幾吸引黎試下 一上到其實地方吾算大 大部分係卡位 而且冇乜客 咁叫野食 原本打算係叫火鍋同串燒加任飲 其實食物款式真係吾多 火鍋得3定4款湯底 同茶漬飯 有dinner set 5款 串燒睇介紹係有好多款 而上到去原來得十三四款左右 可能因為冇乜人所以佢提供吾到全部 少人叫 好失望 因為係諗住叫多d串燒食 點知係一串都叫吾落手 然後個火鍋最平係88 成鍋都係菜 一舊豆腐 兩粒丸 半個烏冬同一小束粉絲 個碟牛肉薄過紙片 豬肉係豬頸肉 可能全枱對比下豬依個係幾好食 其實係同圖片不符😂明明仲有魚皮鮫同獅子狗 圖片上兩盤野食變一盤 總之成個鍋都吾抵食 我寧願食吉仔:(依家個餐牌同之前可能吾同 我係個到係見吾到operice圖片上嘅野食 總之我地最後係飲cocktail 飲飽 厠所都去左兩次 吾會再去 最嬲係明明個兩個鍋我仲食緊 仲有野食 個侍應走埋黎問仲要吾要 我對筷子仲係個鍋到夾緊 我話未 佢企係到左3秒話諗住收工前收埋我地張枱 你成間鋪得你一個 你收工就冇人執枱咩？…查看更多

長話短說，第一次喺 Open Rice 寫食評，都喺為咗呢一餐。眼見有咁多好評，於是同女朋友一心去食好西啦！一上到去睇個環境，都可以既，有個大露台，但我哋嫌出面太多雜物，於是返番入去坐。坐低唔夠一秒，就有個打扮新潮，但唔似侍應既侍應嚟招呼。心諗：咁主動，幾好喎！點知一嚟就 hard sell 某啲餐，又話單點唔抵食，其實我喺客，定佢喺客呢？於是我哋揀好一個海鮮鍋物，一啲小食同飲品啦！過咗一陣就上菜，份量好似唔錯咁。於是一邊食，一邊傾，希望相安無事啦。直到上咗碟原條茄子就中伏啦！嘩，上面果啲蒜蓉同七味粉多到呢，好似食咗十幾個蒜頭咁，辣喉同辣胃架！我哋咬咗半啖，就吐出嚟，真喺好在吐得快，食餐飯，我個胃都辣住辣住。於是果位侍應見狀都即刻過嚟拎走佢，換個碟，咁都算佢啦；點知果位侍應，真喺好無禮貌，自言自語咁講：兩個人用咁多紙巾！老實講句，我喺客，用幾張紙巾好正常啫，更何況食到啲難食既嘢，吐出嚟要紙，抹手抹嘴都要紙。點解可以咁無禮貌架啲人。真喺食到一胃都喺蒜頭，一肚都喺火。仲有廁所好污糟，雖然同食嘢無關，但一間餐廳好唔好，呢個我都覺得好重要，介紹朋友食飯，無理由去啲唔潔淨既地方。總之，我唔會再幫襯呢間嘢，請我食，我都唔會去。利申：絕對唔喺打手，打手就天打雷劈。唔喺叫大家唔好幫襯，而喺幫襯之前要考慮清楚，食到一肚火就唔好。…查看更多

一直以為茶屋町是食甜品的，這天經過看到MENU才知道原來是主打日式鍋物和串燒的。餐廳座位很寬敞，坐得好舒服，就算多點了食品也不會有擁擠感。這裡還有$98的2小時梅酒／清酒任飲，真的很吸引。鍋物湯底有3種選擇，另加一款期間限定的魚湯水果鍋。我們選擇的是醬油昆布湯(海鮮)($128)，選擇了海鮮，其他有豬面肉或牛肉的選擇。海鮮的配料都好豐富，各款海鮮都有，最岩貪心的我，每樣都可一試。除了一般會食到的墨魚片﹑帶子﹑蟹柳﹑北寄貝﹑蠔等，最特別的是配料會有海葡萄。不過放到鍋肉煮熟後的海葡萄，個人覺得並不特別好食。另外還附上蔬菜籃，加入昆布湯底內令湯底更鮮甜。不過因為湯底是加入了醬油的，食到中段覺得湯底開始有點過咸，要加湯才能中和咸味。美國牛肉($58)牛肉份量都好多，唔算是好靚的質素，但以$58一份來說都可以一試。手打烏冬($10)烏冬是我喜歡的煙韌口感，煮久了也不會變得軟淋。將湯底的醬油昆布味都吸收了，味道剛好。本身套餐配的水晶麵都很特別，沾滿湯底鮮味更是好食。汁燒新鮮白鱔($42)白鱔燒得好香，外皮燒至香脆，而肉質依然細嫩，而且咬落帶點骨膠原口感。味道都好濃，個人覺得就算唔落燒汁都一樣好食。值得一試。雞中翼($22)雞皮燒至金黃色偏乾脆口感，簡單地加上一點鹽去調味，已經好惹味。肉汁依然保持在雞肉內，所以食咬嫩滑。煙肉荔枝串($22)煙肉都幾厚身，而且唔會燒得過乾，反而有點像火腿的嫩肉口感。肪脂不算多，只是肉的邊位有薄薄一層，加上有清甜的荔枝配合，所以食落唔會覺得油膩。五花腩($26)五花腩都好厚身，不過用上比較多醬汁調味，有點搶了肉本身的香味。極上牛舌($38)牛舌唔算好厚身，不過味道好香，好重牛舌的鮮味。沒有用上太多調味，令牛味更突出。肉質軟淋，易於咬開。燒羊架($58)燒羊架整件都好多肉，感覺羊腿一般，沒有太大羶味，肉質比較結實。菠蘿椰子果昔($48)菠蘿味好重的一杯果昔，味道偏甜。喜歡菠蘿味的人一定要一試。…查看更多

星期六去食lunch 咁晏見到樓下有coupon派 就試左呢間餐廳我地點左一個豬仔骨配薯菜同炸雞豬骨濃湯烏冬 用coupon upgrade 左一杯野飲同墨魚腸😂豬仔骨配薯菜，一個set 有前菜同飲品 50幾蚊 算幾抵 不過呢個豬仔骨未夠稔 但配菜係一整個焗薯 最中意佢有好多蛋黃醬同芝士 好味另一個叫左豬骨湯炸雞烏冬 呢個比較普通 可能地獄湯濃味少少會更好整體來說 50幾蚊食到個lunch算係咁上下:)…查看更多