茶古道 (已結業)

經過只係想飲杯果茶。本來以為今時今日間茶飲都差唔多啦，點會差得去邊，點知真係會差到超出想像。係沙田其實都有好多選擇，不過近近地，又見佢個名幾特別咁，就諗住即管試下啦。見舖面都都有人排隊，好似信得過掛。只係買左杯好普通既白桃烏龍，諗住行到口渴，想買杯野飲解下渴。已經唔敢亂試奶茶，真係好彩jar。 只係杯果杯，點知茶又澀又苦，一啲茶味都冇，成杯化學野咁。甜味同香味加左落去但一啲都唔夾。成杯野難飲到嘔。跟本係超市求其買支都好飲過佢。

真係行過想買杯茶飲，以為今時今日，應該間間都差唔多唔會點伏架啦，所以近近地就試呢間茶古道第一次飲，但估唔到係咁差。 茶好苦澀，茶冇茶味，一啲烏龍茶味都冇，啲香味同甜味都好假，好明顯係化學野，仲要係咁唔夾既假味，唔知想點。飲完好想飲水啷口。 只係叫左最普通既白桃烏龍都可以差成咁，超出想像。 好彩冇再加配料， 感覺超市買既仲好過佢，點解仲可以開到？估唔到新年飲到杯咁既野，超差。 睇黎下次都唔可以隨便試新野，特別呢間更加唔會再飲。

買左杯抹茶鮮牛乳抹茶粉都溶唔晒又苦牛奶又無味重點係要$36 完全唔值難飲到爆又苦又淡 唔知飲緊乜很後悔⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

茶古道經常有幾款特別飲品，以優惠價錢回饋「飲客」😋。趁住有優惠，今次就買咗布甸奶茶！🍹布甸奶茶布甸滑嘟嘟架，份量又慷慨，飲到底都重有。而奶茶就正正常常，不過唔記得落少甜，令到甜味重過茶味🍬沙田分店裝修帶點日本風味🇯🇵，又有少量企位俾客人，出飲品亦算快，只係位置比較唔顯眼🙈🙈

落左車，原本打算行去天仁買杯飲品，途中見到這個新面孔。3款$25優惠價飲品，就試下喇！<青梅綠茶 $25>這杯只可以少甜(70%)，都可以既。似把醃成小食的青梅加到綠茶裏，沒有太甜，少少梅酸+綠茶的鮮醇，作為夏日解渴飲品都唔錯。裏面的兩粒梅可以飲完吃，依然爽口。❗️但注意不要嘗試去戳！因為杯偏厚身又欠彈性，一錯手會戳爛個底，咁就開始漏水了 😅我就係咁啦 🥲

茶古道分店愈開愈多，好方便我呢個茶迷。最近見佢出左本土特色的小食，非常懂得捉住香港人的口味☺️燒賣不錯呢 口感彈牙 配上自家製醬油 配搭上很夾呢 未到月尾已經手緊 但又想飲茶飲 同朋友一起叫左兩杯$20蚊優惠茶飲  岩曬我呢d月光族 最後叫左杯白桃烏龍。 白桃烏龍感覺好清新 ，桃味同烏龍茶味適中，兩者唔會互相太搶過地方。沙田店感覺不錯呢 有吧台企位方便快食。疫情關係 所以都無逗留得太久

係IG post見到有優惠 所以買左杯青梅綠茶試下， 貨真價實真係有青梅 原本諗住以為真係就甘得個味就算 估唔到有驚喜 粒青梅口感幾爽脆  有時好怕飲到d梅味有藥水味 好彩呢杯無 綠茶都算幾突出 不過不失 CP值合理 。

甘岩路過呢間茶飲 推出左魚肉燒賣 好少有茶飲店有賣港式小食 order左一份試下。 另外做緊抗疫優惠 $20蚊茶飲  叫左杯荔枝紅茶。魚肉燒賣唔係出面街外d 平貨用粉整果d，食得出真係有魚肉口感同味道，值得俾like，唯一少少可惜係俾d少醬 因為本人極愛醬汁😆。好彩叫左杯荔枝紅茶 配搭好夾 好解膩 好爽

蜂蜜綠茶試過好幾間 蜂蜜味唔太突出 一係就茶味太搶 唔講以為叫左純茶。直至經過依間茶飲，買左杯蜂蜜綠茶試下，茶底唔錯，有淡淡茶香同唔會苦澀，蜂蜜味無俾綠茶蓋過，比較突出，唔會太甜好容易入口。感覺好清新，好解膩，值得推薦。見佢仲有其他唔同茶底嘅茶飲，期待下次可以試吓。值得一讚係服務員態度幾好，談吐有禮。

好好飲見有$20 抗逆優惠就一於試下！揀咗抹茶牛奶！微糖 加珍珠 $4!!略嫌比較苦 可以叫翻多小小糖不過好足料 好濃抹茶味！會encore!!!🤤🤤🤤🤤🤤🤤

茶古道 (ティーロード)係新嘅日式茶飲品牌🍂。平時都鍾意飲珍珠奶茶，不過台式嘅比較多。呢次去開沙田，今次試呢個日式嘅品牌。每杯飲品都係店員人手沖泡調劑，叫咗半糖少冰。舖頭嘅裝修比較簡約有特色，日本風格🎋為主，有啲企位可以比客人企喺度飲👍🏻.《黃金蕎麥胚芽黑玉奶茶》$42呢杯野有幾個 texture, 蕎麥胚芽幾有咬口，加上彈牙嘅珍珠，奶茶幾香滑，茶味☕️幾濃。《黑糖黑玉鮮牛乳》$38賣相唔錯！飲得出係北河道嘅牛奶，黑糖味重👍🏻

行街行到攰，沙田連城廣場呢間［茶古道］日式茶飲店，裝修簡約日本風格🇯🇵，啱晒我靜一靜，抖一抖。新出品［雲霧玄米紅豆奶茶］，玄米綠茶有陣陣獨特米香，感覺氣息溫潤，配合奶香，口感柔軟和順。紅豆軟硬適中，夠甜，每一粒都唔可以放過。加多一杯［檸檬 蜂蜜柚子綠茶］，清新又滋潤，加上荔枝流心丸子＆蘆薈，口感超豐富，每飲一啖都有驚喜😍！見到［茶古道 x Powcook］ 麻辣芝士好惹味，好夾茶飲😌。

本身睇到荃灣分店劣評如潮 都覺得有啲難以置信間鋪香成咁 難飲極都有限見人地話淡到飲水咁 結果揀杯香芋奶綠真係無味既 難得放肆一日想飲杯甜野就浪費左我甜度冰塊都係正常100% 未融冰已經即飲唔知係咪為左慳成本 連香芋粉既味都無平時天xxx奶茶嗌微糖都仲岩岩好有啲甜味呢間真係溝水太勁 其實呢啲飲品好多時都無太大技巧要求 用料同比例真係要用心啲囉見到有個廣告評論打到好勁 忍唔住想講到底有無試飲過雖然好難飲 但我應該會試多次 睇下呢間係咪一世唔洗再試x_x

⭐️茶古道⭐️📍:沙田火車站連城廣場3號舖(荃灣 / 旺角 / 中環都有分店)⏰:11:00am-10:00pm💰:人均$50⭕️:現金、八達通-黃金蕎麥胚芽黑玉奶茶-💰38🌜今次試咗佢哋嘅新品😍 佢嘅鮮奶非常濃郁 唔係奶精沖出黎 好有味道 唔會太甜 珍珠都比較大粒 唔係細珍珠 而且非常煙韌 好有口感😋 配料好多 加埋都有三分之一杯 最鐘意佢落左蕎麥胚芽 好有咬口 攪埋一齊飲 每一啖都好滋味🥰加上可以走冰🧊 啱晒我👍🏻👍🏻超推薦呢杯！-岩鹽檸檬梳打- 💰34🌜好清新既味道🍃 岩鹽再加檸檬好夾 夏天飲一流👍🏻😋唔會好酸 好飲😋🌟近排見到沙田開咗新嘅茶飲店 所以特登去試吓 成間舖頭既裝修都充滿咗日式嘅風格 茶古道係新派的日式茶飲品牌😚同出邊既台式飲品店唔同 係香港另類創新的日系茶飲🙈佢地挑選優質茶葉🍃堅持食品質素 每杯人手沖泡調劑 為客人精心研製多元化飲品 令客人得到瞬間的寧靜及舒緩👍🏻📌依家茶古道xPowcook合作緊🙈📅推廣期由即日起至2022年3月31！凡購買茶古道任何產品 即可以$28加購輕量型手工爆谷 亦可用原價$35單獨購買輕量型手工爆谷🍿