23
6
1
港鐵香港大學站 B2 出口, 步行約4分鐘 繼續閱讀
電話號碼
3956 9009
營業時間
星期一
全日休息
星期二至日
10:00-19:00
付款方式
現金 八達通
座位數目
40
其他資料
Wi-Fi
酒精飲品
電話訂座
加一服務費
室外座位
食評 (31)
等級4 2017-03-27
1409 瀏覽
因為同朋友去西環呢頭行山, 搵左呢間食lunch, 因為見食物幾健康, 又靚靚咁。黎到睇睇menu, 原來brunch只有食物無飲品, 而飲品是頗貴的, 比一般咖啡連鎖店還貴, 還好有清水任飲, 但杯子細隻左少少, 要勞煩店員斟得較密。酪梨班尼迪克蛋吐司$108吐司烤得香脆, 水波蛋做得有水準, 荷蘭醬都做得好對味, 牛油果新鮮軟熟。雜菌抹茶細扁麵配水婆鵪鶉蛋$128當中最失望的一個BRUNCH,份量細小,雜菌料得好少,麵條是有抹茶味,但無醬汁餸料又少,感覺好悶。洛神花酥烤起司雙重奏三明治$98三明治包烤得鬆軟又香, 芝士半溶, 配上火腿和洛神花醬, 簡單得來味道不錯。莎樂美腸羅勒鐵鍋PIZZA $108鐵鍋上,保持熱度,PIZZA好鬆軟新鮮,料子不多,質感取勝。泡菜豆腐泰式香膠蛋派$82好特別,有創意的蛋派, 酥皮盒子藏著軟滑豆腐、泡菜、蛋等, 甚有韓風味, 泰式卻不覺。抹茶芝士蛋糕 約$65味道好濃, 口感好綿密細緻, 又滑, 一個人食應該太膩。總括來說, 餐廳環境幾靚, 好文青FEEL, 食物雖味道幾好, 但份量偏細, 莫講話男仔, 相信女仔都食唔飽, 可能食兩個BRUNCH先飽, 男仔要食三個, 嘿嘿, 都真係幾貴。 繼續閱讀
(以上食評乃用戶個人意見 , 並不代表OpenRice之觀點。)
等級4 2016-11-14
5561 瀏覽
聽說茶。家在西環開了家分店,而且還有熱食,聽落幾吸引,這日天朗氣清,正好過來嚐新。門外同樣是掛着一個茶壺形的木制招牌,旗幟鮮明。新店比太平山街大上好幾倍,內裡的格局與氣氛也很舒適隨意,每組座位之間均有相當的距離,店子呈長方形,而且深度足夠。最喜歡店子盡頭的那一大片窗,一絲絲陽光透過它點亮了整個空間!紫菜柚子汁細扁麵配鴻喜菇($98)自家製的扁麵呈深綠色;煙韌有嚼勁,但就吃不到什麼紫菜味道,配料有小椰菜、三文魚籽、鴻喜菇、沙律菜和蒔蘿等,小椰菜比較硬身,鴻喜菇爽口,蒔蘿的香氣獨特;如分量可以再多些,相信更得我這大胃王的歡心。檸檬迷迭香蛋糕($24)迷迭香烤雞、烤羊架就食得多,拿來做蛋糕卻也是別有一番風味。蛋糕的的骰骰,外剛內柔;咬落鬆軟,檸檬味超濃,加上迷迭香獨有的香氣,老婆讚不絕口。燕葡萄亁甘荀麥鬆餅($10)~ 燕麥餅總感覺像食消化餅一樣,但加入葡萄亁和甘荀,味道立時提升不少。海鹽駌鴦($48) ~ 錫蘭茶加上 Elephant Grounds 咖啡,茶香中帶有咖啡的甘苦之味,煉乳的濃稠配上淡奶香,原來都幾配合,値得一試。店內的裝置很別緻及美麗,還有少量貨品可供選購。推開後門原來別有洞天,種滿了植物的露枱是另一片天地,坐在這綠意盎然的空間;不論是三五知己聊天,又或是享受獨個兒的寧靜,也是一件令人相當愉悦的事情。難怪這兒能在短時間內便成為了另一休閒聚腳的好去處了! 繼續閱讀
(以上食評乃用戶個人意見 , 並不代表OpenRice之觀點。)
等級3 2017-06-08
140 瀏覽
呢間係一直想試但又一直無機會試,今日終於可以趕在關店前一試!* pineapple bun ---- 熱辣辣既菠蘿包夾住炒蛋,肉鬆, 同蕃茄粒, 好吸引! 甜甜既菠蘿包皮焗到脆口, 同咸咸既配料又出乎意料地夾!食落令人滿足!* quiche ---- 唯一不足係唔夠熱,如果可以焗耐d就perfect! 而家食落只係比room temp 熱少少🙈 不過味道係唔錯!個crust 有牛油味!不過食得多會滯!* 摩洛哥薄荷茶---- 薄荷葉味道清新!飲落令人舒服!正!* 印度香料奶茶---- 無試所以不評論* Greentea cheesecake ---- 好滑唔太甜!綠茶味香濃唔會滯! 繼續閱讀
(以上食評乃用戶個人意見 , 並不代表OpenRice之觀點。)
等級2 2017-06-05
87 瀏覽
就係因為西環既茶家就黎會關門大吉所以趁佢未接時就梗係去試多次啦。話說之前已經食過一次架啦,就係因為佢個白朱古力scone好好味先會想去食多次。但去到竟然冇得食因為佢個menu係會不定時更新架⋯⋯不過其實佢其他口味既scone都好好味,佢做得好既地方係個scone好鬆化唔似出面其他地方做到硬邦邦。而今日既menu 有三款口味-無花果,薑同菠蘿我當然三款都試哂啦。我個人比較喜歡無花果,果肉多比較有口感。而薑同菠蘿味道比較淡,都唔係咁食得出其味道。之於綠茶cheesecake 算中規中矩,軟軟地唔大甜,芝士味適中。coconut班蘭戚風蛋糕做得幾好,因為好多其他地方既蛋糕只做到隻顏色而冇其味道而茶家既蛋糕會食到淡淡班蘭味👍🏻而野飲方面我地叫左玫瑰奶茶,泰式冰奶茶,原味奶茶,紅茶配柚子茶同洛神花薄荷茶。柚子茶偏甜,玫瑰奶茶無咩玫瑰味,洛神花薄荷茶太漱口水。但真心值得推介係泰式冰奶茶同原味奶茶,奶味比較重,是我杯茶😋但如果過左6月後想食就要去上環店啦,希望到時都會食到我想食既白朱古力scone啦 繼續閱讀
(以上食評乃用戶個人意見 , 並不代表OpenRice之觀點。)
等級3 2017-06-05
135 瀏覽
是日食飽Lunch, 行下西環. 跟住就黎呢度Tea Time. 其實黎呢度都有兩個原因.第一個係之前去太平山街的茶.家時, 佢剛好休息. 我念念不忘佢的Green Tea Cheesecake.第二個係知道茶.家廚房做埋呢個月就要關店.. 所以點都要黎探下佢.一到步, 望到門口有個牌叫人排隊等候安排, 但企左係度感覺自己同朋友係透明.大熱天時外面好熱, 只好越企越入. 終於見到有人走有位就直接入座, 所以基本上由係門口至座底個刻係無人接待過.幸好坐落無耐有店員路過. 叫佢幫忙執枱同清潔, 佢都好快手就清埋完. 唔飲奶茶咖啡只飲茶的我. 望到佢有幾款茶. 心大心細之下. 選左有機的Nantou Country Forest Black Tea 南投縣森林紅茶 $63佢地的餐具超有心思. 簡單得黎又精緻. 路過收銀對面見有茶具賣時, 都心思思想買返隻用下. 講返個茶先. 一黎到就聞到好香的紅茶味. 但係一飲落口. 完全係兩碼子的事.聞就香, 飲落口居然比較淡. 但飲到底時可能浸的時間比輕耐, 居然變苦. 雖然有得添熱水.最後都放棄. 因為怕飲得太多, 夜晚唔駛訓.朋友的凍洛神花茶Iced Roselle $42. 天氣悶熱飲佢酸酸地可以解渴兼解暑. 再加埋個薄荷葉. 朋友話感覺透心涼.Hojicha Cheesecake & Green Tea Cheesecake @ $50 一個係綠茶芝士蛋糕一個係焙茶蛋糕. 對於鐘意綠茶同芝士蛋糕的我, 個Green Tea Cheesecake 簡直無得輸. 相反個焙茶蛋糕個人覺得有點甜. 而朋友就好鐘意焙茶蛋糕, 佢話個Green Tea Cheesecake 有點苦. 所以口味的野真係好個人. 兩個餅的餅底都好鬆脆. 用叉由上而下cut開都好容易. 整體間鋪的人流係一個接一個. 有人走的同時亦有人黎. 真正係出面招呼幫手落order 同拎餐的只有兩個外籍店員. 所以見佢地咁忙大家都係唔好催促佢地. 黎得呢度嘆茶就應該懂得慢活...  繼續閱讀
(以上食評乃用戶個人意見 , 並不代表OpenRice之觀點。)