茴星

營業中

休息中

首先一定要讚吓個店員定唔知老闆娘！勁熱心 好有溫度🥺🫶💖喺觀塘東廣場冇一間好似佢咁好人...（特別係同樓下賣Salad個間比 嘩 簡直天差地別 🤣😛幫襯過嘅就會明😂)簡單試咗個炸豬扒喇沙問咗佢一句辣唔辣佢話有少少 🤏🏻 跟住就已經即刻好貼心咁問想要辣啲定無咁辣🥹然後出到嚟個湯超香 同啲配料好夾💯炸豬扒唔會太乾又唔會太腍 而且好入味👍🏻不過因為我係嗌外賣 所以啲摻摻會稔咗少少呢度就扣啲分但overall 好味到 我即刻上嚟打食評*所以張相影得有啲衰 因為已經食咗一半😛

#20250524 🤍📍 #茴星 觀塘成業街7號東廣場1樓113號舖➖➖➖➖➖➖➖➖➖➖➖➖➖➖➖➖➖#香辣印度牛腩咖喱飯 $59💭 呢間野同一時間賣幾款咖喱，有泰式、日式等等，呢個話就話係印度式，但佢唔係果啲加幾廿種香料既味道，反而係有啲馬拉式既椰漿香，又帶啲港式既辣🌶️牛腩幾大舊，仲有啲薯仔同紅蘿蔔，撈飯食唔錯既🍛.#炸雞喇沙 $48💭 話說星期六下畫尼食佢得一個人做野，等都等左廿分鐘有多，見證住隔離位個叔叔由坐低到食完，然後自己都仲未有得食🙃喇沙同樣都係重椰香味，炸雞大舊得尼份量又多，不過就算係咁都無吸引到想下次再食🍜.#觀塘美食 #🐷在觀塘 #🐷_食

今日大約4:00去東廣場買外賣，香茅豬扒喇沙加蝦餅，總共$92另外加一蚊分湯，點知上到巴士過咗幾個站攞啲外賣出嚟睇先發覺佢比錯咗海南白切雞喇沙+2串豬肉沙嗲加埋應該60幾蚊，我睇佢個Menu嘅價錢，但係我住新界冇可能返轉頭換於是我就打佢單上面嘅電話，打咗50次都冇人聽，但係我就留咗言，最後有個男人覆我話依度唔係叫外賣，話我應該打錯電話但係佢張單上面同埋OpenRice都係同一個電話號碼以後買外賣都要即時睇清楚

呢度我都食過好幾次，諗住都唔會衰啦，點知 😂今餐飯，飯芯都未熟透，啃唔落唔夠飽 😒。都係第一次食到未熟透嘅飯，平時最多係硬或者爛。咖哩唔夠溫度 🤷‍♂️，都偏乾身（可能係咁卦🤷‍♂️😂？！）。整體湊起黎就唔合格 😡一直都無收外賣加 $1，堂食提供即棄餐具。收錢變相有啲唔合理，唔明咩邏輯，假設膠袋收 $1 感覺上會合理啲 😂🤷‍♂️。還是我下次講堂食轉頭攞個蓋？會唔會喺蓋度收我 $1？！抑或成個盤托走食完還返俾你哋？！😂

新開成層food court有4/5間餐廳坐位就唔算好坐膠凳仔不過勝在夠新淨空間感十足午市路過 會滿座下午茶時段反而仲有得揀位不過清枱姐姐不太爽快試下價錢最便宜果間再試試最平嗰款先雞肉濃蝦湯喇沙46蚊好大碗呀雞肉又多撕開晒唔會鞋得口嘅個湯好香好好飲飲完完全唔口渴仲有雞蛋芽菜豆卜配菜好豐富

新開嘅茴星餐廳，試咗個薑蔥霸王雞飯($52+$1外賣)，配紙包檸茶或者可樂，性價比算幾高。雞飯整體正常，穩定好味，冇特別驚喜但又唔會踩雷。外賣包裝亦整齊妥當，方便快捷。食品部分薑蔥霸王雞：雞件份量充足，雞肉夠嫩滑，冇雪味，仲保留啲雞油香。薑蔥醬係亮點，香氣撲鼻，唔會太鹹，但可以再濃郁啲，咁就更加惹味。配埋雞嘅嫩滑口感，真係幾好送飯。⭐食品評分：4/5白飯：飯偏軟啲，但吸到薑蔥醬汁，所以整體都幾滿足，唔會覺得淡口。不過如果飯煮得再煙韌少少就更理想。⭐食品評分：4/5飲品：可以揀紙包檸茶或者可樂，我叫咗檸茶。檸茶嘅茶味中規中矩，清甜唔膩，平時搭飯解渴係ok嘅選擇。如果鐘意氣飲品嘅，揀可樂都係唔錯嘅搭配。⭐食品評分：3.5/5環境與服務由於係外賣，所以環境就唔清楚，但出餐快，包裝整齊，啲汁冇漏出嚟，服務員態度亦幾有禮貌。以外賣嘅角度睇，呢個部分都係加分嘅。⭐服務評分：4.5/5總體感受茴星嘅薑蔥霸王雞飯屬於穩定正常嘅水準，冇乜花巧但味道足夠。$52加送飲品，份量適中，絕對係個平靚正嘅快餐選擇。如果你喺附近，又想要快速方便又唔會失望嘅外賣，呢個係個唔錯嘅選擇。⭐總體評分：4/5