影片
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
相關文章
食評 (542)
中學時期至剛剛出黎做嘢，呢間餐都會係同朋友嘅聚腳點。到而加開業都已經有四十幾年，今日就同老公食緬懷一下。餐廳地點方便，裝修簡潔鮮明，餐枱闊落，坐得幾舒服。值得一讚係職員非常有善，對每枱客人都細心講解，感覺好好。餐牌選擇非常多，好多套餐價錢都好抵，而我哋就睇中一個鐵板特級西冷配薯菜套餐，套餐包餐湯、蒜蓉包同飲品，加配小食同升級飲品都需比優惠價，重點係呢個限時優惠，買一送一。另外我哋叫左一個小食同埋甜品，然後升級一杯特飲。白酒煮藍青口：有一打青口，醬汁調味調得幾好，鹹鹹地幾creamy，整體幾好味。餐湯：羅宋湯配料多，每口都食到蔬菜；忌廉湯濃稠適中，裡面有火腿同粟米等，幾有層次感。蒜蓉包：大大塊，焗得好香好脆，幾好食。鐵板特級西冷配薯菜：西冷扒瘦均勻，口感厚實，牛味濃，分別叫左5成同7成。醬汁有5款選擇，我哋就覺得黑椒汁最好食。薯菜有椰菜花同薯蓉，食完都幾飽。蜂蜜合桃蛋糕：蛋糕質感軟棉，合桃碎脆脆，忌廉味重，甜度剛好，都幾好食。椰乳雪糕紅豆冰：椰汁味濃，紅豆幾淋，唔太甜，仲有雲呢拿雪糕，當飯後甜品食都幾好。凍檸茶：凍飲唔駛加錢，茶味可以，糖水自己加，消滯最好。
繼續閱讀
基本上早餐都會黎茜廊買麵包，貪佢地點近公司又順路。是晚加完班，同同事傾下野，近近地就黎呢度食晚餐。晚餐主要係扒餐為主，仲好多特價餐添，買一送一嘅鐵板牛扒超抵喎，可惜同事無興一齊叫，最後各自叫左份晚餐，再加下小食share啦。⭐羅宋湯 & ⭐忌廉湯 & ⭐蒜蓉包跟餐餐湯有紅白湯選，各樣要左一客，仲有蒜蓉包添，塊包烘得香脆好食😋⭐法式焗田螺田螺肥美，仲有一大盤薯蓉，上面放左蛋液，金黃色的好睇又好味。⭐炸馬介休球原本以為得炸球，點知上枱時仲有薯條同沙律伴碟，成份小食即刻升級左，炸得好香口，一絲絲嘅魚肉好鮮味。⭐煎蛋手打牛肉漢堡肉醬飯同事主菜點了肉醬飯，塊漢堡扒雖然唔靚仔，但味道唔錯有肉香，個肉醬酸酸甜甜幾好味，仲好大碟飯，跟本食不完😆⭐特級肉眼配薯菜自己點了肉眼扒配黑松露洋蔥汁，個汁幾香口，肉眼大大塊入口軟嫩，下層有幾件薯仔同椰菜，吸左牛油好味。⭐熱檸茶 & ⭐凍檸菜凍飲唔使加錢仲好大杯，正。加埋一三舊水左右，抵食啦。
繼續閱讀
住九龍灣嘅朋友介紹食依間性價比好高嘅西餐廳，試咗幾款嘢食，質素真係好唔錯，難怪晚晚都滿座👏🏻 環境好闊落，一班人嚟都有位坐～晚市套餐配湯、蒜蓉包加飲品🥤BBQ 烤原條豬仔骨配薯菜$148好正！原條豬仔骨大過我手掌😂 勁惹味，燒得香口入味，肉質鮮嫩，配埋BBQ醬汁，真係好惹味！🍖 仲有沙律菜同薯條，好飽肚特級肉眼配薯菜$98抵食高質之選，個肉眼扒真係超級嫩口😍 燒得啱啱好，肉汁豐富，配埋蔬菜真係好抵食！👍 呢個價錢可以食到咁高質嘅肉眼，真係唔錯！香濃茄汁焗豬扒飯經典之選！🍚 香噴噴嘅蕃茄味，豬扒好大塊，份量十足 ，再加上香濃嘅茄汁同芝士，酸酸甜甜，好開胃！😋 配埋炒飯一齊食，真係好飽肚！最後飲返杯凍檸茶同熱紅莓茶，酸酸甜甜，解膩一流，飲落去好舒服！🍵
繼續閱讀
老公今晚要OT，咁就當然懶懶地唔煮，約埋係九龍灣補完習嘅大少食個晚餐，咁就近近地去德福商場嘅茜廊餐廳啦！未夠六點半都已經座滿晒人，都好彩我地嚟到仲有一張枱，如果唔係就有排等。餐廳環境幾靚，座位都好寬敞，食物種類款式都有好多，總之就一定搵到心水嘅選擇。我地叫左兩個SET DINNER先嚟餐湯及蒜蓉包。估唔到佢嘅羅宋湯係咁多配料，啖啖都係蔬菜。而大少嘅忌廉湯都唔錯，夠味又CREAMY。蒜蓉包大塊得嚟焗得又好香脆，都好好食哦。大少就叫左份 特級西冷牛扒配薯菜，7成熟嘅西冷牛扒煎得啱啱好，肉質鮮嫩得又肥瘦均勻，口感厚實牛味又濃，搭配薯仔同雜茶一齊食，整體上食得好滿足。我就來一份 香煎羊架配薯菜，羊架煎得恰到好處，外脆內嫩充滿肉汁嘅鮮味，羊味好濃郁而又冇羊膻味，羊架下面仲鋪滿蔬菜，食得好味又健康。最後飲埋杯凍檸檬茶就完成時日嘅豐富晚餐。
繼續閱讀
之前去過茜廊餐廳，價錢非常親民，今次要見到牛扒買一送一🐄🍽， 當然要encore 😍🐄鐵板特級西冷配薯菜 (配餐湯，蒜蓉包和餐飲) 買一送一 $198/2份滋味得來又抵食鐵板特級西冷牛扒🔥，真係超級抵食，西冷牛扒煎得好靚，叫咗5成熟啱啱好，好厚肉，juicy多肉汁，而且重牛味，趁做緊特價，真係要食多幾次！晚市可以平價加配唔同嘅小食和甜品，吉列蝦🍤，一碟有五隻仲包左薯仔沙律，都係加$39，椒鹽雞中翼🐥4隻都係 $30，好抵食。我升級左餐飲做紅豆冰🫘，大大杯又有港式風味，真係好滿足。
繼續閱讀