范克廉樓咖啡閣

營業中

休息中

食物還好 味道價錢合理，但喺度食的話就注意一下點餐要快同攞啱餐具我記唔到成個餐嘅名，講出黎就有點偏差 但關鍵字盡量講到了，都比個收銀串 想即刻叫下一個，好彩我好快再補充多少少 佢先幫我選咗個最接近嘅餐 就係我想嗌嗰個，但佢仲要講多句 「比錯餐你唔好怪我啊」 使唔使咁呢 本來就無諗住怪佢 佢咁嘅態度先至令我要寫呢篇野 另外 嗰次我亦都順手攞咗外賣筷子，但我係堂食 純粹一時見唔到堂食啲餐具，結果比人要我比多$1外賣費用

真係劣食，全中大最垃圾不為過！🤮🤮🤮先從環境講起，CoffeeCon位於山腰，景色其實不錯，餐廳內部比較擠擁，整體比較焗，排隊處旁邊就有餐牌，方便顧客提早諗定食咩，而外面露天用餐區則空氣流通不少，而且空間也比較大，較推薦。到服務質素，其實係令人失望，我去嘅時候係中午時段，人流比較多，排隊都差唔多排到去大膳堂，不過無傷大雅，排左好耐，期間我已經諗定食咩，結果到俾錢嘅時候，先被告知冇哂湯麵，我嚟CoffeeCon就係為咗食何粉，排咁耐隊先知冇，如果冇唔係應該要貼喺餐牌咩，真係失望。令我更嬲嘅係，個職員一講完冇湯麵就直接嗌「下位」，直接當我冇到，堅嬲。我好肚餓，唔想再排過，所以叫咗個豬柳漢堡意粉，但係咁嘅服務質素我真係接受唔到。最後到食物質素，容我直接，垃圾。其實湯麵真係唔錯，甚至可以話喺呢個價錢($25-40)係算好食，但呢個茄汁意粉，真係狗也不__。一眼望落去，全部係醬，我知落大量醬係香港意粉特色，但今次真係太多，喺意粉份量細嘅情況下(係，真係好少，我最後食哂都係唔飽)，蕃茄醬可以話係多過啲意粉，條條意粉都掛住成啖醬，食落口就好似飲咗啖濃稠嘅醬，真係好噁心。個醬仲要唔係鮮甜嘅蕃茄汁，而係

畢業之後返CU睇展覽，順便係CU食埋野，讀書時候都會黎coffee corner食，食物性價比高👍湯粉、意粉、下午茶雞髀都抵食，收銀姐姐落單快但服務態度一如以往咁差😓⋯讀書時候被訓練要諗好叫咩野食先去收銀台，講慢少少落單都會比收銀姐姐說教，繁忙午飯時段會有好多人排隊，久不久都有時會見到收銀姐姐比說話慢少少落單嘅同學聽，叫同學下次點做可以快D。雖然比人感覺態度係差😒但繁忙時段都諒解今次同朋友返大學係非䌓忙時段光顧，未有人排隊，去收銀台想叫幾樣野食，遲左幾秒講下一樣，比收銀姐姐話下次可以連住講，佢會落得切單，有一段時間冇黎，叫野食冇以前咁純熟可以急口令式落單😆我哋叫左意粉、湯河，味道保持讀書時候水準，性價比都係咁高👍意粉份量多，大學食物價錢比出面抵食。係大學canteen習慣食完離開會自己收拾返餐具，負責收拾餐具職員哥哥同嬸嬸同以前一樣咁nice，見你用完餐，會有禮貌地詢問你用完餐未，主動幫忙收走👍以性價比黎講係抵食，大家叫野食前記得要諗好食咩同講快D，位收銀姐姐由我讀書到畢左業都係負責坐收銀落單，見Openrice 有其他評論講及收銀職員待客態度，如果講究服務可能會深同感受🙄

🥖越式札肉漢堡+沙律+薯條 $34Coffee con 係范克廉樓地下，長期都勁多人🥹作為CU其中一間人氣咁高既餐廳，食物質素都唔錯💁🏼‍♀️漢堡入面塊肉都幾厚，配埋醃蘿蔔同九層塔，好fresh🌱朋友就話個沙律唔夠甜🥗高CP值港式下午茶🍟

先不论东西好不好吃，下单收银员的态度就让人很反感。每次点单都一副很不耐烦的样子，必须很快下好单。导致每次用餐体验都不太愉快。有一次因为还不太熟悉餐牌内容，客客气气的问请问今天供不供应xx菜，她直接怼一句“你可不可以看餐牌点单”。有必要这样吗？明明可以好好回答一句有或者没有，也不耽误多少事啊。为什么要摆出这种嘴脸对待客人呢。不明白为什么中大里面会有这样服务态度的食堂，垄断学生生意了也不用这么嚣张吧。

試過中大咁多間Canteen，范克廉樓絕對係我中大TOP3其中之一。除左性價比高之外，我最鍾意佢既係杯奶茶。暫時喺中大未有一間CANTEEN泊得住佢。就算出面既茶餐廳質素都未必好得過佢。1杯10蚊有找既熱奶茶可以去邊度搵。不過來堂食既朋友要有心裡準備預左等位，因為實在太太太多人啦。即使你搵到位喺度用膳都唔好諗住可以慢慢品嚐，因為CANTEEN阿姐係會好快手咁收左你檯上面食完既碗碟。另外，要記得張落單紙放入指定位置(吧檯上既收集箱)。如果你就咁放張單喺吧檯，入面係唔會做野架!!

就嚟要f2f番學喇 咁多位同學😉我決定要食盡中大 介紹每一間canteen比大家😎今次呢間都好受歡迎 唔只平咁簡單 食物種類都好多👏🏻有河粉,檸粉,米線,意粉,螺絲粉...當然仲有飯🍚輕食都有好多 三文治,熱狗,牛角包,漢堡包就連鬆餅都有🤪.📌豬扒意粉 $21.5冇睇錯 真係咁平‼️仲包一款配菜 我就揀咗雜菜🥬雜菜係椰菜再加啲蘿蔔 係白烚嘅 都幾健康😌佢個汁日日都唔同 我嗰日係香草蘑菇汁😝有幾片蘑菇 香草味唔濃 鹹鹹地咁🌿豬扒都幾出色 佢係有走過油 所以面頭脆脆地 但係冇炸咁油膩 肉質唔會太乾🥰不過當然唔好期望佢好滑🤣唔只豬扒夠大塊 意粉嘅份量都好驚人🍝圖二係冇菜墊底 成盤都係意粉 夠晒足料💯無論價錢定質素都唔會比一般茶餐廳輸蝕❣️

不知不覺做左中大人已經1年啦😚讀夜校既唔好處就係冇咩canteen好選擇🤣最常同同學食既就係係本部既coffee con😌最緊要係平、抵食同啲姐姐都好好😍🍔🍟🥗 芝士豬柳漢堡+薯條+沙律 $28暑sem最後一堂想食得超邪惡！就叫左呢個漢堡薯條餐😁咁多樣野都唔洗30蚊，真係大學canteen先有既價錢🥲呢個價錢食到咁既質素一啲都冇投訴啦！要讚下佢既沙律係有新鮮水果整成架，唔係得罐頭生果😌個漢堡塊芝士仲要半融咁，好正😝 可惜唔記得叫走番茄，哈哈！個環境係就係舊少少（咁多年歷史！）但人情味夠濃，啲姐姐係你食完就會秒速收走你個碗😁叫餐個位姐姐叫普通話都係深入民心！「有沒有外賣、自己拿餐具～～～～～」

因為某些原因，小的每隔一段時間便會在各所大學內遊走，晨早流流到達目的地，當然是先吃個早餐才開始一天的挑戰吧！說到餐廳數目之冠以及價格之低，小的相信中大是當之無愧的。而每次來這裡，在下幾乎也是指定動作地，到Med Can享用早餐，而這次，終於打破常規，到了文化廣場的細Can。這所餐廳應該在中大屹立多年吧，看到某些熱飲杯，具然還是使用雙紅線瓦杯呀！看到她，在下簡直雙眼發光呢!本來想點熱檸水也變成點了熱奶茶。可惜的是，這裡的奶茶色澤對辦，但茶味卻杳然呀!在勻勻西式早餐中，選了湯粉麵類，晨早流流食好西的話，小的不太習慣，於是點了可自選三款配菜的湯粉，什菜榨菜煎蛋扭扭粉，即點即煮熱呼呼，而且刻意選了沒肉的，來個偽素食早餐頗不錯呢。重點來了，這樣一個湯粉連熱飲，廿元有找，絕對是反通漲的價位啊！

行完山順道走過黎，試番以前鐘意食嘅餐廳。雜扒意粉，正常味，已經係全餐牌偏貴嘅一個（$3x)豬扒麵，唔駛三十，同出面茶記差唔多甚至更好...出咗黎做嘢，乜都貴，其實呢度都貴咗，畢竟都幾年了，但係味道不變，價廉物美！可惜試唔到佢最好食嘅焗意粉...

近排中大勁多遊客，除左去天人合一之外，另一吸引之處就係平價飯堂、其實平都唔一定係食頹飯，平都好有質素，以呢間為例，食物好有質素，侍應都好有服務態度今早點菠蘿油加奶茶都係11.4，係出面食廿幾蚊起，呢度真係超值，唔怪得早上咁繁忙，勁多人食

中大coffee con 出名人流多，平、靚、正！性價比高！大部分食物都是30蚊以內！中午時候無論是外賣，堂時都是滿滿人龍呢，coffee con 位於本部附近，行政樓車站對面！點了豬扒檬粉作午餐，豬扒入味而且還有很多配料，有菜，白蘿蔔和小塊紮肉！另外，亦點了經常賣斷市的雞腿沙律！雞脾當然比連鎖店好吃😋而且入味，沙律是水果沙律也有蘋果！絕對是抵食！除了一般既飯餐還有很多意粉選擇之前試過也不錯呢，不過地點就有點遠了要坐校巴才能到逹！

自從Year 1,2 已經好少上山去本部食野啦🤩 今日難得去到就一定要食coffee corn!我叫咗最出名嘅炸雞脾意粉！雖然雞脾比想像細隻，但啲肉都夠食同ok嫩～ 個白汁好及味，有少少煙肉，仲有椰菜同我最鐘意嘅栗米😍😍 最唔鐘意係意粉唔夠汁，而佢就好夠！三十幾蚊，算高質！加埋檸檬佔咗半杯嘅檸檬茶～回憶返曬黎～～今日天氣仲要好好，坐係戶外食好正！仲要比起以前Staff嘅服務態度好好，好有禮貌🤩🤩 值得一讚！

今日難得返中大上山，就去返以前成日去既coffee con 食lunch。因為唔係好肚餓既關係，所以就嗌左個沙茶牛肉水餃公仔麵（$26）。佢本來係米粉，但可以隨便轉做河粉、公仔麵，好有彈性架！平時呢間can都幾多人，排隊排到出門口，我地今日12前到左，吾洗排隊就買到😆講番個麵先，本身以為個湯底會係沙茶湯，但結果係雞湯再加沙茶牛肉。不過個水餃好大好足料，煮得岩岩好，唔會太淋☺️同埋啲staff雖然好忙 但都好好服務，係中大既回憶呀

在中文大學這個山頭，每處都充滿人情味，這個餐廳裡除了價錢便宜（因為配合學生沒有收入），各員工更充滿人情味，她們知道客人不能自行捧餐，便會為客人捧餐，如對食物有特別要求，例如粉面少湯，只要向他們提出，他們都會盡量幫忙現在還有那裡可以找到這麼便宜的早餐呢？這個早餐有通粉，有面包，有飲品，都只是二十多元，味道又十分不錯，比起很多已被連鎖快餐店進駐的大學傳統得很多，希望這類餐廳仍可保留，不至於消失殆盡，令我們仍找到點人情味