英都燒味廚房

營業中

休息中

上次第一次食過覺得好好食！今日特登再叫外賣，在網上平台搵極都搵唔到燒鵝油雞雙拼飯，唔緊要！我分別買燒鵝飯同油雞飯，到時自己將兩個飯平均分番，另外叫左一個燒鵝叉燒飯比呀仔食，一打開飯盒時，開頭仲覺得店家咁好既，比隻脾位我，再望多望唔對路呀！咩料呀？燒鵝無皮既，我諗大多數人食燒鵝主要都食鵝皮，無左皮真係差好多！從收到個外賣3分鐘內，我2次致電餐廳，第一次係我發現無跟醬料，店家話點外賣時要註明先會比，我話我在外賣平台搵唔到邊個位置可以註明，如果搵到我點個燒鵝叉燒飯，將叉燒改成油雞，唔使特登叫多個油雞飯，最後我問店家無皮無醬汁點算？店家話叫我自己上平台投訴！🧐難得搵到屋企附近有間覺得唔差既燒味餐廳，竟然今次會係最後一次幫襯😔

一向都唔煮飯食外賣多，今日突然好想食燒味飯！竹園街市屋企樓下果啲唔好食，今日用網上外賣平台叫外賣，隨便揀咗呢間，點咗兩個燒味飯，燒鵝叉燒飯用黎供神，油雞飯就自己食，估唔到有驚喜、覺得呢間好好食，下次可以翻卓😋起碼燒鵝睇落唔乾柴，而且份量唔算少，油雞飯堅好入味！白飯都唔差，粒粒分明有口感，呢間一定好食過新光隔離果間（廣x燒味）但係可唔可以唔好迫我要寫足200字先比我出post呀？寫太多感覺好做作😌🤪

臘味糯米飯，首先一定要睇吓個糯米飯炒得夠唔夠香、夠唔夠乾身、夠唔夠入味。當然最緊要就梗係要有靚臘味。好鍾意佢哋個糯米飯炒得有香又熱，啲花生粒脆卜卜，最緊要係啲臘味夠多夠靚，一碗飯入面食到有臘腸粒、臘肉粒、蝦米粒、又夠油香，加埋炒到脆卜卜花生粒撈埋一齊，越食越好食。佢而家仲加埋燒味，一係叉燒，一係燒鴨拼臘味糯米飯。我今次就揀咗叉燒，英都啲叉燒唔錯啖啖肉，唔係死實實嗰啲。可以一啖糯米飯一啖叉燒，個感覺又唔同晒，好似冇淨係食糯米飯咁孤單。

今天下午茶時段來到英都燒味廚房，那便一定要點這店必食之選：叉燒。下午茶餐的的燒味湯粉麵餐只售$42，可自選餐牌內兩款燒味配自選粉麵，再配飲品一杯，頗為超值。～叉燒燒鴨湯河粉河粉份量也不少，入口軟滑，湯河味道適中，不會過鹹。燒鴨看似有點燶，但入口不錯呀！燒鴨皮甘香，肉質又不會韌。叉燒醃得入味，一咬即開；啖啖肉的口感，令人頓感滿足。餐後來一杯好立克是最好不過。～叉燒切雞湯米粉叉燒肉嫩，燒得恰到好處。切雞皮爽肉嫩，一點也不會膩。這燒味雙拼配湯米粉來吃，配合得宜。餐後以一杯熱阿華田作結，特感滿足。

我覺得黃大仙鳳凰新村一帶，最好食一定係燒味飯。今日我同朋友去食，我叫咗乳豬叉燒飯。先講乳豬，外皮趣卜卜，乳豬肉多肥少，輕輕點小小乳豬醬同白飯一齊食，冇得頂。 跟住試一啖叉燒，大啖咬落去，果然個片叉燒肉肥瘦適中，叉燒又淋又滑，醬汁惹味，香香甜甜，真係冇得彈。相比其他燒臘店，嚡熠熠或者琳back back叉燒肉，又或者乾爭爭、肥嘟嘟乳豬，嗰啲真係貼錢買爛受，只會食到個胃好辛苦。呢間燒臘咁好食、咁有水準，聽講燒味係自己廚房出品，同其他街舖比較，應該唔係中央工場、都唔係交貨。大熱天時，燒味店居然有自家製清涼飲品，凍薏米檸檬水，食完碟飯，飲杯薏米水，清清涼涼又健康，真係覺得好舒服。整體嚟講燒味師傅真係有水準！食材夠新鮮，值得一讚！

見到近期英都燒味FB不斷出Post 同 Story，心郁郁郁就去黃大仙試下。環境就係一般茶記咁，原本想食招牌燒味，口痕痕問個伙計有咩推介? 佢叫我試下"椒鹽豬扒生蝦鬆飯"，究竟我聽左D乜嘢?  原來係魚鬆個鬆，不過不是魚，是蝦鬆😆 。一落order，就立即聽到個廚房有炒嘢聲，原來即叫即整! 碟飯離遠送過嚟，已經聞到香噴噴，豬扒夠香夠鬆化、蝦鬆好似魚餅咁啖啖肉，煙韌彈牙，再加埋椒鹽、洋蔥、青紅椒配搭，賣相已經好吸引，熱辣辣之餘又非常惹味。餸夠曬份量，同飯既比例亦剛剛好。伙計原本推介飲凍奶茶或凍檸茶，但係我見到牆身貼咗海報，有檸檬薏米水。大熱天時，食咗碟椒鹽豬扒飯，配番杯凍檸檬薏米水，真係超爽😬可以encore!

想避開食飯人潮，基本上唔想食飯又唔想食麵、米粉、通粉，可以食吓乜嘢呢？ 所以今日特登揀咗下午茶餐。呢度係2:30pm後有得食下午茶，價錢平啲，感覺着數啲。下午茶都有好多選擇：燒味雙拼湯粉麵餐、輕鬆下午茶粉麵飯餐、漢堡包餐、飛碟餐、三文治餐、炸物小食餐。但係我見到對面枱個女仔食緊紅豆西多士，但係餐牌見唔到有？問一問個夥計，佢話係呀，老細新推出的，真係奇怪點解唔貼出嚟俾人知？即管叫一份試吓。厚厚一件西多士，望到廚房個姐姐，即叫即做。做完仲自己親手送出嚟俾我，感覺好似有啲尊貴😝。切開件西多，入面真係填滿左紅豆，咬一啖，感覺好夾。終於跳出左花生醬西多士個框框。唔錯。

我成日都會嚟呢度斬料燒味返去加餸，個人比較喜歡叉燒、燒肉、燒鵝(其實炸蝦丸都好正!) ，斬料嗰位師傅亦都好快手，唔使兩三分鐘燒味就包好。間中我lunchtime都會坐低食，通常我會叫四寶飯，叫做咩都有齊，食過幾次都唔會悶。今日下晝 2:30 去試下食燒味下午茶。叫咗一碗燒味雙拼米線 - 叉燒拼燒鴨，叉燒好新鮮鬆化，燒鴨個皮仲小小脆，米線個湯底夠味但唔會好咸。估唔到下午茶價錢，但係一樣食到平時正價燒味嘅質素。唔錯唔錯。下午茶時間冇咁迫人，仲可以坐喺卡位慢慢食，都幾舒服。

天氣真係好熱，中午簡單食個快餐，決定食燒味飯，應該最快唔使等食完就可以繼續返工。入到嚟餐廳，咁啱俾我見到乳豬出爐，師傅送緊隻乳豬入廚房。咁一於食乳豬飯。見到對面枱食緊燻蹄叉燒飯，我就乳豬拼燻蹄飯。乳豬好熱好脆，又唔會太肥，真係好彩遇到剛剛出爐，真心真係正。唔理咁多一定要趁熱食晒幾件乳豬先。之後先慢慢食燻蹄，片燻蹄都多肉，唔係林back back嗰啲，條皮好爽，點埋個醋好醒神。食完乳豬加個燻蹄又幾夾喎。可惜杯奶茶就未合格，可能係燒味最大賣點，所以冇乜理茶水。

黃大仙都有好幾間燒味店，今日中午路過雙鳳街，見到門口掛起d燒味，望落去個樣都唔錯，所以走入去試一試。老闆推介食叉燒、乳豬、燒鵝、燒肉、薰蹄。一嚟就推介咁多嘢咁我應該食咩好呢？佢話燒味係自己工場燒，唔係交貨。諗咗一諗，今次先試燒肉燒鵝飯，可以啖啖肉。雙拼飯一嚟到，首先成碟飯熱辣辣，先試一啖燒肉，燒肉好林、燒肉皮好脆，食得出舊燒肉係新鮮豬肉；再食一嚿燒鵝，燒鵝味醬汁濃、燒鵝肉都滑，唔會黐牙，燒鵝皮都係脆。一邊食飯，一邊再加啲薑蓉，成碟飯食曬。整體嚟講，燒味應該係新鮮，估唔到燒肉燒鵝飯肉連皮都食得曬。下次可以再試吓其他燒味。

都係鍾意去黃大仙呢間由細食到大嘅燒味茶餐廳，一樣叫返燒鵝脾叉燒飯食，碟飯離遠望落去見到隻燒鵝大大件、叉燒肥瘦適中；一啖咬落去，即刻食到燒鵝脾肉質豐富，燒鵝香味濃郁，叉燒肥瘦適中，入口鬆化多汁，再加上一碟白飯同埋例湯，真係大滿足。同個收銀哥哥傾計，佢話呢度跟其他餐廳做法有啲唔同，呢度真係會上燒鵝大髀，大大隻燒鵝髀，夠晒份量，最緊要係熱辣辣，我又可以大大啖肉, 識食梗係食燒鵝髀！

童年時住慈雲山，英都燒味可以說是我最愛！無他，因為童年時 佢既燒味係最好味！小弟已搬離慈雲山20年多，偶然經過附近決定再試試！童年印象回憶，英都除了燒味外廚房出品的餸菜只屬一般！入到餐廳，先掃二維碼，再搵位坐見到樓面只有兩位年約40歲的女樓面一腳踏真係好辛苦呢！我坐近廚房位置，看見年紀較大的女待應同廚師又攬又拖手，好曖昧，見到都打冷震.....叫左個叉油雞飯，湯 同 凍奶茶！共55蚊，希望物有所值啦先評論凍奶茶，茶味淡，冇奶味，不合格！再評論 例湯， 淡如水，送既冇乜要求！湯渣全部都係骨頭，d肉去哂邊最後到 叉油雞飯，飯少豉油太多....飯幾有咬口，可惜份量有如兒童餐！再來評論叉燒，冇燶邊，死甜！肉質似一絲絲煲完湯既豬肉渣...（童年時點解會喜歡，可能夠甜掛）再來 豉油雞，有色澤，但食唔到豉油香或其他味，舊舊都係骨多過肉...冰鮮雞黎講肉質還可以接受 ，但整體黎講，同唐順興d雞差唔多！食完叉油雞後，仲有半碟白飯剩，哈哈！難題黎喇，薑蓉又唔夠，點食落去呢！就係呢個時候，隔離枱有對情侶食飯，女食客突然間將成個匙羹內既飯 潑向我...雖然有講對唔住，但我碟飯已經沾有你的口水.....仲有半碟

是日的早鳥晚餐🤩😋.黃大仙區的隱世美食.位於鳳凰新村雙鳳街的英都燒味廚房已經有好多年嘅歷史了.佢嘅味道真係好親民份量又夠足料😋.今次品嚐佢的鎮店之寶有食神之稱的黯然銷魂飯《甜豉油叉燒滑蛋飯》.豉油同雞蛋真係絕配靚靚嘅叉燒大細分明😍😍.仲有好飲的例湯同冰鎮凍檸茶🤩🤩正呀--#黃大仙美食#英都燒味廚房 #香港美食#香港美食指南 #香港美食日記 #香港美食推介 #香港美食分享 #852 #hkg#hkig #hkfood#hkfoods #hkfoodie #hkfoodies #discoverhk#discoverhongkong #travelcation #홍콩스타일#홍콩여행 #홍콩관광#홍콩음식

12月21日冬至，難得细仔仔得閒，可以陪肥爸，和靚媽食餐冬至團圓飯，為免到酒楼等位，所以選擇咗呢間，在鳳凰村開業多年，而做燒臘口碑，都幾好嘅，英都茶餐廳食晚飯，當日點了，小炒，炸物，和燒臘合共，五，六，樣食品，再加壹枝淡啤酒，諗住好好品嚐，而每樣餸菜嘅賣相都算0K，又夠熱度，理應味道吾差，但當日，我揾食肥華個胃，吾知係吾係，冬至日子要休息一天，呢餐飯我每樣菜夾咗少少食之後，個胃就頂住，頂住再食吾落野，所以今餐我揾食肥華，未敢對此食店出品，妄下評語，但從靚媽，及細仔仔進食情况推斷，此店應該吾會太差

今年假期特意到此黃大仙「英都燒味」,品嚐聞名的义燒下午茶時間品嚐了义燒,燒肉湯河及凍奶茶只需$38. 性優比特別高帶點焦香叉燒味道蜜味頂呱呱,燒肉脆皮,肉質口感豐富,超捧燒味义燒燒肉不像一般茶餐廳燒味放在湯河上,而是分開另上,上湯底濃香配以河粉绝配👍🏻👍🏻👍🏻不一樣的濃香這店仲有点讚真正叉燒漢堡包和朱仔包及叉燒炒蛋反、黯然叉燒飯下次再試,然後再和是大家分享.總括這店用心做,待應服務友善待客👍🏻👍🏻👍🏻