花華和食屋

《花華和食屋》煮干粟米🌽冷拉麵 🍜📍屯門良德街8號珀御地下G06號舖早响 社交平台都見到，花華和食屋近期都有出限定款冷拉麵，而佢每款限定通常只做一個星期，今次有緣遇到呢款《煮干粟米🌽冷拉麵 🍜》，當然係要試試啦！香味 (4/5)如果以冷拉麵來講，煮干嘅香味同粟米嘅香味都算幾出，始終都係凍湯唔係熱湯。湯 (5/5)呢款雖然係冷湯，不過味道十分好。粟米嘅甜味會行先，中後段煮干嘅味會漸漸出黎，相當有層次。而煮干同粟米嘅味道平衡亦洽到好處，冇話邊個搶左邊個。可能因為主題係粟米嘅關係，甜味係會比鹹味更出，正好配合到呢碗冷麵。麵條 (5/5)店家聲稱用左自家製42%全粒粉加高水麵，係咪高到42%我就食唔出，不過呢款麵凍食真係非常之煙韌，口感好好，配呢款濃稠嘅粟米湯非常之夾。配料 (5/5)慢煮豬叉燒入口軟嫩，而肉味極之甘香，相當好食。除此之外，另外仲有一個驚喜位，就係粒睇落平平無奇嘅蕃茄乾，竟然鮮味到一個點，酸味同甜味剛剛好，對碗麵有畫龍點睛之妙。整體 - 超高水準，冇乜位可以挑剔，如果唔係住得遠，我可能會 encore 多次。順帶一提，隻碟嘅顏色我就唔多喜歡，因為個人來講，我唔鍾意响餐具上見到呢隻孔雀藍，見到令人有d冇胃口。…查看更多

干貝蟹白湯拉麵（$108）麵條係幼麵，軟硬適中，係自家製42%全粒粉加高水麵，望得見粒粒嘅麥！湯底好鮮味，飲得出干貝嘅味道，亦有超少量蟹肉碎，但飲多幾啖會覺得有啲鹹！糖心蛋流心入味！叉燒有2塊，比較薄身，但大塊，質地比軟淋滑，味道比較淡！山椒ShakeShake唐揚雞塊 （$28/4件）炸得算皮脆肉嫩，面落咗啲山椒粉，麻麻地，但唔辣！總結：環境幾好，坐得舒服，味道中上，無加一，可以encore！…查看更多

🍜「干貝蟹白湯拉麵 $108」基本上10次有8次都會叫，湯底蟹味勁濃！真係世一！干貝蟹白湯係好鮮好順滑嘅感覺，拉麵當然軟硬適中，超級掛湯，我記得佢試業嘅時候用過兩款拉麵，最終決定呢款，超級用心！仲有少量蟹肉，增加口感。而叉燒我一向最普普通通，肥瘦度其實適中，但本身調味唔濃，所以我有少少唔喜嘅臊味，但我身邊嘅人都覺得無問題，好好食，咁應該係我嘅問題。🐣🍗「唐揚炸雞 $23 4塊」由於我麻麻哋個叉燒，所以好多時我都會嗌炸雞或者其他小食配一配，炸雞塊熱辣辣唔會太油，雞又唔會炸得太乾，okok!小店仲有幾款唔同嘅拉麵，各有特色，全部精緻得來都好食，絕對真材實料，仲有其他小食同埋冰點，希望大家鍾意我嘅介紹啦…查看更多

經過建生，諗住試下依間拉麵，未試過，第一次嚟，見好多人comment話好好食，諗住試下，但食完覺得好普通😢雞皮餃子雞皮餃子聽落好特別，但食落似乎未有驚喜。雞皮嘅口感可能偏油膩或者唔夠香脆，餡料同雞皮嘅配搭可能未夠和諧，導致整體味道平平。如果你係想試創新嘅餃子，可能會覺得有啲失望。濃厚蟹湯拉麵濃厚蟹湯拉麵賣點係湯底嘅濃郁蟹味，但試過之後可能覺得湯頭偏重或者唔夠鮮甜，拉麵嘅質感同湯底嘅搭配唔係好平衡，食完覺得有啲普通，無乜回味。…查看更多

今日同表弟表妹去咗屯門珀御嘅花華和食屋，門口有個好靚嘅日式小庭園，打卡一流📸！入面裝修都好和風，天花掛滿紙傘，坐低即刻feel到日本feel🇯🇵🍜煮干雞醬油拉麵（加火灸叉燒）湯底好濃郁，醬油味香得嚟唔會太鹹，仲有啲魚干嘅鮮味，麵既掛湯力好強！麵質煙韌，加咗塊火灸叉燒，輕輕燒過嘅豬腩肉肥瘦適中，入口即溶，超正🤤！  🦀濃厚蟹湯拉麵呢個真係必試！蟹湯超級濃郁，飲落去成個口腔都係蟹嘅鮮甜味，仲有啖啖松葉蟹肉，叉燒同樣出色，輕輕炙燒過，油脂香爆棚，忍唔住飲晒成碗湯！  🍥干貝蟹白湯拉麵同濃厚蟹湯比，白湯質地更creamy，干貝嘅鮮味好突出，湯底杰身啲，掛麵效果一流。配料有蟹肉同蟹膏，仲有溏心蛋，整體好滿足🍗唐揚雞塊即叫即炸，外皮超脆，咬落去雞肉好嫩滑，仲有肉汁爆出嚟，點埋沙律醬更加邪惡😈！  🥟炸雞皮餃子第一次試雞皮包餃子，以為會好油膩，點知出奇地脆口！雞皮炸到金黃香脆，入面嘅餡料juicy，一個人食晒成碟都唔覺滯！  🥔牛肉可樂餅外層炸到酥脆，入面係薯蓉同免治牛肉，口感軟滑，仲有少少黑椒味，好惹味！  🍨伯爵茶朱古力芭菲*甜品方面，呢個芭菲超豐富！有白玉、黑糖餅、雲尼拿雪糕、伯爵茶朱古力忌廉、橙味啫喱、粟米片同朱古力脆，每一啖都有唔同口感，伯爵茶味好突出，甜度剛好，完美收尾！  花華嘅拉麵湯底真係做得好好，尤其係蟹湯系列，鮮味爆燈！…查看更多

屯門珀御《花華和食屋》🌸店內天花掛上日式紙傘做裝飾 門前有個日式小庭院⛩️🍁 猶如置身日本的感覺真係啱晒打卡影相📸煮干雞醬油拉麵6.0🍜 $112濃郁嘅醬香湯底 配上麵條口感順滑有彈性 👍🏻濃厚蟹湯拉麵 🍜 $98蟹湯濃而不鹹 加上麵條好掛湯啖啖鮮甜美味😋唐揚雞塊（四件）$23雞塊炸到金黃色 外皮酥脆 內裡軟嫩多汁💛炸雞皮餃子🥟 （五件）$58用雞皮做嘅餃子 唔係想像中油膩 反而更脆口👍🏻伯爵茶朱古力芭菲 $79層層疊材料 色彩豐富嘅芭菲賣相非常吸引每層配搭都衝擊味蕾 香甜軟滑🤎山政小山園抹茶🍵$48抹茶沒有澀味 茶香濃厚💚…查看更多

餐廳門外位置仿如一個日本小庭園，打卡一流🌸用餐環境以淺木色為主，天花的和式傘佈置好靚。餐廳主打拉麵同日式小食、甜品。·͜·♡ 煮干雞醬油拉麵6.0·͜·♡ 干貝蟹白湯拉麵·͜·♡ 唐揚雞塊四件醬油拉麵湯底清澈而且帶有濃郁的雞肉鮮香🐓麵條彈性十足，吸附住湯汁精華🤤配上兩件超鮮嫩的雞肉！肉質鮮嫩多汁，加上粉嫩的豚肉同埋溏心蛋🥚蟹白湯拉麵湯底呈現乳白色，超級濃郁啊！湯頭是由干貝與蟹肉熬製而成🦀散發出海鮮的鮮甜香氣，滑順不油膩。內裡仲有新鮮蟹肉，鮮味UPUP! 兩塊醬油炙燒豬腩叉燒，帶微微煙燻味，半肥瘦啖啖肉～加上紫菜、日本溏心蛋😋另外小食有唐揚雞塊🍗經典的日式炸物，熱辣辣外脆內嫩，點埋沙律醬👅·͜·♡ 山政小山園抹茶刨冰外表好靚的抹茶刨冰🍧抹茶味道濃郁，依個天氣食冰涼刨冰最爽🤩🤩面層仲有奶蓋，加上旁邊的黑糖、抹茶味蕨餅同煙韌丸子🍡·͜·♡ 雪糕抹茶鮮奶·͜·♡ 雪糕北海道紅豆抹茶鮮奶抹茶香味和奶香融為一體🥰口感滑順，加上抹茶雪糕～甜度剛好🍵🌸花華和食屋依家仲有會員儲分制 消費滿$100蚊儲 1分，儲滿10分 下次消費可以減$100…查看更多

花華和食屋好有日本風 🌸餐廳外庭園設計，天花掛滿和風紙傘～🍵山政小山園抹茶 $48🍜煮干雞醬油拉麵6.0 $112呢款熟成拉麵係醬油湯底，清澈順喉嘅味道，雞卷嫩滑，糖心蛋掌握得啱啱好🥚🍜干貝蟹白湯拉麵 $108湯底乳白色，蟹肉同蟹膏蓋面🦀幼條拉麵質感配合蟹湯鮮而細緻的口感 飲落去好鮮甜，叉燒大大塊，有厚度🥟炸雞皮餃子 $58外面炸得好脆，咬落去食到好飽滿嘅餃子餡🍘牛肉可樂餅 $19🍧山政小山園抹茶刨冰 $79估唔到拉麵店都可以有咁出色嘅甜品座冰山包裹着抹茶雪糕，外邊圍着黑糖蕨餅、抹茶蕨餅、白玉，而上面仲有層芝士奶蓋餐廳依家仲有會員儲分制消費滿$100蚊儲 1分，儲滿10分消費可以減$100…查看更多

花華和食屋餐廳外面既庭園設計，好有特色，入面以好日本傘做裝飾，好有日本風！干貝蟹白湯拉麵湯底乳白色，好濃郁，飲落去好有蟹味，叉燒都大塊，而且又有厚度。煮干雞醬油拉麵6.0呢款拉麵係醬油湯底，幾好飲，雞肉嫩滑，又有溏心蛋。炸雞皮餃子炸雞皮餃子外面炸得好脆，咬落去食到好飽滿嘅餃子餡。伯爵茶朱古力芭菲呢個伯爵茶朱古力芭菲造型好靚，有好多層，好豐富，樣樣都好食。雪糕北海道紅豆抹茶鮮奶佢嘅抹茶味好濃，好好飲，紅豆煮得好腍。…查看更多

【食評】屯北拉麵新嘗試 合格有餘3⭐️合格 5⭐️滿分環境 ⭐️⭐️⭐️⭐️  味道 ⭐️⭐️⭐️ ⭐️  價錢 ⭐️⭐️⭐️▌煮干雞醬油拉麵 $112湯底醬油同木魚味幾出，但雞味就爭啲麵條煮得幾彈牙，份量都OK最正係塊叉燒，大塊得嚟超淋身雞叉燒滑到難以置信（可惜無得單叫！）雲吞餡料飽滿，隻蛋就正常記住問店員拎黑椒 加咗即刻多左個層次整體麵量與配料份量十足，雖未達驚艷但絕對誠意可嘉。特別個塊雞叉燒值得再食…查看更多

之前食過幾次都覺得好味，間中都會黎食下，特別係有推出限定拉麵時睇IG最近轉左自家製麵，第一次食今次食左煮干鯖魚白湯，濃厚魚湯鮮味，個湯係有魚肉渣既，朋友話呢種叫水泥系拉麵？而家呢個自家製全粒高水麵真係出色過之前，口感好好又滑，唔會好快淋最後食埋甜品，伯爵茶朱古力巴菲，D伯爵茶cream唔會好甜，平衡返個雲尼拿雪糕，滿足！最近見到佢生意開始越來越好都安心D😌👍我地講笑話咁方圓百里都無間咁好既拉麵，都正常既百里即係幾遠😹2，3公里law😹😹 因為紅橋就有道拉麵😹😹…查看更多

屯門日式裝修拉麵屋門口有個小庭園，非常舒服天花掛滿和風紙傘～日本濃厚蟹湯拉麵 💰118 - 蟹湯濃郁到爆，湯底滑順，配上Q彈嘅拉麵，味道真係非常入味煮干雞醬油拉麵💰122 - 醬油味道香濃，雞肉鮮嫩，加上煮得完美嘅蛋唐揚雞塊八件 💰39 - 啖啖滿足，炸得金黃香脆，肉質鮮嫩，搭啲醬汁食宇治金時芭菲💰79 - 層次豐富，抹茶口味好正山政小山園抹茶💰48 - 更加香濃🌸花華和食屋 (屯門)屯門良德街8號珀御地下G06號舖…查看更多

餐廳裝修好有日本🇯🇵風格 模仿日本橋個亭園咁 ⛩️餐廳內有櫻花和風傘做吊飾 店員仲著和服👘好有feel🔷(限定)柚子胡椒煮干清湯拉麵🍜柚子清湯飲落好清新 係自家製既湯底味道 加埋胡椒落湯底又有另一風味 好欣賞慢煮雞叉燒 令到個雞叉燒好嫩滑😋🔷乾貝雞白湯拉麵.自家製麵🍜新推岀既雞白湯拉麵個湯底有種好濃厚既感覺 有元貝既海鮮甜味 飲落亦唔會過咸 可以飲哂成個湯底叉燒有燒過 食落唔會好重油膩感 而自家製麵好有層次感口感岩岩好 溏心蛋個流心入口即溶 好推介😍🔷炸雞皮餃子炸雞皮餃子食唔停口 食落唔會好油膩 好薄既雞皮包住雞肉餡料 酥脆多汁👍🏻🔷唐揚雞塊雞塊外脆內軟 炸粉唔會過厚食落Juicy啖啖肉 加埋檸檬汁好開胃🤤🔷北海道紅豆抹茶鮮奶 / 抹茶鮮奶用左明治牛奶好香濃 紅豆粒好多好足料 抹茶味道唔會太苦澀 🍵🔷Tiramisu 刨冰Tiramisu口味好特別 刨冰配料巨量多 有白玉 黑糖蕨餅 雪糕 仲有咸香十足既奶蓋 味道好驚喜🍨…查看更多

最近發現屯門有間驚喜拉麵店，看似平平無奇，估吾到呢度既湯底好出色，另外仲有抹茶甜品同飲品，全部都系我鐘意食既野！煮干雞醬油拉麵 $112熟成醬油味香濃而且有層次感，可以選擇多油或少油。麵質幾煙韌，入面有慢煮雞肉、慢煮佐賀豬叉燒、雞肝醬雲吞、溏心蛋等配料，配料夠豐富！干貝蟹白湯拉麵 $108呢度主打蟹湯拉麵，所以叫左一碗干貝蟹白湯。呢碗既湯底有啖啖松葉蟹肉、蟹膏，有少少燒香過既蟹香味，因為太好味，我成碗湯都飲哂！雪糕北海道紅豆抹茶鮮奶 $49呢杯系my favourite！雪糕可以揀雲呢拿或者抹茶味。攪勻左之後抹茶味好香濃，加上抹茶雪糕，令飲品變得更傑身，奶味更重。雞皮餃子 $58雞皮取代餃子皮，包住雞肉，雞皮餃子煎得好脆！牛肉可樂餅 $16外脆內軟既可樂餅，免治牛肉碎配薯蓉，口感都幾滑。粟子Tiramisu 芭菲 $79一杯好豐富既芭菲！上面有咖啡味雪糕、黑糖蕨餅、白玉，中層有粟米片、朱古力脆米同栗子Tiramisu cream，底下系咖啡啫喱。整體咖啡味較重。…查看更多

唔講唔知係拉麵店！\ 花華和食屋 / 經過個店面咁靚，以為純打卡原來係一間拉麵店🍜門口會經過一條花路先入到餐廳入到餐廳嘅裝修都非常之華麗以為自己去咗日本餐廳咁🍜濃厚蟹湯拉麵湯底味道濃厚，亦唔會太鹹，會有蟹膏同蟹肉配搭番個湯底👍🏻🍜干貝蟹白湯拉麵湯底會較為濃郁，好有鮮甜味，叉燒有燒過，唔會肥淋淋，肥瘦適中，入口即溶👍🏻雖然呢間店主打拉麵，但飲品同甜品都非常出色💖🍵抹茶鮮奶雪糕抹茶味好重，但溝埋鮮奶會中和返，唔會有苦澀味🍵宇治金時芭菲頂部有抹茶花形嘅餅，仲有紅豆、白、抹茶蕨餅、抹茶雪、抹茶忌廉、抹茶啫喱，抹茶控一定唔可以錯過！😋🍧 山政小山園抹茶刨冰地道日式嘅刨冰，非常足料，每一啖都食到抹茶嘅味道，身為冰控既我一定唔會錯過！…查看更多