花甲年華

營業中

休息中

真心問花甲粉冇花甲仲算唔算係花甲粉？ 會唔會漏得太過分呀？ 番到屋企打開摷均乜花甲都冇唔通我又老遠番去問佢拎番？真心嬲！而家變左一碗魚片米線！可唔可以補償番俾我呀？

花甲粉算係近幾年興起嘅美食唔少food court 都進駐咗呢間花甲年華去food court除咗食peppxx luxxx，仲可以多個選擇啦叫咗個豆腐花甲粉絲要蕃茄湯底加辣不得不說蕃茄湯底加辣真係好出色～～豆腐索咗湯底一咬落去爆湯大滿足花甲雖然唔大粒但分量算多所以都食得好開心粉絲又係索湯之選，不過會偏飽，女仔未必食得晒另外有叫埋蒜泥白肉，睇個樣都幾瘦，好彩食落都okay，個汁調得唔錯算係補返數，但都係譚X好食啲啲～

走進食評界嘅迷宮，我今日終於搵到食物嘅寶藏👑啦！這家食店嘅招牌花甲粉（中辣）真係食得出勁功夫，先講個湯底吧，辣得嚟唔會過火，啖啖吸收晒海底嘅鮮味🌊。花甲呢，雖然唔大只，但每一啖都肉厚多汁，即叫即現撈，脆口得嚟鮮甜，少咗啲海味咁醜態！蒜香撲鼻，令人一瞬間就忍唔住嗲咗起幾啖，實在太惹味😋！而家，講吓啲配角 -- 芝士腸同蓮藕肉餅啦！芝士腸喺辣湯嘅刺激之下，變成另一種平衡嘅美味，牙口感覺上嚟腸腸滑滑，味道偏鹹，增加咗粉絲嘅層次。至於蓮藕肉餅，呢部分真係意想不到嘅配搭🤟，親，蓮藕嗰種清脆溜，加埋肉嘅鮮美，真係一絕！最後，呢碗香辣花甲粉，爽口又開胃，重溫經典滋味嘅同時，又引發咗新嘅感觸。細節處理得宜，讓人期待下一次嘅冒險。真係忍唔住想對老板大喊：食得好好呀✨！

本來唔想評論，但已經睇到樓下師兄話外賣速遞講個湯唔夠，唸住親身去現場買，點知一樣少湯，去到Counter前當面已經講到明要多湯，無反應算啦！之後點完後比錢前又重新講一次要多湯，又係無反應，唸住佢聽到有落order要多湯，點知……….

167元叫外賣送黎，湯嚴重不足，上呢次外賣第2次，想說上次可能剛好不小心給少了，再試一次，還是一樣，已經夾走緊d 還是看不到有湯，湯是很貴嗎？還是滯水了，我是在吃撈面嗎？

係屯門市廣場既美食廣場Foodmaze ，入面有好多間不同檔口，如果中意食花甲既話，推介哩間 ❤️花甲年華❤️🫶🏻🫶🏻 鮮甜花甲粉 - 用瓦煲同錫紙出餐，哩個賣相已經好吸引，一打開錫紙，D 蒸氣湧出泥，裏面都幾多花甲，最重要係無沙😍😍，湯都不錯，如果多d蒜蓉就仲好🥰🥰套餐包埋飲品

呢排天氣咁熱🥵，又成日落雨⛈️，放假都會揀行商場🛍️，全日涼冷氣❄️。今次嚟到 #屯門 市中心，原來大商場都有平民價💰嘅嘢食，今次就試下一間主打花甲🦪嘅餐廳，試下正唔正啦！我哋嗌咗🔴微辣蕃茄湯珍寶豚肉花甲粉絲($66)、🔵微香辣湯鮮甜花甲粉絲+招牌焗錫紙花甲($98)、同埋🟢招牌焗蠔($75)。繁忙時間嚟到food court，都要落足眼力👀先搵到位，加上舖頭多單，所以都等得耐⏱️。鮮甜花甲粉絲🌟🌟🌟微香辣湯飲落有好香嘅花椒麻味🥵，不過太過辣🌶️喇，掩蓋咗其他味道。蜆🦪嘅份量唔錯，而且味道鮮甜😋，不過比較細隻同瘦削🤨。粉絲🍜煮得太腍，口感比較散，如果用蒸♨️，相信口感會正好多。珍寶豚肉花甲粉絲🌟🌟🌟微辣蕃茄湯🍅飲落味道自然，有濃蒜蓉味🧄，淡淡嘅酸甜味，加埋適中嘅辣度🌶️，唔錯😛。蜆肉同粉絲都同上一碗差唔多🧐。豚肉🐷幾正，係大大塊嘅五花肉，加埋湯底蒜香味🧄，有蒜泥白肉嘅感覺，而且份量多，好滿足😋！招牌焗錫紙花甲🌟🌟🌟🌟蜆肉🦪配埋蒜蓉🧄真係冇得輸！湯底淡淡哋，可以帶出蜆肉嘅鮮甜😋。同樣係如果用蒸，味道會更加融合，更加正😉。招牌焗蠔🌟🌟🌟🌟望落賣相非常吸引😍，大大隻嘅焗蠔🦪，上面鋪埋炸蒜油🧄，超邪惡啊！一

人氣屯門市廣場Food Court食肆！見到好多人都幫襯呢間餐廳，主打錫紙鍋花甲，非常保溫，都幾特別，價錢都相宜。無骨魚片花甲粉絲$65- 套餐包埋飲品，有紙包或者樽裝飲品選擇。打開錫紙，香味撲鼻而至。可惜粉絲份量偏少。豬骨湯底好重蒜頭香味，見到湯入面有大量蒜蓉，不過都幾多油同埋幾鹹，所以要飲返多啲水解渴。花甲同魚片唔腥，爽滑彈牙，唔會食到有沙，唔錯。下次有機會可以試吓米線睇吓會唔會飽啲。

屯門市廣場 Food court 裝修之後坐得舒服好多 今日行過試吓間花甲粉 假日中午11點半就開門一開門啲人就排隊入去 Food court 環境舒適，有卡位, 冷氣夠凍Menu 試咗個肥牛花甲粉用煲仔加錫紙上都幾多喎花甲wo!!! 有成10粒!肥牛都有五件以上!! 花甲數量都幾多，幾惹味配料仲有少量金菇美中不足嘅地方係，粉絲份量唔係太多 下次食可能要加底同埋粉絲唔夠爽口同元朗冇品牌嘅花甲粉比，都仲有一段距離，不過勝在環境夠舒適，好足料！推介指數: 味道:環境: 抵食:

去food court食野 見到勁多人都食呢間所以duckduck就貪得意走去試下近期好hit既花甲粉💓🐥 花甲年華 🐥<肥牛花甲粉>啲花甲好細 食完唔知食左乜咁又細又唔肥又唔鮮甜😩啲殼重有啲碎咗 好易𠝹到男友疑似俾碎殼𠝹到咀流血🩸(當然佢都幾唔小心🥲但唔排除都有唔小心嘅朋友仔遇到一樣嘅情況)而肥牛正正常常 都有幾塊算係咁🐥🐥揀左辣湯 小辣唔夠辣又唔夠濃味😭完全唔夠惹味真係幾失望💰$68.__. .__. .__.🐥🐥🐥.__. .__. .__.總結: 不推薦環境：/5服務態度：/5食物質素：🐥🐥/5 性價比：🐥🐥🐣/5 回頭率：/5

花甲年華位於屯門屯順街1號屯門市廣場一期2樓2253A號舖Food Maze, 這小店位於 Food Maze入口附近, 搶眼非常. Food Maze 裏有各國美食, 應有盡有, 如一家人裏只有一位成員愛吃辣, 這裏便是最合適的用餐地點了! 食物方面, 見不少人也喜歡點花甲年華的花甲粉, 但我個人更喜愛它的爆炒干煱, 光顧過兩次的我, 一次點 G2 川味辣子雞干鍋配白飯, 一次是 G4 肥腸花甲干鍋配白飯. 干鍋裏用鍚紙包著一大包美食, 點雞時肉是多一點的, 點肥腸時則是少一點, 說實在主菜的肉份量不是太多, 花甲亦不是很多, 但重點是一大包辣椒, 內有洋蔥大蔥等, 味道香噴噴, 火辣辣, 惹味極了!

今日又黎屯市既food count食飯，早排黎食見老友係呢間花甲年華食花甲粉好似幾正，今日就黎試試，黎到已經見到有幾個人係度睇緊餐牌，都幾旺場。睇下餐牌，開頭唔見花甲粉個餐牌以為轉左，得d飯類，落完單先見到d粉麵餐牌擺左係另一邊，所以今日食飯類。豬大腸花甲雞煲配飯揀呢味有3樣野食，先講講配料主要都係辣椒洋蔥蒜，辣椒落得好多，應該係現成來貨野無得揀辣度，怕辣既朋友要留意下，豬大腸切得比較細，算正常，花甲黎講細隻左d，一般蜆咁上下大細，雞黎講都算ok滑，呢個餐主要係食辣味，辣度我估屬中辣水平，量黎講算正常份量，飯質量都正常唔會太濕或太硬，跟餐都有盒紙包飲品。食晒d肉剩返d配料都有咁多，超多辣椒。整體黎講都幾唔錯，下次可試返花甲粉，小食價錢都不算貴，可以返食。

今日行完山諗住去食下午茶，喺Hysan foodcourt揀咗呢間花甲粉。兩個人叫咗兩個主食（水煮牛肉花甲粉絲，胡椒湯肉餅粉絲），同埋兩個餸（孜然茄子，同埋醉豬手）。整體黎講，味道同份量我都滿意。水煮牛肉嘅湯底我揀咗微辣，我唔係好食得辣都食到，同埋個麻味好出。花甲有10+隻，肥牛金菇份量都算多。另一碗粉絲湯嘅胡椒湯底味道唔錯。茄子正常發揮，醉豬手比較滿意。特別一讚，今日同事見我拎好多野，主動幫我送餐去我張枱，很helpful。下次會再幫襯

屯門市中心Food Maze雲集各方美食，但每次黎都會見到好多人會食花甲粉，終於有機會同老公食。🍜胡椒豬肚雞花甲米線職員話胡椒豬肚湯係當日新鮮煲，係可以放心，成個湯飲落肚。的確呢個湯底真心好正！胡椒味好濃郁，而且有清甜紅蘿蔔粟米等。雖然花甲係賣點，但由於花甲細隻咗啲，完全比湯底嘅出色蓋過風頭。而且份量非常之多，兩個女仔分享都冇問題。🍆加$20 就有燒茄子 唔算貴，蒜蓉孜然味非常重👍🏻👍🏻

係food court見好多人食呢間，就去試下。個花甲粉香就真係好香，個賣相好啱打咭，但朋友話叫左微辣都好辣，而且d花甲真係好細粒。燒生蠔無咩特別，試一次就可以了。