210
0
4
| 餐廳: | 花楽 (北京道1號) |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
營業時間
今日營業
11:30 - 23:00
星期一至日
11:30 - 23:00
*Lunch Menu 供應時間: 11:30-15:30 (Last Order: 15:30)
Tea Set 供應時間: 14:30-17:00 (Last Order: 15:15)
晚市供應時間: 18:00-23:00 (Last Order: 22:30)
Drink Menu 供應時間: 全日供應
最後落單時間: 22:30
以上資料只供參考, 請與餐廳確認詳情
有關獎賞計劃
優惠
| 餐廳: | 花楽 (北京道1號) |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
今日老公帶左去北京道1號間日式餐廳high tea，入去就見到個無敵大海景，而個high tea set有好多嘢食，主要係日式。High tea set以熱氣球為主題，金色框架加上綠葉同蝴蝶做裝飾，童真得黎又有少女心，超級超級靚，非常吸引。而甜品塔就係透明金邊，好精緻，每枱客人都在打卡。熱氣球：頂兩層有巴馬火腿芝士卷同忌廉芝士鰻魚，入口充滿芝士味道。中層有兩款刺身，拖羅厚切有口感帶薄薄油脂，甜蝦又甜又大隻。底層有三款，時令海膽鮮甜夠味，吞拿魚蓉蟹肉最中餅好好食，火灸粟米沙律嘅粟米燒得夠香，沙律爽口清新，整體刺身有質素，熱氣球食物配搭都唔錯。咸點：有三款唔同咸點，三文魚刺身大塊肥美，鱈魚乾仲係熱，非常脆口，點埋沙律醬仲好味，而日式炸蟹鉗同樣都係熱食，呢個就比較香口。甜品塔：頂層有櫻花水信玄餅，好似水晶球一樣，賣相夠靚無得輸，加少少蜜糖已經OK。日本和菓子有5小粒，外皮咬落煙煙韌韌，其中有豆沙蓉、咖啡蓉、櫻花蓉同蜜瓜蓉等味道，整體甜度剛好。中層有芝士蛋糕，口感厚實，幾滑。另外綠茶味蛋捲綠茶味超濃，有綠茶苦澀味道，好好味。而士多啤梨蛋捲味道正常，唔太甜。底層時令水果有哈蜜瓜、青提同士多啤梨，三款甜度都可以。檸檬馬黛茶：清清淡淡，檸檬味唔會太重，茶味亦唔會澀或太濃，加少少蜜糖調味，幾好。
繼續閱讀
花樂燒賣甲羅燒($218)，擺盤好靚，甲羅燒有將蟹肉、蟹膏、海膽、蛋黃、三文魚籽mix埋一齊，然後放上法包黎食，香味濃郁，燒賣既綠色皮係用左食用皮製成的，口感帶少許煙韌，包住蟹肉絲，成件放入口好滿足，海葡萄爽口味淡，可以將醋汁攪拌來食。花樂六味真蠔($268)，層遞式擺設盡顯食材高級，柚子伴日本蠔、三杯酢啫喱蠔、芝士焗蠔、蒜蓉焗蠔、天婦羅蠔、岩鹽蠔，兩款蠔係刺身食法，口感creamy幼滑飽滿，其他煮熟既蠔size會縮左，但用左不同配料煮法，味道各有所長，蒜蓉味最突出。吞拿魚壽司盛合($208)，一次過有齊大拖羅、中拖羅、赤身，吞拿魚控既我睇見已流口水，油脂最高必然係大拖羅，入口即溶，但會有較多筋，赤身油脂唔高，而且吞拿魚既鮮味最出。雲丹仲買人魚生卷($198)，價錢較貴，但餡料用左幾款不同即刺身魚，加上頂層爆滿既海膽，和用混布包住飯卷，這樣既配搭價錢貴一d都係應該的。免治雞肉軟骨棒($58)，軟骨棒因為經燒過煮熟，肉汁或多或少流失少少，附有月見汁，可令雞肉棒juice，而且軟骨釀入雞肉棒中每一啖都咬到粒粒口感。厚切牛舌($58)，用左牛舌芯，肉質會嫩滑一d，而且咀嚼時會感覺到更加彈牙有口感。
繼續閱讀
地點非常方便就係位於尖沙咀北京道1號，踏入餐廳就見到無敵大海景，夜景真係眼前一亮，同朋友邊食飯邊傾偈，真係非常舒服，仲要係睇到維港嘅景色，餐廳非常有情調，用好多花花嘅佈置來裝飾吞拿魚壽司盛盒$208大拖羅，中拖羅同埋赤身，最肥美當然係大拖羅脂肪分布好像雪花一樣，顏色較為偏白，有入口即溶嘅感覺，赤身係吞拿魚嘅背部位置，所以脂肪含量都唔多，肉質較為結實有咬口 ，兩款我都非常喜歡松葉蟹肉海膽甲羅燒石鍋飯$238石鍋飯帶有飯焦嘅焦香，又夠香脆，又有口感，非常多嘅松葉蟹肉同埋海膽，每一啖都非常豐富，攪拌後一齊食味道仲好鮮甜，夠晒味道，非常滿意羊架兩件$136羊架份量相當多，入口唔會太油膩，肉質鮮嫩，厚度適中又夠多汁肉味濃郁，唔會有so 味，燒到剛剛好，令人食慾大增中華風燒賣壽司四件$118賣相非常似燒賣，用咗蒸籠來上枱，上面放有一些蟹子，然後用紙包住，而入面係吞拿魚蓉嘅壽司，味道鮮甜，入口即溶嘅魚蓉，夠晒特別，係吞拿魚嘅fusion 菜，好似係食緊非常大件嘅吞拿魚軍艦，啱晒打卡嘅朋友
繼續閱讀
寶貝生日出佐去尖沙咀北京道high tea,以花花燈飾設計嘅日本居酒居,景觀開揚,可以望住文化中心天星碼頭海景😍🏵️花樂熱氣球~天空之森(二人下午茶套餐)飲品我哋揀咗杏仁焦糖薰紅茶,套茶具好elegant,飲落去個味幾香,奉上蜜糖,方便喜愛甜可加入茶中🫖🍄餐前先來三款咸點小食燒鱈魚乾香口配上日式沙律醬,更滋味,炸蟹鉗金黃香脆,三文魚刺身厚切,油脂分佈平均😘🌹主角熱氣球時令海膽,,色澤金黃,濃郁鮮甜,嫩滑細緻😋拖羅,油甘魚,入口油脂豐富,好鮮味！甜蝦鮮甜彈牙又爽口😋 巴馬火腿芝士卷,火炙粟米沙律甜而清新！吞拿魚蓉配上小撻仔,味道好夾。雜錦魚生卷有2款魚生卷,都好特別！🌸甜品放入好似玻璃首飾櫃入面好靚,一層層好吸引,有櫻花水信玄餅、日本和菓子(整得好 精緻,味道唔會太甜,軟軟的好好味)日本蛋捲,芝士蛋糕,蛋捲都好鬆軟,芝士餅香滑濃郁,生果有新鮮香甜哈密瓜,士 多啤梨同香印提子。熱氣球籠及玻璃櫃全部以花花蝴蝶裝飾,,食物精緻好靚又好味,打卡一流📸係度high Tea真係好好relax！
繼續閱讀
愛美是人的天性，有人追求樣貌美，衣著美，而我覺得心情靚最重要。今日去食下午茶，太開心❤了，真係享受左一個靚爆鏡嘅下晝。北京道1號有好多食肆， 大門口裝修非常省鏡，雖然已經過左春節好耐，但係喜慶嘅裝修依然未拆，大紅福字同燈籠將整個環境裝點得喜氣洋洋，令人心情開朗。🥳🥳 一條好長好高嘅扶手電梯帶你去到輝煌大堂，🎢只見大堂樓底超高 ，裝飾新穎，簡單得來又不失氣派，高貴而且帶有青春的活力。搭電梯上到8樓，一個花花世界展現眼前，【花樂】就是我們今日下午茶的餐廳 ，餐廳非常光猛闊落，大片玻璃窗對正文化中心，前面就係1881商場，隔離係YMCA，右邊係天星碼頭，👀望哂整個維多利亞海港🏞，這裡真是最好的打卡點。餐廳名叫【花樂】，LOGO就係有一朵花，🌸門口的裝飾別具日本特色，粉紅色的字樣帶出溫暖的感覺，天花和墻身都是花葉裝飾，圓柱形的大酒埕給人豐足富裕的踏實感，一排蘆葦桿分隔了門口和餐廳的區域，又多了一種環保原始的自然美。🪺🍀🍁今日的下午茶非常豐富，淨係睇餐牌就已經可以開心半日，內容豐富度超出我的想像力。第一個呈上是生鮮食物熱氣球，分開幾層放食物，裝飾用了不同的鮮花為食物扮靚，第二個是各式甜品水果的晶瑩通透玻璃櫃，第三個是鹹點盆。一個美食與鮮花融合的下午茶正式開始。🥁🥁前奏曲🎼🎵🎶🎹藍莓果粒茶在漂亮的瓷具中發出誘人氣味，紫藍色的茶在潔白的茶杯裡呈現高貴的美感。主題（一）鮮生組合先清後濃，先鹹後甜是飲食的規律，我們從沙律開始：微微炙焦的粟米，清香多汁，香醋沙律開啟了期待的味蕾。時令海膽，拖羅，油甘魚🐠，甜蝦，盈油光亮，鮮甜可口，配一朵黃菊花，吸睛之作。👀🌼巴馬🐴火腿芝士卷，豐年的巴馬火腿，卷起濃香軟糯的芝士，吃在嘴👄裡，香味久久不散。磯之雪雜錦魚🐠生卷，用海苔卷著魚生片，與壽司🍣飯共融出和諧的美味。主題（二）鹹點組合厚切三文魚🐠，紅白相間的三文魚片，點上芥末醬油，就得到滿足幸福的感覺。日式炸蟹鉗，和港式炸蟹鉗不同，金黃的外表，雪白的蟹肉，外脆內嫩，蟹香揚溢，點些醬汁更是錦上添花。鱈魚🐠干，淺褐色的鱈魚干貌不驚人，味道卻是出奇的鮮香，從第一片吃到最後一片沒有停頓。😂🫣主題（三）甜品水果櫻花水信玄餅最漂亮，一朵粉紅色的璀璨櫻花🌸，綻放在水晶體的糕餅中，令人愛不惜手，不想破壞了美麗的容貌。🌸🌸🌸🌸🌸芝士蛋糕🎂和芝士蛋卷，一朵鮮紅的玫瑰🌹，放在雪白的芝士蛋糕旁，紅白互相輝映 ，簡直是一幅最美的圖畫。鮮紅草莓🍓，甜到漏的哈蜜瓜🍈，晶瑩剔透的波波提子🫒🫒，碟豆花，月季🌹花，菊花等再組成另一幅圖畫，令靚到爆表的下午茶更加完美。有點遺憾的是，不能把全部靚相上載 ，美麗的畫面自能自己欣賞。😂😂
繼續閱讀