花月居酒屋

營業中

休息中

此店工作人員態度其差，大聲疾呼客人，特別門口收錢個位服務員，對客人極不禮貌。環境不衞生、裝修舊仲有小強🪳爬來爬去，被嚇一跳！食物亦一般般，不用花錢去試，不會有太大驚喜。

女待應態度十分差，呼喝客人，特別門口收錢老闆娘，我食食下午餐，突然好大力拿起張椅子撞落我枱，嚇我一跳，對不起都唔講一聲。環境不衛生，有小強🪳四圍爬，下次一定唔會再去。

The waitress was rude. I ordered some sushi and yakisoba for dinner. The food was great but it was damn dirty. The waitress dipped her fingers into the sauce to get a dead cockroach out and brought it to our table like we didn't see what she did. We asked for an exchange but she refused. She couldn't speak English and her Cantonese was bad. She started yelling at us in I believe Japanese afterwards, then talked to other customers so they pity her. She was absolutely DISGUSTING.  The flavour of t

尖沙咀返工人士必試。每次來到呢間居酒屋，都係必叫壽喜燒。壽喜燒牛肉鍋$86一set有配飯，小菜，味增湯，幾抵食。牛肉份量都多，配菜有豆腐、香菇、芋絲等等，性價比高。

其實幫襯咗花月已經好多年，通常都係同朋友食晚市，講真你話好好食又未至於，但一定無乜嘢係伏。每樣嘢食都水準內，價錢都合理。食物種類都多，刺身壽司天婦羅炸物串燒鍋物都有👍每次都會叫玉子燒同炸雞軟骨，串燒嘅話牛舌唔算大份，但燒得幾好，唔會太咸太乾。餐廳裝修雖然唔算新不過都坐得舒服燈光偏暗好啱同fd食嘢吹水，唔會有趕客feel，入座仲有熱毛巾俾你抹下手。希望介紹到多啲人去啦，如普通食下飯真係一個唔錯嘅選擇。

一個人去搵午餐食，諗起成日見到好大個banner嘅呢間居酒屋，就去睇吓有咩食，呢個商場好少人來覓食。午餐款式有好多款，令人難以決定丼飯、熟食定食、扒、刺身、烏冬、壽司、天婦羅、蕎麥麵都有。午餐時段人數不多叫咗牛肉烏冬配三色刺身 $98menu上寫著&日式炸雞 &日式餃子我問店員係咪兩樣都有，佢答我只有芝麻雞翼，所以我都係唔清楚本身係咪兩樣都有牛肉烏冬有3塊牛肉左右啦，牛肉幾彈牙、香牛味，應該都唔係太廉價嘅牛肉吧芝麻雞翼幾脆，味道普通3色刺身，三文魚、北寄貝、蝦各一件，一般吧不太鮮味食完好似唔係太飽，另外店員服務一般

朋友鍾意食日本嘢, 就book咗呢間居酒屋試下。用餐當日係平日晚上大約8點, 入到去見餐廳完全無人 環境中上, 枱與枱之間距離可接受。食物方面選擇種類頗多, 而且全部新鮮即整, 所以熱辣辣, 價錢亦合理, 唯上菜頗慢。可是, 職員態度影響整個光顧經驗。一位操流利普通話侍應落單, 溝通上不方便, 每個item我哋都要重覆幾次。雖然有confirm我哋order, 但都係手寫落錯單, 而且嚟錯食物後, 態度頗差, 不肯退換, 最終由老闆娘吩咐侍應幫我哋更換。

完全無service 可言叫左2支sake, 就咁放低支酒就走左去點解個waiter 講普通話, 廣東話同日本都唔識落order 都聽唔明, 要講幾次先落到單d 野食又貴又唔好食我食和民好過佢

食左幾年以前有個靚女阿儀有禮貌又好好介紹魚生師傅手勢一流，都係會介紹合時新鮮飛機貨由一開始同朋友談天說地既有質素居酒屋同今時今日既聽到大大聲發財一定中就知出左事六人晚餐，先叫6隻蠔，一人一粒先，打算好食再叫，大家一齊放入口，腥臭仲要加碎冰向底，叫左個雜錦壽司，只食到濃濃醋味，魚生全部唔新鮮，望左師傅位置好耐，冇人企向到，切魚生竟然係一路負責落單既日本人老闆娘，omg串燒正常，鹽燒三文魚正常，但基本野都好難會難食。好彩叫野慢，唔再加點啦，k.o. 左支清酒已經打算埋單走下場冇咁嬲。濃烈北京口音既姐姐冇禮貌日本人老闆娘同佢講d 蠔唔得冇反應再會了永遠唔會再幫襯

冇呃你，呢度真係成個定食嘅全部！平時好少有得出街食lunch，見同事話試下呢間日本嘢，咪一齊去食啦，坐低叫咗呢個價值$128嘅手握壽司定食，諗住點都會有幾款唔同嘅壽司食下，點知等了又等，等咗差不多半個鐘，有同事都已經食完，我呢份咁嘅「手握壽司」先嚟，佢放低我一望，唔係呀嘛，得嗰4舊壽司，仲要係三文魚同x魚（驚寫錯），其中一塊係全筋咬唔到嘅，再加一舊卷唔到三角形嘅三文魚手卷（塊紫菜係林嘅），一碗麵豉湯，$128就係咁樣，堅係勁嬲！呢幅相係佢一放低，我乜都冇掂過嘅情況之下影嘅😤個侍應到我地食完執枱時自己話，因為今日個壽司師傅放假，呢個係替工，所以啲壽司整得冇咁靚，我反映返呢個完全唔係整得靚唔靚個問題，係本身呢一個餐嘅壽司款式嘅問題，佢話不嬲都係呢啲款式喎，我覺得根本冇可能囉！！我平時都冇寫過食評，今次決定要寫我第一篇嘢，就知我真係有幾嬲😤

因為遲左book，平安夜晚好多地方都無位但呢到比我地攝到個位，大滿足！餐廳有個唔起眼既入口，但一入門口就好似去左另一個環境咁密密麻麻既menu寫滿牆身，中間仲有電視播放日本電視台節目仿佛去左啲日本小店咁🗾聖誕節無加價，價錢合理，而且種類好多，刺身串燒天婦羅🍤麵食同鍋物都有，仲有自家制梅酒🥃即刻叫番杯試試，口味偏甜，會令人唔覺唔覺就似哂😂食身方面都中規中矩，試左壽喜鍋、串燒，冷烏冬、天婦羅其中串燒白鰻好白好好味，燒到脆口但入面仲好滑！唯一有樣意見就係店內通風麻麻，有陣油煙味

🇭🇰花月居酒屋·壽喜牛肉野菜鍋$83次次入到黎呢間居酒屋聞到佢浸壽喜燒味都會想食呢個 不過其實佢午市定食超多選擇既 我之前食過佢個花月定食都唔錯😈😈佢個湯底甜甜地咁 幾好食既 而且佢入面超多牛肉同野菜 整體水準都唔錯😎不過如果壽喜燒既話我覺得附近既龍驤再好食D 佢D菜甜D 而且個湯有層次D 不過呢間就平D 而且佢有雪米糍食 開心😍😍📍尖沙咀尖東加連威老道96號希爾頓大廈1樓2A號舖

係尖沙咀同朋友去食飯search到呢間花月 見好評OK就走去食叫咗碟刺身 未見過海膽係彈牙 用筷子界唔開刺身好唔新鮮第一次食海膽要同朋友講「可唔可以幫我扯一扯舊海膽」吉列豬排都一般般基本幾款小食上 冇一樣係有水準的即使係串燒都好一般 叫咗牛舌串 食起來有雪味仲要口感好韌好似食緊柴咁口感極差4個人各一杯酒+刺身盤+6、7款小食 埋單2000 仲衰過食爭鮮服務上都係一般有一位識日文嘅同一位靜係識得講普通話嘅阿姐呢個價位食放題都好過食呢間不會再有下次

唔知有幾多年無食過呢間屋酒屋，可能有三四年吧，時間真係過得好快。12:30嚟到都坐咗2／3, 都幾多人，午餐選擇好多好多，綠色menu 主要係炸物我麻麻，同事要咗個天婦羅配湯烏冬98蚊，我就睇另一個menu , 有26個選擇😅, 真心多，好彩我無選擇困難症，好快揀咗個燒雞扒70蚊。天婦羅先到，賣相都唔錯，壽司五件， 天婦羅同事話炸得一般，用料都相對經濟，唔係用日本南瓜。我個定食好快都有👍，雞扒都燒得幾靚，個面微脆嘅，不過就有少少雪味，個燒汁都麻麻，唔特別香。職員廣東話麻麻，睇唔出係邊個國家嘅人。埋單只收現金，有少少唔方便🙄。

早排同事生日，諗住去食好啲，就去咗另一位同事介紹嘅「花月居酒屋」，佢話呢道嘅套餐唔錯，而且午市有九折。餐牌上主要有刺身丼、定食同埋鍋物，因為餐廳冷氣都開得幾大，有啲凍，所以想食啲熱辣辣嘅嘢暖下肚，就嗌咗個「壽喜牛肉野菜鍋」。壽喜燒好快有得食，熱辣辣之餘，材料亦非常充足，除咗牛肉，仲有冬菇、豆腐、黃芽白、金菇、芋絲同埋一隻生雞蛋。另外跟餐會有一碗白飯同味噌湯。飯後仲有雪米糍個甜品，埋單折埋等於免加一，等天氣凍可以再嚟食。