78
3
1
港鐵尖沙咀/尖東站 P3 出口, 步行約6分鐘 繼續閱讀
電話號碼
27230890
64489462 (Whatsapp)
營業時間
今日營業
11:00-15:00
18:00-23:00
星期一至日
11:00-15:00
18:00-23:00
付款方式
Visa Master 現金 銀聯
座位數目
50
其他資料
電話訂座
加一服務費
食評 (84)
風花說月 焦點食評
等級4 2017-09-16
1021 瀏覽
今個月最難捱的日子,最終在樣樣衰衰的情況下渡過,既然無穿無爛,好好歹歹也要慶祝一番。這間位於尖東的居酒屋,地點便利,只是它藏身的位置有點不顯眼,所以人流較少。我們也樂得可以慢慢坐、慢慢吃、慢慢傾,輕輕鬆鬆無壓力。餐廳空間感足,毫不焗促,裝修洋溢濃濃的日本風情,四處又擺放了各式酒瓶、東洋飾物,挺有氣氛。下班後獨自前來喝杯清酒、吃串串燒,也未嘗不是一件樂事。想吃最時令、最新鮮的刺身,當然要請師傅發辦。眼前四點全是店家精心挑選,包括魚($120)、三文魚($75)、伊佐木($180)及黑松露火炙帆立貝($85)。它們擺盤精美,而且表面都閃著一層光澤,品質應該不俗。切得透薄的魚質感柔韌,入口無渣,魚味不算太濃,以紫蘇葉包著吃,更能突顯那份鮮美。厚厚的三文魚腩很受歡迎,瞬間被大家搶清。三文魚魚脂分佈均勻,油香豐腴,十分肥美,放進嘴巴後即能感受那份潤澤,叫人滿足。伊佐木刺身白裏透紅,肉質緊緻且有彈性,略帶嚼勁,輕怡清淡。黑松露火炙帆立貝粒粒飽滿,表面燒得焦香,裏面仍然鮮嫩,配上馥郁的黑松露醬,味道頗重,適宜放到最後才進食。大家可以紫菜卷著刺身同吃,不過未知是否放久了,變得稍稍腍軟。胡麻雞翼($48/2隻)新鮮熱辣送到,咬開時還在不停冒煙,差點把舌頭燙壞了!炸至金黃色的雞翼賣相誘人,外皮酥脆,加上大量的芝麻就更加香惹。雞肉是預期般的嫩滑,而且不會過乾,簡單美味。若嫌太膩,不妨吃點配上的蔬菜,能起平衡作用。黑松露松葉蟹蓋($90)是餐廳招牌菜之一,教人滿心期待。吃時首先將蟹肉等餸料輕輕撈勻,然後舀在鱈魚片上。一試,爽滑的鮮菇片、脆卜卜的蟹籽、陣陣的黑松露香傳遍口腔,可惜松葉蟹肉份量不多,較難發現其蹤影,似乎略有所失。鱈魚片經過烤製,煙煙韌韌又脆口,頗為特別。接著輪到蒲燒鰻魚($128)出場。師傅已將鰻魚切成一片片,方便客人進食,其於面頭再撒點芝麻和紫菜絲,令賣相更美觀。鰻魚沒想像中爽彈,醬料的確惹味,然而單吃的話略嫌稍鹹,配上白飯或烏冬則較適合。個人挺愛碟邊的醃漬蘿蔔,酸酸的很開胃。在好奇心驅使下,喚來沖繩腸仔($58)一試。泛著油光的腸仔個子短小,腸衣脆身不韌,肉餡亦算鬆化,由於混入了黑椒,尤其惹味。不過腸仔鹹度稍高,個人認為以墊底的生菜包著吃較為理想。至於拌上的茄汁和芥末醬,並不匹配,似乎有點畫蛇添足。今晚實在高興,大家也有點意猶未盡,一於再去吃個甜品,讓滿足感無限延續...... 繼續閱讀
(以上食評乃用戶個人意見 , 並不代表OpenRice之觀點。)
巨峰提子汁梳打: 沒有巨峰提子汁味道, 只是很普通而且偏淡的提子汁味道, 外觀與內裏都不太吸引... 鱈場蟹肉沙律: 沙律醬與青瓜絲等配料混合得很融入, 蟹籽和青瓜絲都一樣卜卜脆的, 鱈場蟹啖啖肉, 蟹肉一絲絲的!!! 讚!!! 黑松露帶子: 帶子很巨型肥美的, 經微微輕煎過後, 再配上黑松露, 那股香氣是直撲我們的鼻孔!!! 軟殼蟹天婦羅: 炸得不是很乾身, 吃得滿口都是油!!! 泡菜炒豬肉: 豬肉肉質幼嫩, 熟的程度剛剛好, 配合偏酸的泡菜, 很開胃!!! 碎吞拿魚卷: 對比上面的食物, 這是一道很清淡的卷物,  沒有特別的驚喜... 串燒: 豬大腸燒得外脆內軟, 但豬大腸體積可以切細小一點, 和牛就燒得過熟了, 完全失去入口即溶的口感!!! 繼續閱讀
(以上食評乃用戶個人意見 , 並不代表OpenRice之觀點。)
隱秘日本餐廳 焦點食評
等級4 2017-08-17
782 瀏覽
如果唔係朋友帶路,真係唔知呢個地方有間日本餐廳,佢話鐘意呢間野唔洗等位,食物質素OK,我就當然姑且一試作為一間居酒屋,梗係有番唔少酒提供,吧檯已經有幾支經典野做裝飾,仲可以睇到當日時令刺身今晚主要都係想同朋友傾下計,黎居酒屋就岩晒,有酒同大量佐酒小食,輕鬆的一個晚上巨蜂梳打 ($40)、朝日生啤 ($36)ASAHI用上專用啤酒杯,杯本身已經預先雪凍,店員倒出啤酒跟泡的完美比例凍蕃茄 ($38)夏天總係鐘意食D凍野,凍蕃茄一咬醬汁係口中爆破,十分JUICY,沾上少少鹽黎食,更能夠突出蕃茄味什錦刺身拼盤 ($200)刺身質素都幾高,有石班類的魚太、魷魚、帶子、三文魚腩,全部都好新鮮,食到呢度我已經同友人講「你果然無介紹錯呢間餐廳」雞肝 ($28)、白鰻串燒 ($60)串燒用黎送飲品就最岩,兩款表面都有少少燒焦,帶出獨特的香氣,外脆內軟炸軟殼蟹 ($78)好鐘意食軟殼蟹,可能係因為可以好輕易唔洗去殼就已經食到,懶人恩物 (至少係我 XD),軟殼蟹用炸呢個方式係最襯,簡單得來最食到原汁原味豚肉朝鮮炒泡菜 ($78)雖然呢間係日本餐廳,但竟然出現韓國食品,炒得好惹味又完全唔辣呢間餐廳絕對係傾計好去處,輕鬆環境,又唔會因為多人等位而有壓力要快食快走 繼續閱讀
(以上食評乃用戶個人意見 , 並不代表OpenRice之觀點。)
等級4 2017-08-16
550 瀏覽
位於尖東,唔算難搵,餐廳佈置很有日本味道,比較寧靜。同肥仔去完旅行返黎,今晚要同肥仔食日本野!軟殻蟹沙津$88軟殻蟹不會太厚粉,而且size都好大,有4-5舊。沙津好新鮮,見到師傅係即切的。雞肝串燒$56串燒燒得岩岩好,仲有好多汁,食落好似食梗鴨肝咁,但如果食唔慣都會覺得幾大陣味。鹿兒島和牛壽司 $170其實見到咁貴都唔係好捨得叫,但係肥仔又好想食和牛…一啖就食落口,牛肉味好重,入口即溶!三文魚帶子卷係open food,廚師發板, 三文魚、帶子配搭特別,幾有口感。芝士年糕$42好SOFT既感覺,外小小脆入面熱熱地又SOFT,唔會好硬實實,幾有芝士味,可以一試!松葉蟹蓋$90我個人最喜歡食呢個!好香濃的蟹糕,入面仲有好多蟹柳絲,仲有小小蟹籽,唔會有腥味,可以放上薄脆口感豐富,最緊要係唔算貴,推介!同肥仔兩個人靜靜地過一個晚上,9月開始忙了。同肥仔兩個人靜靜地過一個晚上,9月開始忙了。 繼續閱讀
(以上食評乃用戶個人意見 , 並不代表OpenRice之觀點。)
等級7 2017-08-04
797 瀏覽
我們靚女美食團一行4人,走到尖東加連威老道希爾頓大廈的日式餐廳 <花月居酒屋> 食飯慶祝我及另一位7月壽星女生日,卻是位置較為隱蔽,若非店子在商場外的招牌指示在中國銀行樓上,我們也會盲摸摸! 店子正是 3D 館對面及日本城隔離!我們 7:00 入座,這裡以日式居酒屋裝潢!舒適優雅!當晚食客不多,只有兩、三枱,環境寧靜!播放日文歌增添氣氛!女店員安排我們到靠牆的一張 4人桌子!我們安坐後,便看看餐牌有什麼適合大家口味?!打開餐牌,供應刺身、卷物、壽司、串燒、一品料理...等。 在尖沙咀區來說,價錢合理!據女店員推介,店子有不少食材由日本新鮮運到! 店員不時為食客添茶水,桌上已備有餐具及濕紙巾,服務相當貼心!除了我之外,她們三位都食刺身,先點刺身作為頭盤!伊佐木刺身 $180、目張刺身 $120、三文魚腩刺身 $75、火灸黑松露帶子 $85 (刺身時價)刺身色澤油潤有光澤,看起來都幾新鮮!帶子煎至半熟狀態,保持其鮮甜味美及鮮嫩口感!菌香濃郁的黑松露提升鮮美!非常惹味!師傅隨心所慾泡製的壽司 $88帶子煎至半熟狀態,保持其鮮甜味美及鮮嫩口感! 表面舖了魚籽,內裡夾雜帶子,入口算是不錯! 另有其他配料!沖繩腸仔 $58沖繩腸仔的外層咬落薄脆,調味亦恰到好處不會重口味!內裡帶有肉汁,奇怪的是配上茄汁及芥末, 其實感覺上不太夾!個人覺得原味已是滋味!胡麻雞翼 $48/ 2隻以一個黑色膠籃盛載,賣相即時變得更有睇頭!雞翼連雞翼尖,香脆惹味!雞肉嫩滑富肉汁,入口不會太油膩!牛肉雜菜鍋 $88  滾熱辣的雜菜鍋,表面鋪滿生牛肉片,以雜菜墊底,湯水入口熱燙甜美!黃芽白吸收湯底精華也變得甜美起來! 剛剛熟的牛肉質感軟嫩,混合生雞蛋,令整體更香滑! 還有晶瑩剔透的摩芋,整個雜菜鍋都好足料!黑松露松葉蟹蓋 $90 送上桌子時,已傳來陣陣蟹香,惹人垂涎!配上鱈魚薄脆,零舍添上獨特的魚香! 薄脆尚算脆!師傅把松葉蟹拆肉加入芝士、黑松露釀入蟹蓋燒熟,黑松露松葉蟹肉混合了雜菌,口感豐富!與鱈魚薄脆同食更是滋味! 繼續閱讀
(以上食評乃用戶個人意見 , 並不代表OpenRice之觀點。)