影片
港鐵尖沙咀/尖東站 H 出口, 步行約2分鐘
繼續閱讀
電話號碼
26383228
營業時間
今日營業
07:00 - 00:00
星期一至日
07:00 - 00:00
公眾假期
07:00 - 00:00
公眾假期前夕
07:00 - 00:00
以上資料只供參考, 請與餐廳確認詳情
【油尖旺區】【花月冰室】喺尖沙咀搵嘢食嘅時間又到喇，今次係喺北京道近彌敦道呢邊，見到呢間感覺開咗唔係好耐時間嘅冰室，諗都唔諗就入咗去。顧客人數唔算多，所以都唔愁冇位。不過好似點都要食晚餐咁，唔知點解係叫唔到常餐、特餐嗰啲，所以我都係叫個「精選晚餐」算。我揀咗 $95 嘅「紐西蘭牛柳配薯菜」，汁就揀咗蒜蓉汁。嗰啲扒就分咗兩塊，望落份量都幾多，都有誠意嘅。不過啲肉質就唔知咩事，好似被人打咗廿拳咁，鬆到好輕易就可以咬開，完全唔似牛肉嘅質感。呢點就令件事觀感差咗，其實其他嘢都做得唔錯㗎。餐湯就要「中湯」，嘢飲就加 $3 要「凍檸茶走甜」，兩者都係正正常常茶餐廳水準。我仲叫咗 $28 嘅「奶油豬仔包」嚟食，都幾好食㗎喎。埋單 $126，只能夠講係尖沙咀嘅價錢啦。餐廳裏面仲放咗凝皓教育挑戰盃嘅海報，曼聯本季含金量最高嘅錦標嚟喎。。。（地址：尖沙咀北京道65-69號環球商業大廈地下A號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #尖東 #尖沙咀 #花月冰室 #紐西蘭牛柳配薯菜 #中湯 #凍檸茶走甜 #奶油豬仔包 #1am1775 #1ambackup
繼續閱讀
小妹去咗尖沙咀iSquare國際廣場，對面竟然見到「花月冰室」茶餐廳🩵今日突然想食港式風味既食物🥘呢度就岩哂～餐廳🍴樓高2層，雖然好多食客，但環境舒適，坐得舒服😌鮮茄滑蛋牛肉飯🍅🐂 🍚呢款鮮茄滑蛋牛肉飯色香味俱全，滑蛋炒得香滑，鮮茄味道酸酸甜甜，當濃郁既番茄與嫩滑既牛肉一齊，絕對完美融合😏送飯一流🥳秘制肉骨茶配白飯🐷🍚呢款肉骨茶帶有鮮濃既肉香，配料十足，加上用上獨特既香味，當食時慢慢滲出濃郁而不苦澀既藥材味道，令人難忘呢種特別濃香，食完呢個餐即時感到暖胃、暖身、暖心🥰荷葉豉汁大膳籠仔飯🦑🍚呢款籠仔荷葉籠仔飯份量不少，而且上枱時非常熱辣辣，飯粒軟硬適中，粒粒分明👍🏻 魷魚及帆立貝亦不少，每口食到鮮甜細滑的味道👅豬扒包🐷🍔包身外脆內軟，一啖咬落去，豬扒嘅碳香同香口醬即時散發，配上極緻酥脆😚飲品🥤紅豆冰🫘熱柚子蜜🔥整體嚟講，價錢唔貴又不需要+1服務，上菜速度快，環境舒適，推薦香港🇭🇰本土茶餐廳🍴
繼續閱讀
茶記粉又出動搵食，間中我都會會心念念想食茶記焗豬扒飯同咖喱牛腩，今日就去咗位於北京道新開冇幾耐嘅「花月冰室」地理位置超方便，人氣滿滿晚市仲要等位，就入去試吓係咪真係咁好食👍▪️鮮茄波蘿焗豬扒飯不負眾望，豬扒夠厚身口感軟腍又入味，鮮茄醬汁調味剛好配合溶化咗嘅拉絲芝士，醬汁包住每一粒炒飯，而且仲有菠蘿，成個飯夠晒開胃▪️馬來咖哩牛筋腩飯咖喱帶有椰奶的香氣味味香辣，牛筋腩肥瘦適中，炆得軟腍又夠味，醬汁配上牛腩和薯仔，撈埋白飯超讚▪️XO醬西蘭花炒斑片小炒亦做得非常唔錯，炒得夠鑊氣，用XO醬爆炒西蘭花和斑片夠晒惹味▪️冰鎮奶茶飲奶茶最鍾意飲冰鎮，唔會俾冰溝淡味道，奶茶香滑茶味濃，而且唔太甜，好飲▪️椰汁紅豆冰店家推介，紅豆夠晒綿蜜入口即化，配合椰汁夠晒正宗，炎炎夏日來一杯就啱晒
繼續閱讀
冰室保留香港地道港式風味呢間位於尖沙咀．每日都吸引不少上班族同遊客全場滿座．以為要等位原來樓上仲有好多卡座餐廳光猛衛生．店員好有效率✨無骨海南雞飯無骨啖啖肉．雞肉好嫩滑沾上三款醬汁各有不同風味✨菠蘿咕嚕肉咕嚕肉炸粉唔會太厚加上酸酸甜甜嘅醬汁．外層依然保持香脆相當出色✨千島醬豬扒包夾著軟腍豬扒．生菜同新鮮蕃茄加上千島醬．香脆足料✨牛油雞中翼炸得金黃香脆係必點嘅小食✨石榴沙冰沙冰打得細膩綿密套餐+$10 巨大杯滲出啖啖香甜石榴味冰凍消暑
繼續閱讀
✨尖沙咀平靚正冰室✨.尖沙咀食野一向唔平，想食好西又唔想駛咁多？不如試下香港本地特色冰室！.呢間位係旺區尖沙咀I square對面好方便，地方光猛闊落，仲有大大卡位坐得舒服😌.晚市都相當抵，$68就可以食到超大碗嘅香辣惹味又足料喇沙配好大塊雞扒😍正常嘅女士係會食唔晒🤣重點仲要好好味👍🏻海南雞飯份量勁多，三款醬汁星馬口味，啖啖肉配油飯正😋 XO醬茄子斑腩煲熱辣辣，大大件斑腩外脆內軟，送飯一流.再飲杯椰汁涼粉紅豆冰，透心涼香港口味，仲有老火湯，三個人$278都食唔哂，份量十足又好味，性價比太高👍🏻
繼續閱讀