17
0
0
| 餐廳: | 花斑茶社 (黃埔天地) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
營業時間
今日營業
12:00 - 21:00
星期一至四
12:00 - 21:00
星期五至六
12:00 - 22:00
星期日
12:00 - 21:00
以上資料只供參考, 請與餐廳確認詳情
相關文章
前日（16-8-2025 Sat）晏晝，同老公即慶去新開嘅新光黃埔戲院睇舊戲，買完飛就到處行，老公話要飲嘢，行完AEON超市後，發現有花班茶社，八吓睇，有$48.00一杯嘅四重開心果奶綠，佢嘅四重係有開心果碎，開心果奶凍，開心果奶綠同開心果醬，一場嚟到，就算幾驚都要買嚟試吓。買完等咗9分鐘至有，賣相同佢個牌一樣，飲落，有開心果味，亦食到唔太煙韌嘅開心果奶凍，成杯味道亦唔太甜又唔膩，舒服嘅。環境：原來買完轉個彎，有小bar枱，可以企喺喥飲。
繼續閱讀
路過花斑茶社見到出左新野就試左杯除咗巨峰烏龍 仲有杯蜂蜜雪梨綠茶啊！花斑茶社今年 \ 出新品喇！/ 今次試咗⭐️巨峰烏龍⭐️ 呢度有無巨峰提子🍇 fans ！！巨峰提子味重！淡淡的甜味伴隨甘香的烏龍茶味！同場點多杯平時最愛飲嘅白桃烏龍加蜂蜜珍珠！呢個超好飲！😍😍 有冇人跟我同樣愛好呢？？！蜂蜜珍珠超有口感！有咬勁！甜甜的！白桃烏龍本來就很清新甘醇！帶點白桃香氣！呢兩樣大家不妨去試吓！👍🏻👍🏻 推薦推薦！
繼續閱讀
花斑茶社嘅岩鹽黑糖厚珍珠鮮奶真係一個不可錯過嘅飲品! 首先，飲品嘅外觀就已經吸引到我，層次分明，黑糖同鮮奶嘅色彩對比好靚。而黑糖嘅香甜配上岩鹽嘅微鹹，味道平衡得幾好，令人一啖接一啖停唔到口。珍珠方面，質地煙韌，咬落去有彈性，絕對唔會過硬，或者溶晒，配合鮮奶更加提升咗整體順滑嘅口感。而且，鮮奶香滑，合併咗黑糖同岩鹽之後，味道更加豐富，絕對係夏日消暑嘅最佳選擇。價錢就都係咁上下。整體而言，花斑茶社嘅岩鹽黑糖厚珍珠鮮奶個人會比五星，無論係味道定口感，都令人滿足，建議大家試下!
繼續閱讀
平時去花班茶舍都係嗌佢地既奶茶配小芋圓🥤但今日黎到熱辣辣就特別想飲啲refreshing啲既茶，所以今日就一反常態試下佢地既冰茶🍵發覺原來都好值得推介，完全可以係夏天夠我一命🤣。🐒葡萄柚冰茶(綠茶)💰$28👉🏻寒天+$5🐒青葡萄烏龍💰$28今次嗌左2款茶，2款都係水果茶黎，因為青葡萄烏龍入面係有果肉，所以我就無再另外加配料，而葡萄柚冰茶就有得揀綠茶或者四季春，因為唔想咁單調所以我就揀左加寒天，好彩都好match，有口感之外好似仲無珍珠咁有罪惡感添🤭如果怕甜既人青葡萄烏龍可以嗌微甜，因為青葡萄本身就會有甜味，估唔到入面既果肉都有幾多🍇夏天推出呢款新產品果然吸引之前我仲試過呢間既芋圓甜品，都真係幾足料🥰特別係芋圓方面都幾大粒，所以中意食甜品既又多一個選擇🙆🏻♀️
繼續閱讀
之前未有時間去銅鑼灣🐨生日應援茶飲店…… 估唔到成個應援轉移咗嚟黃埔，變相小編就到時間過嚟打卡兼支持下 🤗🍹 冬瓜茶 (凍) 😋😋😋😋甜度係固定，小編只係揀咗少冰 🧊 冬瓜茶的確係甜，有少少冬瓜味，唔會封喉，都👌🏻～ 幾啱夏天飲～下午茶 💵 約港幣$30/人💁🏻♀️ 依間分店位於「黃埔船」下層超市Cashier附近～ 如果唔熟路，可能要兜一兜～ 住喺附近嘅hellosss千祈唔好錯過，記得去睇睇，有好大牆Postman Ian嘅牆紙呀！仲有啱飲就幫襯返杯啦～ 🤓🙆🏻♀️ 最後，喜歡嘅話，歡迎follow @foodirectory.hk！
繼續閱讀