花墟茶餐廳

這間舊鋪改咗餐牌！以後供應（1）湯飯（2）煲仔飯雖然大熱天時食煲仔飯好像有點瘋！但我就是喜歡！現在好了！不用次次去九龍城吃了！近近地土瓜灣也有一年四季煲仔飯！味道好嗎？未知道！明天去試！試完再來寫吧！…查看更多

見未有咩人介紹，去食早餐順便影吓佢個早餐餐牌。食咗豬扒米，加火腿煎蛋，餐牌寫可以揀兩款，我想揀煎蛋同炒蛋，不過店員話唔可以咁樣拼，一係煎雙蛋或者炒雙蛋。咁我就揀火腿煎蛋。一時唔記得講自己要太陽蛋，好在隻蛋都唔會太熟。估唔到件多士又烘得得唔錯，係厚多士。奶茶幾好飲，夠香濃，叫咗少奶，啱我口味。原本見到佢係半透明呢種米粉幾開心，諗住好好食，可惜佢個米粉一啲都唔滑，食咗幾啖就唔係好想食。同其他舖頭嘅半透明米粉唔同質地，可能供應商唔同，呢碗米粉有啲扣分。星期六朝頭早呢間茶餐廳勁好生意，幾乎全場滿座。服務正正常常，都幾好。…查看更多

偶然見到呢間茶餐廳，門口泊到車，就入去食個下午茶。六點前都仲有下午茶餐。炸雞髀沙律，啲沙律就比較多沙律醬，感覺好高卡路里，唔係我杯茶。不過朋友話隻炸雞髀幾好食，夠味。我自己就食豬扒包，有洋蔥蕃茄同青瓜做配料，入面有牛油同埋千島醬，如果下次再嚟食，一定要記得叫佢走牛油同埋走醬。當然有牛油同醬就會惹味啲。奶茶幾有水準，夠香濃同滑。間茶餐廳應該係新開，好光猛同乾淨，連啲餐牌都好乾淨。希望佢可以保持乾淨同埋水準。兩個茶餐70幾蚊，抵食。…查看更多

在最近新開的花墟茶餐廳用餐，整體體驗令人失望。首先，牛柳的質地非常韌，咀嚼起來相當費力。白飯的口感也不佳，煮得過硬，缺乏應有的鬆軟感。招牌炒飯更是讓人失望，完全沒有味道，讓人無法享受。湯品同樣平淡無味，似乎只是簡單的水煮而成。至於凍檸茶，酸度過高，讓人感到不適，難以喝下。最後，糖水的質量更是讓人堪憂，感覺就像是稀釋過的水，完全沒有甜品的應有風味。這次的用餐經歷讓我對花墟茶餐廳感到失望，希望他們能在品質上有所提升。…查看更多

幾十年無去土瓜灣，做完野搵午餐食，哩間門面幾新淨，門口餐牌價錢同款式都合適，咪試下星期日1點左右坐左8,9成客，OK啦！服務(4分)- 入門口對對所有客人有禮貌- 冷氣滴水都有提客人小心。- 每天有不同午餐環境(3分)- 光猛乾淨衛生(3分)-正常味道(4分)叫左兩個午餐-葡汁雞球飯($54)3分  — 葡汁幾香，如果多d椰汁就仲好  — 雞同配菜分量真系幾多，  — 雞如果準備功夫好d,做得滑d 就摟到高分。   — 配菜洋蔥比較生同硬，吾同分開做？鼓汁南瓜蒸排骨($55)4分— 鼓汁有小辣，但幾香— 排骨好滑例湯(5分)— 系青蘿蔔豬骨湯，真系煲得好甜咖啡(4分)— 幾香…查看更多

今日走倦了，沒有吃午飯，肚子感覺有點空虛。來到土瓜灣，過馬路時看到有間裝潢不錯的茶餐廳，便進去吃點東西。小時候最喜歡吃的西多士，面包厚厚，內有厚層花生醬，外面塗上雞蛋，鮮炸出來，樣子就非常吸引，加入糖醬和牛油，便是惡魔型的鮮造西多士，新鮮美味。雖然沒有吃午飯的我，吃這份量仿似不足夠。但是，這花生醬，面包、糖醬和牛油的組合，足夠給你一整天的能量。這能量能令人有不止於體能的補充，還有美味食物的吸收，十分豐富。…查看更多

住附近第一次食這間，食物味道一般，堂食同時再叫一份外賣常餐，竟然收3蚊外賣費，差不多等如加一，現在嘅茶餐廳剩係收外賣包裝費都好好賺。好彩我無叫3份外賣攞走，無下次，不推薦，附近大把好選擇。…查看更多

特登嚟試早餐，叫左沙牛餐同丁麵餐，食物可以，我食嘢比較快，老婆仲食緊，收銀姐收我碟當然ok，但連2杯水都收埋，我對面嗰pair人啲水就冇收，想趕我走？未試過食嘢俾人收水，感覺極差，唔會再幫襯。…查看更多

首先，呢間花墟茶餐廳內每部冷氣機都不停滴水，只要座位上有冷氣機，枱面上嘅食物都會被冷氣機水污染，衛生環境欠佳。另外，員工態度十分惡劣，直頭趕客。當時我地兩個人坐卡位，其實後面枱都係二人坐一張卡位，餐廳內亦有其他空位，不是滿座。餐廳員工不停要我地坐埋一邊，繁忙時間需要客人坐埋一邊要搭枱，我哋係十分理解，但當時係有其他空位架喎，同埋後面枱都係二人坐一張卡位，點解一定要我地坐埋一邊呢？同埋如果當時係滿座，有客人需要搭枱嘅話，我地一定會坐埋一邊讓位置出黎比人坐。然後下一秒，我地就聽到店內員工不停同其他伙記講「一陣一有客黎，就要啲客坐呢張枱！」，指明要帶其他客坐我地呢張枱，而當時餐廳內係有其他空位，即是佢地非要其他客人坐落黎我地張枱到搭枱不可，亦唔比剛進來嘅客人選擇自己想坐嘅位，簡直不知所謂，我完全不能理解為何要強逼客人坐你安排的位置，仲要受你氣。此外，食物價錢亦貴得不合理，常餐仲貴過澳牛，但起碼澳牛食物有返咁上下質素，對客人態度亦友好，呢間餐廳食物直頭冇質素可言。總括黎講，呢間餐廳完全唔識做生意，趕客到不得了，啲態度好似你每枱客都阻住佢做生意咁，希望大家黎到呢間野唔洗受氣。…查看更多

多數茶餐廳都會喺夜晚提供小炒甚至鐵板餐，不過呢間就只有碟頭飯，而且係每日精選，即係未必日日都有星洲炒米嗰啲🙈呢日咁啱有芝士咖喱豬扒焗飯($55)，好耐冇食港式咖喱所以就入去試試🤓隨餐附送熱飲同是日靚湯，不過真係超級咸，唔建議大家要😂滿滿嘅芝士真係令人食慾大增，雖然未至於爆漿嗰種，但絕對比連鎖店慷慨，足夠比你過吓癮，如果焗燶啲就再正啲😋豬扒唔係用粉漿炸嗰款，應該係純粹沾少少粉就攞去油炸，所以唔會有一層淋咗嘅粉皮喺面頭，仲有脆脆嘅肥膏😝雖然唔算超厚，但食落唔覺用咗好多梳打粉，亦都唔係好乾好柴，所以都已經唔錯👍🏻意粉亦都冇太淋或者發脹曬嘅問題，份量頗多，再加埋面頭有啲薯仔粒(應該有煎過表面所以口感幾好)，食完真係飽到上心口😆啲咖喱偏向日式，即係冇咁香辣同濃味，但整體嚟講都幾抵食幾唔錯😉…查看更多

土瓜灣找一間普通的餐廳午膳真的有些難，一來中午學校學生和寫字樓員工都同一時間放飯，其次是食店都比較細間，好多都爆場+食飯壓力，要快快脆吃完走人。今天由木廠街那邊來到另一邊先找到一間外觀正常的茶餐廳。價錢正常，味道正常。除了多人之外，出奇地多人點咖喱牛筋腩飯。當然我都是點咖喱牛筋腩飯啦，飯的份量有點少，薯仔切得有點碎，沒有棉的口感。筋腩是普遍的筋還筋，腩還腩。最不喜歡是這裡太多客人，吃完就要好快走，午餐都是想休息下，舒服坐一坐。但這食店不用考慮…查看更多