花園餐廳 (旺角) (已結業)

花園由細食到大，由佢有雪糕食到無雪糕，每間分店價錢基本上一樣，但質素就可以有好大差別。今日嚟到旺角呢間上樓嘅花園，架電梯壞咗真係好影響，行嗰條樓梯行到喘氣。呢間花園我會叫佢做旗艦店，食開嘅朋友就一定會知，呢間花園廣闊嘅程度係眾多分店之中算出眾。今日叫咗份西冷同牛柳，呢度嘅扒相當大塊，扒嘅牛味亦都比其他花園濃厚，肉質就唔會話韌。由於佢無咗晚餐嘅扒餐，所以直接叫Standard 扒。價錢大約係咁今次想特別嘉許呢位粉紅色嘅店員（唔知是否店長定老闆），佢嘅效率同服務質素非常之好，禮貌嘅程度拍得住日本掬晒弓，所以對佢由其深刻，基本上個大堂都係由佢支撐。

呢間嘢質素每況愈下，加一服務費就識收，無服務不特只仲西口西面態度極差。個炸豬扒等咗半個鐘先上，佢夠膽死俾件翻叮嘅濕豬扒我。恭喜你娘 塊"炸"豬扒係濕㗎！啲雞皮上到枱係已經爛咗！我係叫炸豬扒喎，唔撚係翻叮豬扒喎，等咗半個鐘你俾啲咁嘅嘢我？。係咁二都咬咗一舊發現係凍嘅。即係點？半個鐘，其實連叮都無叮過？恭喜你娘當食客係乜？真係貼錢買難受。衛生好差，廁所陣味傳到成間餐廳都係。呢間垃圾唔執7咗佢真係無天理。講真，個場咁靜唔係無理由。

今日下午係旺角鼓油街間花園餐廳食嘢，超激氣！平時我都有去其他花園餐廳食西冷排都唔算差。今次真係要寫下佢差評！😡冇諗過佢可以煮得咁難食，塊牛排落得太多鬆肉粉唔講，口感超級冧，仲有好大陣好霉嘅味，一路食一路嘔番出嚟，最後半塊真係難食到食唔到，只可以掉咗佢。仲有隻黑椒汁太甜，食到糖尿都有，唯一可以食嘅薯菜味精味都超重！🫠難食！我杯凍檸茶叫左走甜少冰，一上枱已經少左三分之一，見佢咁難食，都費事叫佢加番。😑行入門口仲要俾個收銀阿姐😒西口西面，唔該我係嚟食嘢，唔係嚟受氣架。咁嘅食物質素、服務態度，真心希望你可以做得住。最後一句，旺角鼓油街花園餐廳，冇下次了，88！PS 番到屋企仲要攬肚痛

你仲記唔記得花園餐廳嘅港式鐵板牛扒，大大塊嘅牛扒，底層有薯菜墊住，配上佢哋嘅黑椒汁或蒜蓉汁，大大塊都只係$75蚊，仲有餐包、餐湯同埋嘢飲配送👍🏻🤤其實《花園餐廳》1963年開鋪，原來今已經有年歷史，係香港牛扒茶餐廳，經歷過沙士，金融風暴，疫情等等仍然屹立不倒，同時都陪伴住唔少香港人成長嘅餐廳😂而家喺香港要食到鐵板牛扒都唔多😶每一次去食我都會叫一份鐵板肉眼牛扒，食嘅唔單止係佢嘅味道，仲有個懷舊感，同時都係食緊個一啖一啖大大啖肉嘅感覺，其實都幾紓壓😂🥩⭐️鐵板肉眼牛扒 💰$75

早排去太子嘅花園, 好鬼污糟, 即時打入 Black List, 永不超生, 阿彌陀佛 🙏🙏🙏原來係豉油街開咗間分店, 哩間分店樓底又高空間闊落, 舒服得多! 同太子比簡直天堂同地獄.點咗分A級肉眼, 女友小熊點咗西冷, 同樣七成熟, 同樣都要黑椒汁.白湯超濃郁而羅宋湯內竟然有大大件牛腩, 係平生飲羅宋湯食過最大件, 驚喜.之後兩份鐵板上枱, 久未聽過嘅 "咋咋" 聲又再出現, 鐵板一定熱到辣手, 就算唔好食, 都先聲奪人啦! 伴碟唔係三色豆係椰菜, 對於我哩D三色豆粉絲當然失望, 但原來三色豆勁多網民唔中意, 列為十大難入口食品! 唉..... 咁無計啦, 餐廳順應民意吧......小熊果塊西冷肉質較實, 但我果塊肉眼就超鬆軟, 兩塊扒份量足無偷工減料, 滿意!雖然黑椒汁嘅累椒味唔強但味道帶甜夾自己口味.唯一不滿意係樓底太高, 冷氣不足.

豉油街花園餐廳、正宗香港鼓油西餐，抵食又好食⋯每次嚟都有一分懷舊感覺，今日叫咗黑椒牛柳餐，5成熟凍飲加$2，承唯$146⋯牛柳雖然係用鬆肉粉醃制，但呢個正係豉油西餐嘅特別之處，牛柳都几重牛味，配合黑椒汁，整個靈魂出曬嚟，一個字正！

今次已經係第二次嚟呢一間花園餐廳， 同上次一樣都係叫鐵板餐，但今次冇食牛扒 大大份嘅鐵板羊扒餐都只係大概百四蚊！ 汁另上所以薯條都可以食埋 佢哋嘅羅宋湯亦比想像好，唔太酸。 值得推介

其實係咁嘅本身我同男朋友要去食樓上一鍋堂打邊爐放題，但係不幸地過左我地嘅排隊number，但係真係好肚餓所以男朋友話不如去樓下個花園餐廳食鋸扒啦一落到去，好少人都唔緊要可能真係仲係早7:50分左右啦行！唔係好多人咁開始叫野食啦！我叫左特色海陸空三拼（有肉眼扒，香草燒乳鴿半隻，南中國大虎蝦）而我男朋友就叫左西冷牛扒（ 四成熟）本身個湯係紅湯（羅宋湯），但真係太淡好似飲水咁我地揾左經理去處理番，咁職員之後換左個白湯俾番我哋飲但係真係好似飲緊水咁之後野食嚟啦！我男朋友個西冷牛扒（四成熟）到左先啦！佢一開個肉全部都係根，好難切開，食左一半已經係冇食最後都有同番個經理反映出個問題，而個經理話試左個湯真係有啲淡，好似飲水咁最後食左$228⋯⋯今次係第一次去食，都係最後一次去食……

鐵板蝴蝶型肉眼牛扒 $128大蝦皇拼大雞扒 $123味道始終如一,多年無變過,就算隔左一個時代再品嚐,回憶味道中一樣唔係頂級牛扒,但做出黎個感覺食左咁多年都唔錯燒至紅紅火熱既鐵板,放上大量薯條,水煮蔬菜墊底,上層放著一隻超大虎蝦,一大片雞扒上菜時在你面前倒黑椒汁,即時煙汁四起,最經典當然就係叫你拎張紙巾擋醬汁啦牛扒5成熟,影完相再食都仍然好嫩滑有肉汁,牛扒厚切,肉味夠濃郁,加埋極香既黑椒汁最對味雞扒厚而大片,上菜時已熟,唔洗擔心唔夠熟,蝦肉爽甜大隻,味道有香蒜提味,燒肉配蝦肉唔會太搶味雞扒肉厚出奇地唔柴,剛好熟,食落仍夠嫩滑平均消費$150旺角豉油街104號XX Arcade東翼1樓評分7/10

約朋友到旺角交收，講起好耐無食鐵板餐，咁不如就去花園餐廳食港式鐵板餐啦。呢間分店應該算新，裝修好新淨，坐得舒服。望見餐牌，好似樣樣都想食，咁……一係就唔食，一係就唔好諗，決定食個鐵板雜排餐…… 有牛排，豬排，雞排，雞翼，煙肉，火腿各一，仲有薯條。當然仲有餐包，湯，和飲品……個餐嚟到…… 真係嚇親人，好似玩層層疊，都唔知應該由邊度開始🤣🤣🤣最後我地由旺角行咗兩個站去佐敦搭車 (幻想可以消耗少少卡路里)…… 真係攬住個大肚腩返屋企。

miss the classic hk style steak !! Such tender meat with lots of red juice oozing out of the steak. Nothing to compare with such price, although needs abit of queue waiting. Also had a pork knuckle with such nice sour sauce, also big portion which is unbeatable.

男朋友好中意食呢間鋸扒，今次帶埋我屋企人去食，叫左個西冷6成熟同5成熟，個人認為6成好食啲因為熟得黎又唔會太韌，全部套餐連餐飲，西冷扒大塊到嚇親我，我真係第一次見，厚到一個點，有蒜蓉汁同黑椒汁比你選擇，脷伸覺得黑椒汁好食啲😂配菜仲有大量薯條比你食，真係飽到上心口，我自己就食清啲揀左鐵板燒龍脷柳，同樣好大塊而且2款汁揀，佢炸完先放上鐵板出餐，所以可以食多層炸脆既口感，餐廳職員態度就真係麻麻地，但當普通茶記唔好咁高期望，係啲扒真係好食😂😂

缺點：1.個紅湯冇味又油2.鐵板太熱令到d肉好老，薯條都變炭3. Waiter 冇問我就幫我淋左汁4. 水都冇杯5. 個肉冇荃灣個間咁好食6. 個餐包好散優點:1. D位幾好坐2. 星期日去個場都好吉，所以一定有位3. 飽肚

久違的花園餐廳 第一次喺開飯呢度寫晚餐食平梗係要去呢一間花園餐廳 ，佢自從搬咗喺隔離街之後第一次上嚟一上到嚟裝修好新淨比以前嗰間啲座位闊落好多，食過好多次花園餐廳次次都係食牛扒雜扒第一次叫豬手，等咗十分鐘豬手終於到非常大隻，我一個人竟然食唔曬最後食淨少少不過都係做到外脆內嫩嘅，我諗應該係新嘅菜式以前呢都唔見有豬手呢樣嘢所以佢都算係有進步。還可以~

第一次來這間花園餐廳，沒想過花園餐的服務態度會如此差劣，不單止是一個侍應生，對待客人的態度和語氣非常卑劣，在這疫情下有人惠顧不是應該要好好珍惜嗎？為何好像趕客似的！