花園酒家

營業中

休息中

住附近專登搭2個站黎試下呢間飲下茶，點知一吐氣，見酒樓有卡位，有4位枱及大枱，我地已講揀唔搭枱位會等一陣，一路企係門口位置等，個經理大叔有用通訊咪同職員講2位唔搭枱，冇，叫我地等下，咁我地都願意企係佢面前等，一路都有人入黎問有冇位，而咁啱終於見到卡位有位，我地等職員執完枱諗住俾我哋入坐。。。點知啱啱有2個女仔入黎話2位，另一位大叔職員即叫佢地坐呢張卡位，真係當我地冇到太過份了吧。。。我地有講我地黎先，個位大叔就即請：我安排俾佢地坐既！。。。嘩。。。咁都得！！而之前叫我地企係度等個位大叔即刻走左入去唔理。。。一句講晒，垃圾，冇安排，冇禮貌，冇規矩！！嬲到即走

夜晚8点打去上址問收幾点，收银員說10点截单收11点，咪照去食，去到915,店员话10点截单收1030都算谂住冇下次，点知未到10点，点菜五到1010分关冷氣，鎖雪櫃，仲要嘈一輪至開返d野比你食埋走，仲食得落咩，呢间铺迟早听执，食物質素差，员工，服务差,态度差,放幾張好睇小小嘅相就呃左五少人去幫襯，仲好意思開門做生意，打工嘅大過客人，如果一早講1030要关門，10点要鎖雪櫃，关冷氣就五會坐低比錢受氣囉

11:28下單，等到11:45來了尖椒/豬手/蓮藕餅，問了侍應一句粉麵和河粉情況，女侍應罵返轉頭，一說「邊有即叫即到」，二說「自己睇單啦，咪落左單囉！」態度不敢恭維。12:00還是未有，先叫一咸肉粽，又被侍應說「未必有架」，無奈老人家肚餓，我們尷尬地說先落單再說。其間該位女侍應多次經過我們身邊，每次自言自語都說「邊有可能即叫即到」，「D客真係有問題」等，可是老人家在此，不想與她計較，才沒即場投訴。12:24才到齊食物。雖然貴店是街坊生意，亦不愁少我一客人，我亦明白現在招聘困難，打工人心中有氣是正常，但亦不應以客人來發洩，雖然不會再光臨，但是亦想提醒各位到場客人仔細考慮是否要受此氣。謝謝你的閱讀。

好少嚟到葵涌葵興呢啲地方... 過嚟探望朋友梗係朋友話事啦... 揀咗呢一間酒家打邊爐講下 環境先啦雖然冇相片， 環境好大嘅 我諗可以放到三四十圍， 餐桌之間嘅距離都幾大 有啲空間感，叫2左位位188既餐食火鍋既， 應該係話雞煲加湯咁套餐裏面呢每人有半隻乳鴿 一隻雞煲 跟住就喺張紙張入面呢 簡應該係八樣嘢 有豬潤滑牛肉 肥牛肉 龍躉魚片 鮑魚扇貝 魚蛋生菜娃娃菜係咁上下嘢啦 平平無奇喇 飲品啤酒汽水佢係便宜 全部都係十蚊三罐 值得表揚嘅就係個冷氣夠凍 冷氣真係好涼爽 食物方面就 龍躉魚片 比較優勝！ 份量都可以嘅我哋五個人總括嚟講呢 非常非常普通 冇乜 讚賞同批評睇相片最實際

本來想去龍皇酒樓飲茶點知佢開11:30分之後行返過去想去茗苑啊！又點知佢執立了，無辦法再加末試過間花園酒家就去下呀！試過之後真是冇下次，!真是唔好去花園酒樓食野，地方污蔑不特止，個包梅過頭棉花，坐唔夠半小時已經有三四隻小蚊蟲飛來，痴線!但佢碗皮蛋叟肉粥多肉都0K呀！但一路食一路小心翼翼睇下有冇小昆蟲在碗粥裡面

以前火鍋任食，現在改為套餐形式，分別係$188、$288、$388，分別在於固定的三款海鮮有所不同，其他選擇一樣！👩🏻🧑🏻‍🦱是晚二人揀咗$188套餐，沒有全部影相，但是多到食唔曬！🐦落完單，首先每人送半隻乳鴿🍲形式二選一，可以選擇湯底打邊爐，或者雞煲食完打邊爐，食完雞就搵人倒湯底即可.🦐海鮮只是影咗一張，太肚餓沒有影其他，鮑魚上台仲郁緊🤦🏼‍♀️ 太新鮮了🍢其實我覺得個份量係比張單要多，我地都食唔曬🥤🍻酒水一律$10罐.🧂外面有醬料自己溝，都係普通蔥🧄🌶️果幾味.埋單二人$409，我地加咗三罐汽水，照計應該$30，188x2+30=406，我計唔到條數😩，如果計埋茶位冇理由只是加3蚊，加一就更加唔止🤯🤯🤯 唔理果3蚊，埋單走人，反正都好抵食，冇限時，我地食咗2個鐘多d，任坐，比期出面趕頭趕命划算😁P.S 正如眾多網友所講，侍應態度麻麻，好似嗰個都爭佢錢咁😅 不過我落完單自己食自己，唔叫佢地就冇事🤣🤣

如果唔系就返個老人家近近地食，絕對絕對唔會去呢間，上菜慢，野食凍既，問要醬料咩都冇……甘大間茶樓得辣椒醬？d菜苗餃蒸到爛晒既，牛肉球重生既，重要唔平咯…越做越衰，d枱布又殘又舊，叫個阿姐落單，應左睇到都重要行晒成个場先走黎你張枱，然后最過份竟然漏單，等左半個鐘先發現……好野，我再落單冇人理，拖到冇左早茶優惠，都算，落單我怕又漏單自己行去前台落單，然后等足20分鐘先上个腸粉，10分鐘后再一个牛肉，10分鐘再黎個餃，蒸飯竟然系埋單先黎………冇得頂。重知就谷狗氣。冇下次。

繼上次8月的海鮮大餐後，我們一眾舊同學再次到同一家酒樓吃一頓豪華海鮮盛宴一起敘舊。是次跟上次品嚐的大同小異，同是點了一份一打人份量的套餐，當中包括鮑魚乳豬龍蝦的貴價菜式，選材匠心獨運。是次最「蝦」的菜式是垂涎三尺的波士頓龍蝦，實際上不是一隻真的龍蝦。它是以新鮮即日空運的海鮮加工再切成粒狀，蝦肉配粗麵一起進食跟一團海棉般彈性。 除了上述的一道豪華特色菜，還有沙巴龍躉及花苦南非鮑魚作配襯。可是前者的肉質及魚皮有點粗糙及魚骨過多，有欠新鮮及熱度，品質有待改善; 後者大如手掌般的南非青邊鮑魚配合鮑魚汁及花苦壓榨的汁液而成的芡汁，更能突出前者主角的原汁原味，口感跟其他本地及日本生產的更爽口及煙韌。還有西蘭花帶子花枝片及金絲百花蝦球兩道小食。前者的帶子即帆立貝來自日本北海道新鮮鹹海水，肉質大如一隻手掌般沒有急凍過即炒。肉身肥厚，味道鮮爽香甜，海水味沒有流失。花枝片肉質雖較硬身及厚切，口感跟螺肉及蚌片嚼勁，彷彿一條扯不斷的橡皮圈。 後者則挑選即時新鮮手打的蝦肉十足，再塗上炸粉漿滾油速炸，蝦膠跟一團果凍般彈性。特別之處是外觀跟其他炸物與眾不同，把春卷皮炸得跟一條頭髮絲般幼細鬆脆，是一門高難度的挑戰，非

態度差到一個點，話説同家人去飲下午茶，準備埋單之際，竟然仲有嘢食黎，然後我哋檢查過我哋叫嘅嘢食已經到齊，所以就同姐姐講應該系上錯菜，然後佢口噏噏一輪，內容大概系「自己叫左咩都唔知嘅咩，我乜都唔知㗎，張單寫係你哋就你哋㗎啦⋯⋯」咁我哋梗係唔睬佢啦，堅持話真係唔係我哋，我哋食完好耐已經準備埋單，然後姐姐攞走左大概5分鐘，帶咗個着住西裝疑似經理嘅姐姐過嚟，夾硬將碟菜放喺我哋枱面，話張單寫住係我哋就係我哋，完全勁無奈，我哋同佢解釋我哋真係冇叫過，係咪人哋寫錯枱號等等⋯⋯佢竟然開始發惡鬧我地，一路走就一路鬧，完全不能理解，然後我搵另外一個經理話唔想再爭拗落去，你比員工號碼或者名我，我直接打去你公司投訴，然後佢竟然話冇呢樣野完全係無賴

久不久都會來這裡午膳, 今日有朋友來找我飲茶, 近近地就來了我地兩個人, 但友人瘋狂地落 ORDER, 叫左3-4人份量!上菜都好快, 即使 LUNCH 一個鐘都夠食逐樣講下啦, 燒賣彈牙, 足料牛肚都好大碟, 爽口果菜餃皮夠薄但就好濕身, 食完筷子痴滿左皮碎!腸粉非常滑身!瑤柱蛋白炒飯好清淡, 很不錯酸甜骨味亦很 BALANCE, 吾會偏甜或酸, 滿意的一餐哦! 都係如同其他酒樓一隸, 侍應不太夠

這間街坊酒樓係我另一飯堂, 因為在天橋上, 樓梯都不用行, 唯然感覺有點舊, 但地方大, 分左右兩邊大廳, 有卡位, 又有房間, LUNCH HOUR 都不用擔心無位!朋友半日安, 專程來找我飲茶, 呢度燒賣同蚸餃都有兩粒裝, 好適合二人前, 蚸餃皮夠薄, 雖然賣相吾太好看! 燒賣啖啖肉, 口感一流!排骨都幾大碟, 最好係吾會成碟都係肥肉, 很瘦!雞扎最抵, 因為份量大, 連碟都裝吾哂甘款, 蒸得剛剛好! 呢碗乳鴿跟面好抵, 齋叫乳鴿$43, 要埋面就$48, 雖然乳鴿有點細, 但很喜歡食脆口東西!!

每個星期日都會同屋企人飲茶 附近酒樓都試過晒 花園酒家嘢食水準高同埋坐得最舒服 帶埋老人家黎都唔怕 所以我就變咗常客 10點半前落單會有早市優惠 早起的鳥兒有平點心吃 我最鐘意食有蝦既點心 蝦腸 蝦餃 菠菜鮮蝦餃 佢既粥都好好味 唔會食完好口渴 又夠綿 通常都叫皮蛋瘦肉粥 皮蛋令到成碗粥都好香 仲有必點既流沙奶黃包 好多時自稱流沙既都唔流心既 但呢到每次叫都係會流心既 仲要非常流 所以食既時候要小心辣咀 同埋小心食到成手都係 婆婆好鐘意食花園既豬腳薑 每次黎都一定會嗌 仲要飲晒啲醋 佢真係好誇張 哈哈 薑 雞蛋同豬手 疊到高過隻碗 如果鐘意食既不妨試下啊

點心一般，不推介流沙包及煎堆。流沙咬開可以見到油及黃色的餡料分離，可以倒出一口油，而且沙糖未完全溶化，口感差，加上有一股香料味，很難食。 而煎堆則炸過火，外層很硬及干。

新正頭祝大家新年快樂，心想事成，財源廣進，萬事勝意，成極都唔肥。年初一去老人院探公公，去之前就要食個晏先。 附近都無乜野開，只好去茶樓。 約左其他親戚一點九響老人院樓下等，所以要快手啲食，叫兩碟飯同兩味點心。燒鵝飯，佢竟然俾個脾位我， 皮薄且咬落香脆。油份唔太多(脂肪少)一，鵝肉嫩，啖啖肉，啲飯無乜醬油，啲飯都因為啲鵝肉滴落飯中都夠味，唔會好dry 咁。另外，daddy 叫左燒肉飯，燒肉外皮超脆，唔太咸，肉又唔實。潮州粉粿，我無食到～黃金煎堆， 食完兩碟飯，個煎堆仲暖笠笠脹卜卜，芝麻很香口，蓮蓉響煎堆裏面，有啲過甜。食過煎堆，金銀滿屋，希望係真啦！2碟飯2個點心一共$190,貴唔貴，見仁見智，新年吖嘛～

上菜又亂又慢，到出餸時明顯因為追求快速而放棄質素，由本身冇期望變到食完絕對失望，永不錄用。原本都唔寫食評既習慣，但係今次實在睇唔眼佢既食物質素同服務。當晚仲有其他客人遇上相同問題。