26
4
1
港鐵藍田站 B 出口, 步行約1分鐘 繼續閱讀
電話號碼
65286855
營業時間
今日營業
12:00 - 22:00
星期一
全日休息
星期二至日
12:00 - 22:00
付款方式
AlipayHK 支付寶 現金
其他資料
當面支付
食評 (44)
等級2 2021-07-12
41 瀏覽
好鍾意食呢度嘅壽司,全部都即叫即做!最鍾意食燒玉子,沙律醬同蛋嘅味道好夾,再加上炙燒之後,熱辣辣口感非常好,好惹味。三文魚手卷嘅份量好足,三文魚好新鮮,食到落尾仲會食到三文魚。一個字,正! 繼續閱讀
(以上食評乃用戶個人意見 , 並不代表OpenRice之觀點。)
等級1 2021-06-13
98 瀏覽
今日經deliveroo叫外賣,黎到壽司唔夠凍,要再雪一陣先食到。同埋唔明點解將熱嘅燒玉子同壽司放埋同一個盒,搞到壽司熱左啲飯唔好食,感覺壽司唔新鮮唔會再幫襯了 繼續閱讀
(以上食評乃用戶個人意見 , 並不代表OpenRice之觀點。)
等級3 2021-05-04
466 瀏覽
佢地嘅特色係係sushi/卷物上加上芝士、秘製將醬(大概係好像再加少少辣辣地嘅味道)第一次食會覺得幾特別,食多幾次就會發現明明食緊唔同嘅嘢都係一樣嘅味道。所以我都會提醒自己嚟呢度唔係食傳統壽司嘅鮮甜味道,而係食下佢個秘製醬過吓癮好似呢份加州卷咁,份量唔算,個材料同平時嘅加州卷亦係一樣,但係佢買成$25 ,真係食佢個芝士同埋醬嘅味道咋。 繼續閱讀
(以上食評乃用戶個人意見 , 並不代表OpenRice之觀點。)
等級3 2021-02-14
936 瀏覽
前牌去藍田,發現匯景多咗好多新嘅小食店。見到呢間壽司舖有好多人排隊,又要試吓。我叫咗個手三文魚手卷,三文魚嘅份量都唔少。仲有淡淡的油香。另外我仲叫咗個冷麵,係雞絲冷麵,十幾$20超級抵食。除此之外,我覺得玉子壽司都唔錯,佢嘅蛋味好香濃,甜甜地好好味! 繼續閱讀
(以上食評乃用戶個人意見 , 並不代表OpenRice之觀點。)
等級1 2021-02-11
657 瀏覽
眾所周知匯景商場有兩間壽司店,呢一間係相對地新開嘅,之前行過幾次都見到佢,但一直冇機會試,大年三十親佢收爐前去幫襯試下,呢間嘢主打火炙芝士,個人最愛芝士咁就諗住應該冇死啦,可惜同期望差太遠。先講火炙芝士三文魚刺身20蚊兩件,睇價錢其實算抵,不過都真係幾細件,兩件加埋大細大約一包tempo紙巾啦,做法係喺三文魚中間開窿塞咗嚿芝士落去,但係一食入口成口都係燶味,三樣嘢食完全唔夾,燶味+好水嘅三文魚味+芝士嘅鹹味,魚生嘅質素先唔作評論啦,最嚴重係入口到吞落肚完全得燶味之外我乜味都食唔到,仲要兩件都係咁。之後係火炙芝士三文魚腩刺身24蚊兩件,大細就畀芝士三文魚刺身大少少咁,一樣係中間開窿塞一嚿芝士落去,今次好啲啦完全冇燶味嘅問題,但同樣都冇三文魚腩嘅味道,好似食緊白水煮魚咁打邊爐嗰隻但冇湯底,完全冇三文魚腩嗰種油香,爭鮮嘅三文魚腩壽司都好過佢,我食完第一件之後將第二件入面嘅芝士挑出嚟食就算,件魚我冇掂過。再嚟汁燒厚燒玉子同汁燒芝士厚燒玉子,招牌菜10蚊件同15蚊件,做法係喺玉子中間切開,然後加料入去上面落醬汁然後火炙,賣相靚香味都夠,但食咗第一啖之後就覺得好膩,之後就越食個汁就越鹹,兩款都係咁,雖然玉子整得好香好嫩,但個醬汁完全破壞咗佢,個人認為純粹係醬汁配搭上唔得,因為佢個玉子本身個味已經好足夠,甚至可以話好好食,又夠香甜同時有啲鹹香味,可惜。最後係芝C三文魚卷27蚊四件,size睇相,同普通卷物一樣做法,但係就同佢畀出嚟嘅相同實物真係差好遠,menu上面嘅三文魚係大舊啲嘅,但係我食嘅呢份呢,中間全部都係青瓜,得三分一係三文魚,然後再睇下我啱啱所講嘅size,你就知道其實有幾咁少,舊飯上面係一塊火炙芝士,燒得確實係幾香嘅,同埋味道上係我呢一張單入面所有嘢食中,配合得最好嘅。講真食完之後有啲失望,食材上嘅配搭其實冇錯,但係做出嚟就係唔好食,可能係佢今次嘅入貨質素比較差,火炙三文魚又燶又好水,三文魚腩冇油香味,醬汁都比較重口味,10件壽司用咗96蚊,講真我覺得好唔抵食返爭鮮算數。 繼續閱讀
(以上食評乃用戶個人意見 , 並不代表OpenRice之觀點。)